1 ಥೆಸಲೊನೀಕ 4:17 - ಕೊಡವ ಬೈಬಲ್

¹⁷ ಅದಾನ ಪಿಂಞ ಬದ್‍ಕಿಯಂಡ್ ಉಳ್ಳ ನಂಗಳು, ಅಯಿಂಗಡ ಕೂಡೆ ಒಟ್ಟ್ ಕೂಡಿತ್, ಗಾಳಿಲ್ ಮೋಡತ್‍ಲ್ ಉಳ್ಳ ಒಡೆಯನ ಕಾಂಬಕಾಯಿತ್ ಕೊಡಿಕ್ ಪೋಪ. ಇನ್ನನೆ ನಂಗ ಒಡೆಯಂಡ ಕೂಡೆ ಎಕ್ಕಾಲು ಇಪ್ಪಕಾಪ.

1 ಥೆಸಲೊನೀಕ 4:17 ပူးပေါင်းရင်းမြစ်များ

ಮತ್ತಾಯ 26:64

ಅದ್ಂಗ್ ಯೇಸು: ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ. ಇಂಞು ಮಿಂಞಕ್ ಮನುಷ್ಯಕುಮಾರ ಸರ್ವ ಶಕ್ತಿಯುಳ್ಳಂವೊಂಡ ಬಲ್‌ತೆ ಬರಿಲ್ ಅಳ್‌ತಿತ್, ಬಾನತ್‍ರ ಮೋಡತ್‍ಲ್ ಬಪ್ಪದ್‍ನ ನಿಂಗೆಲ್ಲಾರು ಕಾಂಬಿರಾಂದ್ ಎಣ್ಣ್‌ಚಿ.

ಮಾರ್ಕ 14:62

ಅದ್ಂಗ್ ಯೇಸು: ಅಕ್ಕು, ನಾನ್ ಅಂವೊನೇ; ಮನುಷ್ಯಕುಮಾರ ಸರ್ವ ಶಕ್ತಿಯುಳ್ಳಂವೊಂಡ ಬಲ್‌ತೆ ಬರಿಲ್ ಅಳ್‌ತಿತ್, ಬಾನತ್‍ರ ಮೋಡತ್‍ಲ್ ಬಪ್ಪದ್‍ನ ನಿಂಗೆಲ್ಲಾರು ಕಾಂಬಿರಾಂದ್ ಎಣ್ಣ್‌ಚಿ.

ಯೋಹಾನ 12:26

ನಾಕ್ ಸೇವೆ ಮಾಡ್‌ವಕ್ ಕುಶಿಪಡ್‌ವಯಿಂಗ ನಾನ್ ಮಾಡ್‌ವನೆಕೆ ಮಾಡಿತ್ ನಾಡ ಬಯ್ಯಕ್ ಬರಂಡು; ನಾನ್ ಎಲ್ಲಿ ಇಪ್ಪಿ ಅಲ್ಲಿ ಅಂವೊನು ಇಪ್ಪ; ನಾಕ್ ಒಬ್ಬ ಸೇವೆ ಮಾಡ್‍ಚೇಂಗಿ ಅಪ್ಪನಾನ ದೇವ ಅಂವೊನ ಗನಪಡುತುವಾಂದ್ ಎಣ್ಣ್‌ಚಿ.

ಯೋಹಾನ 14:3

ನಾನ್ ಪೋಯಿತ್ ನಿಂಗಕಾಯಿತ್ ಜಾಗತ್‍ನ ತಯಾರ್ ಮಾಡಿತ್, ನಾನ್ ಇಪ್ಪ ಜಾಗತ್‍ಲ್ ನಿಂಗಳು ಇಪ್ಪನೆಕೆ, ನಾನ್ ಪುನಃ ಬಂದಿತ್, ನಿಂಗಳ ಕಾಕಿಯಂಡ್ ಪೋಪಿ.

ಯೋಹಾನ 17:24

ಅಪ್ಪಾ! ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಂಜಗುಂಡ್, ನೀನ್ ನಾಕ್ ತಂದ ನಾಡ ಮಹಿಮೆನ, ನೀನ್ ನಾಕ್ ಕೊಡ್‍ತಯಿಂಗ ಕಾಂಬನೆಕೆ, ನಾನ್ ಎಲ್ಲಿ ಇಪ್ಪಿ, ಅಲ್ಲಿ ಅಯಿಂಗಳು ಇಪ್ಪಕ್ ನಾನ್ ಕುಶೀಲ್ ಉಳ್ಳ.

ಅಪೊಸ್ತಲ 1:9

ಇನ್ನನೆ ಎಣ್ಣ್‌ನ ಪಿಂಞ ಅಯಿಂಗ ನೋಟಿಯಂಡಿಪ್ಪಕಲೆ, ಒರ್ ಮೋಡತ್‍ರ ಒಳ್‌ಲಿಂಜ ಅಂವೊನ ಕೊಡಿಕ್ ಎಡ್‍ತಂಡ್ ಪೋಚಿ. ಅಂವೊ ಅಯಿಂಗಡ ಕಣ್ಣ್‌ಕ್ ಕಾಂಬಕಿಂಜಿಲೆ.

ಅಪೊಸ್ತಲ 8:39

ಅಯಿಂಗ ನೀರ್‌ನ ಬುಟ್ಟಿತ್ ಕರೆಕ್ ಬಪ್ಪಕ ಒಡೆಯಂಡ ಆತ್ಮ ಫಿಲಿಪ್ಪನ ಒಮ್ಮಕೆ ಎಡ್‍ತಂಡ್ ಪೋಯಿರ್‌ತ್. ಅದಿಕಾರಿ ಬಯ್ಯ ಫಿಲಿಪ್ಪನ ಕಂಡಿತ್‌ಲ್ಲೆ. ಆಚೇಂಗಿ, ಅಂವೊ ಕುಶೀಲ್ ತಾಂಡ ಬಟ್ಟೇಲ್ ಪೋಚಿ.

1 ಕೊರಿಂಥ 15:52

ವಾಲಗತ್‍ರ ಸದ್ದ್ ಕ್‍ೕಪದು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗ ಎಲ್ಲಾ ಎದ್ದಿತ್ ಚಾವ್ ಇಲ್ಲತ ತಡೀಲ್ ಬಪ್ಪ; ಅಕ್ಕ ನಂಗಳು ಬದ್‍ಲಾಪ.

2 ಕೊರಿಂಥ 5:8

ನಂಗ ದೈರ್ಯವಾಯಿತ್ ಇಂಜಿತ್, ಈ ತಡೀನ ಬುಟ್ಟಿತ್ ಪೋಯಿತ್, ಒಡೆಯಂಡ ಕೂಡೆ ವಾಸ ಮಾಡ್‌ವಕ್ ದುಂಬ ಆಸೆ ಪಟ್ಟಂಡುಂಡ್.

ಫಿಲಿಪ್ಪಿ 1:23

ಎನ್ನಂಗೆಣ್ಣ್‌ಚೇಂಗಿ ಈ ದಂಡ್ ಆಸೆರ ಮದ್ಯತ್‍ಲ್ ನಾನ್ ಚಿಕ್ಕಿಪೋಯಿತುಳ್ಳ.

1 ಥೆಸಲೊನೀಕ 3:13

ಇನ್ನನೆ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ತಾಂಡ ಪವಿತ್ರವಾನಯಿಂಗಡ ಕೂಡೆ ಪುನಃ ಬಪ್ಪಕಾಪಕ, ದೇವಡ ಸನ್ನಿದಾನತ್‍ಲ್ ನಿಂಗೆಲ್ಲಾರು ಒರ್ ತಪ್ಪಿಲ್ಲತನೆಕೆ, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ನಿಂಗಡ ಹೃದಯತ್‍ನ ಸ್ತಿರಪಡ್‍ತಡ್.

1 ಥೆಸಲೊನೀಕ 4:15

ಒಡೆಯ ನಂಗಕ್ ಪಡಿಪಿಚಿಟ್ಟನೆಕೆ ನಂಗ ನಿಂಗಕ್ ಎಣ್ಣಿಯಂಡುಂಡ್: ಯೇಸು ಬಪ್ಪಕತ್ತನೆ ಬದ್‍ಕಿಯಂಡ್ ಉಳ್ಳ ನಂಗ, ಯೇಸುನ ನಂಬಿತ್ ದೇವಡ ಮಕ್ಕಳಾಯಿತ್ ಚತ್ತ್ ಪೋನಯಿಂಗ, ಅಂವೊ ಬಪ್ಪಕ, ಅಂವೊಂಡ ಕೂಡೆ ಪೋಪಕ್ ಮಿಂಞ ನಂಗ ಅಂವೊಂಡ ಪಕ್ಕ ಪೋಪುಲೆ.

1 ಥೆಸಲೊನೀಕ 4:18

ಇದ್ ಸತ್ಯವಾಯಿತ್ ಆಪಗುಂಡ್, ಈ ತಕ್ಕ್‌ನ ನಿಂಗ ಎಲ್ಲಾರ್‌ಕು ಎಣ್ಣಿಯಂಡ್ ಪುರ್‌ಡ್ ಕೊಡ್‌ತಂಡ್ ಇರಿ.

1 ಥೆಸಲೊನೀಕ 5:10

ಯೇಸು ನಂಗಕಾಯಿತ್ ಚತ್ತತ್. ಆನಗುಂಡ್, ಅಂವೊ ಬಪ್ಪಕ ನಂಗ ತಡೀಲ್ ಚತ್ತ್ ಪೋಯಿತ್ಂಜತೇಂಗಿಯು, ಬದ್‍ಕಿಯಂಡಿಂಜತೇಂಗಿಯು ಅಂವೊ ಎಕ್ಕಾಲು ಬದ್‍ಕ್‍ವನೆಕೆ, ನಂಗಳು ಅಂವೊಂಡ ಕೂಡೆ ಎಕ್ಕಾಲು ಬದ್‍ಕ್‌ವಕಾಪ.

2 ಪೇತ್ರ 3:13

ಅಂವೊಂಡ ವಾಗ್ದಾನತ್‍ರನೆಕೆ, ನೀತಿ ವಾಸ ಮಾಡಿಯಂಡುಳ್ಳ ಪುದಿಯ ಬಾನ ಪಿಂಞ ಪುದಿಯ ಬೂಮಿ ಬಪ್ಪಾಂದ್ ನಂಗ ಪಾರಕಾತಂಡ್ ಉಂಡ್.

ಪ್ರಕಟನೆ 1:7

ಇದಾ, ಅಂವೊ ಮೋಡತ್‍ರ ಕೂಡೆ ಬಂದಂಡುಂಡ್! ಎಲ್ಲಾರು ಅಂವೊನ ಕಾಂಬ. ಅಂವೊನ ಕುತ್ತ್‌ನಯಿಂಗ ಸಹ ಅಂವೊನ ಕಾಂಬ. ಈ ಲೋಕತ್‍ರ ಎಲ್ಲಾ ಕುಲತ್‍ರ ಜನವು ಅಂವೊನ ಕಾಂಬಕ ಗೋಳಾಡುವ. ಅದ್ ಅನ್ನನೆ ಆಪ, ಆಮೆನ್.

ಪ್ರಕಟನೆ 11:12

ನಿಂಗ ಇಲ್ಲಿಕ್ ಪತ್ತಿತ್ ಬಾರೀಂದ್ ಒರ್ ಬಲ್ಯ ವಾಣಿ ಪರಲೋಕತ್ಂಜ ಅಯಿಂಗಕ್ ಕ್‍ೕಟತ್, ಅಕ್ಕ ಅಯಿಂಗ ಮೋಡತ್‍ಲ್ ಪತ್ತಿತ್ ಪರಲೋಕಕ್ ಪೋಚಿ; ಅಯಿಂಗಡ ವಿರೋದಿಯಂಗ ಇದ್‍ನ ನೋಟಿಯಂಡ್ ಇಂಜತ್.

ಪ್ರಕಟನೆ 12:5

ಅವ ಎಲ್ಲಾ ಜನಳ, ಇರ್‍ಂಬ್ ಕೋಲ್‍ಲ್ ರಾಜ್ಯಬಾರ ಮಾಡ್‌ವಕ್ ಉಳ್ಳ ಒರ್ ಕ್‍ಣ್ಣ ಕುಂಞಿನ ಪೆತ್ತತ್; ಅವಡ ಕುಂಞಿನ ದೇವಡ ಪಕ್ಕ ಪಿಂಞ ದೇವಡ ಸಿಂಹಾಸನತ್‍ರ ಪಕ್ಕ ಬೆರಿಯ ಕೊಂಡ್ ಪೋಯಿರ್‌ತ್.