1 ಥೆಸಲೊನೀಕ 3:10 - ಕೊಡವ ಬೈಬಲ್

¹⁰ ನಿಂಗಳ ಇಂಞೊಮ್ಮ ಕಾಂಬಕಾಯಿತ್ ಪಿಂಞ ನಿಂಗ ದೇವಡ ಪಕ್ಕ ಬೆಚ್ಚಿತುಳ್ಳ ನಂಬಿಕೇಲ್ ಕಮ್ಮಿಯಾಯಿತ್ ಉಳ್ಳಾನ ಪೂರ್ತಿ ಮಾಡ್‌ವಕಾಯಿತ್ ದೇವಡ ಪಕ್ಕ ನಂಗ ನಿಂಗಕಾಯಿತ್ ಬಯಿಟ್ ಪೋಲು ಪ್ರಾರ್ಥನೆ ಮಾಡಿಯಂಡ್ ಉಂಡ್.

1 ಥೆಸಲೊನೀಕ 3:10 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:37

ಇಕ್ಕ ಅವಕ್ ಎಂಬತನಾಲ್ ವಯಸಾಯಿತ್ಂಜತ್. ಅವ ಎಲ್ಲಿಯು ಪೋಕತೆ ದೇವಾಲಯತ್‍ಲ್ ವಾಸ ಮಾಡಿಯಂಡ್, ಪೊಲಾಕ ಬೈಟ್ ದೇವನ ಆರಾದನೆ ಮಾಡಿಯಂಡ್, ಪಟ್ಟಣಿ ನಿಂದಂಡ್, ಪ್ರಾರ್ಥನೆ ಮಾಡಿಯಂಡಿಂಜತ್.

ಅಪೊಸ್ತಲ 26:7

ಇಂಞು ಎಣ್ಣಂಡು ಎಣ್ಣ್‌ಚೇಂಗಿ, ಆ ವಾಗ್ದಾನ ನೆರವೇರ್‌ವಾಂದ್ ನಿರಿಕ್ಷೇಲ್ ನಂಬಿಯಂಡುಳ್ಳ ಕಾರಣಕಾಯಿತ್ ನಂಗಡ ಪನ್ನೆರಂಡ್ ಕುಲತ್‍ರ ಜನವು, ಬಯಿಟ್ ಪೋಲ್ ನೇರಾಯಿತು ಆರಾದನೆ ಮಾಡಿಯಂಡುಂಡ್. ಅಗ್ರಿಪ್ಪ ರಾಜಾನೇ, ಈ ನಿರಿಕ್ಷೇರ ನಂಬಿಕೆಕಾಯಿತೇ ಯೆಹೂದ್ಯಂಗ ನಾಡ ಮೇಲೆ ಕುತ್ತ ಎಣ್ಣಿತುಂಡ್.

2 ಕೊರಿಂಥ 1:15

ಇದ್‍ಲ್ ನಾಕ್ ದೃಡವಾನ ನಂಬಿಕೆ ಇಂಜಗುಂಡ್, ನಿಂಗಕ್ ದಂಡನೆ ಕುರಿಯು ಪ್ರಯೋಜನವಾಯಿತ್ ಇಪ್ಪಕ್, ಮಿಂಞ ನಿಂಗಡ ಪಕ್ಕ ಬಪ್ಪಿ.

2 ಕೊರಿಂಥ 1:24

ನಿಂಗಡ ನಂಬಿಕೇಕ್ ನಂಗ ಅದಿಕಾರ ಉಳ್ಳಯಿಂಗಳಾಯಿತ್ ಇಕ್ಕತೆ, ನಿಂಗಡ ಕುಶೀಕ್ ಸಹಾಯ ಮಾಡ್‌ವಯಿಂಗಳಾಯಿತುಂಡ್; ನಂಬಿಕೇರಗುಂಡ್ ನಿಂಗ ನಿಂದಂಡುಳ್ಳಿರಲ್ಲ.

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

2 ಕೊರಿಂಥ 13:9

ನಂಗ ಬಲ ಇಲ್ಲತಯಿಂಗಳು, ನಿಂಗ ಬಲ ಉಳ್ಳಯಿಂಗಳುವಾಯಿತಿಪ್ಪಕ ನಂಗ ಕುಶಿಪಟ್ಟಂಡುಂಡ್; ನಿಂಗ ಪೂರ್ತಿಯಾಯಿತ್ ಬೊಳಿಯಂಡೂಂದ್ ಪ್ರಾರ್ಥನೆ ಮಾಡಿಯಂಡುಂಡ್.

ಫಿಲಿಪ್ಪಿ 1:25

ನಾಕ್ ಇದ್ ಚಾಯಿತೆ ಗೊತ್ತುಳ್ಳಗುಂಡ್, ನಾನ್ ನಿಂಗಕಾಯಿತ್ ಕಂಡಿತವಾಯಿತ್ ಬದ್‌ಕಿತ್, ನಿಂಗಡ ಕೂಡೆ ಇಂಜಿತ್ ನಿಂಗ ಮಿಂಞಕ್ ಪೋಪಾನ ನೋಟಿತ್, ನಿಂಗಡ ಕುಶೀರ ನಂಬಿಕೆ ದುಂಬ ಆಪನೆಕೆ ಸಹಾಯ ಮಾಡ್‌ವಿ.

ಕೊಲೊಸ್ಸೆ 1:28

ಅದ್ಂಗಾಯಿತ್, ಎಲ್ಲಾ ಜ್ಞಾನತ್‍ಲ್ ಕ್ರಿಸ್ತನ ಎಲ್ಲಾರ್‌ಕು ಅರಿಚಿಟ್ಟಂಡ್, ಎಲ್ಲಾರ್‌ಕು ಎಚ್ಚರ ಮಾಡಿಯಂಡ್, ಎಲ್ಲಾರ್‌ಕು ಬೋದನೆ ಮಾಡಿಯಂಡ್ ಉಳ್ಳ. ಒಬ್ಬೊಬ್ಬನ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಬೊಳ್ಂದಂವೊನಾಯಿತ್ ದೇವಡ ಪಕ್ಕ ನಿಪ್ಪ್‌ಚಿಡುವಕಾಯಿತ್ ಇದ್‍ನ ಮಾಡಿಯಂಡುಳ್ಳ.

ಕೊಲೊಸ್ಸೆ 4:12

ಕ್ರಿಸ್ತ ಯೇಸುರ ಸೇವಕನು, ನಿಂಗಡ ಪಟ್ಟಣಕ್ ಕೂಡ್‍ನಂವೊನಾನ ಎಪಫ್ರ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಅಂವೊ ನಿಂಗಕಾಯಿತ್ ಎಕ್ಕಾಲು ದೇವಡ ಪಕ್ಕ ನೇರಾಯಿತು ಪ್ರಾರ್ಥನೆ ಮಾಡಿಯಂಡುಂಡ್. ದೇವ ನಿಂಗಳ ಬಲ ಉಳ್ಳಯಿಂಗಳಾಯಿತ್ ಮಾಡಂಡೂಂದು, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ನಿಂಗಕ್ ದೇವಡ ಚಿತ್ತ ಪೂರ್ತಿ ಗೊತ್ತಾಂಡೂಂದೂ ಅಂವೊ ಪ್ರಾರ್ಥನೆ ಮಾಡಿಯಂಡುಂಡ್.

1 ಥೆಸಲೊನೀಕ 3:11

ನಂಗ ಎಲ್ಲಾಡ ಅಪ್ಪನಾನ ದೇವ ಪಿಂಞ ನಂಗ ಎಲ್ಲಾಡ ಒಡೆಯನಾನ ಯೇಸು ಕ್ರಿಸ್ತ ನಿಂಗಡ ಪಕ್ಕ ಬಪ್ಪಕಾಯಿತ್ ನಂಗಕ್ ಬಟ್ಟೆ ಕಾಟಿತರಡ್.

2 ಥೆಸಲೊನೀಕ 1:11

ಆನಗುಂಡ್, ದೇವ ನಿಂಗಳ ಕಾಕ್‍ನಾಂಗ್ ಯೋಗ್ಯವಾಯಿತ್ ಬದ್‍ಕ್‍ವಕ್ ಸಹಾಯ ಮಾಡಂಡೂಂದ್, ಅಂವೊಂಡ ಶಕ್ತಿರಗುಂಡ್ ನಿಂಗ ಮಾಡಂಡೂಂದ್ ಗೇನ ಮಾಡಿತುಳ್ಳ ನಲ್ಲ ಕೆಲಸತ್‍ನ ಮಾಡ್‌ವಕ್ ಪಿಂಞ ನಿಂಗಡ ದೇವಡ ಮೇಲೆ ನಿಂಗ ಬೆಚ್ಚಿತುಳ್ಳ ನಂಬಿಕೇಲ್ ನಿಂಗ ಮಾಡ್‌ವ ಕ್ರಿಯೇನ ನಿಂಗ ಪೂರ್ತಿ ಮಾಡ್‌ವಕಾಯಿತ್, ನಂಗ ನಿಂಗಕಾಯಿತ್ ಇದ್‍ನೆಲ್ಲಾ ಗೇನ ಮಾಡಿತ್ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

2 ತಿಮೊಥೆಯ 1:3

ನಾನ್ ಬೈಟ್ ಪೋಲ್ ಪ್ರಾರ್ಥನೆ ಮಾಡ್‌ವಕ ನಿನ್ನ ಎಕ್ಕಾಲು ಗೇನ ಮಾಡ್‌ವಿ. ಅದಲ್ಲತೆ ನಾಡ ಮುತ್ತಜ್ಜಂಗ ದೇವಡ ಸೇವೇನೆ ಮಾಡ್‍ನನೆಕೆ, ನಲ್ಲ ಮನಸಾಕ್ಷಿಲ್, ನಾನು ಸೇವೆ ಮಾಡಿಯಂಡ್ ನೀಕಾಯಿತ್ ದೇವಕ್ ವಂದನೆ ಮಾಡ್‌ವಿ.

ಫಿಲೆಮೋನ 1:22

ನೀಡ ಪ್ರಾರ್ಥನೆನ ದೇವ ಕ್‍ೕಟಿತ್ ನನ್ನ ನೀಡ ಪಕ್ಕ ಬಪ್ಪಕ್ ಅನುಗ್ರಹ ಮಾಡ್‌ವಾಂದ್ ನಾನ್ ನಂಬಿಯಂಡ್ ಉಳ್ಳ. ಆನಗುಂಡ್ ನಾಕ್ ಒರ್ ಕೋಂಬರೆನ ನೀನ್ ತಯಾರ್ ಮಾಡ್.

ಪ್ರಕಟನೆ 4:8

ಆ ನಾಲ್ ಜೀವ ಪ್ರಾಣಿಯ ಒಂದೊಂದಂಗು ಆರ್ ಆರ್ ರೆಕ್ಕೆ ಇಂಜತ್. ರೆಕ್ಕೆರ ಸುತ್ತ್‌ಲ್ ಪಿಂಞ ಒಳ್‍ಕ್ ಕಣ್ಣ್ ದುಂಬಿತ್ಂಜತ್. ಆ ಜೀವ ಪ್ರಾಣಿಯ: ಇಂಜಂವೊನು, ಇಪ್ಪಂವೊನು ಬಪ್ಪಂವೊನು ಆಯಿತುಳ್ಳ ಸರ್ವ ಶಕ್ತಿ ಉಳ್ಳ ದೇವನಾನ ಒಡೆಯ, ಪವಿತ್ರವಾನಂವೊ, ಪವಿತ್ರವಾನಂವೊ, ಪವಿತ್ರವಾನಂವೋಂದ್ ಎಡೆಬುಡತೆ ಬಯಿಟ್ ಪೋಲು ಎಣ್ಣಿಯಂಡೇ ಇಂಜತ್.

ಪ್ರಕಟನೆ 7:15

ಆನಗುಂಡ್, ಈಂಗ, ದೇವಡ ಸಿಂಹಾಸನತ್‍ರ ಮಿಂಞ ಇಂಜಂಡ್, ಬಯಿಟ್ ಪೋಲ್ ಅಂವೊಂಡ ಆಲಯತ್‍ಲ್ ಸೇವೆ ಮಾಡಿಯಂಡುಂಡ್. ಸಿಂಹಾಸನತ್‍ಲ್ ಅಳ್‌ತಂಡ್ ಉಳ್ಳಂವೊ ಅಯಿಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಉಂಡ್.