1 ಥೆಸಲೊನೀಕ 2:17 - ಕೊಡವ ಬೈಬಲ್

¹⁷ ಪ್ರೀತಿರ ಅಣ್ಣತಮ್ಮಣಂಗಳೇ, ನಿಂಗಳ ಬುಟ್ಟಿತ್ ಚೆನ್ನ ಸಮಯ ದೂರ ಪೋಪನೆಕೆ ಆಯಿಪೋಚೇಂಗಿಯು, ನಂಗಡ ಮನಸ್ಸ್‌ಂಜ ನಿಂಗ ದೂರ ಪೋಯಿತ್‌ಲ್ಲೆ. ನಿಂಗಳ ಪುನಃ ಕಾಂಗಂಡೂಂದ್ ದುಂಬ ಆಸೇಲ್ ಎಚ್ಚಕೋ ಪೇಚಾಡಿಯತ್.

1 ಥೆಸಲೊನೀಕ 2:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 31:30

ಇಕ್ಕಲು ನೀಡ ಅಪ್ಪಂಡ ಮನೆಕ್‌ ನೀಕ್‌ ಪೋಪಕ್‌ ದುಂಬ ಕುಶಿ ಉಂಡ್‍ೕಂದ್‌ ನಾಕ್‍ ಗೊತ್ತುಂಡ್, ನೀನ್‌ ಪೋ, ಆಚೇಂಗಿ ನೀನ್‌ ನಾಡ ಮನೇಲ್‌ ಇಂಜ ನಾಡ ಮೂರ್ತಿಯಳ ಎನ್ನಂಗ್‌ ಕಟ್ಟಂಡ್‌ ಬಂದಿಯಾಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 45:28

ಅಕ್ಕ ಇಸ್ರಾಯೇಲ್: ನಾಡ ಮೋಂವೊನಾನ ಯೋಸೇಫ ಇಂಞು ಬದ್‌ಕಿಯಂಡುಂಡಲ್ಲಾ, ಇದ್‌ ಮದಿ ನಾಕ್; ನಾನ್‌ ಚಾವಕ್‌ ಮಿಂಞ ಅಂವೊನ ಪೋಯಿತ್‌ ಕಾಂಬೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 48:11

ಅಕ್ಕ ಯಾಕೋಬ ಯೋಸೇಫಂಗ್: ನಾನ್‌ ಪುನಃ ನೀಡ ಮೂಡ್‌ ನೋಟ್‌ವೀಂದ್‌ ಗೇನ ಮಾಡಿತ್‌ಂಜ್‌ತ್‌ಲ್ಲೆ, ಆಚೇಂಗಿ ದೇವ ನೀಡ ಮಕ್ಕಳ ಸಹ ನೋಟ್‌ವನೆಕೆ ಮಾಡಿತ್‍ೕಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:58

ನೀಡ ಮೇಲೆ ಆರೋಪ ಮಾಡ್‍ನಂವೊಂಡ ಕೂಡೆ ನ್ಯಾಯಲಾಯಕ್ ಪೋಪಕ್ ಮಿಂಞಲೇ ಬಟ್ಟೇಲೇ ಸಮಾದಾನ ಮಾಡಿತ್ ಸೆರಿಮಾಡ್‍ವಕ್ ಪೇಚಾಡಿ. ಇಲ್ಲತೆಪೋಚೇಂಗಿ ಅಂವೊ ನಿನ್ನ ನ್ಯಾಯಾದಿಪತಿರ ಮಿಂಞಕ್ ಬಲ್‍ಚಂಡ್ ಪೋಪ. ನ್ಯಾಯಾದಿಪತಿ ನಿನ್ನ ಜೈಲ್ ಕಾಪಂವೊಂಡ ಪಕ್ಕ ಕೊಡ್‍ಪ, ಅಂವೊ ನಿನ್ನ ಜೈಲ್‌ಕ್ ಇಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:15

ಅಕ್ಕ ಅಂವೊ ಅಯಿಂಗಳ ನೋಟಿತ್: ನಾನ್ ಮರಣತ್‌ರ ಕಷ್ಟ ಅನುಬವಿಚಿಡುವಕ್ ಮಿಂಞ ನಿಂಗಡ ಕೂಡೆ ಈ ಗದ್ದಾಳತ್‍ಲ್ ಉಂಗಂಡೂಂದ್ ದುಂಬ ಕುಶಿಪಟ್ಟಂಡಿಂಜ್.

ಅಪೊಸ್ತಲ 17:10

ಒಡನೆ, ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಬಯಿಟ್ ನೇರತೆ ಪೌಲ ಪಿಂಞ ಸೀಲನ ಬೆರೋಯ ಪಟ್ಟಣಕ್ ಅಯಿಚತ್; ಅಯಿಂಗ ಅಲ್ಲಿಕ್ ಎತ್ತಿತ್ ಯೆಹೂದ್ಯಂಗಡ ಸಬಾಮಂದಿರಕ್ ಪೋಚಿ.

ರೋಮ್ 1:13

ನಾಡ ಅಣ್ಣತಮ್ಮಣಂಗಳೇ, ಬೋರೆ ಜಾಗತ್‍ಲ್ ಉಳ್ಳ ಯೆಹೂದ್ಯ ಅಲ್ಲತಯಿಂಗಡ ಪಕ್ಕ ನಾಕ್ ಫಲ ಕ್‍ಟ್ಟ್‌ನನೆಕೆ, ನಿಂಗಡಲ್ಲಿಯು ನಾಕ್ ಫಲ ಕ್‍ಟ್ಟಂಡೂಂದ್ ನಿಂಗಡ ಪಕ್ಕ ಬಪ್ಪಕ್ ದುಂಬ ಕುರಿ ಗೇನ ಮಾಡ್‍ನ, ಆಚೇಂಗಿ ಇಲ್ಲಿಕತ್ತನೆ ಅದ್ಂಗ್ ತಡೆ ಆಯಂಡಿಂಜತ್‍ೕಂದ್ ನಿಂಗಕ್ ಗೊತ್ತಿಲ್ಲತೆ ಇಪ್ಪದ್ ನಾಕ್ ಕುಶಿಯಿಲ್ಲೆ.

ರೋಮ್ 15:23

ಇಕ್ಕ, ಈ ಪ್ರಾಂತ್ಯತ್‍ಲ್ ನಾಕ್ ಜಾಗ ಇಲ್ಲತಗುಂಡು, ಪಿಂಞ ನಿಂಗಡ ಪಕ್ಕ ಬಪ್ಪಕ್ ದುಂಬ ಕಾಲತ್ಂಜ ನಾಕ್ ಬಲ್ಯ ಆಸೆ ಉಳ್ಳಗುಂಡ್,

1 ಕೊರಿಂಥ 5:3

ನಾನ್ ತಡೀಲ್ ನಿಂಗಡಿಂಜ ದೂರ ಇಂಜತೇಂಗಿಯು, ಆತ್ಮತ್‍ಲ್ ನಿಂಗಡ ಕೂಡೆ ಉಳ್ಳ. ಆತ್ಮತ್‍ಲ್ ನಿಂಗಡ ಕೂಡೆ ಉಳ್ಳನೆಕೆ, ಅಕ್ಕಲೆ ಯೇಸು ಕ್ರಿಸ್ತಂಡ ಪೆದತ್‍ಲ್ ಆ ಮನುಷ್ಯಂಗ್ ನಾನ್ ತೀರ್ಪ್ ಕೊಡ್‍ತಿತುಳ್ಳ.

ಕೊಲೊಸ್ಸೆ 2:5

ನಾನ್ ನಿಂಗಡ ಕೂಡೆ ತಡೀಲ್ ಇಲ್ಲತ ಪೋಚೇಂಗಿಯು, ನಾಡ ಆತ್ಮತ್‍ಲ್ ನಿಂಗಡ ಕೂಡೆ ಉಳ್ಳ. ನಿಂಗ ಎನ್ನನೆ ಬದ್‍ಕಂಡುವೊ ಅನ್ನನೆ ನಿಂಗ ಬದ್‍ಕಿಯಂಡ್ ಉಳ್ಳಾಂಗು, ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಂಬಿಕೆ ದೃಡವಾಯಿತ್ ಉಳ್ಳಾಂಗು ನಾನ್ ದುಂಬ ಕುಶಿಪಟ್ಟಂಡುಳ್ಳ.

1 ಥೆಸಲೊನೀಕ 3:6

ಇಕ್ಕ ತಿಮೊಥೆಯ ನಿಂಗಡಲ್ಲಿಂಜ ನಂಗಡ ಪಕ್ಕ ಬಂದಿತ್, ನಿಂಗ ನಂಬಿಕೇಲ್ ಸ್ತಿರವಾಯಿತ್ ಇಪ್ಪಾನ ಪಿಂಞ ಒಬ್ಬೊಬ್ಬಂಡ ಮೇಲೆ ಉಳ್ಳ ನಿಂಗಡ ಪ್ರೀತಿನ, ನಲ್ಲರಿಕೆಯಾಯಿತ್ ನಂಗಕ್ ಎಣ್ಣ್‌ಚಿ. ನಿಂಗ ನಂಗಳ ಎಕ್ಕಾಲು ಕುಶೀಲ್ ಗೇನ ಮಾಡಿಯಂಡ್, ನಂಗ ನಿಂಗಳ ಕಾಂಗಂಡೂಂದ್ ಆಸೇಲ್ ಗೇನ ಮಾಡ್‌ವನೆಕೆ, ನಿಂಗಳು ನಂಗಳ ಕಾಂಗಂಡೂಂದ್ ಆಸೆಯಾಯಿತ್ ಉಳ್ಳಿರಾಂದ್ ಅಂವೊ ನಂಗಕ್ ಎಣ್ಣ್‌ಚಿ.