1 ಪೇತ್ರ 5:6 - ಕೊಡವ ಬೈಬಲ್

⁶ ಆನಗುಂಡ್, ತಕ್ಕ ಸಮಯತ್‍ಲ್, ದೇವ ನಿಂಗಳ ಕೊಡಿಕ್ ಕೊಂಡ್ ಪೋಪನೆಕೆ, ದೇವಡ ಶಕ್ತಿರ ಕೈಕ್ ಅಡಿಲ್ ಅಡಕತ್‍ಲ್ ಇರಿ.

1 ಪೇತ್ರ 5:6 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 29:23

ಮನುಷ್ಯಂಡ ಆಂಗಾರ ಅಂವೊನ ತಗ್ಗ್‌ಚಿಡುವ. ಆಚೇಂಗಿ ಮನಸ್ಸ್‌ ತಗ್ಗಿತ್‌ ಉಳ್ಳಂವೊಂಗ್‌ ಗೌರವ ಕ್‌ಟ್ಟುವ.

ಮತ್ತಾಯ 23:12

ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ವಂವೊ ಅಡಿಕ್ ಬಪ್ಪ, ಆಚೇಂಗಿ ಬಗ್ಗಿತ್ ನಡ್‌ಪಂವೊ ಮಿಂಞಕ್ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:52

ಪ್ರಭುವಳ ಸಿಂಹಾಸನತ್ಂಜ ಅಡಿಕ್ ಕೊಂಡ್ ಬಪ್ಪಂಜಿ ಗರೀಬಂಗಳ ಕೊಡಿಕ್ ಕೊಂಡ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:11

ನಿಂಗ, ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:14

ಫರಿಸಾಯ ಅಲ್ಲ, ಕಂದಾಯ ಎಡ್‍ಪಂವೊನೇ ದೇವಡಯಿಂಜ ಪಾಪ ಕ್ಷೆಮೆ ಕ್‍ಟ್ಟಿತ್ ನೀತಿವಂತಂವೊನಾಯಿತ್ ಅಂವೊಂಡ ಮನೆಕ್ ಪೋಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ. ಎನ್ನಂಗೆಣ್ಣ್‌ಚೇಂಗಿ ನಿಂಗ ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪಾಂದ್ ಎಣ್ಣ್‌ಚಿ.

ರೋಮ್ 5:6

ನಂಗ ಶಕ್ತಿ ಇಲ್ಲತಯಿಂಗಳಾಯಿತಿಪ್ಪಕಲೇ, ನೇಮಿಚಿಟ್ಟ ಕಾಲತ್‍ಲ್, ಕ್ರಿಸ್ತ ಅಕ್ರಮಕಾರಂಗಕಾಯಿತ್ ಚತ್ತತ್.

1 ಕೊರಿಂಥ 10:22

ನಂಗ ಇನ್ನನೆ ಮಾಡ್‌ವಕ, ದೇವಕ್ ನಂಗಡ ಮೇಲೆ ಚೆಡಿ ಆಪನೆಕೆ ಮಾಡಿಯಂಡುಂಡಲ್ಲಾ? ಅಂವೊಗಿಂಜ ನಂಗ ದುಂಬ ಬಲಶಾಲಿಯಾ?

1 ತಿಮೊಥೆಯ 2:6

ಎಲ್ಲಾ ಜನಳು ಬುಡ್‍ಗಡೆ ಆಂಡೂಂದ್ ಅದ್ಂಗುಳ್ಳ ಬೆಲೆಯಾಯಿತ್ ಅಂವೊನ ಅಂವೊನಾಯಿತೇ ಬಲಿಯಾಪನೆಕೆ ಮರಣಕ್ ಒಪ್ಪ್‌ಚಿಟ್ಟಂವೊನು ಅಂವೊನೇ. ತಕ್ಕ ಸಮಯತ್‍ಲ್ ದೇವ ಈ ನಲ್ಲ ಸುದ್ದಿನ ಈ ಲೋಕಕ್ ಕೊಡ್‌ತಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:3

ದೇವ ಗೊತ್ತ್ ಮಾಡ್‍ನಯಿಂಗಡ ನಂಬಿಕೇನ ಸ್ತಿರಪಡ್‌ತ್‍ವಕ್ ಪಿಂಞ ಸತ್ಯತ್‍ರ ಮೂಲಕ ಅಯಿಂಗಕ್ ದೇವಡ ಮೇಲೆ ಬಕ್ತಿನ ಬೊಳ್‍ತ್‍ವಕ್ ದೇವ ನನ್ನ ಗೊತ್ತ್ ಮಾಡ್‍ಚಿ. ಪೊಟ್ಟ್ ಪರಿಯತ ದೇವ, ಪಂಡಿಂಜೇ ನಿತ್ಯ ಜೀವತ್‍ನ ವಾಗ್ದಾನ ಮಾಡಿತ್, ಅದ್ಂಡ ಮೂಲಕ ನಿರೀಕ್ಷೆ ಬಪ್ಪನೆಕೆ ಮಾಡ್‍ಚಿ.

ಯಾಕೋಬ 4:10

ದೇವಡ ಮಿಂಞತ್‍ಲ್ ತಾಳ್ಮೆಲ್ ಇರಿ, ಅಕ್ಕ ನಿಂಗಳ ದೇವ ಮಿಂಞಕ್ ಎಡ್‌ತ ಪೋಪ.

ಯಾಕೋಬ 4:7

ಆನಗುಂಡ್ ನಿಂಗ ನಿಂಗಳ ದೇವಕ್ ಅರ್ಪಿಚಿಡಿ, ಸೈತಾನಂಗ್ ಎದ್‍ರ್ ನಿಲ್ಲಿ. ಅನ್ನನೆ ಮಾಡ್‍ಚೇಂಗಿ ಸೈತಾನ ನಿಂಗಳ ಬುಟ್ಟಿತ್ ಓಡಿ ಪೋಯಿರ್‌ವ.

ಯಾಕೋಬ 5:10

ನಾಡ ಅಣ್ಣತಮ್ಮಣಂಗಳೇ, ದೇವಡ ಪೆದತ್‍ಲ್ ತಕ್ಕ್ ಪರ್ಂದ ಅಂವೊಂಡ ಪಂಡತ ಪ್ರವಾದಿಯಂಗ ಅಯಿಂಗಡ ಕಷ್ಟತ್‍ಲ್ ತಾಳ್ಮೆಯಾಯಿತ್ ಇಂಜದ್‍ನ ಉದಾರಣೆಯಾಯಿತ್ ಬೆಚ್ಚೊಳಿ.