1 ಪೇತ್ರ 5:13 - ಕೊಡವ ಬೈಬಲ್

¹³ ನಿಂಗಡ ಕೂಡೆ ಗೊತ್ತ್ ಮಾಡ್‍ನ, ಬಾಬೆಲ್‍ಲ್ ಉಳ್ಳಯಿಂಗ ಪಿಂಞ ನಾಡ ಮೋಂವೊಂಡನೆಕೆ ಉಳ್ಳ ಮಾರ್ಕ ನಿಂಗಕ್ ವಂದನೆ ಎಣ್ಣಿಯಂಡುಂಡ್.

1 ಪೇತ್ರ 5:13 ပူးပေါင်းရင်းမြစ်များ

ಅಪೊಸ್ತಲ 12:12

ಅಂವೊಂಗ್ ಇದ್ ಚಾಯಿತೆ ಗೊತ್ತಾನ ಪಿಂಞ ಮಾರ್ಕ ಎಣ್ಣುವ ಪೆದ ಉಳ್ಳ ಯೋಹಾನಂಡ ಅವ್ವನಾನ ಮರಿಯಡ ಮನೆಕ್ ಪೋಚಿ. ಅಲ್ಲಿ ದುಂಬ ಜನ ಕೂಡಿತ್ ಪ್ರಾರ್ಥನೆ ಮಾಡಿಯಂಡಿಂಜತ್.

ಅಪೊಸ್ತಲ 12:25

ಬಾರ್ನಬ ಪಿಂಞ ಸೌಲ, ಅಯಿಂಗ ಯೆರೂಸಲೇಮ್‍ಲ್ ಮಾಡ್‍ವಕ್ಕುಳ್ಳ ಸೇವೇನ ಪೂರ್ತಿ ಮಾಡ್‍ನ ಪಿಂಞ ಮಾರ್ಕ ಎಣ್ಣುವ ಇಂಞೊರ್ ಪೆದವುಳ್ಳ ಯೋಹಾನನ ಕಾಕಿಯಂಡ್ ಯೆರೂಸಲೇಮ್ಂಜ ಪುನಃ ವಾಪಸ್ ಬಾತ್.

ಅಪೊಸ್ತಲ 15:37

ಅಕ್ಕ, ಮಾರ್ಕ ಎಣ್ಣುವ ಯೋಹಾನನ ಅಯಿಂಗಡ ಕೂಡೆ ಕಾಕಿಯಂಡ್ ಪೋಂಡೂಂದ್ ಬಾರ್ನಬ ಎಣ್ಣ್‌ಚಿ.

ಅಪೊಸ್ತಲ 15:39

ಈ ವಿಷಯತ್‍ಲ್ ಅಯಿಂಗ ದಂಡಾಳು ಬಲ್ಯ ತರ್ಕ ಮಾಡಿತ್ ಒತ್ತಂಡಿತ್‌ಲ್ಲೆ. ಅನ್ನನೆ ಅಯಿಂಗ ಒಬ್ಬನೊಬ್ಬನ ಬುಟ್ಟಿತ್ ಪೋಚಿ. ಬಾರ್ನಬ ಮಾರ್ಕನ ಕಾಕಿಯಂಡ್ ಸಮುದ್ರತ್‍ರ ಮಾರ್ಗವಾಯಿತ್ ಕುಪ್ರ ದ್ವೀಪಕ್ ಪೋಚಿ.

ಕೊಲೊಸ್ಸೆ 4:10

ನಾಡ ಕೂಡೆ ಜೈಲ್‍ಲ್ ಉಳ್ಳ ಅರಿಸ್ತಾರ್ಕ ಪಿಂಞ ಬಾರ್ನಬಂಡ ಅಕ್ಕಂಡ ಮೋಂವೊನಾನ ಮಾರ್ಕ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. (ಮಾರ್ಕಂಡ ವಿಷಯತ್ ನಿಂಗಕ್ ಮಿಂಞಲೇ ಅಪ್ಪಣೆ ಕ್‍ಟ್ಟಿತುಂಡ್; ಅಂವೊ ಬಪ್ಪಕ, ನಿಂಗ ಅಂವೊನ ಸತ್ಕಾರ ಮಾಡಂಡು).

2 ಯೋಹಾನ 1:1

ಮೂಪನಾನ ನಾನ್ ನೇರಾಯಿತ್ ಪ್ರೀತಿಚಿಡ್‍ವ ದೇವ ಗೊತ್ತ್ ಮಾಡ್‍ನ ಪ್ರೀತಿರ ಅವ್ವಂಗ್ ಪಿಂಞ ಅವಡ ಮಕ್ಕಕ್ ಒಳ್‍ದ್‍ವ ಕಾಗದ. ನಾನ್ ಒಬ್ಬ ಮಾತ್ರ ಅಲ್ಲ, ಆಚೇಂಗಿ ನೇರಾನ ಸತ್ಯ ಗೊತ್ತುಳ್ಳ ಎಲ್ಲಾರು ನಿಂಗಳ ಪ್ರೀತಿ ಮಾಡ್‌ವ.

2 ಯೋಹಾನ 1:13

ದೇವ ಗೊತ್ತ್ ಮಾಡಿತುಳ್ಳ ನೀಡ ತಂಗೆರ ಮಕ್ಕ ನೀಕ್ ವಂದನೆ ಎಣ್ಣಿಯಂಡುಂಡ್.

ಪ್ರಕಟನೆ 17:5

ಅವಡ ನೆತ್ತಿರ ಮೇಲೆ, ಮರ್ಮ, ಮಹಾ ಬಾಬೇಲ್, ವೇಶಿಯಂಗಕ್ ಬೂಮಿಲ್ ಉಳ್ಳ ಅಶುದ್ದಕೆಲ್ಲ ಅವ್ವ ಎಣ್ಣುವ ಪೆದ ಒಳ್‍ದಿತ್ಂಜತ್.

ಪ್ರಕಟನೆ 18:2

ಅಂವೊ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಂಡ್: ಮಹಾ ಬಾಬೇಲ್ ಬುದ್ದತ್! ಬುದ್ದತ್! ಅದ್ ಪಿಶಾಚಿ ವಾಸ ಮಾಡ್‌ವ ಜಾಗವು, ಎಲ್ಲಾ ತರತ್‍ರ ಕೂಳಿಯಡ ಮನೆಯ, ಅಶುದ್ದವು ಅಸಹ್ಯವು ಉಳ್ಳ ಎಲ್ಲಾ ತರ ಪಕ್ಷಿರ ಗೂಡು ಆಯಿತುಂಡ್.