1 ಪೇತ್ರ 3:20 - ಕೊಡವ ಬೈಬಲ್

²⁰ ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.

1 ಪೇತ್ರ 3:20 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 6:13

ಅಕ್ಕ ದೇವ ನೋಹಂಗ್: ನಾನ್‌ ಈ ಬೂಲೋಕತ್‌ಲ್‌ ಉಳ್ಳ ಎಲ್ಲಾ ಜೀವಜಂತುವಳ ನಾಶಮಾಡುವಿ, ಅಯಿಂಗಡಗೊಂಡ್‌ ಈ ಬೂಮಿಲ್‌ ಅನ್ಯಾಯ ದುಂಬಿತುಂಡ್, ನಾನ್‌ ಅಯಿಂಗಳ ಪಿಂಞ ಈ ಬೂಮಿನ ನಾಶ ಮಾಡುವಿ.

ಆದ್ಯತ್‌ರ ಪುಸ್ತಕ 6:3

ಅಕ್ಕ ಯೆಹೋವ: ನಾಡ ಆತ್ಮ ಮನುಷ್ಯಂಗಡಗುಂಡ್‌ ಕಾಲಕಾಲಕು ಪೊರುಮೆಯಾಯಿತ್‌ ಇಪ್ಪುಲೆ, ಅಂವೊ ನಾಶ ಆಯಿಪೋಪ ಜೀವ ತಾನೇ, ಅಂವೊಂಡ ಬದ್‌ಕ್‌ ನೂಟ್ಯ ಇರ್ವದ್‌ ಕಾಲ ಇರಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 6:5

ಮನುಷ್ಯಂಗಡ ದುಷ್ಟತನ ಬೂಮಿರ ಮೇಲೆ ದುಂಬಿತ್‌ ಅಯಿಂಗ ಗೇನಮಾಡ್‌ವದೆಲ್ಲಾ ಎಕ್ಕಾಲು ಕೆಟ್ಟದಾಯಿತ್‌ ಉಂಡ್‍ೕಂದ್‌ ಯೆಹೋವ ನೋಟ್‌ಚಿ.

ಆದ್ಯತ್‌ರ ಪುಸ್ತಕ 6:8

ಆಚೇಂಗಿ ನೋಹಂಗ್‌ ಯೆಹೋವಂಡ ದಯೆ ಕ್‌ಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 7:13

ಅದೇ ದಿವಸತ್‌ಲ್‌ ನೋಹ, ಶೇಮ್, ಹಾಮ್, ಯೆಫೆತ್‌ ಎಣ್ಣುವ ಅಂವೊಂಡ ಮೂಂದ್‌ ಕ್‌ಣ್ಣ ಮಕ್ಕಳು, ಅಂವೊಂಡ ಪೊಣ್ಣ್‌ ಪಿಂಞ ಮೂಂದ್‌ ಮೈಮಕ್ಕಳೆಲ್ಲಾರು ಹಡ್‌ಗ್‌ರ ಒಳ್‌ಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 8:1

ದೇವ ನೋಹನ ಪಿಂಞ ಅಂವೊಂಡ ಕೂಡೆ ಹಡಗ್‌ಲ್‌ ಇಂಜ ಎಲ್ಲಾ ಕಾಡ್‌ ಪ್ರಾಣಿಯಳ ಚಾಕ್‌ ಪ್ರಾಣಿಯಳ ಮನಸ್ಸ್‌ಲ್‌ ಗೇನಮಾಡಿತ್, ಬೂಮಿರ ಮೇಲೆ ಗಾಳಿನ ಅಯಿಚತ್. ಅಕ್ಕ ನೀರ್‌ ಶಾಂತಿ ಆಯಿತ್, ಕಮ್ಮಿ ಆಪಕ್‌ ಶುರು ಆಚಿ.

ಆದ್ಯತ್‌ರ ಪುಸ್ತಕ 8:18

ಅಕ್ಕ ನೋಹ, ಅಂವೊಂಡ ಪೊಣ್ಣ್, ಕ್‌ಣ್ಣ ಮಕ್ಕ, ಮೈಮಕ್ಕ ಎಲ್ಲಾರು ಪೊರಮೆ ಬಾತ್.

ಮತ್ತಾಯ 7:14

ಆಚೇಂಗಿ ನಿತ್ಯ ಜೀವಕ್ ಪೋಪ ಬಟ್ಟೇರ ಬಾಯಿಕಂಡಿ, ಇರ್‍ಂಗನದು ದುಂಬ ಕಷ್ಟವಾನದು ಆಯಿತುಂಡ್. ಅದ್‍ನ ಚೆನ್ನ ಜನ ಮಾತ್ರ ಕಂಡ್‍ಪುಡಿಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:32

ನಾಡ ಶಿಷ್ಯಂಗಳೇ, ನಿಂಗ ಒಂದು ಇಲ್ಲತ ನಾಡ ಒರ್ ಚೆರಿಯ ಗುಂಪಾಯಿತ್ ಉಂಡೇಂಗಿಯು, ಬೊತ್ತತಿ, ಎನ್ನಂಗೆಣ್ಣ್‌ಚೇಂಗಿ ಅಪ್ಪನಾನ ದೇವ ಅಂವೊ ಆಳುವ ರಾಜ್ಯತ್‍ಲ್ ನಿಂಗ ಬದ್‍ಕ್‍ವಕಾಯಿತ್ ನಿಂಗಳ ಕುಶೀಲ್ ಗೊತ್ತ್ ಮಾಡಿತುಂಡ್.

ಅಪೊಸ್ತಲ 2:41

ಅಂವೊಂಡ ತಕ್ಕ್‌ನ ಒತ್ತಂಡಯಿಂಗ ದೀಕ್ಷಾಸ್ನಾನ ಎಡ್‍ತಂಡತ್. ಆ ದಿವಸ ಸುಮಾರ್ ಮೂಂದಾಯಿರ ಜನ ಅಯಿಂಗಡ ಕೂಡೆ ಕೂಡಿಯಂಡತ್.

ರೋಮ್ 9:22

ಆಚೇಂಗಿ, ದೇವ ಅಂವೊಂಡ ಚೆಡಿನ ಕಾಂಬಿಚಿಡುವಕ್, ತಾಂಡ ಶಕ್ತಿನ ಕಾಟ್‌ವಕಾಯಿತ್ ಯೆಹೂದ್ಯಂಗಡಲ್ಲಿ ಮಾತ್ರ ಅಲ್ಲತೆ, ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್ಂಜ ಸಹ ನಂಗಳ ಕಾಕ್‍ಚಿ.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

1 ಪೇತ್ರ 1:9

ನಿಂಗ ಅಂವೊನ ನಂಬ್‍ನಾಂಗ್ ನಿಂಗಕ್ ಕ್‍ಟ್ಟುವ ಫಲ ನಿಂಗಡ ಆತ್ಮಕ್ ಕ್‍ಟ್ಟುವ ರಕ್ಷಣೆಯಾಯಿತ್‌ಪ್ಪ.

1 ಪೇತ್ರ 2:25

ಚದ್‌ರಿ ಪೋಯಿತ್ಂಜ ಕೊರಿರನೆಕೆ ಇಂಜಿರ; ಆಚೇಂಗಿ ಇಕ್ಕ ಕೊರಿ ಕಾಪಂವೊನೆಕೆ ನಿಂಗಡ ಆತ್ಮತ್‌ನ ನಡ್‍ತಿಯಂಡ್ ಪೋಪಂವೊಂಡ ಪಕ್ಕ, ಪಿಂಞ ನಿಂಗಳ ನೋಟುವ ಪೆರಿಯಂವೊಂಡ ಪಕ್ಕವು ಬಂದಿತುಳ್ಳಿರ.

1 ಪೇತ್ರ 3:19

ಆ ಆತ್ಮತ್‍ಲ್ ಅಂವೊ ಪೋಯಿತ್, ಕೆಟ್ಟಿ ಇಟ್ಟಿತುಳ್ಳ ಆತ್ಮಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ಚಿ.

1 ಪೇತ್ರ 4:19

ಆನಗುಂಡ್, ದೇವಡ ಚಿತ್ತತ್‍ರನೆಕೆ ಕಷ್ಟ ಅನುಬವಿಚುಡುವಯಿಂಗ, ನಲ್ಲದ್ ಮಾಡಿಯಂಡ್ ಉಳ್ಳಯಿಂಗಳಾಯಿತ್, ಅಯಿಂಗಡ ಆತ್ಮತ್‌ನ ನೇರಾನ ದೇವನಾನ ಸೃಷ್ಟಿ ಮಾಡ್‍ನಂವೊಂಗ್ ಒಪ್ಪ್‌ಚಿಡಂಡು.

2 ಪೇತ್ರ 2:5

ಪಂಡ್ ಕಾಲತ್‍ಲ್, ದೇವಡ ನೀತಿನ ಬೋದನೆ ಮಾಡ್‍ನ ನೋಹ ಎಣ್ಣ್‌ವಂವೊ ಪಿಂಞ ಅಂವೊಂಡ ಕೂಡೆ ಇಂಜ ಏಳ್ ಜನಳ ಮಾತ್ರ ಕಾಪಾಡಿತ್, ದೇವ ಬಕ್ತಿ ಇಲ್ಲತಯಿಂಗಡ ಮೇಲೆ ಜಲಪ್ರಳಯ ಬಪ್ಪಕ್ ಮಾಡಿತ್, ಈ ಲೋಕತ್‍ನ ಸಹ ಶಿಕ್ಷೆಯಿಂಜ ದೇವ ಕಾಪಾ‍ಡಿತ್‌ಲ್ಲೆ.

2 ಪೇತ್ರ 3:15

ನಂಗಡ ಒಡೆಯಂಡ ಬಲ್ಯ ತಾಳ್ಮೆನ, ಜನ ರಕ್ಷಣೆ ಆಪಕಾಯಿತ್‍ೕಂದ್ ಗೇನ ಮಾಡಂಡು; ನಂಗಡ ಪ್ರೀತಿರ ಅಣ್ಣ ಪೌಲನು, ದೇವ ಅಂವೊಂಗ್ ಕೊಡ್‍ತ ಜ್ಞಾನತ್‍ರನೆಕೆ, ಇನ್ನನೆ ನಿಂಗಕ್ ಒಳ್‍ದಿತುಂಡ್.