1 ಪೇತ್ರ 3:17 - ಕೊಡವ ಬೈಬಲ್

¹⁷ ಕೆಟ್ಟದ್ ಮಾಡಿತ್ ಕಷ್ಟಪಡ್‌ವಕಿಂಜ, ದೇವಕ್ ಚಿತ್ತ ಉಂಡೇಂಗಿ, ನಲ್ಲದ್ ಮಾಡಿತ್ ಕಷ್ಟಪಡ್‌ವದ್ ನಲ್ಲದ್.

1 ಪೇತ್ರ 3:17 ပူးပေါင်းရင်းမြစ်များ

ಮತ್ತಾಯ 26:39

ಚೆನ್ನ ದೂರ ಪೋಪಂಜಿ, ಅಂವೊಂಡ ಮೂಡ್‍ನ ಅಡಿಕ್ ಮಾಡಿತ್ ಮೊಣಕಾಲ್ ಇಟ್ಟಂಡ್: ಓ ನಾಡ ಅಪ್ಪನೇ, ನೀಕ್ ಕಯ್ಯುವೇಂಗಿ ಈ ಕಷ್ಟತ್‍ರ ಪಾತ್ರ ನನ್ನ ಬುಟ್ಟಿತ್ ಪೋಪಕ್ ಮಾಡ್; ಆಚೇಂಗಿಯು ನಾಡ ಚಿತ್ತ ಅಲ್ಲ, ನೀಡ ಚಿತ್ತವೇ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಮತ್ತಾಯ 26:42

ಇಂಞೊಮ್ಮ ದಂಡನೆ ಕುರಿ ಅಂವೊ ಅಯಿಂಗಳ ಬುಟ್ಟಿತ್ ಪೋಯಿತ್: ನಾಡ ಅಪ್ಪನೇ! ಈ ಕಷ್ಟತ್‍ರ ಪಾತ್ರತ್‍ನ ನಾನ್ ಕುಡಿಚತೇಂಗಿ ಮಾತ್ರ, ಈ ಕಷ್ಟತ್‍ನ ನನ್ನಿಂಜ ಎಡ್‍ಪಕ್ ಕಯ್ಯೂಂದ್ ಇಂಜತೇಂಗಿ, ನೀಡ ಚಿತ್ತತ್‍ರನೆಕೆ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 18:21

ದೇವಡ ಚಿತ್ತವಾಚೇಂಗಿ ಪುನಃ ನಿಂಗಡ ಪಕ್ಕ ಬಪ್ಪೀಂದ್ ಎಣ್ಣಿತ್ ಅಯಿಂಗಡ ಅಪ್ಪಣೆನ ಪಡ್ಂದಿತ್ ಪೋಚಿ. ಅಲ್ಲಿಂಜ ಹಡಗ್‍ಲ್ ಪತ್ತಿತ್ ಎಫೆಸ ಪಟ್ಟಣತ್‍ನ ಬುಟ್ಟಿತ್ ಪೋಚಿ.

ಅಪೊಸ್ತಲ 21:14

ಅಂವೊ ನಂಗ ಎಣ್ಣ್‌ವಾನ ಒತ್ತತೆಗುಂಡ್, ಒಡೆಯಂಡ ಚಿತ್ತತ್‍ರನೆಕೆ ಆಡ್‍ೕಂದ್ ಎಣ್ಣಿತ್ ನಂಗ ಮುಂಡತೆ ಇಂಜತ್.

1 ಪೇತ್ರ 1:6

ಇದ್‍ನ ಗೇನ ಮಾಡಿತ್ ದುಂಬ ಕುಶೀಲ್ ಇರಿ. ಆಚೇಂಗಿಯು, ಇಂಞು ಚೆನ್ನ ಕಾಲಕ್ ಕಷ್ಟತ್‍ನ ಅನುಬವಿಚಿಡುವಕ್ ಅವಸ್ಯ ಉಳ್ಳಾಂಗ್, ಇಕ್ಕ ನಾನಾತರ ಸೋದನೆಲ್ ಕಷ್ಟಪಡ್‌ವಿರ.

1 ಪೇತ್ರ 2:15

ಮುಠಾಳಂಗಡ ಗೊತ್ತಿಲ್ಲತ ತಕ್ಕ್‌ನ ನಿಂಗ ಅಡಕ್‍ವಕ್, ನಲ್ಲದ್ ಮಾಡಂಡೂಂದ್ ಉಳ್ಳದ್ ದೇವಡ ಚಿತ್ತವಾಯಿತ್ ಉಂಡ್.

1 ಪೇತ್ರ 2:20

ಆಚೇಂಗಿ, ನಿಂಗ ತಪ್ಪ್ ಮಾಡಿತ್ ಅದ್ಂಗಾಯಿತ್, ಶಿಕ್ಷೆ ಕ್‍ಟ್ಟಿತ್ ಅದ್‍ನ ನಿಂಗ ಸಹಿಸಿಯಂಡ್ ಇಂಜತೇಂಗಿ, ನಿಂಗಕ್ ಎಂತ ಲಾಬ? ನಿಂಗ ನಲ್ಲದ್ ಮಾಡ್‌ವಕ ಕಷ್ಟಪಟ್ಟಿತ್, ಸಹಿಸಿಯಂಡ್ ಇಂಜತೇಂಗಿ ಅದ್ ದೇವಡ ಮಿಂಞತ್ ಕೊಂಡಾಡುವಕ್ ಆಪ.

1 ಪೇತ್ರ 3:14

ಆಚೇಂಗಿ, ನೀತಿವಂತ ಕಾರ್ಯ ಮಾಡಿತ್ ಅದ್ಂಗಾಯಿತ್ ತೊಂದರೆ ಬಾತೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ. ಅಯಿಂಗ ಜೋರ್ ಮಾಡ್‌ವದ್‍ನ ನೋಟಿತ್ ನಿಂಗ ಬೊತ್ತತೆ, ಪೋಡಿ ಇಲ್ಲತೆ ಇಕ್ಕಂಡು.

1 ಪೇತ್ರ 4:15

ಆನಗುಂಡ್, ನಿಂಗಡಲ್ಲಿ ಒಬ್ಬ ಸಹ, ಕೊಲೆಗಾರನಾಯಿತ್, ಕಳ್ಳನಾಯಿತ್, ಕೆಟ್ಟದ್ ಮಾಡ್‌ಂವೊನಾಯಿತ್, ಬೋರೆಯಿಂಗಡ ವಿಷಯತ್ ನುಗ್ಗಿತ್ ಗಲಾಟೆ ಮಾಡ್‌ವಂವೊನಾಯಿತ್, ನಿಂಗ ದಾರೂ ಕಷ್ಟಪಡ್‌ವಕ್ಕಾಗ.

1 ಪೇತ್ರ 4:19

ಆನಗುಂಡ್, ದೇವಡ ಚಿತ್ತತ್‍ರನೆಕೆ ಕಷ್ಟ ಅನುಬವಿಚುಡುವಯಿಂಗ, ನಲ್ಲದ್ ಮಾಡಿಯಂಡ್ ಉಳ್ಳಯಿಂಗಳಾಯಿತ್, ಅಯಿಂಗಡ ಆತ್ಮತ್‌ನ ನೇರಾನ ದೇವನಾನ ಸೃಷ್ಟಿ ಮಾಡ್‍ನಂವೊಂಗ್ ಒಪ್ಪ್‌ಚಿಡಂಡು.