1 ಪೇತ್ರ 2:25 - ಕೊಡವ ಬೈಬಲ್

²⁵ ಚದ್‌ರಿ ಪೋಯಿತ್ಂಜ ಕೊರಿರನೆಕೆ ಇಂಜಿರ; ಆಚೇಂಗಿ ಇಕ್ಕ ಕೊರಿ ಕಾಪಂವೊನೆಕೆ ನಿಂಗಡ ಆತ್ಮತ್‌ನ ನಡ್‍ತಿಯಂಡ್ ಪೋಪಂವೊಂಡ ಪಕ್ಕ, ಪಿಂಞ ನಿಂಗಳ ನೋಟುವ ಪೆರಿಯಂವೊಂಡ ಪಕ್ಕವು ಬಂದಿತುಳ್ಳಿರ.

1 ಪೇತ್ರ 2:25 ပူးပေါင်းရင်းမြစ်များ

ಮತ್ತಾಯ 18:12

ಒರ್ ಮನುಷ್ಯಂಗ್ ನೂರ್ ಕೊರಿಯ ಇಪ್ಪಕ, ಅದ್‍ಲ್ ಒರ್ ಕೊರಿ ತಪ್ಪ್‌ಚಿಟ್ಟಂಡ್ ಪೋಚೇಂಗಿ, ಅಕ್ಕ ಅಂವೊ ಬಾಕಿ ತೊಂಬತೊಯಿಂಬದ್ ಕೊರಿಯಳ ಕುಂದ್‌ರ ಪಕ್ಕ ಬುಟ್ಟಿತ್, ತಪ್ಪ್‌ಚಿಟ್ಟ್ ಪೋನ ಒರ್ ಕೊರಿನ ತ್‍ೕಡ್‌ವಕ್ ಪೋಪ್‍ಲೆಯಾ? ನಿಂಗ ಎಂತ ಗೇನ ಮಾಡ್‌ವಿರ?

ಮತ್ತಾಯ 9:36

ಬಲ್ಯ ಜನಡ ಗುಂಪ್‍ನ ಕಾಂಬಂಜಿ ಯೇಸುಕ್ ದುಂಬ ಕನಿಕರ ಆಚಿ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ಕೊರಿ ಕಾಪಂವೊ ಇಲ್ಲತ ಕೊರಿರನೆಕೆ ಗೊಂದಲತ್‍ಲ್, ದಾರೂ ಗತಿ ಇಲ್ಲತಯಿಂಡನೆಕೆ ಇಂಜತ್.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ಇಬ್ರಿಯ 13:20

ನಿತ್ಯ ಒಪ್ಪಂದತ್‍ರ ಚೋರೆರಗುಂಡ್, ಕೊರಿರನೆಕೆ ಉಳ್ಳ ದೇವಡ ಮಕ್ಕಡ ಬಲ್ಯ ಕೊರಿಕಾಪಂವೊನಾಯಿತುಳ್ಳ ನಂಗಡ ಒಡೆಯನಾನ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟ ಸಮಾದಾನತ್‍ರ ದೇವ,

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

ಇಬ್ರಿಯ 5:2

ಅಂವೊನು ಸಹ, ದೇವಡ ಕೂಡೆ ಉಳ್ಳ ಐಕ್ಯತ್‍ಲ್ ಚಾಯಿ ಇಲ್ಲತಂವೊನಾನಗುಂಡ್, ಜ್ಞಾನ ಇಲ್ಲತಯಿಂಗಕು, ಪಾಳ್ ಬಟ್ಟೇಲ್ ಪೋಯಂಡಿಪ್ಪಯಿಂಗಕು ಕನಿಕರ ಕಾಟ್‍ವಂವೊನಾಯಿತುಂಡ್.

1 ಪೇತ್ರ 3:20

ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.

1 ಪೇತ್ರ 5:4

ಅನ್ನನೆ ಮಾಡ್‍ಚೇಂಗಿ, ದೇವಡ ಮಕ್ಕಳ ಕೊರಿ ಕಾಪಂವೊಡನೆಕೆ ನೋಟಿಯಂಡುಳ್ಳ ಬಲ್ಯಂವೊ ಬಪ್ಪಕ, ನಿಂಗ ಅಂವೊಂಡಿಂಜ ಮಾಜ್ ಪೋಕತ ಮಹಿಮೇರ ಕಿರೀಟತ್‍ನ ಪಡೆಯುವಿರ.