1 ಪೇತ್ರ 2:17 - ಕೊಡವ ಬೈಬಲ್

¹⁷ ಎಲ್ಲಾರ್‌ಕು ಚಾಯಿ ಮರ್ಯಾದೆ ಕೊಡಿ, ಯೇಸುನ ನಂಬ್‍ನಯಿಂಗಳ ಪ್ರೀತಿ ಮಾಡಿ, ದೇವಕ್ ಬೊತ್ತ್‌ಚಿಡಿ, ರಾಜನ ಗನಪಡ್‌ತಂಡು.

1 ಪೇತ್ರ 2:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 20:11

ಅದ್‌ಂಗ್‌ ಅಬ್ರಹಾಮ: ಈ ಜಾಗತ್‌ರ ಜನಕ್‌ ಕಂಡಿತವಾಯಿತ್‌ ದೇವಡ ಪೋಡಿಯಿಲ್ಲೆ. ನಾಡ ಪೊಣ್ಣ್‌ರಗುಂಡ್‌ ನನ್ನ ಕೊಲ್ಲ್‌ವಾಂದ್‌ ನಾನ್‌ ಗೇನ ಮಾಡ್‌ನ.

ಆದ್ಯತ್‌ರ ಪುಸ್ತಕ 22:12

ಆ ದೂತ ಅಂವೊಂಗ್: ನೀಡ ಮೋಂವೊಂಡ ಮೇಲೆ ಕೈ ಇಡತೆ. ಅಂವೊನ ಒಂದು ಮಾಡತೆ; ನೀನ್‌ ಅಂವೊನ ನೀಡ ಮೋಂವೋಂದ್, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ನಾಕಾಯಿತ್‌ ಬಲಿಕೊಡ್‌ಪಕ್‌ ಒಪ್ಪಿಚಿಟ್ಟಗುಂಡ್, ನೀನ್‌ ಯೆಹೋವಂಗ್‌ ಬೊತ್ತ್‌ವಿಯಾಂದ್‌ ಇಕ್ಕ ನಾಕ್‍ ಗೊತ್ತಾಚಿ.

ಆದ್ಯತ್‌ರ ಪುಸ್ತಕ 42:18

ಮೂಂದ್‌ನೆ ದಿವಸತ್‌ಲ್‌ ಯೋಸೇಫ ಅಯಿಂಗಳ ನೋಟಿತ್: ನಾನ್‌ ದೇವಕ್‌ ಬೊತ್ತ್‌ವ ಮನುಷ್ಯ. ನಿಂಗ ಜೀವವಾಯಿತ್‌ ಇಪ್ಪಕ್‌ ಒರ್‌ ವಿಷಯ ಮಾಡಿ.

ಜ್ಞಾನತ್‌ರ ಪಡಿಮ 1:7

ಯೆಹೋವಂಗ್‌ ಬೊತ್ತಿತ್‌ ನಡ್‌ಪದೇ ಜ್ಞಾನತ್‌ರ ತೊಡಕ; ಆಚೇಂಗಿ ಮೂಡಂಗ ಜ್ಞಾನತ್‌ನ ಪಿಂಞ ಬೋದನೇನ ಕಡೆಗಟ್ಟ್‌ವ.

ಜ್ಞಾನತ್‌ರ ಪಡಿಮ 23:17

ಪಾಪಿಯಳ ನೋಟಿತ್‌ ಹೊಟ್ಟೆಕಿಚ್ಚ್‌ ಪಡಂಡ. ಆಚೇಂಗಿ ಎಲ್ಲಾ ದಿವಸವು ಯೆಹೋವಂಗ್‌ ಬೊತ್ತಿತ್‌ ನಡೆ.

ಜ್ಞಾನತ್‌ರ ಪಡಿಮ 24:21

ನಾಡ ಮೋನೇ, ಯೆಹೋವಂಗು, ರಾಜಂಗು ಬೊತ್ತಿತ್‌ ನಡೆ. ಅಯಿಂಗ ದಂಡಾಳ್‌ನ ವಿರೋದಿಚಿಡುವ ಜನಡ ಕೂಡೆ ಕೂಡತೆ.

ಮತ್ತಾಯ 22:21

ಅಯಿಂಗ: ಇದ್‍ಲ್ ಕೈಸರಂಡದ್ ಉಂಡ್‍ೕಂದ್ ಅಯಿಂಗ ಎಣ್ಣ್‌ಚಿ. ಅಕ್ಕ ಅಂವೊ: ಅಕ್ಕುವ, ಅನ್ನನಾಚೇಂಗಿ ಕೈಸರಂಡದ್‍ನ ಕೈಸರಂಗ್ ಕೊಡಿ, ದೇವಡದ್‌ನ ದೇವಕ್ ಕೊಡೀಂದ್ ಉತ್ತರ ಕೊಡ್‍ತತ್.

ಯೋಹಾನ 13:35

ನಿಂಗಡಲ್ಲಿ ಒಬ್ಬೊಬ್ಬಂಗ್ ಪ್ರೀತಿ ಉಂಡೇಂಗಿ, ನಿಂಗ ನಾಡ ಶಿಷ್ಯಂಗಾಂದ್ ಎಲ್ಲಾ ಜನಕ್ ಗೊತ್ತಾಪಾಂದ್ ಎಣ್ಣ್‌ಚಿ.

ರೋಮ್ 12:10

ಅಣ್ಣತಮ್ಮಣಂಗ ಒಬ್ಬೊಬ್ಬಂಡ ಕೂಡೆ ಚಾಯಿ ಪ್ರೀತಿಲ್ ಇರಿ; ಗನ ಪಡ್‌ತ್‍ವದ್‍ಲ್ ಎಲ್ಲಾರ್ಕಿಂಜ ಮಿಂಞ ನಿಂಗಳೇ ಮಾಡ್‌ವಯಿಂಗಳಾಯಿತಿರಿ.

ರೋಮ್ 13:7

ಆನಗುಂಡ್, ನಿಂಗ ಎಲ್ಲಾರ್‌ಕು ಎಂತ ಕರ್ತವ್ಯತ್‍ನ ಮಾಡಂಡುವೋ ಅದ್‍ನ ಮಾಡಿ. ದಾರ್‌ಕ್ ಕಂದಾಯತ್‍ನ ಕೊಡ್‍ಕಂಡುವೊ ಅಯಿಂಗಕ್ ಕಂದಾಯತ್‍ನ ಕೊಡಿ, ದಾರ್‌ಕ್ ಸುಂಕ ಕೊಡ್‍ಕಂಡುವೊ ಅಯಿಂಗಕ್ ಸುಂಕತ್‌ನ ಕೊಡಿ; ದಾರ್‌ಕ್ ಬೊತ್ತಿತ್ ನಡ್‍ಕಂಡುವೊ ಅಯಿಂಗಕ್ ಬೊತ್ತಿತ್ ನಡ್‌ಕಂಡು, ದಾರ್‌ಕ್ ಮರ್ಯಾದೆ ಕೊಡ್‍ಕಂಡುವೊ ಅಯಿಂಗಕೆಲ್ಲ ಮರ್ಯಾದೆ ಕೊಡಿ.

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

ಎಫೆಸ 5:21

ಕ್ರಿಸ್ತಂಡ ಮೇಲೆ ಉಳ್ಳ ಬಕ್ತಿರಗುಂಡ್ ಒಬ್ಬೊಂಗೊಬ್ಬ ತಗ್ಗಿತ್ ನಡ್‌ಕಂಡು.

ಫಿಲಿಪ್ಪಿ 2:3

ನಿಂಗ ಮಾತ್ರ ಬಲ್ಯಯಿಂಗಾಂದ್ ಗೇನ ಮಾಡತಿ, ನಿಂಗಳ ತಗ್ಗ್‌ಚಿಟ್ಟಂಡ್ ಬೋರೆಯಿಂಗ ನಿಂಗಕಿಂಜ ಬಲ್ಯಯಿಂಗಾಂದ್ ಗೇನ ಮಾಡಿ.

1 ತಿಮೊಥೆಯ 6:1

ದೇವಡ ಪೆದಕ್ ಪಿಂಞ ನಂಗ ಕೊಡ್‍ತ ಬೋದನೆಕ್, ದೂಷಣೆ ಬರತನೆಕೆ, ಅಡಿಯಾಳಂಗಳಾಯಿತ್ ಉಳ್ಳ ಎಲ್ಲಾರು ಅಯಿಂಗಡ ಎಜಮಾನಂಗಕ್ ಪೂರ್ತಿ ಮರ್ಯಾದೆ ಕೊಡ್‍ಕಂಡು.

ಇಬ್ರಿಯ 13:1

ಒಬ್ಬನ ಒಬ್ಬ, ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಪ್ರೀತಿಚಿಡಿ.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

1 ಪೇತ್ರ 2:13

ಮನುಷ್ಯಂಗಡ ಮದ್ಯತ್‍ಲ್ ನೇಮಿಚಿಟ್ಟಿತುಳ್ಳ ಎಲ್ಲಾ ಅದಿಕಾರಕು, ಒಡೆಯಂಗಾಯಿತ್ ತಗ್ಗಿತ್ ನಡ್‌ಕಂಡು. ಅದ್ ರಾಜನಾಯಿತ್ಂಜತೇಂಗಿಯು,

1 ಪೇತ್ರ 5:5

ಅನ್ನನೆ, ಬಾಲೆಕಾರಂಗಳೇ, ಪೆರಿಯಯಿಂಗಡ ತಕ್ಕ್‌ಕ್ ತಗ್ಗಿತ್ ನಡ್‌ಂದಂಡಿರಿ. ನಿಂಗ ಎಲ್ಲಾರು ಒಬ್ಬೊಬ್ಬಂಗ್ ಪೊರುಮೆನ ಬಟ್ಟೇರನೆಕೆ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕರುಣೆ ಕಾಟ್‍ವ.