1 ಪೇತ್ರ 2:11 - ಕೊಡವ ಬೈಬಲ್

¹¹ ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.

1 ಪೇತ್ರ 2:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 21:34

ಪಿಂಞ ಅಬ್ರಹಾಮ ಸುಮಾರ್‌ ಕಾಲ ಫಿಲಿಷ್ಟಿಯರಡ ದೇಶತ್‌ಲ್‌ ವಾಸ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 23:4

ನಾನ್‌ ಒರ್‌ ಪರದೇಶಿಯಾಯಿತ್‌ ಉಳ್ಳ, ಈ ನಾಡ್‌ಕಾರನು ಅಲ್ಲ. ಆನಗುಂಡ್‌ ಇಲ್ಲಿ ನಾಕಾಯಿತ್‌ ಒರ್‌ ಜಾಗವು ಇಲ್ಲೆ. ಆಂಗಾಯಿತ್‌ ನಾಡ ಪೊಣ್ಣ್‌ರ ಚಾವ್‌ ತಡಿನ ಪೂಪಕ್‌ ನಾಕ್‍ ಚೆನ್ನ ಜಾಗತ್‌ನ ಸ್ವಂತವಾಯಿತ್‌ ತಾರೀಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 47:9

ಅದ್‌ಂಗ್‌ ಯಾಕೋಬ: ನಾನ್‌ ಪರದೇಶೀಯಾಯಿತ್‌ ಪ್ರಯಾಣ ಮಾಡ್‌ನ ಕಾಲ ನೂಟ್ಯ ನುಪ್ಪದ್. ನಾಡ ಆಯಸ್ಸ್‌ ಕಾಲ ಕಮ್ಮಿಯು ಕಷ್ಟ ದುಂಬ್‌ನದು ಆಯಿತ್‌ಂಜತ್. ಆಚೇಂಗಿಯು, ನಾಡ ಮುತ್ತಜ್ಜಂಗ ಪರದೇಶಿಯಾಯಿತ್‌ ಪ್ರಯಾಣ ಮಾಡ್‌ನ ಕಾಲತ್‌ನ ನೋಟ್‌ಚೇಂಗಿ ನಾಡದ್‌ ಕಮ್ಮಿ ಆಯಿತುಂಡ್‍ೕಂದ್‌ ಫರಹೋನಂಗ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:34

ನಿಂಗಡ ವಿಷಯತ್‍ಲ್ ಎಚ್ಚರತ್‍ಲ್ ಇರಿ. ನಿಂಗಡ ಸಮಯತ್‍ನೆಲ್ಲ ತಿಂಬಕಾಯಿತ್ ಕುಡಿಪಕಾಯಿತ್ ಪಿಂಞ ಬದ್‍ಕ್‍ರ ವಿಷಯಕಾಯಿತ್ ವ್ಯಸನ ಪಟ್ಟಂಡ್ ಇರತಿ. ಅನ್ನನೆ ಮಾಡಿಯಂಡಿಂಜತೇಂಗಿ, ನಿಂಗ ಗೇನ ಮಾಡತ ಸಮಯತ್‍ಲ್ ಆ ದಿವಸ ಬಂದಿತ್ ನಿಂಗಳ ಪುಡ್‌ಚಿರ್‍ವ.

ಅಪೊಸ್ತಲ 15:20

ಅದ್ಂಡ ಬದ್‍ಲ್ ಅಯಿಂಗ ವಿಗ್ರಹಕ್ ಅರ್ಪಿಚಿಟ್ಟ ಅಶುದ್ದ ಆನ ಕೂಳ್‍ಕ್, ಚೋರೆ ತಿಂಬಕ್, ನೆರ್‌ಕಿತ್ ಚತ್ತ್‌ಪೋನ ಪ್ರಾಣಿಯಡ ಯರ್ಚಿಕ್ ಪಿಂಞ ಲೈಂಗಿಕ ಪಾಪಕ್ ದೂರವಾಯಿತ್ ಇರಂಡೂಂದ್ ಅಯಿಂಗಕ್ ಕಾಗದತ್‍ನ ಒಳ್‍ದಿತ್ ಅಪ್ಪಣೆ ಕೊಡಕನ.

ರೋಮ್ 12:1

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ನಿಂಗಡ ತಡೀನ ಪವಿತ್ರವಾಯಿತ್, ದೇವ ಕುಶಿಪಡ್‌ವನೆಕೆ ಜೀವ ಬಲಿಯಾಯಿತ್ ಅರ್ಪಿಚಿಡಂಡೂಂದ್ ದೇವಡ ಕನಿಕಾರತ್‌ಂಜ ನಾನ್ ನಿಂಗಳ ಬೋಡುವಿ. ಇನ್ನನೆ ನಿಂಗ ಮಾಡ್‌ವ ಆರಾದನೆ, ಆತ್ಮೀಯ ಆರಾದನೆಯಾಯಿತುಂಡ್.

ರೋಮ್ 7:23

ಆಚೇಂಗಿಯು, ನಾಡ ಬುದ್ದಿರ ಕಾನೂನ್‍ಕ್ ವಿರೋದವಾಯಿತ್ ಪೋರಾಡಿಯಂಡಿಪ್ಪ ಬೋರೆ ಒರ್ ಕಾನೂನ್‌ನ ನಾಡ ತಡೀರ ಬಾಗತ್‍ಲ್ ಉಳ್ಳದ್ ನಾಕ್ ಗೊತ್ತಾಯಂಡುಂಡ್; ಅದ್ ನಾಡ ತಡೀರ ಬಾಗತ್‍ಲ್ ವಾಸ ಮಾಡಿಯಂಡುಳ್ಳ ಪಾಪತ್‍ರ ಕಾನೂನ್‍ಕ್ ನನ್ನ ಕೈದಿಯಾಯಿತ್ ಮಾಡಿರ್‌ತ್.

ರೋಮ್ 8:13

ಪಾಪತ್‍ರ ಗುಣತ್‍ಲ್ ನಿಂಗ ಬದ್‍ಕಿಯಂಡ್ ಇಂಜತೇಂಗಿ, ನಿಂಗ ಚತ್ತ್ ಪೋಪಿರ; ಪವಿತ್ರಾತ್ಮತ್‍ರಗುಂಡ್ ತಡೀರ ಕ್ರಿಯೇನ ನಿಂಗ ಪಾಳ್ ಮಾಡ್‍ಚೇಂಗಿ, ನಿಂಗ ಬದ್‍ಕ್‍ವಿರ.

2 ಕೊರಿಂಥ 5:20

ಆನಗುಂಡ್, ನಂಗ ಕ್ರಿಸ್ತಂಡ ರಾಜ್ಯಬಾರಿಯಂಗ‍ಳಾಯಿತ್ ದೇವಡ ಕೂಡೆ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡೀಂದ್ ಕ್ರಿಸ್ತಂಗಾಯಿತ್ ನಿಂಗಳ ಬೋಡುವಿ. ಅದ್ ದೇವ ನಂಗಳಗುಂಡ್ ನಿಂಗಕ್ ಬುದ್ದಿ ಎಣ್ಣುವನೆಕೆ ಉಂಡ್.

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

ಗಲಾತ್ಯ 5:24

ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವಯಿಂಗೆಲ್ಲಾ, ಅಯಿಂಗಡ ಪಾಪತ್‍ರ ಗುಣತ್‍ನ, ಅದ್ಂಡ ಆಸೆ ಪಿಂಞ ಇಚ್ಛೆನೆಲ್ಲಾ ಶಿಲುಬೇಲ್ ಇಟ್ಟಿತ್‌ಪ್ಪ.

ಎಫೆಸ 2:19

ಆನಗುಂಡ್, ನಿಂಗ ಇಂಞು ಮಿಂಞಕ್ ಬೋರೆಯಿಂಗಾಂದ್ ಪಿಂಞ ಅನ್ಯ ಜನಾಂದ್ ಇಲ್ಲತೆ, ದೇವಡ ಮಕ್ಕಡ ಕೂಟ್‌ಲ್ ಒರೇ ದೇಶಕ್ ಕೂಡ್‍ನಯಿಂಗಳು, ದೇವಡ ಮನೆಕಾರಂಗಳಾಯಿತ್ ಇಂಜಂಡ್,

ಎಫೆಸ 4:1

ಆನಗುಂಡ್, ದೇವ ನಿಂಗಳ ಕಾಕ್‍ನನೆಕೆ, ನಿಂಗ ಅದ್ಂಗ್ ಯೋಗ್ಯವಾನ ಬದ್‍ಕ್‍ನ ಬಾಳಡೂಂದ್ ಒಡೆಯಂಗಾಯಿತ್ ಕೈದಿಯಾಯಿತ್ ಉಳ್ಳ ನಾನ್, ನಿಂಗಳ ಬೋಡುವಿ.

2 ತಿಮೊಥೆಯ 2:22

ಬಾಲ್ಯ ವಯಸ್ಸ್‌ಲ್ ಬಪ್ಪ ಇಚ್ಛೆಯಿಂಜ ನೀ ಓಡಿ ಪೋ. ನೀತಿ, ನಂಬಿಕೆ, ಪ್ರೀತಿ, ಸಮಾದಾನತ್‍ನ ಪಡೆಯುವಕ್ ಶುದ್ದ ಹೃದಯತ್ಂಜ ಒಡೆಯನ ಆರಾದನೆ ಮಾಡ್‌ವಯಿಂಗಡ ಕೂಡೆ ಅದ್‍ನ ಪಡೆಯುವಕ್ ಪೇಚಾಡ್.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 6:9

ಪ್ರೀತಿರ ಜನಳೇ, ನಂಗ ಇನ್ನನೆ ಎಣ್ಣ್‌ಚೇಂಗಿಯು, ನಿಂಗಡ ಪಕ್ಕ ನಲ್ಲದ್ ಪಿಂಞ ರಕ್ಷಣೆರ ವಿಷಯ ಉಂಡ್‍ೕಂದ್ ನಂಗ ನಂಬಿಯಂಡುಂಡ್.

ಯಾಕೋಬ 4:1

ನಿಂಗಡಲ್ಲಿ ಎನ್ನಂಗಾಯಿತ್ ಯುದ್ದ ಮಾಡ್‌ವಿರ? ಜಗಳ ಮಾಡ್‌ವಿರ? ನಿಂಗಡ ಶರೀರತ್‌ನ ಅದಿಕಾರ ಮಾಡ್‌ವಕಾಯಿತ್ ನಿಂಗಡಲ್ಲಿ ಯುದ್ದ ಮಾಡ್‌ವ ಇಚ್ಛೆರಗುಂಡಲ್ಲ?

1 ಪೇತ್ರ 1:1

ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೇತ್ರ, ಪೊಂತ, ಗಲಾತ್ಯ, ಕಪ್ಪದೋಕ್ಯ, ಆಸ್ಯ, ಬಿಥೂನ್ಯ ಎಣ್ಣುವ ಈ ದೇಶತ್‍ಲ್, ಚದ್‌ರಿ ಪೋಯಿತುಳ್ಳ ಜನಡ ಮದ್ಯತ್‍ಲ್ ವಾಸ ಮಾಡಿಯಂಡುಳ್ಳ ದೇವ ಗೊತ್ತ್ ಮಾಡ್‍ನಯಿಂಗಕ್ ಪಿಂಞ ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ ಬದ್‍ಕಿಯಂಡ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

1 ಪೇತ್ರ 1:17

ಮೂಡ್‍ನ ನೋಟಿತ್ ಪಕ್ಷಪಾತವಿಲ್ಲತೆ, ಅಯಿಂಗಡ ಕ್ರೀಯರನೆಕೆ ನ್ಯಾಯತೀರ್ಪ್‌ನ ತಪ್ಪ ಅಪ್ಪನ ನಿಂಗ ಆರಾದರನೆ ಮಾಡಿಯಂಡ್ ಉಳ್ಳಾಂಗ್, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ, ದೇವಡ ಮೇಲೆ ಪೋಡಿಲ್ ಬದ್‍ಕಂಡು.

1 ಪೇತ್ರ 4:12

ನಾಡ ಪ್ರೀತಿರ ಜನಳೇ, ನಿಂಗಕ್ ಎಂತ ಆಯಂಡುಂಡ್‍ೕಂದ್ ಗೇನ ಮಾಡಿಯಂಡ್, ನಿಂಗಡ ಮದ್ಯತ್‍ಲ್ ಆಯಂಡುಳ್ಳ ಕಷ್ಟತ್‍ನ ನೋಟಿತ್, ನಿಂಗ ಬೇಜಾರ್ ಮಾಡತಿ.

1 ಪೇತ್ರ 4:2

ಆನಗುಂಡ್, ಇಂಞು ಮಿಂಞಕ್ ತಡೀಲ್ ಇಪ್ಪಕತ್ತನೆ, ಮನುಷ್ಯಂಗಡ ಇಚ್ಛೆಕಾಯಿತ್ ಬದ್‍ಕತೆ, ದೇವಡ ಚಿತ್ತತ್‍ರನೆಕೆ ಬದ್‍ಕ್‍ವ.

2 ಪೇತ್ರ 3:1

ಪ್ರೀತಿರ ಜನಳೇ, ನಾನ್ ನಿಂಗಕ್ ಇಕ್ಕ ಒಳ್‍ದ್‍ವದ್ ದಂಡನೆ ಕಾಗದ. ನಾನ್ ಒಳ್‍ದ್‍ನ ಈ ದಂಡ್ ಕಾಗದ‍ತ್‍ಲು, ನಿಂಗಡ ಮನಸ್ಸ್‌ರ ಞಾಪಕತ್‍ನ ಎಪ್ಪ್‌ಚಿಡ್‌ವಕ್ ಪಿಂಞ ಚೆನ್ನ ವಿಷಯತ್‍ನ ಗೇನ ಮಾಡ್‍ಚಿಡ್‌ವಕ್ ನಾನ್ ಪೇಚಾಡಿಯಂಡುಂಡ್.