1 ಪೇತ್ರ 1:20 - ಕೊಡವ ಬೈಬಲ್

²⁰ ಅಂವೊ, ಬೂಲೋಕ ಉಂಟಾಪಕ್ ಮಿಂಞಲೇ ಗೊತ್ತ್ ಮಾಡ್‍ನಂವೊನಾಯಿತ್ಂಜತ್. ಆಚೇಂಗಿ, ಈ ಆಕೀರ್ ಕಾಲತ್‍ಲ್ ಅಂವೊಂಡ ಮೂಲಕ ನಿಂಗಕಾಯಿತ್ ಕಾಂಬ್‍ಚಿಟ್ಟತ್.

1 ಪೇತ್ರ 1:20 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 8:23

ಈ ಬೂಮಿ ಉಂಟಾಪಕ್‌ ಮಿಂಞಲೇ, ಆದ್ಯತ್‌ಲೇ ನನ್ನ ನೇಮಿಚ್ಚಿಟ್ಟತ್‌ ಮಾಡ್‌ಚಿ.

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಅಪೊಸ್ತಲ 2:23

ಆಚೇಂಗಿಯು, ದೇವ ತೀರ್ಮಾನ ಮಾಡ್‍ನ ಆಲೋಚನೆರನೆಕೆ ಪಿಂಞ ಮಿಂಞಕ್ ಎಂತಾಪಾಂದ್ ಗೊತ್ತುಳ್ಳ ಅಂವೊಂಡ ಗುಣತ್‍ರನೆಕೆ, ಅಂವೊನ ನಿಂಗಡ ಕೈಲ್ ದೇವ ಒಪ್ಪ್‌ಚಿಡ್‌ವಕ, ನಿಂಗ ಅಂವೊನ ಯೆಹೂದ್ಯ ಅಲ್ಲತಯಿಂಗಡ ಕೈಕ್ ಕೊಡ್‌ತಿರ. ಅಯಿಂಗ ಅಂವೊನ ಶಿಲುಬೇಕ್ ಇಟ್ಟಿತ್ ಕೊಂದತ್.

ರೋಮ್ 3:25

ತಾಂಡ ಚೋರೆರ ಮೂಲಕ ನಂಬಿಕೆ ಇಡ್‌ವಯಿಂಗಡ ಪಾಪತ್‍ರ ಪರಿಹಾರವಾಯಿತ್ ಆಪನೆಕೆ ಯೇಸುನ ಎಲ್ಲಾಡ ಮಿಂಞತ್ ಅರ್ಪಣೆ ಮಾಡ್‍ಚಿ. ಇನ್ನನೆ ದೇವ ನೀತಿಯುಳ್ಳಂವೋಂದ್ ನಿರೂಬಿಚಿಟ್ಟತ್. ಎನ್ನಂಗೆಣ್ಣ್‌ಚೇಂಗಿ, ದೇವ ತಾಂಡ ಪೊರುಮೇಲ್, ಕಯಿಂಜ ಕಾಲತ್‍ಲ್ ಮಾಡ್‍ನ ಪಾಪತ್‍ನ ಕಾಂಗತನೆಕೆ ಇಂಜತ್.

ರೋಮ್ 8:29

ದೇವ ತಾಂಡ ದುಂಬ ಮಕ್ಕಡಲ್ಲಿ ತಾಂಡ ಮೋಂವೊ ಆದ್ಯಂವೊನಾಯಿತಿಪ್ಪಕಾಯಿತ್, ದೇವ ದಾರ್‌ನ ಮಿಂಞಲೇ ಗೊತ್ತ್ ಮಾಡ್‍ಚೋ, ಅಯಿಂಗಳ ತಾಂಡ ಮೋಂವೊಂಡ ರೂಪತ್‍ರನೆಕೆ ಇಪ್ಪಕಾಯಿತ್ ಮಿಂಞಲೇ ತೀರ್ಮಾನ ಮಾಡ್‍ಚಿ.

ಗಲಾತ್ಯ 4:4

ಆಚೇಂಗಿ ಸರಿಯಾನ ಕಾಲ ಬಪ್ಪಕ, ನ್ಯಾಯಪ್ರಮಾಣಕ್ ಒಳಪಟ್ಟಿತ್ಂಜ ಒರ್ ಪೊಣ್ಣಾಳ್‍ರಗುಂಡ್, ದೇವ ಅಂವೊಂಡ ಮೋಂವೊನ ಈ ಲೋಕಕ್ ಅಯಿಚತ್.

ಎಫೆಸ 1:10

ಅದ್ ಎಂತ ಎಣ್ಣ್‌ಚೇಂಗಿ, ಅಂವೊ ತೀರ್ಮಾನ ಮಾಡ್‍ನ ಕಾಲ ನೆರವೇರುವಕ, ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾನ ಕೂಟಿತ್, ಕ್ರಿಸ್ತಂಡ ಅದಿಕಾರತ್‍ರ ಅಡಿಕ್ ಕೊಂಡ್ ಬರಂಡೂಂದ್ ಉಳ್ಳದ್‍ನ ದೇವ ಪೂರ್ತಿ ಮಾಡ್‌ವ.

ಎಫೆಸ 1:4

ತಾಂಡ ಮಿಂಞತ್, ನಂಗ ಪ್ರೀತಿಲ್ ಪವಿತ್ರವಾನಯಿಂಗಳಾಯಿತು, ಒರ್ ಕುತ್ತ ಇಲ್ಲತಯಿಂಗಳಾಯಿತು ಇಪ್ಪಕ್, ಲೋಕ ಉಂಟಾಪಕ್ ಮಿಂಞಲೇ ದೇವ ನಂಗಳ ಅಂವೊಂಡ ಜನವಾಯಿತ್ ಇಪ್ಪಕ್ ಕ್ರಿಸ್ತಂಡಲ್ಲಿ ಗೊತ್ತ್ ಮಾಡಿರ್‌ತ್.

ಎಫೆಸ 3:11

ಇದ್‍ನ ಇಕ್ಕ ಅಂವೊ ಅಂವೊಂಡ ನಿತ್ಯ ತೀರ್ಮಾನತ್‍ರ ಪ್ರಕಾರ ನಂಗಡ ಒಡೆಯನಾನ ಕ್ರಿಸ್ತ ಯೇಸುರ ಮೂಲಕ ಪೂರ್ತಿ ಮಾಡ್‍ಚಿ.

ಎಫೆಸ 3:9

ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಆದಿಯಿಂಜಲೆ ಮುಚ್ಚಿ ಬೆಚ್ಚಿತ್ಂಜ ಈ ಗುಟ್ಟ್‌ನ, ಎಲ್ಲಾರ್‌ಕು ಅರಿಚಿಡ್‌ವಕ್ ನನ್ನ ಗೊತ್ತ್ ಮಾಡ್‍ಚಿ.

ಕೊಲೊಸ್ಸೆ 1:26

ಈ ಸುದ್ದಿನ ಪಂಡ್ ಕಾಲತ್‍ಲ್ ಗುಟ್ಟಾಯಿತ್ ದುಂಬ ಸಂತಾನಕಾರಂಗಕ್ ಮುಚ್ಚಿತ್ ಬೆಚ್ಚಿತ್ಂಜತ್. ಆಚೇಂಗಿ ಇಕ್ಕ, ಅದ್‍ನ ದೇವಡ ಮಕ್ಕಕ್ ಕಾಂಬ್‍ಚಿಟ್ಟಿತುಂಡ್.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.

ಇಬ್ರಿಯ 2:14

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

ಇಬ್ರಿಯ 9:26

ಅನ್ನನೆ ಇಂಜತೇಂಗಿ ಈ ಲೋಕ ಸೃಷ್ಟಿ ಆನ ಕಾಲತ್ಂಜ ಯೇಸು ದುಂಬ ಕುರಿ ಕಷ್ಟ ಅನುಬವಿಚಿಡುವಕಿಂಜತ್. ಆಚೇಂಗಿ, ಒರೇ ಕುರಿ ಪಾಪತ್‍ನ ಕಳೆಯುವಕಾಯಿತ್ ಅಂವೊನಾಯಿತೇ ಅಂವೊನ ಬಲಿ ಕೊಡ್‍ಪಕ್ ಈ ಆಕೀರ್ ಕಾಲತ್‍ಲ್ ಪ್ರತ್ಯಕ್ಷ ಆಚಿ.

1 ಪೇತ್ರ 1:2

ಅಪ್ಪನಾನ ದೇವ ಎಲ್ಲಾಕಿಂಜ ಮಿಂಞ ಎಂತ ತೀರ್ಮಾನ ಮಾಡಿತ್ಂಜತೋ, ಅನ್ನನೆ ನಿಂಗಳ ಅಂವೊ ಗೊತ್ತ್ ಮಾಡಿತ್, ನಿಂಗ ಯೇಸು ಕ್ರಿಸ್ತಂಗ್ ಬಗ್ಗಿತ್ ನಡ್‍ಪನೆಕೆ, ಅಂವೊಂಡ ಚೋರೆರ ಮೂಲಕ ನಿಂಗ, ನಿಂಗಡ ಪಾಪತ್ಂಜ ಶುದ್ದ ಆಪನೆಕೆ, ಅಂವೊಂಡ ಆತ್ಮತ್‍ರ ಮೂಲಕ ನಿಂಗಳ ಬೋರೆ ಮಾಡಿತ್ ಶುದ್ದಮಾಡ್‍ಚಿ. ದುಂಬ್‍ನ ಕೃಪೆಯು ಸಮಾದಾನವು ನಿಂಗಕ್ ಇಂಞು ಕ್‍ಟ್ಟಡ್.

1 ಯೋಹಾನ 1:2

ಆ ಜೀವ ಕಾಂಬಕಾಚಿ, ನಂಗ ಅದ್‍ನ ಕಂಡಿತ್ ಸಾಕ್ಷಿ ತಪ್ಪ. ಆನಗುಂಡ್, ನಂಗಕ್ ಗೊತ್ತ್ ಮಾಡಿತ್ ಅರಿಚಿಟ್ಟ ಅಪ್ಪನಾನ ದೇವಡ ಕೂಡೆ ಇಂಜ ನಿತ್ಯ ಜೀವತ್‍ರ ವಿಷಯತ್‍ನ ನಿಂಗಕ್ ಎಣ್ಣ್‌ವಿ.

1 ಯೋಹಾನ 3:5

ನಂಗಡ ಪಾಪತ್‍ನ ಎಡ್‌ತ್‌ ಕಳೆಯುವಕಾಯಿತ್ ಕ್ರಿಸ್ತ ಈ ಲೋಕಕ್ ಬಾತ್‍ೕಂದ್ ನಿಂಗಕ್ ಗೊತ್ತುಂಡ್. ಅಂವೊಂಡ ಪಕ್ಕ ಪಾಪ ಇಲ್ಲೆ.

1 ಯೋಹಾನ 3:8

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.