1 ಪೇತ್ರ 1:17 - ಕೊಡವ ಬೈಬಲ್

¹⁷ ಮೂಡ್‍ನ ನೋಟಿತ್ ಪಕ್ಷಪಾತವಿಲ್ಲತೆ, ಅಯಿಂಗಡ ಕ್ರೀಯರನೆಕೆ ನ್ಯಾಯತೀರ್ಪ್‌ನ ತಪ್ಪ ಅಪ್ಪನ ನಿಂಗ ಆರಾದರನೆ ಮಾಡಿಯಂಡ್ ಉಳ್ಳಾಂಗ್, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ, ದೇವಡ ಮೇಲೆ ಪೋಡಿಲ್ ಬದ್‍ಕಂಡು.

1 ಪೇತ್ರ 1:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 47:9

ಅದ್‌ಂಗ್‌ ಯಾಕೋಬ: ನಾನ್‌ ಪರದೇಶೀಯಾಯಿತ್‌ ಪ್ರಯಾಣ ಮಾಡ್‌ನ ಕಾಲ ನೂಟ್ಯ ನುಪ್ಪದ್. ನಾಡ ಆಯಸ್ಸ್‌ ಕಾಲ ಕಮ್ಮಿಯು ಕಷ್ಟ ದುಂಬ್‌ನದು ಆಯಿತ್‌ಂಜತ್. ಆಚೇಂಗಿಯು, ನಾಡ ಮುತ್ತಜ್ಜಂಗ ಪರದೇಶಿಯಾಯಿತ್‌ ಪ್ರಯಾಣ ಮಾಡ್‌ನ ಕಾಲತ್‌ನ ನೋಟ್‌ಚೇಂಗಿ ನಾಡದ್‌ ಕಮ್ಮಿ ಆಯಿತುಂಡ್‍ೕಂದ್‌ ಫರಹೋನಂಗ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 14:16

ಜ್ಞಾನಿಯಾನಂವೊ ಪೋಡಿಚಿಟ್ಟಂಡ್‌ ಕ್‍ೕಡ್‌ಂಜ ದೂರ ಇಪ್ಪ. ಆಚೇಂಗಿ ದಡ್ಡ ಎಚ್ಚರಿಕೆ ಇಲ್ಲತೆ ದುಡುಕಿತ್‌ ಕಾರ್ಯ ಮಾಡುವ.

ಜ್ಞಾನತ್‌ರ ಪಡಿಮ 28:14

ದೇವಡ ಮಿಂಞತ್‌ ಎಕ್ಕಾಲು ಪೋಡಿಚಿಡುವಂವೊ ಆಶೀರ್ವಾದ ಪಡ್‌ಂದಂವೊ. ಆಚೇಂಗಿ ತಾಂಡ ಹೃದಯತ್‌ನ ಕಠಿಣಪಡ್‌ತ್‌ವಂವೊ ಕ್‍ೕಡ್‌ಕ್‌ ಚಿಕ್ಕಿ ಬೂವ.

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಮತ್ತಾಯ 22:16

ಅಯಿಂಗ ಹೆರೋದ ರಾಜಂಡ ಜನಡ ಕೂಡೆ ಅಯಿಂಗಡ ಶಿಷ್ಯಂಗಳ ಅಯಿಚತ್. ಅಯಿಂಗ ಬಂತ್, ಉಪಾದ್ಯನೇ, ನೀನ್ ಸತ್ಯ ಉಳ್ಳಂವೊನು, ದೇವಡ ಚಿತ್ತತ್‍ರ ವಿಷಯತ್ ಜನಕ್ ಸತ್ಯವಾಯಿತ್ ಬೋದನೆ ಮಾಡ್‍ವಿಯಾಂದೂ, ದಾರ್‌ಕು ಬೊತ್ತ್‌ವಂವೊ ಅಲ್ಲಾಂದು, ಪಕ್ಷಪಾತ ಇಲ್ಲತಂವೋಂದು ನಂಗಕ್ ಗೊತ್ತುಂಡ್.

ಮತ್ತಾಯ 6:9

ಆನಗುಂಡ್, ನಿಂಗ ಇನ್ನನೆ ಪ್ರಾರ್ಥನೆ ಮಾಡಂಡು: ಪರಲೋಕತ್‍ಲ್ ಉಳ್ಳ ನಂಗಡ ಅಪ್ಪನೇ, ನೀಡ ಪೆದ ಎಕ್ಕಾಲು ಪವಿತ್ರವಾಯಿತಿರಡ್;

ರೋಮ್ 11:20

ಅಕ್ಕು, ಅಯಿಂಗಡ ಅಪನಂಬಿಕೇರಗುಂಡ್ ಅಯಿಂಗಳ ಮುರಿಚಿರ್‌ತ್. ನಿಂಗ ನಂಬಿಕೇರ ಮೂಲಕ ನಿಂದಂಡುಂಡ್; ಬಡಾಯಿ ಮಾಡತಿ, ಆಚೇಂಗಿ ಬೊತ್ತಿಯಂಡಿರಿ.

2 ಕೊರಿಂಥ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

2 ಕೊರಿಂಥ 5:6

ಆನಗುಂಡ್ ತಡೀಲ್ ಬದ್‍ಕಿಯಂಡಿಪ್ಪಕತ್ತನೆ, ನಂಗ ಒಡೆಯಂಡಿಂಜ ದೂರವಾಯಿತ್ ಉಂಡ್‍ೕಂದ್ ಗುತ್ತುಂಡೇಂಗೀಯು, ಎಕ್ಕಾಲು ದೈರ್ಯವಾಯಿತುಂಡ್.

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

2 ಕೊರಿಂಥ 7:11

ದೇವಡ ಚಿತ್ತತ್‍ರನೆಕೆ ಬಂದ ಈ ದುಃಖ ನಿಂಗಡಲ್ಲಿ ಎಚ್ಚಕ್ ಜಾಗ್ರತೆನ, ಎಚ್ಚಕ್ ನಿಂಗಳ ಗೊತ್ತಿಲ್ಲತಯಿಂಗಾಂದ್ ಕಾಂಬ್‍ಚಿಡುವಕ್, ಎಚ್ಚಕ್ ಪಗೇನ, ಎಚ್ಚಕ್ ಪೋಡಿನ, ಎಚ್ಚಕ್ ದುಂಬ ಆಸೇನ, ಎಚ್ಚಕ್ ಬಕ್ತಿನ, ಎಚ್ಚಕ್ ಕಂಡಿತತ್‍ನ ಉಂಟ್ ಮಾಡ್‍ಚಿ? ಈ ಎಲ್ಲಾ ವಿಷಯತ್‍ಲ್ ನಿಂಗ ನಿಂಗಳ ಶುದ್ದವಾನಯಿಂಗಾಂದ್ ಕಾಂಬ್‍ಚಿಟ್ಟಿತುಳ್ಳಿರ.

ಗಲಾತ್ಯ 2:6

ಅಯಿಂಗಡ ಪೆರಿಯಯಿಂಗಾಂದ್ ಎಣ್ಣ್‌ವಯಿಂಗ ನಾನ್ ಎಣ್ಣ್‌ನ ವಿಷಯತ್‍ರ ಕೂಡೆ ಒಂದು ಕೂಟಿತ್ ತಕ್ಕ್ ಪರ್ಂದಿತ್‌ಲ್ಲೆ. (ಅಯಿಂಗ ಎಚ್ಚಕ್ ಪೆರಿಯಯಿಂಗಳಾಯಿತ್ ಇಂಜತೇಂಗಿಯು ನಾಕ್ ಒಂದು ಇಲ್ಲೆ, ಎನ್ನಂಗೆಣ್ಣ್‌ಚೇಂಗಿ, ದೇವಡ ಮಿಂಞತ್‍ಲ್ ಪೆರಿಯಂವೊ ಚೆರಿಯಂವೋಂದ್ ದಾರೂ ಇಲ್ಲೆ).

ಎಫೆಸ 1:17

ಯೇಸು ಕ್ರಿಸ್ತಂಡ ಒಡೆಯನು, ಮಹಿಮೇರ ಅಪ್ಪನು ಆಯಿತುಳ್ಳ ದೇವನ, ನಿಂಗ ಚಾಯಿತೆ ಗೊತ್ತಾಪಕುಳ್ಳ ಜ್ಞಾನತ್‍ನ ಪಿಂಞ ಪ್ರಕಟನೆನ ತಪ್ಪ ಪವಿತ್ರಾತ್ಮತ್‍ನ ನಿಂಗಕ್ ತರಂಡೂಂದ್ ಪ್ರಾರ್ಥನೆ ಮಾಡಿಯಂಡುಳ್ಳ.

ಎಫೆಸ 3:14

ಈ ಕಾರಣಕಾಯಿತ್, ನಾನ್ ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾ ಕುಟುಂಬಕ್ ಪೆದ ಕ್‍ಟ್ಟುವಕ್ ಕಾರಣವಾಯಿತುಳ್ಳ,

ಎಫೆಸ 6:9

ಎಜಮಾನಂಗಳೇ, ನಿಂಗಳು ಸಹ, ಅಡಿಯಾಳ್‌ವಕ್ ಮಾಡ್‌ವಕ್ಕುಳ್ಳಾನ ಮಾಡಿತ್, ಅಯಿಂಗಕು ನಿಂಗಕು ಒರೇ ಎಜಮಾನ ಪರಲೋಕತ್‍ಲ್ ಉಂಡ್‍ೕಂದು ಪಿಂಞ ಅಂವೊ ದಾರ್‌ಕು ಪಕ್ಷಪಾತ ಮಾಡುಲೇಂದ್ ಗೇನ ಮಾಡಿತ್, ಅಯಿಂಗಳ ಬೊತ್ತ್‌ಚಿಡತಿ.

ಫಿಲಿಪ್ಪಿ 2:12

ಅದ್ಂಗಾಯಿತ್ ನಾಡ ಪ್ರೀತಿರ ಜನಳೇ, ನಾಡ ಮಿಂಞತ್‍ಲ್ ನಿಂಗ ನಾಡ ತಕ್ಕ್‌ನ ಕ್‍ೕಟಂಡ್ ಇಂಜನೆಕೆ, ನಾನ್ ಇಲ್ಲತಿಪ್ಪಕ ಸಹ, ನಿಂಗ ಇಂಞು ದುಂಬ ಇಕ್ಕ ಕ್‍ೕಕಂಡು, ಆನಗುಂಡ್, ದೇವಡ ಮೇಲೆ ಬಕ್ತಿ ಪಿಂಞ ಪೋಡಿಲ್ ನಿಂಗಡ ರಕ್ಷಣೆ ಪೂರ್ತಿ ಆಪಕಾಯಿತ್ ನಿಂಗಡ ಬದ್‍ಕ್‍ಲ್ ಕಾಂಬನೆಕೆ ಚಾಯಿ ಕೆಲಸ ಮಾಡಂಡು.

ಕೊಲೊಸ್ಸೆ 3:25

ಆಚೇಂಗಿ, ನಿಂಗ ಅನ್ಯಾಯ ಮಾಡ್‍ಚೇಂಗಿ, ನಿಂಗ ಮಾಡ್‍ನ ಅನ್ಯಾಯಕ್ ತಕ್ಕಂತ ಫಲ ಕ್‍ಟ್ಟುವ, ಎನ್ನಂಗೆಣ್ಣ್‌ಚೇಂಗಿ, ದೇವ ದಾರ್‌ಕು ಪಕ್ಷಪಾತ ಮಾಡುಲೆ.

ಇಬ್ರಿಯ 12:28

ಆನಗುಂಡ್, ಅನ್‌ಂಗವಕ್ ಕಯ್ಯತ ರಾಜ್ಯತ್‍ನ ಪಡೆಯುವಯಿಂಗಳಾಯಿತುಳ್ಳ ನಂಗ, ಪೋಡಿಲ್, ಬಕ್ತಿಲ್ ದೇವಕ್ ಕುಶಿಪಡ್‌ವನೆಕೆ ಆರಾದನೆ ಮಾಡ್‌ವಕ್ ದೇವಡ ಕೃಪೇನ ಪುಡ್‍ಚಂಡ್ ಇಕ್ಕನ.

ಇಬ್ರಿಯ 4:1

ದೇವ ತಪ್ಪ ಆರಾಮ್‍ರ ಜಾಗಕ್ ಪೋಪಕುಳ್ಳ ವಾಗ್ದಾನ ನಂಗಕ್ ಇಂಞು ಉಳ್ಳಗುಂಡ್, ನಿಂಗಡಲ್ಲಿ ಒಬ್ಬ ಸಹ ಅಲ್ಲಿಕ್ ಎತ್ತ್‌ವಕ್ ಆಪುಲೇಂದ್ ಗೊತ್ತಾಕತನೆಕೆ ಪೋಡಿಲ್ ಬದ್‍ಕಂಡು.

1 ಪೇತ್ರ 2:11

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.

1 ಪೇತ್ರ 3:15

ಆಚೇಂಗಿ, ಕ್ರಿಸ್ತಂಗ್ ನಿಂಗಡ ಹೃದಯತ್‍ಲ್ ಮರ್ಯಾದೆ ಕೊಡ್‍ಕಂಡು, ಅಂವೊನ ಒಡೆಯನಾಯಿತ್ ಗನಪಡ್‌ತಂಡು. ನಿಂಗಡ ನಿರಿಕ್ಷೇರ ವಿಷಯತ್ ದಾರಾಚೇಂಗಿ ಪ್ರಶ್ನೆ ಇಟ್ಟತೇಂಗಿ, ಅಯಿಂಗ ಎಲ್ಲಾರ್‌ಕು ಉತ್ತರ ಕೊಡ್‍ಪನೆಕೆ, ತಾಯಾರಾಯಿತ್ ಇರಿ. ಆಚೇಂಗಿ ಅದ್‍ನ ಮರ್ಯಾದೆಲ್ ಶಾಂತತ್‍ಲ್ ಮಾಡಂಡು.