1 ಯೋಹಾನ 5:9 - ಕೊಡವ ಬೈಬಲ್

⁹ ನಂಗ ಮನುಷ್ಯಂಡ ಸಾಕ್ಷಿನ ನಂಬುವ. ಆಚೇಂಗಿ ದೇವಡ ಸಾಕ್ಷಿ ಎಲ್ಲಾಗಿಂಜ ವಿಶೇಷವಾಯಿತುಳ್ಳಗುಂಡ್ ಅದ್‍ನ ಎಚ್ಚಕ್ ನಂಬಂಡು! ದೇವ ತಾಂಡ ಮೋಂವೊಂಡ ವಿಷಯತ್ ಎಣ್ಣ್‌ನ ಸಾಕ್ಷಿ ಇದ್.

1 ಯೋಹಾನ 5:9 ပူးပေါင်းရင်းမြစ်များ

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಯೋಹಾನ 10:38

ನಾನ್ ನಾಡ ಅಪ್ಪಂಡ ಕ್ರಿಯೇನ ಮಾಡ್‍ಚೇಂಗಿ, ನಿಂಗ ನನ್ನ ನಂಬತ ಇಂಜತೇಂಗಿಯು, ನಾನ್ ಅದ್‍ನ ಮಾಡ್‌ವಿ. ನಾನ್ ನಾಡ ಅಪ್ಪಂಡ ಕೂಡೆ, ನಾಡ ಅಪ್ಪ ನಾಡ ಕೂಡೆ ಉಂಡ್‍ೕಂದ್ ಸಾಕ್ಷಿಯಾಯಿತ್ ನಾನ್ ಮಾಡ್‌ವ ಅದ್ಬುತ ಕಾರ್ಯತ್‍ನ ನೋಟಿತ್ ಅದ್‍ನ ನಂಬುವಿರಾಂದ್ ಎಣ್ಣ್‌ಚಿ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಅಪೊಸ್ತಲ 17:31

ದೇವ ಒರ್ ದಿವಸತ್‍ನ ಗೊತ್ತ್ ಮಾಡಿತುಂಡ್; ಅಂವೊ ನೇಮಿಚಿಟ್ಟಂವೊಂಡ ಮೂಲಕ, ಈ ಲೋಕತ್‍ನ ಸರಿಯಾಯಿತ್ ನ್ಯಾಯತೀರ್ಪ್ ಮಾಡ್‌ವ; ಆ ಮನುಷ್ಯನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ನಗುಂಡ್, ಅನ್ನನೆ ಮಾಡ್‌ವಾಂದ್ ಅಂವೊ ಎಲ್ಲಾ ಜನಕು ಸಾಕ್ಷಿಯಾಯಿತ್ ಮಾಡ್‍ಚೀಂದ್ ಪೌಲ ಎಣ್ಣ್‌ಚಿ.

ಅಪೊಸ್ತಲ 5:32

ಈ ಸತ್ಯಕ್ ನಂಗ ಸಾಕ್ಷಿಯಾಯಿತುಂಡ್; ಅದಲ್ಲತೆ, ದೇವ, ಅಂವೊಂಗ್ ಬಗ್ಗಿತ್ ನಡ್‍ಪಯಿಂಗಕ್ ತಪ್ಪ ಪವಿತ್ರಾತ್ಮ ಸಹ ಸಾಕ್ಷಿಯಾಯಿತುಂಡ್‍ೕಂದ್ ಅಯಿಂಗಕ್ ಜವಾಬ್ ಕೊಡ್‍ತತ್.

ಇಬ್ರಿಯ 2:4

ಆಶ್ಚರ್ಯ ಕಾರ್ಯ, ಅದ್ಬುತ ಕಾರ್ಯತ್‍ನಗುಂಡ್ ಪಿಂಞ ಅಂವೊಂಡ ಶಕ್ತಿರಗುಂಡ್ ಎಚ್ಚಕೋ ಕ್ರಿಯೇನ ನಂಗ ಕಂಡಿತುಂಡ್. ತಾಂಡ ಚಿತ್ತತ್‍ರನೆಕೆ, ಪಾಲ್ ಮಾಡ್‍ನ ಪವಿತ್ರಾತ್ಮತ್‍ರ ವರತ್‍ರಗುಂಡ್ ದೇವನೇ ಸಾಕ್ಷಿ ಎಣ್ಣ್‌ನ ಇಚ್ಚಕ್ ಬಲ್ಯ ರಕ್ಷಣೆರ ವಿಷಯತ್ ನಂಗ ಎಚ್ಚರ ಇಲ್ಲತೆ ಇಂಜತೇಂಗಿ, ಬಪ್ಪಕುಳ್ಳ ಶಿಕ್ಷೆಕ್ ನಂಗ ಎನ್ನನೆ ಬಚಾವ್ ಆಪಕಯ್ಯು?

ಇಬ್ರಿಯ 6:18

ಆನಗುಂಡ್ ದೇವ ತಾಂಡ ವಾಗ್ದಾನತ್‍ನ ಪಿಂಞ ಆಣೆನ ನಂಗಕ್ ತಂದಿತುಂಡ್. ಈ ದಂಡ್ ವಿಷಯವು ಎಕ್ಕಾಲು ಬದ್‍ಲ್ ಆಪುಲೆ. ಅಂವೊ ಇನ್ನನೆ ಎನ್ನಂಗ್ ಮಾಡ್‍ಚೇಂಗಿ, ದೇವ ಪೊಟ್ಟ್ ಪರಿವಕ್ ಸಾದ್ಯತೆ ಇಲ್ಲೆ. ಆನಗುಂಡ್ ನಂಗಡ ಮಿಂಞಕ್ ಬೆಚ್ಚಿತುಳ್ಳ ನಿರಿಕ್ಷೇನ ಗಟ್ಟಿಯಾಯಿತ್ ಪುಡ್‌ಚಿತ್, ಬಚಾವಾಪಕ್ ಅಂವೊಂಡ ಪಕ್ಕ ಓಡಿ ಬಂದ ನಂಗಕ್ ದುಂಬ ನಿಶ್ಚಯ ಉಂಡ್.

1 ಯೋಹಾನ 5:10

ಆನಗುಂಡ್ ದೇವಡ ಮೋಂವೊಂಡಲ್ಲಿ ನಂಬಿಕೆ ಇಟ್ಟಿತುಳ್ಳಯಿಂಗಡ ಹೃದಯತ್‍ಲ್ ಈ ಸಾಕ್ಷಿ ಉಂಡ್. ಆಚೇಂಗಿ ದಾರೆಲ್ಲಾ ದೇವನ ನಂಬುಲೆಯೋ ಅಯಿಂಗ ಅಂವೊನ ಪೊಟ್ಟ್‌ಮಾರಿಯಾಯಿತ್ ಮಾಡಿಯಂಡುಂಡ್. ಎನ್ನನೆ ಎಣ್ಣ್‌ಚೇಂಗಿ ದೇವ ತಾಂಡ ಮೋಂವೊಂಡ ವಿಷಯತ್‍ಲ್ ಎಣ್ಣ್‌ನ ಸಾಕ್ಷಿನ ಅಯಿಂಗ ನಂಬಿತ್‌ಲ್ಲೆ.

1 ಯೋಹಾನ 5:8

ಮೂಂದಾಳು ಒರೇ ತರತ್‍ಲ್ ಸಾಕ್ಷಿ ಕೊಡ್‍ಪ.