1 ಯೋಹಾನ 4:6 - ಕೊಡವ ಬೈಬಲ್

⁶ ಆಚೇಂಗಿ ನಂಗ ದೇವಡ ಪಕ್ಕ ಕೂಡ್‍ನಯಿಂಗ. ದೇವನ ಗೊತ್ತುಳ್ಳಯಿಂಗ, ನಂಗ ಪರಿಯುವ ತಕ್ಕ್‌ನ ಕ್‍ೕಪ. ದೇವಡ ಪಕ್ಕ ಇಲ್ಲತಯಿಂಗ ನಂಗಡ ತಕ್ಕ್‌ನ ಕ್‍ೕಪುಲೆ. ಆನಗುಂಡ್, ಸತ್ಯ ಪರಿಯುವ ಆತ್ಮ ಏದ್‍ೕಂದ್, ಪೊಟ್ಟ್ ಪರಿಯುವ ಆತ್ಮ ಏದ್‍ೕಂದ್ ನಂಗಕ್ ಗೊತ್ತಾಪ.

1 ಯೋಹಾನ 4:6 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:22

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೇಂದ್ ಎಣ್ಣ್‌ಚಿ.

ಯೋಹಾನ 10:16

ಈ ಕೊರಿಕೊಟ್ಟ್‌ರ ಕೊರಿಯ ಅಲ್ಲತೆ, ಬೋರೆ ಕೊರಿಯಳು ನಾಕ್ ಉಂಡ್; ಅಯಿಂಗಳ ಸಹ ನಾನ್ ಕೂಟಿಯಂಡ್ ಬರಂಡು; ಆ ಕೊರಿಯ ನಾಡ ತಕ್ಕ್‌ನ ಕ್‍ೕಪ, ಅಕ್ಕ ಈಂಗ ದಂಡಾಳು ಒರೇ ಗುಂಪಾಯಿತ್, ಒರೇ ಕೊರಿಕಾಪಂವೊಂಡ ಅಡಿಕ್ ಬಪ್ಪ.

ಯೋಹಾನ 10:27

ನಾಡ ಕೊರಿಯ ನಾಡ ಸದ್ದ್‌ನ ಕ್‍ೕಪ; ನಾಕ್ ಅಯಿಂಗಳ ಗೊತ್ತುಂಡ್, ಅಯಿಂಗ ನಾಡ ಬಯ್ಯ ಬಪ್ಪ.

ಯೋಹಾನ 10:3

ಕೊರಿಕೊಟ್ಟ್‌ರ ಪಡಿಕಾರ ಅಂವೊಂಗ್ ಪಡಿನ ತೊರ್‌ಪ; ಕೊರಿಯಳು ಅಂವೊಂಡ ಸದ್ದ್‌ನ ಗೊತ್ತ್ ಮಾಡ್‌ವ. ಅಂವೊ ತಾಂಡ ಕೊರಿಯಳ ಪೆದ ಎಣ್ಣಿತ್ ಕಾಕಿತ್, ಅಯಿಂಗಳ ಪೊರಮೆ ನಡ್‍ತಿಯಂಡ್ ಪೋಪ.

ಯೋಹಾನ 13:20

ನಾನ್ ಅಯಿಚಂವೊನ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ, ಇದ್‍ನ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 14:17

ಅಂವೊ ಸತ್ಯತ್‍ರ ಆತ್ಮ. ಈ ಲೋಕತ್‍ರ ಜನಕ್ ಅಂವೊ ಕ್‍ಟ್ಟುಲೆ, ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ಅಂವೊನ ಕಂಡಿತು ಇಲ್ಲೆ, ಗೊತ್ತಾಯಿತು ಇಲ್ಲೆ. ಆಚೇಂಗಿ ನಿಂಗಕ್ ಅಂವೊ ದಾರ್‍ೕಂದ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ, ಅಂವೊ ನಿಂಗಡ ಕೂಡೆ ವಾಸ ಮಾಡಿಯಂಡ್ ನಿಂಗಡಲ್ಲಿ ಉಂಡ್.

ಯೋಹಾನ 15:26

ನಾಡ ಅಪ್ಪಂಡ ಕಡೇಯಿಂಜ ನಾನ್ ನಿಂಗಕ್ ಅಯಿಪಂವೊನು, ಅಪ್ಪಂಡ ಕಡೇಯಿಂಜ ಪೊರಟಿತ್ ಬಪ್ಪಂವೊನು ಆಯಿತುಳ್ಳ ಸತ್ಯತ್‍ರ ಆತ್ಮವಾಯಿತುಳ್ಳ ಆಲೋಚನೆಕಾರ ಬಪ್ಪಕ, ನಾಡ ವಿಷಯತ್ ಸಾಕ್ಷಿ ತಪ್ಪ.

ಯೋಹಾನ 16:13

ಸತ್ಯತ್‍ರ ಆತ್ಮವಾಯಿತುಳ್ಳ ಪವಿತ್ರಾತ್ಮ ಬಪ್ಪಕ, ನಿಂಗಳ ಸತ್ಯತ್‍ರ ಎಲ್ಲಾ ಬಟ್ಟೇಲ್ ನಡ್‍ತುವ; ಅಂವೊ, ಅಂವೊಂಡ, ಇಷ್ಟಪಕ್ರಾರ ತಕ್ಕ್ ಪರಿಯುಲೆ, ಅಂವೊ ಎಂತಾನ ಕ್‍ೕಪ ಅದ್‍ನ ನಿಂಗಕ್ ಎಣ್ಣಿತ್, ಇಂಞು ಮಿಂಞಕ್ ಬಪ್ಪಕುಳ್ಳ ಕಾರ್ಯತ್‍ನ ಎಣ್ಣಿ ತಪ್ಪ.

ಯೋಹಾನ 18:37

ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಯೋಹಾನ 20:21

ಯೇಸು ಇಂಞೊರ್ ಕುರಿ ನಿಂಗಕ್ ಸಮಾದಾನ ಆಡ್; ನಾಡ ಅಪ್ಪ ನನ್ನ ಅಯಿಚನೆಕೆ ನಿಂಗಳ ನಾನು ಅಯಿಚಂಡುಳ್ಳ್‌ಂದ್ ಎಣ್ಣಿತ್,

ಯೋಹಾನ 8:19

ಅಕ್ಕ ಫರಿಸಾಯಂಗ ಅಂವೊಂಗ್: ನೀಡ ಅಪ್ಪ ಎಲ್ಲಿಯಾಂದ್ ಕ್‍ೕಟತ್. ಅದ್ಂಗ್ ಯೇಸು ಅಯಿಂಗಕ್: ನಾನ್ ದಾರ್‍ೕಂದೂ ಗೊತ್ತ್‌ಲ್ಲೆ, ನಾಡ ಅಪ್ಪ ದಾರ್‍ೕಂದೂ ನಿಂಗಕ್ ಗೊತ್ತ್‌ಲ್ಲೆ; ನಿಂಗಕ್ ನಾನ್ ದಾರ್‍ೕಂದ್ ಗೊತ್ತ್‌ಂಜತೇಂಗಿ, ನಾಡ ಅಪ್ಪನ ಸಹ ಗೊತ್ತ್ಂಜತಿಪ್ಪ.

ಯೋಹಾನ 8:23

ಯೇಸು ಅಯಿಂಗಳ ನೋಟಿತ್: ನಿಂಗ ಅಡಿಲಿಂಜ ಬಂದಯಿಂಗ, ನಾನ್ ಕೊಡಿಯಿಂಜ ಬಂದಂವೊ; ನಿಂಗ ಈ ಲೋಕಕ್ ಸ್ವಂತವಾನಯಿಂಗ, ಆಚೇಂಗಿ ನಾನ್ ಈ ಲೋಕಕ್ ಸ್ವಂತವಾನಂವೊ ಅಲ್ಲ.

ರೋಮ್ 1:1

ಯೇಸು ಕ್ರಿಸ್ತಂಡ ಸೇವಕನು, ಅಪೊಸ್ತಲನಾಯಿತ್‌ಪ್ಪಕ್ ದೇವ ಕಾಕ್‌ನಂವೊನು, ದೇವಡ ನಲ್ಲ ಸುದ್ದಿನ ಅರಿಚಿಡುವಕಾಯಿತ್ ದೇವ ಗೊತ್ತ್ ಮಾಡ್‍ನ ಪೌಲನಾನ ನಾನ್ ಒಳ್‍ದ್‍ವ ಕಾಗದ ಇದ್.

ರೋಮ್ 11:8

ದೇವಡ ವಾಕ್ಯತ್‍ಲ್: ದೇವ ಅಯಿಂಗಕ್ ಕಣ್ಣ್ ತೊರ್‌ಪಕ್ ಕಯ್ಯತ ವರ್‌ಕ್‌ನ ತಂದಿತ್, ಕಾಂಬಕ್ ಕಯ್ಯತ ಕಣ್ಣ್‌ನ ಪಿಂಞ ಕ್‍ೕಪಕ್ ಕಯ್ಯತ ಕೆಮಿನ ಅಯಿಂಗಕ್ ಕೊಡ್‌ತತ್‍ೕಂದ್ ಒಳ್‍ದಿತುಳ್ಳನೆಕೆ ಆಚಿ.

1 ಕೊರಿಂಥ 14:37

ನಾನ್ ದೇವಡ ಪ್ರವಾದೀಂದ್ ಒಬ್ಬ ಎಣ್ಣ್‌ಚೇಂಗಿ, ದೇವಡ ಆತ್ಮ ನಾಡ ಪಕ್ಕ ಉಂಡ್‍ೕಂದ್ ಒಬ್ಬ ಗೇನ ಮಾಡ್‍ಚೇಂಗಿ, ಇಕ್ಕ ನಾನ್ ಇಲ್ಲಿ ಒಳ್‍ದಿಯಂಡ್ ಉಳ್ಳದೆಲ್ಲಾ ಒಡೆಯಂಡ ಕಾನೂನ್‍ೕಂದ್ ಎಣ್ಣಡ್.

2 ಕೊರಿಂಥ 10:7

ನಿಂಗ ಪೊರಮೆ ಕಾಂಬ ಕೋಲತ್‍ನ ಮಾತ್ರ ನೋಟಿಯಂಡುಳ್ಳಿರ? ಒಬ್ಬ ತಾನ್ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಳ್ಳ್‌ಂದ್ ನಂಬಿಯಂಡಿಂಜತೇಂಗಿ, ಅಂವೊ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಪ್ಪನೆಕೆ, ನಂಗಳು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಅಂವೊ ಅಂವೊಂಡಲ್ಲಿ ಗೇನಮಾಡಡ್.

1 ತಿಮೊಥೆಯ 4:1

ಪವಿತ್ರಾತ್ಮ ಚಾಯಿತೆ ಎಣ್ಣ್‌ವನೆಕೆ, ಬಪ್ಪ ಕಾಲತ್‍ಲ್ ಚೆನ್ನ ಜನ ವಂಚನೆ ಮಾಡ್‌ವ ಆತ್ಮತ್‌ನ ನಂಬಿತ್, ಕೂಳಿಯಡ ಬೋದನೆಕ್ ಕೆಮಿ ಕೊಡ್‌ತಿತ್, ಸತ್ಯತ್‍ರ ನಂಬಿಕೇನ ಬುಟ್ಟಿತ್ ಪೋಪ.

2 ಪೇತ್ರ 3:2

ಪೂರ್ವ ಕಾಲತ್‍ಲ್ ಪವಿತ್ರ ಪ್ರವಾದಿಯಂಗಡ ಮೂಲಕ ಎಣ್ಣ್‌ನ ತಕ್ಕ್‌ನ ಪಿಂಞ ರಕ್ಷಕನಾಯಿತುಳ್ಳ, ಒಡೆಯಂಡ ಅಪೊಸ್ತಲಂಗಳಾಯಿತುಳ್ಳ ನಂಗಡ ಮೂಲಕ ನಿಂಗಕ್ ಕ್‍ಟ್ಟ್‌ನ ಆಜ್ಞೆನ ಗೇನಮಾಡಂಡೂಂದ್ ನಾಕ್ ನೇರಾಯಿತು ಆಸೆ.

1 ಯೋಹಾನ 4:1

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ದುಂಬ ಕಳ್ಳ ಪ್ರವಾದಿಯ ಉಂಡ್. ಆನಗುಂಡ್ ನಿಂಗ ಎಲ್ಲಾ ಆತ್ಮತ್‌ನ ನಂಬತೆ, ಆ ಆತ್ಮ ದೇವಡ ಕಡೇಯಿಂಜ ಬಾತಾಂದ್ ನಿಂಗ ಪರೀಕ್ಷೆ ಮಾಡಿತ್ ನೋಟಂಡು.

1 ಯೋಹಾನ 4:4

ಆಚೇಂಗಿ ನಾಡ ಪ್ರೀತಿರ ಮಕ್ಕಳೇ, ನಿಂಗ ದೇವಡ ಪಕ್ಕ ಕೂಡ್‌ನಯಿಂಗಳಾಯಿತ್ ಉಳ್ಳಗುಂಡ್, ಅಯಿಂಗಳ ಗೆದ್ದಿತುಳ್ಳಿರ. ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಒಳ್‍ಲ್ ಉಳ್ಳ ಆತ್ಮ ಈ ಲೋಕತ್‍ರ ಜನಡ ಆತ್ಮಕಿಂಜ ಶಕ್ತಿವಂತಂವೊನಾಯಿತುಂಡ್.

1 ಯೋಹಾನ 4:8

ಆಚೇಂಗಿ, ಪ್ರೀತಿ ಇಲ್ಲತಂವೊಂಗ್ ದೇವನ ಗೊತ್ತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ ದೇವ ಪ್ರೀತಿಯಾಯಿತೇ ಉಂಡ್.

1 ಯೋಹಾನ 5:19

ಇಡಿ ಲೋಕ ಸೈತಾನಂಡ ಕೈಯಿಲ್ ಉಂಡೇಂಗಿಯು, ನಂಗೆಲ್ಲಾ ದೇವಕ್ ಕೂಡ್‍ನಯಿಂಗಾಂದ್ ನಂಗಕ್ ಗೊತ್ತುಂಡ್.

ಯೂದ ಒಳ್‍ದ್‍ನ ಕಾಗದ 1:17

ಆಚೇಂಗಿ ನಾಡ ಕುಶೀರ ಜನಳೇ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪೊಸ್ತಲಂಗ, ಎಂತ ಬಪ್ಪಾಂದ್ ಮಿಂಞಲೇ ಎಣ್ಣ್‌ನ ತಕ್ಕ್‌ನ ಗೇನ ಬೆಚ್ಚೊಳಿ.