1 ಯೋಹಾನ 4:5 - ಕೊಡವ ಬೈಬಲ್

⁵ ಆ ಕಳ್ಳ ಪ್ರವಾದಿಯ ಈ ಲೋಕಕ್ ಕೂಡ್‍ನಯಿಂಗ, ಅದ್ಂಗಾಯಿತ್ ಅಯಿಂಗ ಈ ಲೋಕತ್‍ರನೆಕೆ ತಕ್ಕ್ ಪರಿಯುವ, ಪಿಂಞ ಲೋಕತ್‍ಲ್ ಉಳ್ಳಯಿಂಗಳು ಆ ತಕ್ಕ್‌ಕ್ ಕೆಮಿ ಕೊಡ್‍ಪ.

1 ಯೋಹಾನ 4:5 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:8

ಅನ್ಯಾಯ ಮಾಡ್‌ವ ಈ ಅದಿಕಾರಿರ ಎಜಮಾನ ಇದ್‍ನೆಲ್ಲಾ ಕ್‍ೕಪಂಜಿ, ಅಂವೊಂಡ ಬುದ್ದಿನ ಕಂಡಿತ್, ಬೋರೆ ಬಟ್ಟೆಯಿಲ್ಲತೆ ಅಂವೊನ ಹೊಗಳ್‍ಚಿ. ಮಿಂಞತ್‍ರ ಬದ್‍ಕ್‍ಕ್ ಬೋಂಡಿಯಾನದ್‍ನ ಉಳಿಕೆ ಮಾಡಿತ್ ಬೆಪ್ಪಕ್, ಬೊಳ್‍ಚತ್‍ರ ಮಕ್ಕಕಿಂಜ, ಈ ಲೋಕತ್‍ನ ಮಾತ್ರ ಗೇನಮಡಿಯಂಡುಳ್ಳ ಮಕ್ಕ ಬಾರಿ ಬುದ್ದಿವಂತಯಿಂಗಳಾಯಿತುಂಡ್.

ಯೋಹಾನ 17:14

ನಾನ್ ನೀಡ ವಾಕ್ಯತ್‍ನ ಅಯಿಂಗಕ್ ಕೊಡ್‌ತಿಯೆ; ನಾನ್ ಈ ಲೋಕಕ್ ಕೂಡ್‍ನಂವೊ ಅಲ್ಲತನೆಕೆ, ಈಂಗಳು ಈ ಲೋಕಕ್ ಕೂಡ್‍ನಯಿಂಗ ಅಲ್ಲ. ಅದ್ಂಗಾಯಿತ್ ಈ ಲೋಕ ಈಂಗಳ ದ್ವೇಶ ಮಾಡಿಯಂಡ್ ಉಂಡ್.

ಯೋಹಾನ 17:16

ನಾನ್ ಲೋಕಕ್ ಕೂಡ್‍ನಂವೊ ಅಲ್ಲತನೆಕೆ ಈಂಗಳು ಲೋಕಕ್ ಕೂಡ್‍ನಯಿಂಗ ಅಲ್ಲ.

ಯೋಹಾನ 3:31

ಕ್ರಿಸ್ತ ಪರಲೋಕತ್ಂಜ ಬಂದಂವೊ, ಅಂವೊ ಎಲ್ಲಾರ್ಕಿಂಜ ಬಲ್ಯಂವೊ. ಬೂಲೋಕತ್ಂಜ ಬಂದಯಿಂಗ, ಈ ಲೋಕತ್‍ರ ತಕ್ಕ್ ಪರಿಯುವ. ಆಚೇಂಗಿ, ಅಂವೊ ಪರಲೋಕತ್ಂಜ ಬಂದಂವೊ, ಆನಗುಂಡ್ ಅಂವೊ ಎಲ್ಲಾರ್ಕಿಂಜ ಬಲ್ಯಂವೊನಾಯಿತುಂಡ್.

ಯೋಹಾನ 8:23

ಯೇಸು ಅಯಿಂಗಳ ನೋಟಿತ್: ನಿಂಗ ಅಡಿಲಿಂಜ ಬಂದಯಿಂಗ, ನಾನ್ ಕೊಡಿಯಿಂಜ ಬಂದಂವೊ; ನಿಂಗ ಈ ಲೋಕಕ್ ಸ್ವಂತವಾನಯಿಂಗ, ಆಚೇಂಗಿ ನಾನ್ ಈ ಲೋಕಕ್ ಸ್ವಂತವಾನಂವೊ ಅಲ್ಲ.

2 ತಿಮೊಥೆಯ 4:3

ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ಆರೋಗ್ಯವಾನ ಬೋದನೆನ ಕ್‍ೕಪಕ್ ಮನಸ್ಸಿಲ್ಲತೆ, ಅಯಿಂಗಡ ಸ್ವಾರ್ಥ ಆಸೆಕ್ ತಕ್ಕಂತ, ಅಯಿಂಗಡ ಕೆಮಿಕ್ ಎಂತ ಕುಶಿಯುಂಡೋ ಅದ್‍ನ ತಕ್ಕ್ ಪರಿಯುವಂತ ಬೋದನೆಕಾರಂಗಳ ದುಂಬ ಕೂಟಿಯಂಡ್ ಬಪ್ಪ ಕಾಲ ಬಪ್ಪ.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.