1 ಯೋಹಾನ 4:3 - ಕೊಡವ ಬೈಬಲ್

³ ಆಚೇಂಗಿ, ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತನ ಒತ್ತತ ಏದು ಆತ್ಮವು ದೇವಡಯಿಂಜ ಬಂದದಲ್ಲ. ಬಪ್ಪಾಂದ್ ನಿಂಗ ಕ್‍ೕಟಿತುಳ್ಳ ಕಳ್ಳ ಕ್ರಿಸ್ತಂಡ ಆತ್ಮವೇ ಅದ್. ಅದ್ ಬಪ್ಪಾಂದ್ ನಿಂಗ ಕ್‍ೕಟಿತುಳ್ಳಿರಲ್ಲ. ಅದ್ ಇಕ್ಕಲೆ ಈ ಲೋಕತ್‍ಲ್ ಉಂಡ್.

1 ಯೋಹಾನ 4:3 ပူးပေါင်းရင်းမြစ်များ

ಮತ್ತಾಯ 24:5

ಎನ್ನಂಗೆಣ್ಣ್‌ಚೇಂಗಿ ನಾಡ ಪೆದ ಎಣ್ಣಿಯಂಡ್, ನಾನೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ದುಂಬ ಜನ ಬಂತ್ ಜನಳ ವಂಚನೆ ಮಾಡ್‌ವ.

1 ಯೋಹಾನ 2:18

ನಾಡ ಮಕ್ಕಳೇ ಕಡೆ ಕಾಲ ಬೆರಿಯ ಬಂದಂಡುಂಡ್! ಅಕ್ಕ, ನಾನೇ ಕ್ರಿಸ್ತಾಂದ್ ಪೊಟ್ಟ್ ಪರಿಯುವಂವೊ ಬಪ್ಪಾಂದ್ ಅಕ್ಕ ಕ್‍ೕಟಿತುಳ್ಳಿರ, ಆಚೇಂಗಿ ಇಕ್ಕಲೆ ಕಳ್ಳ ಕ್ರಿಸ್ತಂಗ ಬಂದಿತುಂಡ್. ಅಂದಕ ಇದ್ ಕಡೆ ಕಾಲಾಂದ್ ನಂಗಕ್ ಗೊತ್ತಾಪ.

1 ಯೋಹಾನ 2:22

ಯೇಸುನ, ದೇವ ಗೊತ್ತ್ ಮಾಡ್‍ನ ರಾಜನಾನ ಕ್ರಿಸ್ತ ಅಲ್ಲಾಂದ್ ಎಣ್ಣ್‌ವಂವೊನಲ್ಲತೆ ಬೋರೆ ದಾರ್ ಪೊಟ್ಟ್ ಪರಿಯುವಂವೊ? ಅನ್ನನೆ ಪೊಟ್ಟ್ ಪರಿಯುವಂವೊನೇ ಕಳ್ಳ ಕ್ರಿಸ್ತ. ಅಂವೊನೇ ಅಪ್ಪನಾನ ದೇವ ಪಿಂಞ ಮೋಂವೊನಾನ ಯೇಸು ಕ್ರಿಸ್ತನ ಗೊತ್ತಿಲ್ಲೇಂದ್ ಎಣ್ಣ್‌ವಂವೊ.

2 ಯೋಹಾನ 1:7

ಯೇಸು ಕ್ರಿಸ್ತ ಮನುಷ್ಯ ರೂಪತ್‌ಲ್ ಈ ಬೂಲೋಕಕ್ ಬಾತ್‍ೕಂದ್ ಉಳ್ಳದ್‍ನ ಒತ್ತತೆ, ವಂಚನೆ ಮಾಡ್‌ವಯಿಂಗ ಈ ಲೋಕತ್‍ಲ್ ದುಂಬ ಬಂದಿತುಂಡ್. ಅನ್ನನೆ ಮಾಡ್‌ವಂವೊ ವಂಚನೆ ಮಾಡ್‌ವಂವೊನು, ಕಳ್ಳ ಕ್ರಿಸ್ತನಾಯಿತು ಉಂಡ್.