1 ಯೋಹಾನ 4:15 - ಕೊಡವ ಬೈಬಲ್

¹⁵ ಯೇಸು ದೇವಡ ಮೋಂವೋಂದ್ ದಾರ್ ಒಬ್ಬ ಅರಿಕೆ ಮಾಡ್‌ವ, ಅಂವೊಂಡೊಳ್‌ಲ್ ದೇವ ವಾಸ ಮಾಡ್‌ವ, ಅಂವೊನು ದೇವಡ ಕೂಡೆ ವಾಸ ಮಾಡ್‌ವ.

1 ಯೋಹಾನ 4:15 ပူးပေါင်းရင်းမြစ်များ

ಮತ್ತಾಯ 10:32

ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ: ದಾರೆಲ್ಲಾ ಮನುಷ್ಯಂಗಡ ಮಿಂಞತ್, ಅಂವೊ ನಾಡ ಬಕ್ತಾಂದ್ ಎಣ್ಣುವ, ನಾನ್ ಸಹ ಅಂವೊನ ಪರಲೋಕತ್‍ಲ್ ಉಳ್ಳ ನಾಡ ಅಪ್ಪಂಡ ಮಿಂಞತ್‍ಲ್ ನಾಡಂವೋಂದ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:8

ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ: ದಾರ್ ಮನುಷ್ಯಂಗಡ ಮಿಂಞತ್ ಅಂವೊ ನಾಡಂವೋಂದ್ ಎಣ್ಣ್‌ವ, ಮನುಷ್ಯಕುಮಾರ, ಅಂವೊನ ದೇವದೂತಂಗಡ ಮಿಂಞತ್ ನಾಡಂವೋಂದ್ ಎಣ್ಣುವ.

ಯೋಹಾನ 6:56

ನಾಡ ತಡೀನ ತಿಂದಿತ್, ನಾಡ ಚೋರೆನ ಕುಡಿಪಯಿಂಗ ನಾಡಲ್ಲಿ ವಾಸ ಮಾಡ್‌ವ; ನಾನ್ ಅಯಿಂಗಡಲ್ಲಿ ವಾಸ ಮಾಡ್‌ವಿ.

ಅಪೊಸ್ತಲ 8:37

ಅದ್ಂಗ್ ಫಿಲಿಪ್ಪ: ನೀನ್ ತ್‍ೕರ ಹೃದಯತ್‍ಲ್ ನಂಬ್‍ಚೇಂಗಿ ತಡೆ ಒಂದು ಇಲ್ಲೆ, ಅಕ್ಕ ಅಂವೊ, ಯೇಸು ಕ್ರಿಸ್ತ ದೇವಡ ಮೋಂವೋಂದ್ ನಾನ್ ನಂಬುವೀಂದ್ ಎಣ್ಣ್‌ಚಿ.

ರೋಮ್ 10:9

ನೀನ್ ಒಡೆಯನಾನ ಯೇಸುನ, ನೀಡ ಬಾಯಿಲ್ ಅರಿಕೆ ಮಾಡಿತ್, ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ಚೀಂದ್ ನೀಡ ಹೃದಯತ್‍ಲ್ ನಂಬ್‍ಚೇಂಗಿ, ನೀಕ್ ರಕ್ಷಣೆ ಕ್‍ಟ್ಟುವ.

ಫಿಲಿಪ್ಪಿ 2:11

ಪ್ರತಿ ಒಬ್ಬನು ಯೇಸು ಕ್ರಿಸ್ತನೇ ಒಡೆಯಾಂದ್ ಎಣ್ಣಿತ್ ನಂಗಡ ಅಪ್ಪನಾನ ದೇವನ ಮಹಿಮೆ ಪಡ್‍ತ್‍ವ.

1 ಯೋಹಾನ 2:23

ದಾರ್ ಮೋಂವೊನ ಅಲ್ಲಗೆಳೆಯುವ ಅಂವೊ ಅಪ್ಪನ ಅಲ್ಲಗೆಳೆಯುವ. ದಾರ್ ಮೋಂವೊನ ಸ್ವೀಕಾರ ಮಾಡ್‌ವ ಅಂವೊಂಡ ಕೂಡೆ ಅಪ್ಪ ಉಂಡ್‍ೕಂದ್ ಗೊತ್ತಾಪ.

1 ಯೋಹಾನ 2:24

ನಿಂಗ ಏದ್ ಉಪದೇಶತ್‍ನ ಆದಿಯಿಂಜ ಕ್‍ೕಟಿತುಳ್ಳಿರ ಅದ್ ನಿಂಗಡಲ್ಲಿ ಎಕ್ಕಾಲು ಇರಂಡು. ಆದಿಯಿಂಜ ನಿಂಗ ಕ್‍ೕಟದ್, ನಿಂಗಡಲ್ಲಿ ಇಂಜತೇಂಗಿ, ನಿಂಗ ಅಪ್ಪನಾನ ದೇವಡ ಕೂಡೆ ಪಿಂಞ ಅಂವೊಂಡ ಮೋಂವೊಂಡ ಕೂಡೆ ಉಳ್ಳ ಐಕ್ಯತ್‍ಲ್ ಎಕ್ಕಾಲು ಬದ್‍ಕ್‍ವಿರ.

1 ಯೋಹಾನ 3:23

ದೇವಡ ಆಜ್ಞೆ ಎಂತ್‍ೕಂದ್ ಎಣ್ಣ್‌ಚೇಂಗಿ: ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಪೆದತ್‍ನ ನಂಬಿತ್ ಅಂವೊ ನಂಗಕ್ ಆಜ್ಞೆ ಮಾಡ್‍ನನೆಕೆ ನಂಗ ಒಬ್ಬೊಬ್ಬನ ಪ್ರೀತಿ ಮಾಡ್‌ವದೇ.

1 ಯೋಹಾನ 3:24

ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಪಂವೊ, ದೇವಡ ಕೂಡೆ ಇಪ್ಪ, ದೇವನು ಅಂವೊಂಡ ಕೂಡೆ ಇಪ್ಪ. ಅಂವೊ ನಂಗಡ ಕೂಡೆ ಉಂಡ್‍ೕಂದ್ ಉಳ್ಳದ್ ಅಂವೊ ನಂಗಕ್ ಕೊಡ್‍ತ ಪವಿತ್ರತ್ಮಾತ್ಂಜಲೇ ನಂಗಕ್ ಗೊತ್ತಾಪ.

1 ಯೋಹಾನ 4:12

ದೇವನ ದಾರೂ ಕಂಡಿತ್‌ಲ್ಲೆ, ಆಚೇಂಗಿ ನಂಗ ಒಬ್ಬೊಬ್ಬನ ಪ್ರೀತಿ ಮಾಡ್‍ಚೇಂಗಿ ದೇವ ನಂಗಡ ಕೂಡೆ ಇಂಜಿತ್, ಅಂವೊಂಡ ಪ್ರೀತಿನ ನಂಗಡಲ್ಲಿ ಪೂರ್ತಿ ಮಾಡ್‌ವ.

1 ಯೋಹಾನ 4:2

ಒಬ್ಬ ದೇವಡ ಆತ್ಮತ್‍ಲ್ ತಕ್ಕ್ ಪರ್ಂದಂಡುಂಡ್‍ೕಂದ್ ಎನ್ನನೆ ನಿಂಗಕ್ ಗೊತ್ತಾಪಾಂದ್ ಎಣ್ಣ್‌ಚೇಂಗಿ, ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತನ ಒತ್ತವ ಏದ್ ಆತ್ಮವು ದೇವಡಯಿಂಜ ಬಂದದ್.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.

1 ಯೋಹಾನ 5:5

ಯೇಸು ದೇವಡ ಮೋಂವೋಂದ್ ನಂಬ್‌ನಯಂಗಳ ಅಲ್ಲತೆ ಈ ಲೋಕತ್‍ನ ಗೆಲ್ಲ್‌ವದ್ ಬೋರೆ ದಾರ್?

2 ಯೋಹಾನ 1:7

ಯೇಸು ಕ್ರಿಸ್ತ ಮನುಷ್ಯ ರೂಪತ್‌ಲ್ ಈ ಬೂಲೋಕಕ್ ಬಾತ್‍ೕಂದ್ ಉಳ್ಳದ್‍ನ ಒತ್ತತೆ, ವಂಚನೆ ಮಾಡ್‌ವಯಿಂಗ ಈ ಲೋಕತ್‍ಲ್ ದುಂಬ ಬಂದಿತುಂಡ್. ಅನ್ನನೆ ಮಾಡ್‌ವಂವೊ ವಂಚನೆ ಮಾಡ್‌ವಂವೊನು, ಕಳ್ಳ ಕ್ರಿಸ್ತನಾಯಿತು ಉಂಡ್.