1 ಯೋಹಾನ 4:12 - ಕೊಡವ ಬೈಬಲ್

¹² ದೇವನ ದಾರೂ ಕಂಡಿತ್‌ಲ್ಲೆ, ಆಚೇಂಗಿ ನಂಗ ಒಬ್ಬೊಬ್ಬನ ಪ್ರೀತಿ ಮಾಡ್‍ಚೇಂಗಿ ದೇವ ನಂಗಡ ಕೂಡೆ ಇಂಜಿತ್, ಅಂವೊಂಡ ಪ್ರೀತಿನ ನಂಗಡಲ್ಲಿ ಪೂರ್ತಿ ಮಾಡ್‌ವ.

1 ಯೋಹಾನ 4:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 32:30

ಅಕ್ಕ ಯಾಕೋಬ: ನಾನ್‌ ದೇವಡ ಮೂಡ್‌ನ ನೋಟ್‌ನ ಆಚೇಂಗಿಯು, ನಾಡ ಜೀವ ಉಳ್‌ಂಜತಲ್ಲಾಂದ್‌ ಎಣ್ಣಿತ್‌ ಆ ಜಾಗಕ್‌ ಪೆನೀಯೇಲ್‌ಂದ್‌ ಪೆದ ಬೆಚ್ಚತ್.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

1 ಕೊರಿಂಥ 13:13

ಆನಗುಂಡ್, ಮೂಂದ್ ವಿಷಯ ಎಕ್ಕಾಲು ಇಪ್ಪ, ನಂಬಿಕೆ, ನಿರೀಕ್ಷೆ ಪಿಂಞ ಪ್ರೀತಿ. ಈ ಮೂಂದ್‍ಲ್ ಪ್ರೀತಿಯೇ ಬಲ್ಯದ್.

1 ತಿಮೊಥೆಯ 1:17

ನಿತ್ಯವಾಯಿತುಳ್ಳಂವೊನೂ ಚಾವ್ ಇಲ್ಲತಂವೊನು ಕಣ್ಣ್‌ಕ್ ಕಾಂಗತ ರಾಜನಾಯಿತ್, ತಾನ್ ಒಬ್ಬನೇ ಜ್ಞಾನವುಳ್ಳಂವೊನಾಯಿತ್ ಇಪ್ಪ ದೇವಕ್ ಎಕ್ಕಾಲು ಗನ ಪಿಂಞ ಮಹಿಮೆ ಇರಡ್. ಆಮೆನ್.

1 ತಿಮೊಥೆಯ 6:16

ಚಾವೇ ಇಲ್ಲತ ಒಬ್ಬನಾಯಿತು, ದಾರೂ ಪಕ್ಕತ್‍ಲ್ ಪೋಪಕಯ್ಯತ ಬೊಳಿಲ್ ಇಪ್ಪಂವೊನಾಯಿತು, ದಾರೂ ಕಾಂಬಕ್ ಕಯ್ಯತ ಬೊಳಿಲ್ ಬದ್‍ಕ್‍ವಂವೊನಾಯಿತು, ಏದ್ ಮನುಷ್ಯನು ಇಲ್ಲಿಕತ್ತನೆ ಕಾಂಗತ, ಇಂಞು ಮಿಂಞಕು ಕಾಂಬಕ್ ಕಯ್ಯತಂವೊನಾಯಿತ್ತುಳ್ಳ ಅಂವೊಂಗೇ ಗನ, ನಿತ್ಯ ಶಕ್ತಿ ಎಕ್ಕಾಲು ಇರಡ್. ಆಮೆನ್.

ಇಬ್ರಿಯ 11:27

ನಂಬಿಕೇರ ಮೂಲಕ ಅಂವೊ, ಐಗುಪ್ತ ದೇಶತ್‍ನ ಬುಟ್ಟಿತ್ ಅಲ್ಲಿಯತ್‍ರ ರಾಜಂಡ ಚೆಡಿಕ್ ಬೊತ್ತತೆ ಪೊರಟಿತ್ ಪೋಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೂ ಕಾಂಬಕಯ್ಯತ ದೇವನ ಅಂವೊ ನೋಟ್‌ನನೆಕೆ ತಾಳ್ಮೆಲ್ ಮಿಂಞಕ್ ಪೋಚಿ.

1 ಯೋಹಾನ 2:5

ಆಚೇಂಗಿ ದಾರ್ ಅಂವೊಂಡ ತಕ್ಕ್‌ನ ಮೀರತೆ ನಡ್‍ಪ, ನೇರಾಯಿತ್ ಅಂವೊಂಡಲ್ಲಿ ದೇವಡ ಪ್ರೀತಿ ಪೂರ್ತಿಯಾಯಿತ್‌ಪ್ಪ. ಅನ್ನನೆ ಮಾಡ್‍ಚೇಂಗಿ ಮಾತ್ರ ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಗೊತ್ತಾಪ.

1 ಯೋಹಾನ 3:24

ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಪಂವೊ, ದೇವಡ ಕೂಡೆ ಇಪ್ಪ, ದೇವನು ಅಂವೊಂಡ ಕೂಡೆ ಇಪ್ಪ. ಅಂವೊ ನಂಗಡ ಕೂಡೆ ಉಂಡ್‍ೕಂದ್ ಉಳ್ಳದ್ ಅಂವೊ ನಂಗಕ್ ಕೊಡ್‍ತ ಪವಿತ್ರತ್ಮಾತ್ಂಜಲೇ ನಂಗಕ್ ಗೊತ್ತಾಪ.

1 ಯೋಹಾನ 4:16

ದೇವ ನಂಗಡ ಮೇಲೆ ಇಟ್ಟಿತುಳ್ಳ ಪ್ರೀತಿ ನಂಗಕ್ ಗೊತ್ತಾಯಿತ್, ಆ ಪ್ರೀತಿನ ಸತ್ಯಾಂದ್ ನಂಗ ನಂಬಿಯತ್. ದೇವ ಪ್ರೀತಿಯಾಯಿತೇ ಉಂಡ್. ದಾರೆಲ್ಲ ಪ್ರೀತಿಲ್ ಬದ್‍ಕ್‍ವ ಅಂವೊ ದೇವಡ ಕೂಡೆ ಐಕ್ಯತ್‍ಲ್ ಇಪ್ಪ, ದೇವ ಸಹ ಅಂವೊಂಡ ಕೂಡೆ ಐಕ್ಯತ್‍ಲ್ ಇಪ್ಪ.

1 ಯೋಹಾನ 4:20

ದಾರೇಂಗಿ, ನಾನ್ ದೇವನ ಪ್ರೀತಿ ಮಾಡ್‌ವೀಂದ್ ಎಣ್ಣಿತ್ ತಾಂಡ ಅಣ್ಣತಮ್ಮಣಂಗಳ ದ್ವೇಶ ಮಾಡ್‍ಚೇಂಗಿ ಅಂವೊ ಒರ್ ಪೊಟ್ಟ್‌ಮಾರಿ. ನಂಗ ಎಕ್ಕಾಲು ಕಂಡಂಡ್ ಉಳ್ಳ ಅಣ್ಣತಮ್ಮಣಂಗಳ ಪ್ರೀತಿ ಮಾಡತೆ ಪೋನಕ ನಂಗ ಕಾಂಗತ ದೇವನ ಎನ್ನನೆ ಪ್ರೀತಿ ಮಾಡ್‌ವಕ್ ಕಯ್ಯು.

1 ಯೋಹಾನ 4:6

ಆಚೇಂಗಿ ನಂಗ ದೇವಡ ಪಕ್ಕ ಕೂಡ್‍ನಯಿಂಗ. ದೇವನ ಗೊತ್ತುಳ್ಳಯಿಂಗ, ನಂಗ ಪರಿಯುವ ತಕ್ಕ್‌ನ ಕ್‍ೕಪ. ದೇವಡ ಪಕ್ಕ ಇಲ್ಲತಯಿಂಗ ನಂಗಡ ತಕ್ಕ್‌ನ ಕ್‍ೕಪುಲೆ. ಆನಗುಂಡ್, ಸತ್ಯ ಪರಿಯುವ ಆತ್ಮ ಏದ್‍ೕಂದ್, ಪೊಟ್ಟ್ ಪರಿಯುವ ಆತ್ಮ ಏದ್‍ೕಂದ್ ನಂಗಕ್ ಗೊತ್ತಾಪ.