1 ಯೋಹಾನ 3:7 - ಕೊಡವ ಬೈಬಲ್

⁷ ಪ್ರೀತಿರ ಮಕ್ಕಳೇ ದಾರೂ ನಿಂಗಳ ಈ ವಿಷಯತ್‍ಲ್ ವಂಚನೆ ಮಾಡ್‌ವಕ್ ಅವಕಾಶ ಕೊಡ್‌ಕತಿ. ನೀತಿಲ್ ನಡ್‌ಪಂವೊ, ಕ್ರಿಸ್ತ ನೀತಿವಂತಂವೊನಾಯಿತ್ ಉಳ್ಳನೆಕೆ ತಾನು ನೀತಿವಂತಂವೊನಾಯಿತುಂಡ್.

1 ಯೋಹಾನ 3:7 ပူးပေါင်းရင်းမြစ်များ

ಮತ್ತಾಯ 5:20

ನಾನ್ ನಿಂಗಕ್ ಎಣ್ಣ್‌ವಿ: ನಿಂಗಡ ನೀತಿ ಫರಿಸಾಯಂಗಡ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ನೀತಿಗಿಂಜ ಬಲ್ಯದಾಯಿತ್ ಇಲ್ಲತೆಪೋಚೇಂಗಿ ನೇರಾಯಿತು ನಿಂಗ ಪರಲೋಕ ರಾಜ್ಯತ್‍ಲ್ ಪ್ರವೇಶ ಮಾಡುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:75

ನೀತಿಲ್ ಸೇವೆ ಮಾಡ್‌ವಕ್ ಕಯ್ಯೂಂದ್ ವಾಗ್ದಾನ ಮಾಡ್‍ಚಿ. ನಾಡ ಮೋಂವೊನೇ, ನಿನ್ನ ದೇವಾದಿ ದೇವಡ ಪ್ರವಾದೀಂದ್ ಕಾಕುವ.

ಅಪೊಸ್ತಲ 10:35

ಅಯಿಂಗ ಏದ್ ದೇಶತ್‍ರ ಜನವಾಯಿತ್ಂಜತೇಂಗಿಯು ಆಡ್, ಆಚೇಂಗಿ ಅಯಿಂಗ ದೇವಕ್ ಬೊತ್ತಿತ್, ನೀತಿರ ಬಟ್ಟೇಲ್ ನಡ್ಂದತೇಂಗಿ ಅಂವೊ ಸ್ವೀಕಾರ ಮಾಡ್‌ವ.

ರೋಮ್ 2:13

ನ್ಯಾಯಪ್ರಮಾಣತ್‍ನ ಕ್‍ೕಪಯಿಂಗ ದೇವಡ ಮಿಂಞತ್ ನೀತಿವಂದಯಿಂಗ ಅಲ್ಲ, ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನೀತಿವಂತಯಿಂಗಳಾಪ.

1 ಕೊರಿಂಥ 6:9

ಅನೀತಿ ಮಾಡ್‌ವಯಿಂಗ ದೇವಡ ರಾಜ್ಯಕ್ ಬಾದ್ಯತೆ ಉಳ್ಳಯಿಂಗಳಾಯಿತ್ ಇಪ್ಪುಲೇಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ನಿಂಗ ಮೋಸ ಪೋಕತಿ; ಕಳ್ಳ ಸಂಬಂದ ಉಳ್ಳಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವ ಆಣಾಳ್‌ಂಗ, ಆಣ್-ಆಣ್, ಪೊಣ್ಣಾಳ್-ಪೊಣ್ಣಾಳ್ ವ್ಯಬಿಚಾರ ಮಾಡ್‌ವಯಿಂಗ,

ಎಫೆಸ 5:6

ದಾರೂ ನಿಂಗಳ ಪ್ರಯೋಜನ ಇಲ್ಲತ ತಕ್ಕ್‌ರ ಮೂಲಕ ವಂಚನೆ ಮಾಡ್‌ವಕ್ ಬುಡತಿ. ಇಂತ ಪಾಪಕಾಯಿತೇ ದೇವಡ ಬಲ್ಯ ಚೆಡಿ, ಅಂವೊಂಗ್ ತಗ್ಗಿತ್ ನಡ್‌ಕತಯಿಂಗಡ ಮೇಲೆ ಬಪ್ಪ.

ಎಫೆಸ 5:9

ಬೊಳಿರ ಫಲ, ಎಲ್ಲಾ ನಲ್ಲ ಗುಣತ್‍ಲ್, ನೀತಿಲ್ ಪಿಂಞ ಸತ್ಯತ್‍ಲ್ ಇಪ್ಪ.

ಫಿಲಿಪ್ಪಿ 1:11

ಅದಲ್ಲತೆ ಇಲ್ಲಿಯತ್‍ರ ನಿಂಗಡ ಬದ್‍ಕ್ ಯೇಸು ಕ್ರಿಸ್ತನಗುಂಡ್ ಮಾತ್ರ ಕ್‍ಟ್ಟ್‌ವ ನೀತಿರ ಗುಣತ್‍ಲ್ ದುಂಬ್‍ನದಾಯಿತ್ ಇಪ್ಪ. ಅನ್ನನೆ ದೇವಕ್ ಮಾತ್ರ ಮಹಿಮೆ ಪಿಂಞ ತುದಿ ಆಡ್.

ಇಬ್ರಿಯ 1:8

ಆಚೇಂಗಿ ತಾಂಡ ಮೋಂವೊಂಡ ವಿಷಯತ್: ಓ ದೇವಾ, ನೀಡ ಸಿಂಹಾಸನ ಕಾಲಕಾಲಕು ಇಪ್ಪ, ನೀಡ ರಾಜ್ಯತ್‍ನ ನೀತಿರಗುಂಡ್ ಆಳುವಿಯ,

ಇಬ್ರಿಯ 7:2

ಮೆಲ್ಕಿಜೆದೇಕಂಗ್ ಅಬ್ರಹಾಮ ಅಂವೊಂಡ ಎಲ್ಲಾ ವಸ್ತುಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಕೊಡ್‍ತತ್. ಮೆಲ್ಕಿಜೆದೇಕ ಎಣ್ಣುವ ಅಂವೊಂಡ ಆದ್ಯ ಪೆದಕ್ ನೀತಿರ ರಾಜಾಂದು, ಪಿಂಞ ಸಾಲೇಮ್‍ರ ರಾಜ ಎಣ್ಣುವ ಪೆದಕ್ ಸಮಾದಾನತ್‍ರ ರಾಜಾಂದು ಅರ್ಥ ಆಪ.

ಯಾಕೋಬ 1:22

ಅದಲ್ಲತೆ ನಿಂಗ ನಿಂಗಳ ಮೋಸ ಮಾಡತನೆಕೆ ದೇವಡ ವಾಕ್ಯತ್‍ನ ಕ್‍ೕಪಯಿಂಗಳಾಯಿತ್ ಮಾತ್ರ ಅಲ್ಲತೆ ಅದ್ಂಡ ಪ್ರಕಾರ ನಡ್‌ಪಯಿಂಗಳಾಯಿತು ಇಕ್ಕಂಡು.

ಯಾಕೋಬ 2:19

ನಿಂಗ ಒರೇ ದೇವ ಉಂಡ್‍ೕಂದ್ ನಂಬುವಿರ. ಅದ್ ನಲ್ಲದ್. ಆಚೇಂಗಿ, ಕೂಳಿಯಳು ಸಹ ಅನ್ನನೆ ನಂಬುವ, ಅಯಿಂಗ ಬೊತ್ತಿತ್ ನಡ್‌ಗುವ.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.

1 ಯೋಹಾನ 2:1

ನಾಡ ಪ್ರೀತಿರ ಮಕ್ಕಳೇ, ನಿಂಗ ಪಾಪ ಮಾಡತೆ ಇಪ್ಪಕಾಯಿತ್ ನಾನ್ ನಿಂಗಕ್ ಇದ್‍ನ ಒಳ್‍ದ್‍ವಿ. ಅನ್ನನೆ ದಾರೇಂಗಿ ಪಾಪ ಮಾಡ್‍ಚೇಂಗಿ, ನಂಗಕಾಯಿತ್ ಅಪ್ಪನಾನ ದೇವಡ ಪಕ್ಕ ಬೋಡ್‍ವಕ್ ಮದ್ಯಸ್ತ ಒಬ್ಬ ಉಂಡ್. ಆ ಮದ್ಯಸ್ತ, ನೀತಿವಂತಂವೊನಾನ ಯೇಸು ಕ್ರಿಸ್ತ.

1 ಯೋಹಾನ 2:26

ನಿಂಗಳ ವಂಚನೆ ಮಾಡ್‌ವ ಜನಡ ವಿಷಯತ್‍ಲ್ ಇದ್‍ನ ನಾನ್ ನಿಂಗಕ್ ಒಳ್‍ದ್‍ವಿ.

1 ಯೋಹಾನ 2:29

ಕ್ರಿಸ್ತ ನೀತಿವಂತಂವೊನೇಂದ್ ನಿಂಗಕ್ ಗೊತ್ತಾನಗುಂಡ್, ನೀತಿಲ್ ನಡ್‍ಪಯಿಂಗೆಲ್ಲಾ ದೇವಡ ಮಕ್ಕಾಂದ್ ನಿಂಗಕ್ ಗೊತ್ತಿರಂಡು.

1 ಯೋಹಾನ 3:18

ನಾಡ ಪ್ರೀತಿರ ಮಕ್ಕಳೇ, ನಂಗಡ ಪ್ರೀತಿ ಬರಿ ತಕ್ಕ್‌ಬಾಕ್‍ಲ್ ಮಾತ್ರ ಇಪ್ಪಕ್ಕಾಗ, ಆಚೇಂಗಿ ಸತ್ಯತ್‍ಲ್ ಪಿಂಞ ಕ್ರಿಯೇಲ್ ಕಾಟಂಡು.

1 ಯೋಹಾನ 3:3

ಯೇಸುರ ಮೇಲೆ ನಂಬಿಕೆ ಉಳ್ಳ ಎಲ್ಲಾರು, ಕ್ರಿಸ್ತ ಶುದ್ದವಾಯಿತ್ ಉಳ್ಳನೆಕೆ ಅಯಿಂಗಳು ಅಯಿಂಗಳ ಶುದ್ದ ಮಾಡ್‌ವ.

1 ಯೋಹಾನ 4:17

ನ್ಯಾಯತೀರ್ಪ್ ದಿವಸತ್‍ಲ್ ನಂಗ ಅಂವೊಂಡ ಮಿಂಞ ದೈರ್ಯತ್‍ಲ್ ನಿಪ್ಪಕ್ ದೇವಡ ಪ್ರೀತಿ ನಂಗಕ್ ದೈರ್ಯ ತಪ್ಪಗುಂಡ್, ಈ ಪ್ರೀತಿ ನಂಗಡೊಳ್‌ಲ್ ಇನ್ನನೆ ಪೂರ್ತಿ ಆಯಡುಂಡ್. ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ಲ್ ಕ್ರಿಸ್ತ ಎನ್ನನೆ ಇಂಜತೋ ಅದೇ ತರ ನಂಗಡ ಬದ್‌ಕು ಈ ಲೋಕತ್‍ಲ್ ಉಂಡ್.