1 ಯೋಹಾನ 3:6 - ಕೊಡವ ಬೈಬಲ್

⁶ ಅಂವೊಂಡಲ್ಲಿ ಬೇರೂರಿತುಳ್ಳಯಿಂಗ ದಾರೂ, ಪಾಪ ಮಾಡಿಯಂಡೇ ಇಪ್ಪುಲೆ. ಅನ್ನನೆ ಪಾಪ ಮಾಡಿಯಂಡೇ ಇಪ್ಪಯಿಂಗ ಅಂವೊನ ಕಂಡಿತು ಇಲ್ಲೆ, ಅಂವೊನ ಅರಿಂಜಿತು ಇಲ್ಲೆ.

1 ಯೋಹಾನ 3:6 ပူးပေါင်းရင်းမြစ်များ

2 ಕೊರಿಂಥ 3:18

ನಂಗ ಎಲ್ಲಾರು, ಮೂಡ್‌ರ ಮೇಲೆ ಬಟ್ಟೆ ಇಲ್ಲತಯಿಂಗಳಾಯಿತ್, ಒಡೆಯಂಡ ಮಹಿಮೆನ ಒರ್ ಕನ್ನಡಿಲ್ ಕಾಂಬನೆಕೆ ಕಂಡಂಡುಂಡ್. ಆತ್ಮವಾಯಿತುಳ್ಳ ಒಡೆಯನಗುಂಡ್, ಅಂವೊಂಡನೆಕೆ ಮಹಿಮೇರ ಮೇಲೆ ಮಹಿಮೆ ಪಡ್ಂದಿತ್, ಅಂವೊಂಡ ಮಹಿಮೇರ ರೂಪತ್‍ರನೆಕೆ ಬದ್‍ಲಾಯಂಡುಂಡ್.

2 ಕೊರಿಂಥ 4:6

ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.

1 ಯೋಹಾನ 2:28

ಇಕ್ಕ, ನಾಡ ಪ್ರೀತಿರ ಚೆರಿಯ ಮಕ್ಕಳೇ, ಅಂವೊ ಈ ಲೋಕಕ್ ಪ್ರತ್ಯಕ್ಷ ಆಪ ದಿವಸತ್‍ಲ್ ನಂಗ ಅಂವೊಂಡ ಮಿಂಞತ್‍ಲ್ ಒರ್ ಞಾಣ ಇಲ್ಲತೆ ದೈರ್ಯತ್‍ಲ್ ನಿಪ್ಪಕ್ ಅಂವೊಂಡ ಕೂಡೆ ಒಂದಾಯಿತ್ ಇರಂಡು.

1 ಯೋಹಾನ 2:3

ದೇವಡ ಆಜ್ಞೆನ ಮೀರತೆ ನಡ್ಂದತೇಂಗಿ, ಅಂವೊನ ನಂಗಕ್ ಗುತ್ತುಂಡ್‍ೕಂದ್ ದೃಡವಾಯಿತ್ ನಂಗಕ್ ಗೊತ್ತಾಪ.

1 ಯೋಹಾನ 2:4

ಒಬ್ಬ, ನಾಕ್ ದೇವನ ಗೊತ್ತುಂಡ್‍ೕಂದ್ ಎಣ್ಣ್‌ಚೇಂಗಿಯು, ಅಂವೊಂಡ ಆಜ್ಞೆರ ಪ್ರಕಾರ ನಡ್‍ಕತೆ ಪೋಚೇಂಗಿ, ಅಂವೊ ಪೊಟ್ಟ್ ಪರಿಯುಂವೊನಾಯಿತುಂಡ್, ಅಂವೊಂಡ ಪಕ್ಕ ಸತ್ಯ ಇಲ್ಲೆ.

1 ಯೋಹಾನ 3:2

ಪ್ರೀತಿರ ಮಕ್ಕಳೇ, ಇಕ್ಕ ನಂಗ ದೇವಡ ಮಕ್ಕಳಾಯಿತುಂಡ್. ಆಚೇಂಗಿ ಇಂಞು ಮಿಂಞಕ್ ನಂಗ ಎನ್ನನೆ ಇಪ್ಪಾಂದ್ ಅಂವೊ ಎಣ್ಣಿತ್‌ಲ್ಲೆ. ಆಚೇಂಗಿ ಕ್ರಿಸ್ತ ಪ್ರತ್ಯಕ್ಷ ಆಪಕ ನಂಗಳು ಅಂವೊಂಡನೆಕೆ ಇಪ್ಪಾಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ಅಂವೊ ಪ್ರತ್ಯಕ್ಷ ಆಪಕ ಅಂವೊ ಉಳ್ಳನೆಕೆ ನಂಗ ಅಂವೊನ ಕಾಂಬ.

1 ಯೋಹಾನ 3:9

ದೇವಡ ಮಕ್ಕಳಾಯಿತ್ ಆನಯಿಂಗ ಪಾಪ ಮಾಡಿಯಂಡೇ ಇಪ್ಪುಲೆ. ಎನ್ನಂಗೆಣ್ಣ್‌ಚೇಂಗಿ, ದೇವಡ ಜೀವ ಅಂವೊಂಡಲ್ಲಿ ಬೇರ್‌ರೂರಿ ಪೋಯಿತುಂಡ್ ಪಿಂಞ ದೇವ ಅಯಿಂಗಡ ಅಪ್ಪನಾನಗುಂಡ್ ಪಾಪ ಮಾಡಿಯಂಡೇ ಇಪ್ಪಕ್ ಕಯ್ಯುಲೆ.

1 ಯೋಹಾನ 4:8

ಆಚೇಂಗಿ, ಪ್ರೀತಿ ಇಲ್ಲತಂವೊಂಗ್ ದೇವನ ಗೊತ್ತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ ದೇವ ಪ್ರೀತಿಯಾಯಿತೇ ಉಂಡ್.

1 ಯೋಹಾನ 5:18

ದೇವಡ ಮಕ್ಕ ಪಾಪ ಮಾಡಿಯಂಡೇ ಇಪ್ಪುಲೇಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ದೇವಡ ಮೋಂವೊ ಅಯಿಂಗಳ ಬದ್ರವಾಯಿತ್ ಕಾಪಾಡ್‌ವ. ಪಿಂಞ ಸೈತಾನ ಅಯಿಂಗಳ ತೊಂದರೆ ಮಾಡ್‌ವಕ್ ಕಯ್ಯುಲೆ.

3 ಯೋಹಾನ 1:11

ನಾಡ ಪ್ರೀತಿರ ಕೂಟ್‌ಕಾರನೇ, ಬೋರೆಯಿಂಗ ಪೋಪ ಕೆಟ್ಟ ಬಟ್ಟೇಲ್ ನೀನು ಪೋಕತೆ, ನಲ್ಲ ಬಟ್ಟೇಲ್ ನಡ್‌ದಂಡ್ ಪೋ. ನಲ್ಲದ್ ಮಾಡ್‌ವಂವೊ ದೇವಡಯಿಂಜ ಪುಟ್ಟ್‌ನಂವೊ. ಕೆಟ್ಟದ್ ಮಾಡ್‌ವಂವೊ ದೇವನ ಕಂಡಿತ್‌ಲ್ಲೆ.