1 ಯೋಹಾನ 3:18 - ಕೊಡವ ಬೈಬಲ್

¹⁸ ನಾಡ ಪ್ರೀತಿರ ಮಕ್ಕಳೇ, ನಂಗಡ ಪ್ರೀತಿ ಬರಿ ತಕ್ಕ್‌ಬಾಕ್‍ಲ್ ಮಾತ್ರ ಇಪ್ಪಕ್ಕಾಗ, ಆಚೇಂಗಿ ಸತ್ಯತ್‍ಲ್ ಪಿಂಞ ಕ್ರಿಯೇಲ್ ಕಾಟಂಡು.

1 ಯೋಹಾನ 3:18 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:5

ಅಂವೊಂಗ್ ನಂಗಡ ಜನಳ ದುಂಬ ಕುಶಿ ಉಂಡ್, ಅಂವೊ ನಂಗಕ್ ಒರು ಸಬಾಮಂದಿರತ್‌ನ ಸಹ ಕೆಟ್ಟ್‌ಚೀಂದ್ ಎಣ್ಣಿತ್, ಯೇಸುರ ಪಕ್ಕ ಬೋಡ್‍ಚಿ.

ಯೋಹಾನ 17:19

ಅಯಿಂಗಳಗುಂಡ್ ನನ್ನ ನಾನ್ ಪವಿತ್ರವಾಯಿತ್ ಮಾಡ್‌ವಿ, ಅಕ್ಕ ಈಂಗಳು ಸತ್ಯತ್‍ರಗುಂಡ್ ನೀಕ್ ಪವಿತ್ರವಾಯಿತ್ ಆಪ.

ರೋಮ್ 12:9

ನಿಂಗಡ ಪ್ರೀತಿ ಕಪಟ ಇ‍ಲ್ಲತದಾಯಿತ್ ಇರಡ್, ಕೆಟ್ಟದ್‍ನ ದ್ವೇಶ ಮಾಡಿತ್, ನಲ್ಲದ್‍ನ ಪುಡ್‍ಚೊಳಿ.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.

ಎಫೆಸ 4:15

ಅದ್ಂಡ ಬದ್‍ಲ್, ಪ್ರೀತಿಲ್ ಸತ್ಯತ್‍ನ ಪುಡ್‍ಚಂಡ್, ಮಂಡೆಯಾಯಿತುಳ್ಳ ಕ್ರಿಸ್ತಂಡಲ್ಲಿ ಎಲ್ಲಾ ವಿಷಯತ್‍ಲು, ನಂಗ ಬೊಳ್ಂದಂಡ್ ಇಪ್ಪಯಿಂಗಳಾಯಿತ್ ಇರಂಡು.

1 ಥೆಸಲೊನೀಕ 1:3

ನಿಂಗಡ ನಂಬಿಕೇರಗುಂಡ್ ನಿಂಗಡ ಬದ್‍ಕ್‍ಲ್ ಕಾಟಿಯಂಡ್ ಉಳ್ಳ ನಿಂಗಡ ನಲ್ಲ ಕೆಲಸ, ನಿಂಗಡ ಪ್ರೀತಿನಗುಂಡ್ ನಿಂಗ ಜನಕ್ ಮಾಡ್‌ವ ಸಹಾಯ, ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಿರೀಕ್ಷೇರಗುಂಡ್ ನಿಂಗಡ ಸಹಿಸುವ ಗುಣ, ನಂಗಕ್ ಗೊತ್ತಾನಗುಂಡ್, ನಿಂಗಕಾಯಿತ್ ನಂಗ ದೇವಡ ಪಕ್ಕ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

1 ಯೋಹಾನ 2:1

ನಾಡ ಪ್ರೀತಿರ ಮಕ್ಕಳೇ, ನಿಂಗ ಪಾಪ ಮಾಡತೆ ಇಪ್ಪಕಾಯಿತ್ ನಾನ್ ನಿಂಗಕ್ ಇದ್‍ನ ಒಳ್‍ದ್‍ವಿ. ಅನ್ನನೆ ದಾರೇಂಗಿ ಪಾಪ ಮಾಡ್‍ಚೇಂಗಿ, ನಂಗಕಾಯಿತ್ ಅಪ್ಪನಾನ ದೇವಡ ಪಕ್ಕ ಬೋಡ್‍ವಕ್ ಮದ್ಯಸ್ತ ಒಬ್ಬ ಉಂಡ್. ಆ ಮದ್ಯಸ್ತ, ನೀತಿವಂತಂವೊನಾನ ಯೇಸು ಕ್ರಿಸ್ತ.

1 ಯೋಹಾನ 3:7

ಪ್ರೀತಿರ ಮಕ್ಕಳೇ ದಾರೂ ನಿಂಗಳ ಈ ವಿಷಯತ್‍ಲ್ ವಂಚನೆ ಮಾಡ್‌ವಕ್ ಅವಕಾಶ ಕೊಡ್‌ಕತಿ. ನೀತಿಲ್ ನಡ್‌ಪಂವೊ, ಕ್ರಿಸ್ತ ನೀತಿವಂತಂವೊನಾಯಿತ್ ಉಳ್ಳನೆಕೆ ತಾನು ನೀತಿವಂತಂವೊನಾಯಿತುಂಡ್.

2 ಯೋಹಾನ 1:1

ಮೂಪನಾನ ನಾನ್ ನೇರಾಯಿತ್ ಪ್ರೀತಿಚಿಡ್‍ವ ದೇವ ಗೊತ್ತ್ ಮಾಡ್‍ನ ಪ್ರೀತಿರ ಅವ್ವಂಗ್ ಪಿಂಞ ಅವಡ ಮಕ್ಕಕ್ ಒಳ್‍ದ್‍ವ ಕಾಗದ. ನಾನ್ ಒಬ್ಬ ಮಾತ್ರ ಅಲ್ಲ, ಆಚೇಂಗಿ ನೇರಾನ ಸತ್ಯ ಗೊತ್ತುಳ್ಳ ಎಲ್ಲಾರು ನಿಂಗಳ ಪ್ರೀತಿ ಮಾಡ್‌ವ.

3 ಯೋಹಾನ 1:1

ಮೂಪನಾನ ನಾನ್, ನೇರಾಯಿತ್ ಪ್ರೀತಿಚಿಡುವ ಪ್ರಿಯ ಗಾಯಂಗ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ,