1 ಯೋಹಾನ 3:17 - ಕೊಡವ ಬೈಬಲ್

¹⁷ ಈ ಲೋಕತ್‍ಲ್ ದುಂಬ ಸಂಪತ್ ಉಂಡೇಂಗಿಯು, ತಾಂಡ ಅಣ್ಣತಮ್ಮಣಂಗ ಕಷ್ಟತ್‍ಲ್ ಉಳ್ಳದ್‍ನ ನೋಟಿತ್, ದಯೆ ಕಾಟತೆ ಪೋನಕ, ದೇವಡ ಪ್ರೀತಿ ಅಂವೊಂಡೊಳ್‌ಲ್ ಉಂಡ್‍ೕಂದ್ ನಂಗ ಎನ್ನನೆ ಎಣ್ಣುವಕಯ್ಯು?

1 ಯೋಹಾನ 3:17 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:10

ನೀತಿವಂತಂವೊ ಅಂವೊಂಡ ಪ್ರಾಣಿಯಡ ಜೀವತ್‌ನ ಕಾಪಾಡುವ, ಆಚೇಂಗಿ ದುಷ್ಟ ಜನತ್‌ರ ಕನಿಕರ ಕ್ರೂರವಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 14:31

ಗರೀಬನ ಹಿಂಸೆಪಡ್‌ತವಂವೊ ಅಂವೊನ ಸೃಷ್ಟಿ ಮಾಡನಂವೊನ ಕಮ್ಮಿಯಾಯಿತ್‌ ನೋಟಿಯಂಡುಂಡ್. ಗರೀಬಂಗ್‌ ಕರುಣೆ ಕಾಟ್‌ವಂವೊ ಅಂವೊನ ಗನಪಡ್‌ತುವ.

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಜ್ಞಾನತ್‌ರ ಪಡಿಮ 21:13

ಗರೀಬ ಕೂತ್‌ಡ್‌ವಕ ಕೆಮಿ ಕೊಡ್‌ಕತೆ ಪೋಚೇಂಗಿ, ತಾನ್‌ ಜೋರಾಯಿತ್‌ ಕೂತ್‌ಡುವಕ ದಾರು ಜವಾಬ್ ಕೊಡ್‌ಪ್‌ಲೆ.

ಜ್ಞಾನತ್‌ರ ಪಡಿಮ 28:9

ದೇವಡ ನ್ಯಾಯಪ್ರಮಾಣಕ್‌ ಕೆಮಿ ಕೊಡ್‌ಕತಂವೊಂಡ ಪ್ರಾರ್ಥನೆ ದೇವಂಗ್‌ ಅಸಹ್ಯವಾನದ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:11

ಅಯಿಂಗಕ್ ಅಂವೊ: ದಾರ್‌ಕ್ ದಂಡ್ ಬಟ್ಟೆ ಉಂಡೋ ಅಯಿಂಗ ಇಲ್ಲತಂವೊಂಗ್ ಒಂದ್ ಕೊಡುಕಂಡೂಂದ್ ಎಣ್ಣ್‌ಚಿ.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಇಬ್ರಿಯ 13:16

ಅದಲ್ಲತೆ, ನಲ್ಲದ್ ಮಾಡ್‌ವಕು, ದಾನದರ್ಮ ಮಾಡ್‌ವಕು ಮರ್ಂದ್ ಪೋಕತಿ; ಇನ್ನನೆ ಮಾಡ್‌ವ ಬಲೀಲ್ ದೇವ ಕುಶಿಪಡ್‍ವಂವೊನಾಯಿತುಂಡ್.

ಯಾಕೋಬ 2:15

ಉದಾರಣೆಕ್ ಒರ್ ಅಕ್ಕತಂಗೆ ಅಥವ ಅಣ್ಣತಮ್ಮಣಂಗ ಇಡ್‌ವಕ್ ಬಟ್ಟೆ ಇಲ್ಲತೆ, ಉಂಬಕ್ ಕೂಳ್ ಇಲ್ಲತೆ ಇಪ್ಪಕ,

ಯಾಕೋಬ 2:16

ನಿಂಗಡಲ್ಲಿ ಉಳ್ಳ ಒಬ್ಬ ಅಂವೊನ ನೋಟಿತ್: ನಿಂಗ ಶಾಂತಿಲ್ ಪೋಯಿರಿ, ತಿತ್ತ್ ಕಾಂಜಿತ್ ಕೆಲ ದುಂಬ್‌ಚಿಡೀಂದ್ ಎಣ್ಣಿತ್, ಅಂವೊಂಡ ತಡಿಕ್ ಬೋಂಡಿಯಾನದ್‍ನ ಒಂದು ಕೊಡ್‍ಕತೆ ಪೋನಕ ಪ್ರಯೋಜನ ಎಂತ?

1 ಯೋಹಾನ 4:20

ದಾರೇಂಗಿ, ನಾನ್ ದೇವನ ಪ್ರೀತಿ ಮಾಡ್‌ವೀಂದ್ ಎಣ್ಣಿತ್ ತಾಂಡ ಅಣ್ಣತಮ್ಮಣಂಗಳ ದ್ವೇಶ ಮಾಡ್‍ಚೇಂಗಿ ಅಂವೊ ಒರ್ ಪೊಟ್ಟ್‌ಮಾರಿ. ನಂಗ ಎಕ್ಕಾಲು ಕಂಡಂಡ್ ಉಳ್ಳ ಅಣ್ಣತಮ್ಮಣಂಗಳ ಪ್ರೀತಿ ಮಾಡತೆ ಪೋನಕ ನಂಗ ಕಾಂಗತ ದೇವನ ಎನ್ನನೆ ಪ್ರೀತಿ ಮಾಡ್‌ವಕ್ ಕಯ್ಯು.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.