1 ಯೋಹಾನ 2:29 - ಕೊಡವ ಬೈಬಲ್

²⁹ ಕ್ರಿಸ್ತ ನೀತಿವಂತಂವೊನೇಂದ್ ನಿಂಗಕ್ ಗೊತ್ತಾನಗುಂಡ್, ನೀತಿಲ್ ನಡ್‍ಪಯಿಂಗೆಲ್ಲಾ ದೇವಡ ಮಕ್ಕಾಂದ್ ನಿಂಗಕ್ ಗೊತ್ತಿರಂಡು.

1 ಯೋಹಾನ 2:29 ပူးပေါင်းရင်းမြစ်များ

ಯೋಹಾನ 1:13

ಈಂಗ ಪುಟ್ಟ್‌ನದ್, ಒರ್ ಕುಂಞಿ ಪುಟ್ಟ್‌ನನೆಕೆ ಮನುಷ್ಯಂಡ ತಡೀರ ಚಿತ್ತತ್‍ರಗುಂಡೋ ಅಥವ ಒರ್ ವಡಿಯಂಡ ಚಿತ್ತತ್‍ರಗುಂಡೋ ಪುಟ್ಟ್‌ವನೆಕೆ ಪುಟ್ಟಿತ್‌ಲ್ಲೆ, ದೇವಡ ಮಕ್ಕಳಾಯಿತ್ ದೇವಡಯಿಂಜಲೇ ಪುಟ್ಟ್‌ನಯಿಂಗ.

ಯೋಹಾನ 7:18

ತಾಂಡ ಸ್ವಂತ ಬೋದನೆ ಮಾಡ್‌ವಯಿಂಗ, ಅಯಿಂಗಕ್ ಮಹಿಮೆ ಕ್‍ಟ್ಟಂಡೂಂದ್ ಮಾಡ್‌ವ, ಆಚೇಂಗಿ, ಅಂವೊನ ಅಯಿಚಂವೊಂಗ್ ಮಹಿಮೆ ಕ್‍ಟ್ಟುವಕಾಯಿತ್ ಬೋದನೆ ಮಾಡ್‌ವಂವೊ ಸತ್ಯವಂತಂವೊನಾಯಿತ್ ಉಂಡ್, ಅಂವೊಂಡಲ್ಲಿ ಪೊಟ್ಟ್ ಇಲ್ಲೆ.

ಅಪೊಸ್ತಲ 10:35

ಅಯಿಂಗ ಏದ್ ದೇಶತ್‍ರ ಜನವಾಯಿತ್ಂಜತೇಂಗಿಯು ಆಡ್, ಆಚೇಂಗಿ ಅಯಿಂಗ ದೇವಕ್ ಬೊತ್ತಿತ್, ನೀತಿರ ಬಟ್ಟೇಲ್ ನಡ್ಂದತೇಂಗಿ ಅಂವೊ ಸ್ವೀಕಾರ ಮಾಡ್‌ವ.

ಅಪೊಸ್ತಲ 22:14

ಅಕ್ಕ ಅಂವೊ: ನಂಗಡ ಅಜ್ಜಂಗಡ ದೇವ, ನೀನ್ ಅಂವೊಂಡ ಚಿತ್ತತ್‍ನ ಅರಿವಕು, ಆ ನೀತಿವಂತಂವೊನ ಕಾಂಬಕು, ಅಂವೊಂಡ ತಕ್ಕ್‌ನ ಅಂವೊಂಡ ಬಾಯಿಂಜ ಕ್‍ೕಪಕು ನಿನ್ನ ನೇಮಿಚಿಟ್ಟಿತುಂಡ್.

ಅಪೊಸ್ತಲ 3:14

ಪವಿತ್ರವಾನ ಪಿಂಞ ನೀತಿವಂತಂವೊನಾಯಿತ್ಂಜ ಅಂವೊನ ನಿಂಗ ಬೋಂಡಾಂದ್ ಎಣ್ಣಿತ್, ಅಂವೊಂಡ ಬದ್‍ಲ್ ಕೊಲೆಗಾರನ ಬುಡುಗಡೆ ಮಾಡ್‌ವಕ್ ಎಣ್ಣಿರ.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಇಬ್ರಿಯ 7:2

ಮೆಲ್ಕಿಜೆದೇಕಂಗ್ ಅಬ್ರಹಾಮ ಅಂವೊಂಡ ಎಲ್ಲಾ ವಸ್ತುಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಕೊಡ್‍ತತ್. ಮೆಲ್ಕಿಜೆದೇಕ ಎಣ್ಣುವ ಅಂವೊಂಡ ಆದ್ಯ ಪೆದಕ್ ನೀತಿರ ರಾಜಾಂದು, ಪಿಂಞ ಸಾಲೇಮ್‍ರ ರಾಜ ಎಣ್ಣುವ ಪೆದಕ್ ಸಮಾದಾನತ್‍ರ ರಾಜಾಂದು ಅರ್ಥ ಆಪ.

ಇಬ್ರಿಯ 7:26

ಇನ್ನನೆ ಉಳ್ಳ ಮಹಾ ಯಾಜಕನೇ ನಂಗಕ್ ಬೋಂಡಿಯತ್. ಇಂವೊ, ಪವಿತ್ರವಾನಂವೊನು, ಕುತ್ತ ಇಲ್ಲತಂವೊನು, ಒರ್ ತಪ್ಪ್ ಇಲ್ಲತಂವೊನಾಯಿತು ಉಂಡ್. ಅಂವೊ ಪಾಪಿಯಂಗಡ ಕೂಡೆ ಕೂಡತೆ, ಪರಲೋಕತ್‍ಲ್ ಎಲ್ಲಾಕಿಂಜ ಬಲ್ಯ ಸ್ತಾನತ್‍ನ ಪಡ್ಂದಂವೊನಾಯಿತುಂಡ್.

ಯಾಕೋಬ 1:18

ಅಂವೊಂಡ ಚಿತ್ತತ್‍ರನೆಕೆ, ತಾಂಡ ಎಲ್ಲಾ ಸೃಷ್ಟಿಲ್, ನಂಗಳ ಆದ್ಯ ಸ್ತಾನತ್‍ಲ್ ಇಕ್ಕಂಡೂಂದ್ ನಂಗಳ ಸತ್ಯ ವಾಕ್ಯತ್‍ರ ಮೂಲಕ ಪುಟ್ಟ್‌ವಕ್ ಮಾಡ್‍ಚಿ.

1 ಪೇತ್ರ 1:23

ಪಾಳಾಯಿ ಪೋಪ ಕುರುರ ಮೂಲಕ ಅಲ್ಲ, ಎಕ್ಕಾಲು ಬದ್‍ಕಿಯಂಡಿಪ್ಪ, ಜೀವವಾಯಿತ್ ಉಳ್ಳ ಪಾಳಾಯಿ ಪೋಕತ ಕುರುವಾನ ದೇವಡ ವಾಕ್ಯತ್‍ರ ಮೂಲಕ ನಿಂಗ ಪುನಃ ಪುಟ್ಟಿತುಳ್ಳಿರ.

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.

2 ಪೇತ್ರ 1:4

ಇದ್‍ನಗುಂಡ್, ಅಂವೊ ನಂಗಕ್ ದುಂಬ ಬಲ್ಯ ಬೆಲೆಯುಳ್ಳ ವಾಗ್ದಾನವೆಲ್ಲ ತಂದಿಯತ್. ಅನ್ನನೆ, ಇದ್ಂಡ ಮೂಲಕ ದೇವಡ ಗುಣತ್‍ಲ್ ನಂಗ ಪಾಲ್‍ದಾರಂಗಳಾಯಿತ್ ಈ ಲೋಕತ್‍ಲ್ ಉಳ್ಳ ಇಚ್ಛೆರ ಮೂಲಕ ಬಪ್ಪ ಕ್‍ೕಡ್‍ಕ್ ತಪ್ಪ್‌ಚಿಡ್‌ವನೆಕೆ ಮಾಡ್‍ಚಿ.

1 ಯೋಹಾನ 2:1

ನಾಡ ಪ್ರೀತಿರ ಮಕ್ಕಳೇ, ನಿಂಗ ಪಾಪ ಮಾಡತೆ ಇಪ್ಪಕಾಯಿತ್ ನಾನ್ ನಿಂಗಕ್ ಇದ್‍ನ ಒಳ್‍ದ್‍ವಿ. ಅನ್ನನೆ ದಾರೇಂಗಿ ಪಾಪ ಮಾಡ್‍ಚೇಂಗಿ, ನಂಗಕಾಯಿತ್ ಅಪ್ಪನಾನ ದೇವಡ ಪಕ್ಕ ಬೋಡ್‍ವಕ್ ಮದ್ಯಸ್ತ ಒಬ್ಬ ಉಂಡ್. ಆ ಮದ್ಯಸ್ತ, ನೀತಿವಂತಂವೊನಾನ ಯೇಸು ಕ್ರಿಸ್ತ.

1 ಯೋಹಾನ 3:5

ನಂಗಡ ಪಾಪತ್‍ನ ಎಡ್‌ತ್‌ ಕಳೆಯುವಕಾಯಿತ್ ಕ್ರಿಸ್ತ ಈ ಲೋಕಕ್ ಬಾತ್‍ೕಂದ್ ನಿಂಗಕ್ ಗೊತ್ತುಂಡ್. ಅಂವೊಂಡ ಪಕ್ಕ ಪಾಪ ಇಲ್ಲೆ.

1 ಯೋಹಾನ 3:7

ಪ್ರೀತಿರ ಮಕ್ಕಳೇ ದಾರೂ ನಿಂಗಳ ಈ ವಿಷಯತ್‍ಲ್ ವಂಚನೆ ಮಾಡ್‌ವಕ್ ಅವಕಾಶ ಕೊಡ್‌ಕತಿ. ನೀತಿಲ್ ನಡ್‌ಪಂವೊ, ಕ್ರಿಸ್ತ ನೀತಿವಂತಂವೊನಾಯಿತ್ ಉಳ್ಳನೆಕೆ ತಾನು ನೀತಿವಂತಂವೊನಾಯಿತುಂಡ್.

1 ಯೋಹಾನ 4:7

ಪ್ರೀತಿರ ಜನಳೇ, ನಂಗ ಒಬ್ಬೊಬ್ಬನ ಪ್ರೀತಿ ಮಾಡನ, ಎನ್ನಂಗೆಣ್ಣ್‌ಚೇಂಗಿ, ಪ್ರೀತಿ ದೇವಡಯಿಂಜ ಬಂದದ್. ದಾರೆಲ್ಲ ಪ್ರೀತಿ ಮಾಡ್‌ವ ಅಯಿಂಗೆಲ್ಲ ದೇವಡ ಮಕ್ಕ ಆಪ ಪಿಂಞ ಅಯಿಂಗಕ್ ದೇವನ ಗೊತ್ತುಂಡ್.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.

1 ಯೋಹಾನ 5:18

ದೇವಡ ಮಕ್ಕ ಪಾಪ ಮಾಡಿಯಂಡೇ ಇಪ್ಪುಲೇಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ದೇವಡ ಮೋಂವೊ ಅಯಿಂಗಳ ಬದ್ರವಾಯಿತ್ ಕಾಪಾಡ್‌ವ. ಪಿಂಞ ಸೈತಾನ ಅಯಿಂಗಳ ತೊಂದರೆ ಮಾಡ್‌ವಕ್ ಕಯ್ಯುಲೆ.

1 ಯೋಹಾನ 5:4

ಎನ್ನಂಗೆಣ್ಣ್‌ಚೇಂಗಿ ದೇವಡ ಮಕ್ಕ ಎಲ್ಲಾರು ಈ ಲೋಕತ್‍ನ ಗೆಲ್ಲುವ. ದೇವಡ ಮೇಲೆ ಬೆಚ್ಚ ನಂಬಿಕೆಯಿಂಜಲೇ ನಂಗ ಈ ಲೋಕತ್‍ನ ಗೆದ್ದತ್.

3 ಯೋಹಾನ 1:11

ನಾಡ ಪ್ರೀತಿರ ಕೂಟ್‌ಕಾರನೇ, ಬೋರೆಯಿಂಗ ಪೋಪ ಕೆಟ್ಟ ಬಟ್ಟೇಲ್ ನೀನು ಪೋಕತೆ, ನಲ್ಲ ಬಟ್ಟೇಲ್ ನಡ್‌ದಂಡ್ ಪೋ. ನಲ್ಲದ್ ಮಾಡ್‌ವಂವೊ ದೇವಡಯಿಂಜ ಪುಟ್ಟ್‌ನಂವೊ. ಕೆಟ್ಟದ್ ಮಾಡ್‌ವಂವೊ ದೇವನ ಕಂಡಿತ್‌ಲ್ಲೆ.