1 ಯೋಹಾನ 2:25 - ಕೊಡವ ಬೈಬಲ್

²⁵ ಈ ಐಕ್ಯವೇ ಕ್ರಿಸ್ತ ನಿಂಗಕ್ ತಪ್ಪೀಂದ್ ವಾಗ್ದಾನ ಮಾಡ್‍ನ ನಿತ್ಯ ಜೀವ.

1 ಯೋಹಾನ 2:25 ပူးပေါင်းရင်းမြစ်များ

ಯೋಹಾನ 10:28

ನಾನ್ ಅಯಿಂಗಕ್ ನಿತ್ಯ ಜೀವತ್‍ನ ತಪ್ಪಿ; ಅಯಿಂಗ ನಾಶ ಆಪದೇ ಇಲ್ಲೆ, ನಾಡ ಕೈಯಿಂಜ ದಾರ್ ಒಬ್ಬಂಗು ಅಯಿಂಗಳ ಬಲ್‍ಚಿತ್ ಎಡ್‌ತವಕ್ ಕಯ್ಯುಲೆ.

ಯೋಹಾನ 12:50

ಅಂವೊಂಡ ಆಜ್ಞೆ ನಿತ್ಯ ಜೀವತ್‍ನ ತಪ್ಪಾಂದ್ ನಾಕ್ ಗೊತ್ತುಂಡ್. ಆನಗುಂಡ್, ನಾಡ ಅಪ್ಪ ನಾಕ್ ಎಣ್ಣ್‌ನನೆಕೆ ನಾನ್ ತಕ್ಕ್ ಪರ್ಂದಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 3:15

ಅನ್ನನೆ ದಾರೆಲ್ಲ ಅಂವೊನ ನಂಬುವ, ಅಯಿಂಗಕೆಲ್ಲ ನಿತ್ಯ ಜೀವ ಕ್‍ಟ್ಟುವ.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 6:27

ಪಾಳಾಯಿ ಪೋಪ ಆಹಾರಕಾಯಿತ್ ಅಲ್ಲ ಆಚೇಂಗಿ ನಿಂಗಳ ನಿತ್ಯ ಜೀವಕತ್ತನೆ ಕೊಂಡ್ ಪೋಪ ಆಹಾರಕಾಯಿತ್ ಕ್ರಿಯೆ ಮಾಡಿ; ಅದ್‍ನ ಮನುಷ್ಯಕುಮಾರ ನಿಂಗಕ್ ತಪ್ಪ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅನ್ನನೆ ಮಾಡ್‌ವಕ್ ಅಪ್ಪನಾನ ದೇವ ಅಂವೊನ ಅದಿಕಾರಿಯಾಯಿತ್ ನೀಮಿಚಿಟ್ಟಿತುಂಡ್.

ಯೋಹಾನ 6:40

ಮೋಂವೊನ ನೋಟಿತ್, ಅಂವೊನ ನಂಬುವ ಎಲ್ಲಾರು ನಿತ್ಯ ಜೀವತ್‍ನ ಪಡೆಯುವದು, ನಾನ್ ಅಂವೊನ ಆಕೀರ್ ದಿವಸತ್‍ಲ್ ಎಪ್ಪ್‌ವದು ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

ಯೋಹಾನ 6:47

ನೇರಾಯಿತು, ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ನನ್ನ ನಂಬ್‌ವಯಿಂಗಕ್ ನಿತ್ಯ ಜೀವ ಉಂಡ್.

ಯೋಹಾನ 6:54

ನಾಡ ತಡೀನ ಉಂಡಿತ್, ನಾಡ ಚೋರೆನ ಕುಡಿಪಯಿಂಗಕ್ ನಿತ್ಯ ಜೀವ ಉಂಡ್; ಅಯಿಂಗಳ ನಾನ್ ಆಕೀರ್ ದಿವಸತ್‍ಲ್ ಎಪ್ಪುವಿ.

ಯೋಹಾನ 6:68

ಅಕ್ಕ ಸೀಮೋನ ಪೇತ್ರ: ಒಡೆಯನೇ, ನಿನ್ನ ಬುಟ್ಟಿತ್ ನಂಗ ದಾಡ ಪಕ್ಕ ಪೋಪೊ? ನೀಡ ಪಕ್ಕ ನಿತ್ಯ ಜೀವತ್‍ರ ವಾಕ್ಯ ಉಂಡಲ್ಲಾ?

ರೋಮ್ 2:7

ಎಲ್ಲಾನ ತಾಳ್ಮೆಲ್ ಸಹಿಸಿಯಂಡ್, ನಲ್ಲ ಕೆಲಸ ಮಾಡಿಯಂಡ್ ಮಹಿಮೆನ, ಗನತ್‍ನ ಪಿಂಞ ಪಾಳಾಯಿ ಪೋಕತದ್‍ನ ತ್‍ೕಡಿಯಂಡುಳ್ಳಯಿಂಗಕ್ ದೇವ ನಿತ್ಯ ಜೀವ ತಪ್ಪ.

ರೋಮ್ 5:21

ಆನಗುಂಡ್, ಪಾಪತ್‍ರ ಮೇಲೆ ಚಾವ್‍ಕ್ ಜಯ ಕ್‍ಟ್ಟ್‌ನನೆಕೆ, ದೇವಡ ಕೃಪೆಯು ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಿತ್ಯ ಜೀವತ್‍ನ ತಂದಿತ್, ನೀತಿರಗುಂಡ್ ಜಯ ಕ್‍ಟ್ಟ್‌ವನೆಕೆ ಮಾಡ್‍ಚಿ.

ರೋಮ್ 6:23

ಪಾಪತ್‍ರ ಸಂಬಳ ಚಾವ್; ದೇವಡ ಇನಾಮ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಕ್‍ಟ್ಟ್‌ವ ನಿತ್ಯ ಜೀವ.

ಗಲಾತ್ಯ 6:8

ತಾಂಡ ಸ್ವಂತ ಆಸೇನ ತೃಪ್ತಿ ಪಡ್‍ತ್‍ವಕಾಯಿತ್ ಮಾತ್ರ ಬದ್‍ಕ್‍ವಯಿಂಗ ಪಾಪ ಗುಣತ್‍ರ ಫಲವಾನ ಚಾವ್‍ನ ಕೊಯ್ಯುವ. ಆಚೇಂಗಿ ದೇವಡ ಆತ್ಮತ್‌ನ ಕುಶಿಪಡ್‍ತುವಕಾಯಿತ್ ಬದ್‍ಕ್‍ವಯಿಂಗ ಪವಿತ್ರಾತ್ಮ ತಪ್ಪ ನಿತ್ಯ ಜೀವತ್‍ನ ಕೊಯ್ಯುವ.

1 ತಿಮೊಥೆಯ 1:16

ನಾನ್ ಪಾಪಿಯಂಗಡಲ್ಲಿ ಬಲ್ಯ ಪಾಪಿಯಾಯಿತ್ ಇಂಜತೇಂಗಿಯು, ಯೇಸು ಕ್ರಿಸ್ತ ಅಂವೊಂಡ ದುಂಬ್‍ನ ತಾಳ್ಮೆನ ಕಾಂಬ್‍ಚಿಡುವಕಾಯಿತ್, ನಾಡ ಮೇಲೆ ಕರುಣೆ ಕಾಟ್‍ಚಿ. ಅನ್ನನೆ ಅಂವೊ ಎನ್ನಂಗ್ ಮಾಡ್‍ಚಿ ಎಣ್ಣ್‌ಚೇಂಗಿ, ನಿತ್ಯ ಜೀವ ಕ್‍ಟ್ಟ್‌ವಕ್, ಯೇಸು ಕ್ರಿಸ್ತಂಡ ಮೇಲೆ ಇಂಞು ಮಿಂಞಕ್ ಅಂವೊಂಡ ನಂಬಿಕೆ ಬೆಪ್ಪ ಜನಕ್ ನಾನ್ ಒರ್ ಉದಾರಣೆಯಾಯಿತ್ ಇಪ್ಪೀಂದ್ ಮಾಡ್‍ಚಿ.

1 ತಿಮೊಥೆಯ 6:12

ನಂಬಿಕೇರ ನಲ್ಲ ಪೋರಾಟತ್‍ನ ಪೋರಾಡ್, ನಿತ್ಯ ಜೀವತ್‍ನ ಗಟ್ಟಿಯಾಯಿತ್ ಪುಡ್‌ಚ; ಇದ್ಂಗಾಯಿತ್ ದೇವ ನಿನ್ನ ಕಾಕಿತುಂಡ್; ಅಕ್ಕ, ನೀನ್ ದುಂಬ ಜನಡ ಮಿಂಞತ್‍ಲ್ ನೀಡ ನಂಬಿಕೇರ ವಿಷಯತ್ ನೇರಾನ ಸಾಕ್ಷಿ ಕೊಡ್‍ತಿತುಳ್ಳಿಯ.

1 ತಿಮೊಥೆಯ 6:19

ಇನ್ನನೆ ಮಾಡ್‍ಚೇಂಗಿ, ಬಪ್ಪಕುಳ್ಳ ಯುಗಕಾಯಿತ್ ಅಯಿಂಗಡ ಬಂಡಾರತ್‌ಲ್ ಕೂಟಿ ಬೆಪ್ಪನೆಕೆ ಚಾಯಿ ಅಡಿಪಾಯ ಇಡ್‌ವ. ಅಕ್ಕ ಅಯಿಂಗ ಸತ್ಯವಾನ ಬದ್‍ಕ್‍ನ ಅನುಬವಿಚಿಡುವಾಂದ್ ನೀನ್ ಅಯಿಂಗಕ್ ಎಣ್ಣಿ ಕೊಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:7

ಆನಗುಂಡ್, ಅಂವೊಂಡ ಕೃಪೇರಗುಂಡ್ ನಂಗಳ ನೀತಿವಂತಯಿಂಗಳಾಯಿತ್ ಮಾಡಿತ್, ನಿತ್ಯ ಜೀವತ್‍ರ ಹಕ್ಕ್‌ದಾರಂಗಳಾಯಿತುಂಡ್‍ೕಂದ್ ಎಣ್ಣುವ ನಂಬಿಕೇನ ನಂಗಕ್ ತಂದಿತುಂಡ್.

1 ಯೋಹಾನ 1:2

ಆ ಜೀವ ಕಾಂಬಕಾಚಿ, ನಂಗ ಅದ್‍ನ ಕಂಡಿತ್ ಸಾಕ್ಷಿ ತಪ್ಪ. ಆನಗುಂಡ್, ನಂಗಕ್ ಗೊತ್ತ್ ಮಾಡಿತ್ ಅರಿಚಿಟ್ಟ ಅಪ್ಪನಾನ ದೇವಡ ಕೂಡೆ ಇಂಜ ನಿತ್ಯ ಜೀವತ್‍ರ ವಿಷಯತ್‍ನ ನಿಂಗಕ್ ಎಣ್ಣ್‌ವಿ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.

ಯೂದ ಒಳ್‍ದ್‍ನ ಕಾಗದ 1:21

ದೇವಡ ಪ್ರೀತಿಯಿಂಜ ನಿಂಗಳ ಕಾಪಾಡಿಯಂಡ್, ನಿತ್ಯ ಜೀವಕ್ ನಿಂಗಳ ಕೊಂಡ್ ಬಪ್ಪಕಾಯಿತ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕರುಣೆಕ್ ಪಾರಕಾತಂಡಿರಿ.