1 ಯೋಹಾನ 2:23 - ಕೊಡವ ಬೈಬಲ್

²³ ದಾರ್ ಮೋಂವೊನ ಅಲ್ಲಗೆಳೆಯುವ ಅಂವೊ ಅಪ್ಪನ ಅಲ್ಲಗೆಳೆಯುವ. ದಾರ್ ಮೋಂವೊನ ಸ್ವೀಕಾರ ಮಾಡ್‌ವ ಅಂವೊಂಡ ಕೂಡೆ ಅಪ್ಪ ಉಂಡ್‍ೕಂದ್ ಗೊತ್ತಾಪ.

1 ಯೋಹಾನ 2:23 ပူးပေါင်းရင်းမြစ်များ

ಮತ್ತಾಯ 11:27

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:22

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೇಂದ್ ಎಣ್ಣ್‌ಚಿ.

ಯೋಹಾನ 10:30

ನಾನು ನಾಡ ಅಪ್ಪನು ಒಂದ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.

ಯೋಹಾನ 16:3

ಅಯಿಂಗಕ್ ನನ್ನ, ನಾಡ ಅಪ್ಪನ ಗೊತ್ತಿಲ್ಲತಗುಂಡ್ ಇದ್‍ನೆಲ್ಲಾ ನಿಂಗಕ್ ಮಾಡ್‌ವ.

ಯೋಹಾನ 17:3

ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.

ಯೋಹಾನ 5:23

ಮೋಂವೊನ ಗನ ಪಡ್‍ತತಯಿಂಗ, ಅಂವೊನ ಅಯಿಚ ಅಪ್ಪನ ಸಹ ಗನ ಪಡ್‍ತತಯಿಂಗಳಾಯಿತುಂಡ್.

ಯೋಹಾನ 8:19

ಅಕ್ಕ ಫರಿಸಾಯಂಗ ಅಂವೊಂಗ್: ನೀಡ ಅಪ್ಪ ಎಲ್ಲಿಯಾಂದ್ ಕ್‍ೕಟತ್. ಅದ್ಂಗ್ ಯೇಸು ಅಯಿಂಗಕ್: ನಾನ್ ದಾರ್‍ೕಂದೂ ಗೊತ್ತ್‌ಲ್ಲೆ, ನಾಡ ಅಪ್ಪ ದಾರ್‍ೕಂದೂ ನಿಂಗಕ್ ಗೊತ್ತ್‌ಲ್ಲೆ; ನಿಂಗಕ್ ನಾನ್ ದಾರ್‍ೕಂದ್ ಗೊತ್ತ್‌ಂಜತೇಂಗಿ, ನಾಡ ಅಪ್ಪನ ಸಹ ಗೊತ್ತ್ಂಜತಿಪ್ಪ.

1 ಯೋಹಾನ 2:22

ಯೇಸುನ, ದೇವ ಗೊತ್ತ್ ಮಾಡ್‍ನ ರಾಜನಾನ ಕ್ರಿಸ್ತ ಅಲ್ಲಾಂದ್ ಎಣ್ಣ್‌ವಂವೊನಲ್ಲತೆ ಬೋರೆ ದಾರ್ ಪೊಟ್ಟ್ ಪರಿಯುವಂವೊ? ಅನ್ನನೆ ಪೊಟ್ಟ್ ಪರಿಯುವಂವೊನೇ ಕಳ್ಳ ಕ್ರಿಸ್ತ. ಅಂವೊನೇ ಅಪ್ಪನಾನ ದೇವ ಪಿಂಞ ಮೋಂವೊನಾನ ಯೇಸು ಕ್ರಿಸ್ತನ ಗೊತ್ತಿಲ್ಲೇಂದ್ ಎಣ್ಣ್‌ವಂವೊ.

1 ಯೋಹಾನ 4:15

ಯೇಸು ದೇವಡ ಮೋಂವೋಂದ್ ದಾರ್ ಒಬ್ಬ ಅರಿಕೆ ಮಾಡ್‌ವ, ಅಂವೊಂಡೊಳ್‌ಲ್ ದೇವ ವಾಸ ಮಾಡ್‌ವ, ಅಂವೊನು ದೇವಡ ಕೂಡೆ ವಾಸ ಮಾಡ್‌ವ.

1 ಯೋಹಾನ 4:2

ಒಬ್ಬ ದೇವಡ ಆತ್ಮತ್‍ಲ್ ತಕ್ಕ್ ಪರ್ಂದಂಡುಂಡ್‍ೕಂದ್ ಎನ್ನನೆ ನಿಂಗಕ್ ಗೊತ್ತಾಪಾಂದ್ ಎಣ್ಣ್‌ಚೇಂಗಿ, ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತನ ಒತ್ತವ ಏದ್ ಆತ್ಮವು ದೇವಡಯಿಂಜ ಬಂದದ್.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.