1 ಯೋಹಾನ 2:19 - ಕೊಡವ ಬೈಬಲ್

¹⁹ ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.

1 ಯೋಹಾನ 2:19 ပူးပေါင်းရင်းမြစ်များ

ಮತ್ತಾಯ 24:24

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಬಂದಿತ್, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡ್‌ವನೆಕೆ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಮಾರ್ಕ 13:22

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಉದಿಚಿ, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡಿತ್ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:13

ಪಾರೆಕಲ್ಲ್‌ರ ಮೇಲೆ ಬಿತ್ತ್‌ನ ಜನ, ದೇವಡ ವಾಕ್ಯತ್‍ನ ಕುಶೀಲ್ ಬೆರಿಯ ಸ್ವೀಕಾರ ಮಾಡ್‌ವ, ಆಚೇಂಗಿ ಅದ್ ಅಯಿಂಗಡ ಒಳ್‍ಲ್ ಆಳವಾಯಿತ್ ಬೇರ್ ಪುಡಿಕತಗುಂಡ್, ಚೆನ್ನ ಕಾಲ ಮಾತ್ರ ನಂಬುವ, ಸೋದನೆ ಬಪ್ಪಕ ಅಯಿಂಗ ಬುದ್ದ್ ಪೋಪ.

ಯೋಹಾನ 15:2

ನಾಡಲ್ಲಿ ಇಂಜಂಡ್ ಫಲ ಕೊಡ್‍ಕತ ಕೊಂಬ್‌ನೆಲ್ಲ ಅಂವೊ ಮುರಿಚಿತ್ ಇಡ್‌ವ; ಫಲ ತಪ್ಪ ಕೊಂಬ್‍ನ ಇಂಞು ದುಂಬ ಫಲ ತಪ್ಪನೆಕೆ ಕಪಾತ್ ಮಾಡ್‌ವ.

ಯೋಹಾನ 4:14

ಆಚೇಂಗಿ, ನಾನ್ ತಪ್ಪ ನೀರ್‌ನ ಕುಡಿಪಯಿಂಗಕ್ ಒರ್‌ಕಾಲು ಬಾಯಾರಿಕೆ ಆಪುಲೆ; ನಾನ್ ಅಯಿಂಗಕ್ ಕೊಡ್‍ಪ ನೀರ್ ಅಯಿಂಗಡ ಹೃದಯತ್‍ಲ್ ನಿತ್ಯ ಜೀವಕಾಯಿತ್ ಉಕ್ಕಿ ಬಂದಂಡಿಪ್ಪ ಜಲವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 15:24

ನಂಗ ಅಪ್ಪಣೆ ಕೊಡ್‌ತಿತ್ ಅಯಿಕತ ಚೆನ್ನ ಜನ ನಂಗಡ ಕಡೇಯಿಂಜ ನಿಂಗಡ ಪಕ್ಕ ಬಂದಿತ್, ನಿಂಗಡ ಮನಸ್ಸ್‌ನ ಗಲಿಬಿಲಿ ಮಾಡ್‌ಚೀಂದ್ ನಂಗಕ್ ಗೊತ್ತಾಚಿ.

ಅಪೊಸ್ತಲ 20:30

ನಿಂಗಡ ಮದ್ಯತ್ಂಜಲು ಚೆನ್ನ ಜನ ಎದ್ದಿತ್ ಸತ್ಯ ಬೋದನೆನ ತಿರಿತ್ ಯೇಸುನ ನಂಬ್‍ನಯಿಂಗಳ ಅಯಿಂಗಡ ಕಡೇಕ್ ಬಲ್‍ಚಿರುವಾಂದ್ ನಾಕ್ ಗೊತ್ತುಂಡ್.

ರೋಮ್ 9:6

ದೇವಡ ವಾಕ್ಯ ನೆರೆವೇ‍ರತೆ ಪೋಚೀಂದ್ ಎಣ್ಣುವಕ್ಕಾಗ, ಇಸ್ರಾಯೇಲ್ ವಂಶತ್‌ಲ್ ಪುಟ್ಟ್‌ನಯಿಂಗ ಎಲ್ಲಾರು, ನೇರಾನ ಇಸ್ರಾಯೇಲ್ ಜನ ಅಲ್ಲ.

1 ಕೊರಿಂಥ 11:19

ನಿಂಗಡಲ್ಲಿ ಬೋರೆ ಬೋರೆ ಅಬಿಪ್ರಾಯ ಬೋಂಡು, ಅನ್ನನೆ ಇಂಜತೇಂಗಿ ದಾರ್ ದೇವಡ ವಿಷಯತ್‍ಲ್ ನೇರಾನಯಿಂಗಾಂದ್ ಜನಕ್ ಗೊತ್ತಾಪ.

2 ತಿಮೊಥೆಯ 2:10

ಆಂಗಾಯಿತ್ ಗೊತ್ತ್ ಮಾಡಿತುಳ್ಳಯಿಂಗಕ್ ಯೇಸು ಕ್ರಿಸ್ತಂಡಿಂಜ ಕ್‍ಟ್ಟ್‌ವ ರಕ್ಷಣೆ ನಿತ್ಯ ಮಹಿಮೆಲ್ ಅಯಿಂಗಕ್ ಸಹ ಕ್‍ಟ್ಟ್‌ವನೆಕೆ ನಾನ್ ಎಲ್ಲಾನ ಅಯಿಂಗಕಾಯಿತ್ ಸಹಿಸಿಯಂಡುಂಡ್.

2 ತಿಮೊಥೆಯ 2:19

ಆಚೇಂಗಿಯು ದೇವಡ ವಾಕ್ಯತ್‍ರ ಅಡಿಪಾಯ ಗಟ್ಟಿಯಾಯಿತ್ ನಿಂದಿತುಂಡ್. ಅದ್‍ಲ್: ಒಡೆಯಂಗ್ ಅಂವೊಂಡ ಜನ ದಾರ್‍ೕಂದ್ ಗೊತ್ತುಂಡ್‍ೕಂದ್ ಪಿಂಞ ದೇವಡ ಪೆದತ್‍ನ ಎಣ್ಣುವ ಎಲ್ಲಾ ಜನಳು ಕೆಟ್ಟ ಕೆಲಸತ್‍ನ ಬುಟ್ಟಿತ್ ದೂರ ಆಂಡೂಂದ್ ದೇವಡ ವಾಕ್ಯತ್‍ಲ್ ಎಣ್ಣಿತುಂಡ್.

2 ತಿಮೊಥೆಯ 3:9

ಆಚೇಂಗಿಯು, ಈಂಗ ಇನ್ನನೆ ದುಂಬ ದೂರ ಪೋಪಕಯ್ಯುಲೆ. ಯನ್ನ ಪಿಂಞ ಯಂಬ್ರಂಡ ಚಲ್ಲಕಳಿ ಎನ್ನನೆ ಗೊತ್ತಾಚೋ ಅನ್ನನೆ ಈ ಮನುಷ್ಯಂಗಡ ಚಲ್ಲಕಳಿಯು ಒರ್ ದಿನ ಗೊತ್ತಾಪ.

ಇಬ್ರಿಯ 10:39

ಆಚೇಂಗಿ ನಂಗ ದೇವನ ಬುಟ್ಟಿತ್ ಪಾಳಾಯಿ ಪೋಪಯಿಂಗ ಅಲ್ಲ, ಆತ್ಮಕ್ ರಕ್ಷಣೆ ಕ್‍ಟ್ಟುವಕಾಯಿತ್ ನಂಬಿಕೆ ಉಳ್ಳಯಿಂಗಳಾಯಿತುಂಡ್.

2 ಯೋಹಾನ 1:7

ಯೇಸು ಕ್ರಿಸ್ತ ಮನುಷ್ಯ ರೂಪತ್‌ಲ್ ಈ ಬೂಲೋಕಕ್ ಬಾತ್‍ೕಂದ್ ಉಳ್ಳದ್‍ನ ಒತ್ತತೆ, ವಂಚನೆ ಮಾಡ್‌ವಯಿಂಗ ಈ ಲೋಕತ್‍ಲ್ ದುಂಬ ಬಂದಿತುಂಡ್. ಅನ್ನನೆ ಮಾಡ್‌ವಂವೊ ವಂಚನೆ ಮಾಡ್‌ವಂವೊನು, ಕಳ್ಳ ಕ್ರಿಸ್ತನಾಯಿತು ಉಂಡ್.

ಯೂದ ಒಳ್‍ದ್‍ನ ಕಾಗದ 1:1

ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬಂಡ ತಮ್ಮಣನಾನ ಯೂದ, ದೇವ ಕಾಕ್‍ನಯಿಂಗಳಾಯಿತ್, ಅಪ್ಪನಾನ ದೇವನ ಪ್ರೀತಿ ಮಾಡ್‌ವಯಿಂಗಳಾಯಿತ್, ಯೇಸು ಕ್ರಿಸ್ತಂಗಾಯಿತ್ ಬದ್ರವಾಯಿತ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

ಯೂದ ಒಳ್‍ದ್‍ನ ಕಾಗದ 1:19

ಈಂಗ ನಿಂಗಡಡೆಲ್ ಉಳ್ಳ ಜನಳ ಬೋರೆ ಬೋರೆ ಮಾಡಿತ್, ಅಯಿಂಗ ಅಯಿಂಗಡ ಸ್ವಂತ ಬುದ್ದಿರನೆಕೆ ಅಯಿಂಗಳ ನಡ್‍ತಿಯಂಡ್ ಪೋಯಂಡ್ ಪಿಂಞ ಪವಿತ್ರಾತ್ಮ ಇಲ್ಲತಯಿಂಗಳಾಯಿತ್ ಇಪ್ಪ.