1 ಯೋಹಾನ 2:17 - ಕೊಡವ ಬೈಬಲ್

¹⁷ ಲೋಕವು ಅದ್ಂಡ ಇಚ್ಛೆಯು ಕಾಂಗತಾಯಿ ಪೋಪ, ಆಚೇಂಗಿ ದೇವಡ ಚಿತ್ತತ್‍ರನೆಕೆ ನಡ್‌ಪಂವೊ ಎಕ್ಕಲೂ ಬದ್‍ಕ್‍ವ.

1 ಯೋಹಾನ 2:17 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:25

ಬಿರ್‌ಗಾಳಿ ಬಪ್ಪಕ, ದುಷ್ಟೆ ನಾಶ ಆಯಿಪೋಪ, ಆಚೇಂಗಿ ನೀತಿವಂತ ದೃಡವಾನ ಅಡಿಪಾಯ ಆಯಿತ್‌ ಇಪ್ಪ.

ಮತ್ತಾಯ 21:31

ಈಂಗ ದಂಡಾಳ್‌ರ ಕೂಟ್‌ಲ್ ಅಪ್ಪಂಡ ಆಸೆ ಪ್ರಕಾರ ನಡ್ಂದಂವೊ ದಾರ್‍ೕಂದ್ ಕ್‍ೕಟತ್; ಅದ್ಂಗ್ ಅಯಿಂಗ: ಪೆರಿಯ ಮೋಂವೊನೇಂದ್ ಎಣ್ಣ್‌ಚಿ. ಪಿಂಞ ಯೇಸು, ಅನ್ನನೆ ಕಂದಾಯ ಎಡ್‌ಪಯಿಂಗಳು, ವೇಶಿಯಳು ನಿಂಗಕಿಂಜ ಮಿಂಞ ದೇವಡ ರಾಜ್ಯಕ್ ಪೋಪಾಂದ್ ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 24:35

ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.

ಮತ್ತಾಯ 7:21

ನನ್ನ, ಒಡೆಯನೇ, ಒಡೆಯನೇಂದ್ ಕಾಕ್‍ವ ಎಲ್ಲಾರು ಪರಲೋಕಕ್ ಪೋಪುಲೆ, ಆಚೇಂಗಿ ದಾರ್ ಪರಲೋಕ ರಾಜ್ಯತ್‍ಲ್ ಉಳ್ಳ ನಾಡ ಅಪ್ಪಂಡ ಚಿತ್ತತ್‍ನ ನೆರೆವೇರಿಚಿಡ್‍ವ ಅಯಿಂಗ ಮಾತ್ರ ಪರಲೋಕಕ್ ಪೋಪ.

ಮಾರ್ಕ 3:35

ದಾರೆಲ್ಲಾ ದೇವಡ ಚಿತ್ತ ಮಾಡ್‌ವ ಅಯಿಂಗಳೇ ನಾಡ ಅಣ್ಣತಮ್ಮಣಂಗ, ಅಕ್ಕತಂಗೆಯ, ಅವ್ವಾಂದ್ ಎಣ್ಣ್‌ಚಿ.

ಯೋಹಾನ 4:14

ಆಚೇಂಗಿ, ನಾನ್ ತಪ್ಪ ನೀರ್‌ನ ಕುಡಿಪಯಿಂಗಕ್ ಒರ್‌ಕಾಲು ಬಾಯಾರಿಕೆ ಆಪುಲೆ; ನಾನ್ ಅಯಿಂಗಕ್ ಕೊಡ್‍ಪ ನೀರ್ ಅಯಿಂಗಡ ಹೃದಯತ್‍ಲ್ ನಿತ್ಯ ಜೀವಕಾಯಿತ್ ಉಕ್ಕಿ ಬಂದಂಡಿಪ್ಪ ಜಲವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 6:58

ಪರಲೋಕತ್ಂಜ ಇಳಿಂಜಿ ಬಂದ ಒಟ್ಟಿ ಇದೇ. ಇದ್ ನಿಂಗಡ ಮುತ್ತಜ್ಜಂಗ ತಿಂದ ಮನ್ನಾರನೆಕೆ ಇಲ್ಲೆ, ಅಯಿಂಗ ಅದ್‍ನ ತಿಂದತೇಂಗಿಯು ಜೀವ ಇಲ್ಲತೆ ಚತ್ತ್ ಪೋಚಿ, ಆಚೇಂಗಿ ಈ ಒಟ್ಟಿನ ತಿಂಬಯಿಂಗ ಎಕ್ಕಾಲು ಬದ್‍ಕಾವಾಂದ್ ಎಣ್ಣ್‌ಚಿ.

ಯೋಹಾನ 7:17

ದೇವಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿ ಉಳ್ಳಂವೊಂಗ್, ನಾನ್ ಮಾಡ್‌ವ ಬೋದನೆ ದೇವಡಯಿಂಜ ಬಪ್ಪ ಬೋದನೆಯಾ, ಅಥವ ನಾಡ ಸ್ವಂತ ಬೋದನೆಯಾಂದ್ ಗೊತ್ತಾಪಾಂದ್ ಜವಾಬ್ ಕೊಡ್‍ತತ್.

ರೋಮ್ 12:2

ಇಂಞು ಮಿಂಞಕ್ ಈ ಲೋಕತ್‍ರ ರೀತಿಕ್ ಒತ್ತಂಡ್ ಪೋಕತಿ. ನಲ್ಲದಾಯಿತು, ಯೋಗ್ಯವಾಯಿತು, ಪೂರ್ತಿಯಾಯಿತುಳ್ಳ ದೇವಡ ಚಿತ್ತ ಎಂತ್‍ೕಂದ್ ಗೊತ್ತಾಪಕಾಯಿತ್, ನಿಂಗಡ ಮನಸ್ಸ್‌ನ ಪುದಿಯದ್ ಮಾಡಿಯಂಡ್ ಬದ್‍ಲಾಯಂಡಿರಿ.

1 ಕೊರಿಂಥ 7:31

ಈ ಲೋಕತ್‍ರ ಸೊತ್ತ್‌ನ ಅನುಬವಿಚಿಡ್‍ವಯಿಂಗ ಅದ್‍ನ ಅನುಬವಿಚಿಡತಯಿಂಳಾಯಿತ್ ಇಕ್ಕಂಡು. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕ ಇಕ್ಕ ಉಳ್ಳನೆಕೆ ದುಂಬ ಕಾಲ ಇಪ್ಪುಲೆ.

ಕೊಲೊಸ್ಸೆ 1:9

ಆನಗುಂಡ್ ನಂಗ ಇದ್‍ನ ಕ್‍ೕಟ ದಿವಸತ್ಂಜ ಎಕ್ಕಾಲು ನಿಂಗಕಾಯಿತ್ ಪ್ರಾರ್ಥನೆ ಮಾಡಿಯಂಡುಂಡ್. ನಿಂಗ ದೇವಡ ಚಿತ್ತತ್‍ನ ಗೊತ್ತ್‌ಮಾಡ್‍ವಕುಳ್ಳ ಬುದ್ದಿ ದುಂಬ್‍ನಯಿಂಗಳಾಯಿತ್, ಪವಿತ್ರಾತ್ಮ ತಪ್ಪ ಎಲ್ಲಾ ಜ್ಞಾನ ಪಿಂಞ ಬುದ್ದಿಲ್ ಪ್ರಾರ್ಥನೆ ಮಾಡಿಯಂಡುಂಡ್.

ಕೊಲೊಸ್ಸೆ 4:12

ಕ್ರಿಸ್ತ ಯೇಸುರ ಸೇವಕನು, ನಿಂಗಡ ಪಟ್ಟಣಕ್ ಕೂಡ್‍ನಂವೊನಾನ ಎಪಫ್ರ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಅಂವೊ ನಿಂಗಕಾಯಿತ್ ಎಕ್ಕಾಲು ದೇವಡ ಪಕ್ಕ ನೇರಾಯಿತು ಪ್ರಾರ್ಥನೆ ಮಾಡಿಯಂಡುಂಡ್. ದೇವ ನಿಂಗಳ ಬಲ ಉಳ್ಳಯಿಂಗಳಾಯಿತ್ ಮಾಡಂಡೂಂದು, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ನಿಂಗಕ್ ದೇವಡ ಚಿತ್ತ ಪೂರ್ತಿ ಗೊತ್ತಾಂಡೂಂದೂ ಅಂವೊ ಪ್ರಾರ್ಥನೆ ಮಾಡಿಯಂಡುಂಡ್.

1 ಥೆಸಲೊನೀಕ 4:3

ನಿಂಗ ಪವಿತ್ರವಾನಯಿಂಗಳಾಯಿತ್ ಬದ್‍ಕಂಡೂಂದ್ ಉಳ್ಳದೇ ದೇವಡ ಚಿತ್ತ. ಆನಗುಂಡ್ ನಿಂಗ ಲೈಂಗಿಕ ಪಾಪಕ್ ದೂರವಾಯಿತ್ ಇರಂಡು.

1 ಥೆಸಲೊನೀಕ 5:18

ಎಂತ ನಡ್‌ಂದತೇಂಗಿಯು ದೇವಕ್ ವಂದನೆ ಎಣ್ಣಿಯಂಡ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಇನ್ನನೆ ಮಾಡ್‌ವದೇ ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ಮೂಲಕ, ನಿಂಗಡ ಮೇಲೆ ಉಳ್ಳ ದೇವಡ ಚಿತ್ತವಾಯಿತ್ ಉಂಡ್.

ಇಬ್ರಿಯ 10:36

ನಿಂಗ ದೇವಡ ಚಿತ್ತತ್‍ರನೆಕೆ ಮಾಡಿತ್ ವಾಗ್ದಾನ ಮಾಡ್‍ನದ್‍ನ ಪಡೆಯುವಕ್ ನಿಂಗಕ್ ದುಂಬ ತಾಳ್ಮೆ ಬೋಂಡಿತುಂಡ್.

ಯಾಕೋಬ 4:14

ನಾಳೆ ಎಂತ ಆಪಾಂದ್ ನಿಂಗಕ್ ಗೊತ್ತ್‌ಲ್ಲೆ ಅಲ್ಲ? ನಿಂಗಡ ಬದ್‍ಕ್ ಎಂತ? ಪೊಲಾಕತ್‍ರ ಮಂಜ್ ಚೆನ್ನ ಗಳಿಗೆಲ್ ಮಾಯ ಆಯಿತ್ ಕಾಂಗತೆ ಪೋಪನೆಕೆ ನಿಂಗ ಉಳ್ಳಿರ.

1 ಪೇತ್ರ 1:5

ಅದ್ಂಗಾಯಿತ್ ನಿಂಗಳ ದೇವ ನಂಬಿಕೇರಗುಂಡ್ ದೇವಡ ಶಕ್ತಿರ ಬಲತ್‍ಲ್, ಆಕೀರ್ ಕಾಲತ್‍ಲ್ ರಕ್ಷಣೆ ಪೊರಮೆ ಕಾಂಬಕತ್ತನೆ ತಯಾರಾಯಿತ್ ಬದ್ರವಾಯಿತ್ ಕಾಪಾಡಿಯಂಡ್,

1 ಪೇತ್ರ 4:2

ಆನಗುಂಡ್, ಇಂಞು ಮಿಂಞಕ್ ತಡೀಲ್ ಇಪ್ಪಕತ್ತನೆ, ಮನುಷ್ಯಂಗಡ ಇಚ್ಛೆಕಾಯಿತ್ ಬದ್‍ಕತೆ, ದೇವಡ ಚಿತ್ತತ್‍ರನೆಕೆ ಬದ್‍ಕ್‍ವ.