4 ನಂಗಡ ಈ ಸಂತೋಷ ಪೂರ್ತಿ ಆಂಡೂಂದ್ ನಿಂಗಕ್ ಒಳ್‍ದ್‍ವ.
ನಾಡ ಕುಶಿ ನಿಂಗಡಲ್ಲಿ ಎಕ್ಕಾಲು ಇರಂಡೂಂದು, ನಿಂಗಡ ಕುಶಿ ಪೂರ್ತಿಯಾಯಿತ್ ಇರಂಡೂಂದ್ ಇದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣಿಯೆ.
ಇಲ್ಲಿಕತ್ತನೆ ನಾಡ ಪೆದತ್‍ಲ್ ನಿಂಗ ಒಂದು ಕ್‍ೕಟಿತ್‌ಲ್ಲೆ. ನಿಂಗ ಕ್‍ೕಳಿ! ಅಕ್ಕ ನಿಂಗಕ್ ಕ್‍ಟ್ಟುವ; ನಿಂಗಡ ಕುಶಿ ಪೂರ್ತಿ ಆಪನೆಕೆ ನಿಂಗಕ್ ಕ್‍ಟ್ಟುವ.
ಮಂಗಲಕರ್ತಿ ಉಳ್ಳಂವೊನೇ ಮಂಗಲಕಾರ ಆಪ. ಆಚೇಂಗಿ ಮಂಗಲಕಾರಂಡ ಕೂಟ್‍ಕಾರ ಮಂಗಲಕಾರಂಡ ಪಕ್ಕತ್‍ಲ್ ನಿಂದಿತ್ ಅಂವೊಂಡ ತಕ್ಕ್‌ನ ಕ್‍ೕಪ, ಮಂಗಲಕಾರಂಡ ದ್ವನಿ ಕ್‍ೕಟಿತ್ ದುಂಬ ಕುಶಿ ಪಡುವ. ಅನ್ನನೆ ನಾಕ್ ಆ ಕುಶಿ ಕ್‍ಟ್ಟಿತ್, ನಾಡ ಕುಶಿ ಪೂರ್ತಿ ಆಚಿ.
ನಿಂಗಡ ನಂಬಿಕೇಕ್ ನಂಗ ಅದಿಕಾರ ಉಳ್ಳಯಿಂಗಳಾಯಿತ್ ಇಕ್ಕತೆ, ನಿಂಗಡ ಕುಶೀಕ್ ಸಹಾಯ ಮಾಡ್‌ವಯಿಂಗಳಾಯಿತುಂಡ್; ನಂಬಿಕೇರಗುಂಡ್ ನಿಂಗ ನಿಂದಂಡುಳ್ಳಿರಲ್ಲ.
ಮನುಷ್ಯಂಗಡ ಬುದ್ದಿಕ್ ಅರ್ಥ ಆಕತ ಆ ಪ್ರೀತಿನ ಗೊತ್ತಾಪಕುಳ್ಳ ಶಕ್ತಿ ಪಡ್ಂದಯಿಂಗಳಾಯಿತ್ ಇರಂಡೂಂದ್ ಪಿಂಞ ದೇವ ಅಂವೊಂಡ ಪರಿಪೂರ್ನತ್‍ರನೆಕೆ ನಿಂಗಳ ದುಂಬ್‍ಚಿಡಂಡೂಂದ್ ಪ್ರಾರ್ಥನೆ ಮಾಡ್‌ವಿ.
ನಾಡ ಪ್ರೀತಿರ ಮಕ್ಕಳೇ, ನಿಂಗ ಪಾಪ ಮಾಡತೆ ಇಪ್ಪಕಾಯಿತ್ ನಾನ್ ನಿಂಗಕ್ ಇದ್‍ನ ಒಳ್‍ದ್‍ವಿ. ಅನ್ನನೆ ದಾರೇಂಗಿ ಪಾಪ ಮಾಡ್‍ಚೇಂಗಿ, ನಂಗಕಾಯಿತ್ ಅಪ್ಪನಾನ ದೇವಡ ಪಕ್ಕ ಬೋಡ್‍ವಕ್ ಮದ್ಯಸ್ತ ಒಬ್ಬ ಉಂಡ್. ಆ ಮದ್ಯಸ್ತ, ನೀತಿವಂತಂವೊನಾನ ಯೇಸು ಕ್ರಿಸ್ತ.
ನಿಂಗಡ ಪಕ್ಕ ಎಣ್ಣುವಕ್ ದುಂಬ ವಿಷಯ ಉಂಡ್, ಆಚೇಂಗಿ ನಾಕ್ ಈ ಕಾಗದತ್‍ಲ್ ಎಲ್ಲಾನ ಒಳ್‍ದ್‍ವಕ್ ಮನಸ್ಸಿಲ್ಲೆ. ನಾನ್ ನಿಂಗಡ ಪಕ್ಕ ಬಪ್ಪಂಜಿ ಮೂಡ್ ನೋಟಿತ್ ತಕ್ಕ್ ಪರಿಯುವಕ್ ಪಾರಕಾತಂಡ್ ಉಳ್ಳ. ಅಕ್ಕ ನಂಗಡ ಸಂತೋಷ ಉಕ್ಕಿ ಬಪ್ಪ.
