1 ಕೊರಿಂಥ 9:7 - ಕೊಡವ ಬೈಬಲ್

⁷ ದಾರ್ ತಾಂಡ ಸ್ವಂತ ಪಣತ್‍ನ ಕರ್ಚ್ ಮಾಡಿತ್ ಯುದ್ದತ್‍ಲ್ ಸೇವೆ ಮಾಡ್‌ವ? ದಾರ್ ದ್ರಾಕ್ಷಿ ತೋಟ ಮಾಡಿತ್ ಅದ್ಂಡ ಪಣ್ಣ್‌ನ ತಿಂಗತೆ ಇಪ್ಪ? ದಾರ್ ಕೊರಿ ಕಾತಂಡ್, ಅದ್ಂಡ ಪಾಲ್‍ನ ಕುಡಿಕತೆ ಇಪ್ಪ?

1 ಕೊರಿಂಥ 9:7 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 27:18

ಅತ್ತಿಮರತ್‌ನ ನೋಟಿಯಂವೊ ಅದ್‌ಂಡ ಪಣ್ಣ್‌ನ ತಿಂಬ. ಅನ್ನನೆ ಯಜಮಾನನ ಕಾಪಂವೊ ಗನತ್‌ನ ಪಡೆಯುವ.

ಜ್ಞಾನತ್‌ರ ಪಡಿಮ 27:27

ಆಡುವಡ ಪಾಲ್‌ ನೀಕು, ನೀಡ ಮನೆಕಾರಕು, ನೀಡ ಪಣಿರ್‌ಕಾತಿಯ ಜೀವನ ಮಾಡ್‌ವಕು ಮದಿಯಾಪ.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

1 ತಿಮೊಥೆಯ 1:18

ನಾಡ ಮೋಂವೊನಾನ ತಿಮೊಥೆಯ, ನೀಡ ವಿಷಯತ್, ಪ್ರವಾದಿಯಂಗ ಮಿಂಞಲೇ ಎಣ್ಣ್‌ನ ಪ್ರವಾದನೆನ ಗೇನ ಮಾಡಿತ್ ಈ ಆಜ್ಞೆನ ನೀಡ ಮಿಂಞತ್ ಬೆಪ್ಪಿ. ಆನಗುಂಡ್, ಈ ಆಜ್ಞೆರನೆಕೆ ನೀನ್ ಮಾಡ್‍ಚೇಂಗಿ, ದೇವಡ ಪಡೆಲ್ ನೀನ್ ಚಾಯಿತೆ ಪೋರಾಡ್‍ವಕ್ ಸಹಾಯ ಆಪ.

1 ತಿಮೊಥೆಯ 6:12

ನಂಬಿಕೇರ ನಲ್ಲ ಪೋರಾಟತ್‍ನ ಪೋರಾಡ್, ನಿತ್ಯ ಜೀವತ್‍ನ ಗಟ್ಟಿಯಾಯಿತ್ ಪುಡ್‌ಚ; ಇದ್ಂಗಾಯಿತ್ ದೇವ ನಿನ್ನ ಕಾಕಿತುಂಡ್; ಅಕ್ಕ, ನೀನ್ ದುಂಬ ಜನಡ ಮಿಂಞತ್‍ಲ್ ನೀಡ ನಂಬಿಕೇರ ವಿಷಯತ್ ನೇರಾನ ಸಾಕ್ಷಿ ಕೊಡ್‍ತಿತುಳ್ಳಿಯ.

2 ತಿಮೊಥೆಯ 4:7

ನಾನ್ ನಲ್ಲ ಪೋರಾಟತ್‍ನ ಪೋರಾಡ್‍ನ, ಓಟತ್‍ನ ಪೂರ್ತಿ ಮಾಡ್‍ನ, ನಾಡ ನಂಬಿಕೇನ ಕಾಪಾಡ್‍ನ.

1 ಪೇತ್ರ 5:2

ನಿಂಗಡಲ್ಲಿ ಉಳ್ಳ ದೇವಡ ಮಕ್ಕಳ ನಿಂಗ ಚಾಯಿತೆ ಒರ್ ಕೊರಿ ಗುಂಪ್‍ನ ನೋಟ್‍ವನೆಕೆ ಪೆರಿಯಯಿಂಗಡ ಸೇವೇನ ಮಾಡಂಡು. ಒತ್ತಾಯತ್‌ಲ್ ಅಲ್ಲ, ದೇವ ಕುಶಿಪಡ್‌ವನೆಕೆ ಮನಪೂರ್ವವಾಯಿತ್ ಪಿಂಞ ಕೆಟ್ಟ ಆದಾಯಕಾಯಿತ್ ಅಲ್ಲ, ಪುರ್‌ಡುಳ್ಳ ಮನಸ್ಸ್‌ಲ್ ಮಾಡಂಡು.