1 ಕೊರಿಂಥ 9:6 - ಕೊಡವ ಬೈಬಲ್

⁶ ಇಂಞು ನಾನ್ ಪಿಂಞ ಬಾರ್ನಬ ಮಾತ್ರ ಕೆಲಸ ಮಾಡಿತ್, ನಂಗಕ್ ಬೋಂಡಿಯಾನದ್‍ನ ಎಡ್‍ಕಂಡುವ?

1 ಕೊರಿಂಥ 9:6 ပူးပေါင်းရင်းမြစ်များ

ಅಪೊಸ್ತಲ 11:22

ಈ ವಿಷಯನೆಲ್ಲ ಯೆರೂಸಲೇಮ್ ಸಬೆರ ಜನ ಕ್‍ೕಪಕ, ಅಯಿಂಗ ಬಾರ್ನಬನ ಅಂತಿಯೋಕ್ಯಕ್ ಅಯಿಚತ್.

ಅಪೊಸ್ತಲ 13:50

ಆಚೇಂಗಿ ಯೆಹೂದ್ಯಂಗ, ಅಯಿಂಗಡ ನಂಬಿಕೇಕ್ ಕೂಡ್‍ನ ಬಲ್ಯ ಗನ ಉಳ್ಳ ಪೊಣ್ಣಾಳುವಳ ಪಿಂಞ ಊರ್‌ರ ಮುಕ್ಯಪಟ್ಟ ಆಣಾಳ್‍ನ ಒತ್ತಾಯ ಮಾಡಿತ್, ಪೌಲ ಪಿಂಞ ಬಾರ್ನಬಂಗ್ ದುಂಬ ತೊಂದರೆ ಕೊಡ್‌ತಿತ್, ಅಯಿಂಗಳ ತಂಗಡ ಪಟ್ಟಣತ್ಂಜ ಓಟ್‌ಚಿಟ್ಟತ್.

ಅಪೊಸ್ತಲ 14:12

ಬಾರ್ನಬನ ಅಯಿಂಗಡ ಮುಕ್ಯ ದೇವ ಯೂಪಿತರ್‍ೕಂದು, ಪೌಲ ಬೋದನೆ ಮಾಡ್‍ನಗುಂಡ್, ಅಂವೊನ, ದೇವಡ ವಿಷಯತ್ ತಕ್ಕ್ ಪರಿಯುವ ದೇವ ಮೆರ್ಕುರೀಂದು ಕಾಕ್‍ಚಿ.

ಅಪೊಸ್ತಲ 18:3

ಅಯಿಂಗ ಗುಡಾರ ಕೆಲಸ ಮಾಡ್‌ವಯಿಂಗಳಾಯಿತ್ಂಜತ್. ಪೌಲ ಸಹ ಗುಡಾರ ಮಾಡ್‍ಂವವೊನಾಯಿತ್ಂಜಗುಂಡ್, ಅಂವೊ ಅಯಿಂಗಡ ಪಕ್ಕ ಪೋಯಿತ್, ಕೆಲಸ ಮಾಡಿಯಂಡ್ ಅಲ್ಲಿಯೇ ವಾಸ ಮಾಡಿಯಂಡ್ ಇಂಜತ್.

ಅಪೊಸ್ತಲ 4:36

ಇನ್ನನೆ ಮಾಡಿಯಂಡ್ ಉಳ್ಳಯಿಂಗಡಡೆ‍ಲ್ ಕುಪ್ರ ದೇಶತ್ಂಜ ಬಂದ ಲೇವಿಯ ಕುಲಕ್ ಕೂಡ್‍ನ ಒಬ್ಬನು, ಒತ್ತಾಸೆ ಮಾಡ್‌ವಂವೋಂದ್ ಅಪೊಸ್ತಲಂಗ ಕಾಕ್‍ನ ಬಾರ್ನಬ ಎಣ್ಣುವ ಪೆದ ಉಳ್ಳ ಯೋಸೇಫ,

1 ಕೊರಿಂಥ 11:16

ಆಚೇಂಗಿ, ಒಬ್ಬಂಗ್ ಈ ವಿಷಯತ್‍ಲ್ ತರ್ಕ ಮಾಡ್‌ವಕ್ ಮನಸ್ಸ್ ಇಂಜತೇಂಗಿ, ನಂಗಕ್ ಪಿಂಞ ದೇವಡ ಸಬೇಕ್, ಈ ತರ ಅಬ್ಯಾಸ ಇಲ್ಲೇಂದ್ ಅಯಿಂಗಕ್ ಗೊತ್ತಿರಡ್.

2 ಕೊರಿಂಥ 11:8

ನಿಂಗಕ್ ದೇವಡ ಸೇವೇನ ಮಾಡ್‌ವಕಾಯಿತ್, ಬೋರೆ ಸಬೆರ ಮಕ್ಕಡಲ್ಲಿ ಸಂಬಳ ಎಡ್‍ತಿತ್ ಅಯಿಂಗಳ ಲೂಟಿ ಮಾಡ್‍ನನೆಕೆ ಆಚಿ.

1 ಥೆಸಲೊನೀಕ 2:9

ನಂಗಡ ಅಣ್ಣತಮ್ಮಣಂಗಳೇ, ನಂಗ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕ, ನಿಂಗ ದಾರ್‌ಕು ನಂಗ ಬಾರವಾಯಿತ್ ಇಕ್ಕತನೆಕೆ, ನಂಗ ಬಯಿಟ್ ಪೋಲ್ ಕೆಲಸ ಮಾಡ್‍ಚಿ. ನಂಗ ಎಚ್ಚಕ್ ಕಷ್ಟಪಟ್ಟಿತ್ ನೊಂಬಲಪಟ್ಟತ್‍ೕಂದ್ ನಿಂಗಕ್ ಕಂಡಿತವಾಯಿತ್ ಗೇನ ಇಪ್ಪ.