1 ಕೊರಿಂಥ 9:25 - ಕೊಡವ ಬೈಬಲ್

²⁵ ಪೈಪೋಟೀಲ್ ಕಳಿಪಯಿಂಗ, ಎಲ್ಲಾ ರೀತಿಲ್ ತಡೀನ ಚಾಯಿತೆ ಬೆಪ್ಪಕ್ ಅಬ್ಯಾಸ ಮಾಡ್‌ವ; ಅಯಿಂಗ ಪಾಳಾಯಿ ಪೋಪ ಕಿರೀಟ ಕ್‍ಟ್ಟ್‌ವಕಾಯಿತ್ ಅನ್ನನೆ ಮಾಡ್‌ವ, ಆಚೇಂಗಿ ನಂಗ ಕಾಲಕಾಲಕು ಪಾಳಾಕತ ಕಿರೀಟ ಕ್‍ಟ್ಟ್‌ವಕಾಯಿತ್ ಇನ್ನನೆ ಮಾಡಿಯಂಡುಂಡ್.

1 ಕೊರಿಂಥ 9:25 ပူးပေါင်းရင်းမြစ်များ

1 ಕೊರಿಂಥ 15:54

ಮಣ್ಣ್‌ಕ್ ಬುದ್ದಿತ್ ಪಾಳಾಯಿಪೋಪಕಿಂಜ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಯಿಂಗಡ ತಡಿ ಎಕ್ಕಾಲು ಚಾವ್ ಇಲ್ಲತ ತಡಿಕ್ ಬದ್‍ಲಾಪಕ, ಚಾವ್ ಒಮ್ಮಕೆ ಪಾಳಾಯಿ ಪೋಚಿ, ಜಯ ಬಾತ್ ಎಣ್ಣುವ ದೇವಡ ವಾಕ್ಯ ಪೂರ್ತಿಯಾಪ.

ಗಲಾತ್ಯ 5:23

ತಾಳ್ಮೆ ಪಿಂಞ ತನ್ನಡಕವೇ. ಇದ್ಂಗ್ ವಿರೋದವಾಯಿತ್ ಏದ್ ಪ್ರಮಾಣವು ಇಲ್ಲೆ.

1 ತಿಮೊಥೆಯ 6:12

ನಂಬಿಕೇರ ನಲ್ಲ ಪೋರಾಟತ್‍ನ ಪೋರಾಡ್, ನಿತ್ಯ ಜೀವತ್‍ನ ಗಟ್ಟಿಯಾಯಿತ್ ಪುಡ್‌ಚ; ಇದ್ಂಗಾಯಿತ್ ದೇವ ನಿನ್ನ ಕಾಕಿತುಂಡ್; ಅಕ್ಕ, ನೀನ್ ದುಂಬ ಜನಡ ಮಿಂಞತ್‍ಲ್ ನೀಡ ನಂಬಿಕೇರ ವಿಷಯತ್ ನೇರಾನ ಸಾಕ್ಷಿ ಕೊಡ್‍ತಿತುಳ್ಳಿಯ.

2 ತಿಮೊಥೆಯ 2:5

ಅನ್ನನೆ ಏದ್ ಒರ್ ಕಳಿಕಾರನೂ ಕಳಿರ ಆಜ್ಞೆನ ಸರಿಯಾಯಿತ್ ಮಾಡತೆ ಪೋಚೇಂಗಿ ಅಂವೊಂಗ್ ಕಿರೀಟ ಕ್‍ಟ್ಟುಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:8

ಆಂಡ ಬದ್‍ಲ್ ಅಂವೊ ಜನಳ ಸತ್ಕಾರ ಮಾಡ್‍ವಂವೊನಾಯಿತು, ನಲ್ಲದ್‍ನ ಪ್ರೀತಿಚಿಡ್‌ವಂವೊನಾಯಿತು, ತನ್ನಡಕ್ಕ ಉಳ್ಳಂವೊನಾಯಿತು, ನೀತಿವಂತಂವೊನಾಯಿತು ಪವಿತ್ರ ಉಳ್ಳಂವೊನಾಯಿತು, ಶಿಸ್ತ್ ಉಳ್ಳಂವೊನಾಯಿತು ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:2

ವಯಸ್ಸಾನ ಆಣಾಳ್‍ವ ಅಯಿಂಗಡ ಆಸೇನ ಅಡಕತ್‍ಲ್ ಬೆಪ್ಪಯಿಂಗಳಾಯಿತ್, ಮರ್ಯಾದಸ್ತಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇಪ್ಪಕ್ ಎಣ್ಣಂಡು. ಇಂಞು, ದೇವಡ ಮೇಲೆ ಉಳ್ಳ ನಂಬಿಕೆ, ಪ್ರೀತಿ ಪಿಂಞ ತಾಳ್ಮೆಲ್ ಆರೋಗ್ಯ ಉಳ್ಳಯಿಂಗಳಾಯಿತ್ ಇರಂಡೂಂದ್ ಬುದ್ದಿ ಎಣ್ಣಿ ಕೊಡ್.

ಇಬ್ರಿಯ 12:28

ಆನಗುಂಡ್, ಅನ್‌ಂಗವಕ್ ಕಯ್ಯತ ರಾಜ್ಯತ್‍ನ ಪಡೆಯುವಯಿಂಗಳಾಯಿತುಳ್ಳ ನಂಗ, ಪೋಡಿಲ್, ಬಕ್ತಿಲ್ ದೇವಕ್ ಕುಶಿಪಡ್‌ವನೆಕೆ ಆರಾದನೆ ಮಾಡ್‌ವಕ್ ದೇವಡ ಕೃಪೇನ ಪುಡ್‍ಚಂಡ್ ಇಕ್ಕನ.

ಇಬ್ರಿಯ 12:4

ಪಾಪಕ್ ವಿರೋದವಾಯಿತ್ ಉಳ್ಳ ಪೋರಾಟತ್‍ಲ್ ಚೋರೆ ಬೂಕ್‍ವಚ್ಚಕ್ ಇಂಞು ನಿಂಗ ಎದ್‍ರ್ ನಿಂದಿತ್‌ಲ್ಲೆ.

ಯಾಕೋಬ 1:12

ಸೋದನೆನ ಸಹಿಸುವ ಮನುಷ್ಯ ಆಶೀರ್ವಾದ ಪಡ್ಂದಂವೊ; ಎನ್ನಂಗೆಣ್ಣ್‌ಚೇಂಗಿ ಅಂವೊ ಚೋತ್‍ಪೋಯಿತಿಲ್ಲೇಂದ್ ಗೊತ್ತಾನ ಪಿಂಞ, ದೇವನ ಪ್ರೀತಿಚಿಡ್‌ವಯಿಂಗಕಾಯಿತ್ ದೇವ ವಾಗ್ದಾನ ಮಾಡ್‍ನ ನಿತ್ಯ ಜೀವತ್‍ರ ಕಿರೀಟ ಅಂವೊಂಗ್ ಕ್‍ಟ್ಟ್‌ವ.

1 ಪೇತ್ರ 1:4

ಒರ್‌ಕಾಲು ಬಾಡಿ ಪೋಕತ ಅಥವ ನಾಶ ಆಯಿ ಪೋಕತ, ಪಾಳಾಯಿ ಪೋಪಕ್ ಕಯ್ಯತ ಬಾದ್ಯತೇನ ಪರಲೋಕತ್‍ಲ್ ನಂಗಕಾಯಿತ್ ಬೆಚ್ಚಿತುಂಡ್.

1 ಪೇತ್ರ 5:4

ಅನ್ನನೆ ಮಾಡ್‍ಚೇಂಗಿ, ದೇವಡ ಮಕ್ಕಳ ಕೊರಿ ಕಾಪಂವೊಡನೆಕೆ ನೋಟಿಯಂಡುಳ್ಳ ಬಲ್ಯಂವೊ ಬಪ್ಪಕ, ನಿಂಗ ಅಂವೊಂಡಿಂಜ ಮಾಜ್ ಪೋಕತ ಮಹಿಮೇರ ಕಿರೀಟತ್‍ನ ಪಡೆಯುವಿರ.

2 ಪೇತ್ರ 1:6

ಜ್ಞಾನತ್‍ರ ಕೂಡೆ ತನ್ನಡಕತ್‍ನ, ತನ್ನಡಕತ್‍ರ ಕೂಡೆ ಪೊರುಮೆನ, ಪೊರುಮೆರ ಕೂಡೆ ದೇವ ಬಕ್ತಿನ,

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.

ಪ್ರಕಟನೆ 3:11

ಇದಾ, ನಾನ್ ಬೆರಿಯ ಬಂದಂಡುಂಡ್; ದಾರೂ ನೀಡ ಕಿರೀಟತ್‍ನ ಎಡ್‌ಕತನೆಕೆ ನೀಕ್ ಉಳ್ಳದ್‍ನ ಗಟ್ಟಿಯಾಯಿತ್ ಪುಡ್‌ಚ.

ಪ್ರಕಟನೆ 4:10

ಅಕ್ಕ ಇರುವತ ನಾಲ್ ಪೆರಿಯಯಿಂಗಳು, ಸಿಂಹಾಸನತ್‍ಲ್ ಅಳ್‌ತಂಡ್ ಉಳ್ಳಂವೊಂಡ ಮಿಂಞತ್ ಅಡ್ಡ ಬುದ್ದಿತ್, ಎಕ್ಕಾಲು ಬದ್‍ಕಿಯಂಡುಳ್ಳಂವೊನ ಆರಾದನೆ ಮಾಡಿತ್, ಅಯಿಂಗಡ ಕಿರೀಟತ್‍ನ ಸಿಂಹಾಸನತ್‍ರ ಮಿಂಞ ಬೆಚ್ಚಿತ್,

ಪ್ರಕಟನೆ 4:4

ಆ ಸಿಂಹಾಸನತ್‍ರ ಸುತ್ತ್‌ಲ್ ಇರುವತ ನಾಲ್ ಸಿಂಹಾಸನ ಇಂಜತ್. ಇರುವತ ನಾಲ್ ಪೆರಿಯಯಿಂಗ ಬೊಳ್‍ತ ಬಟ್ಟೆ ಇಟ್ಟಂಡ್, ಅಯಿಂಗಡ ಮಂಡೆಲ್ ಪೊನ್ನ್‌ರ ಕಿರೀಟ ಇಟ್ಟಿತ್ ಆ ಸಿಂಹಾಸನತ್‍ಲ್ ಅಳ್‌ತಂಡಿಪ್ಪದ್‍ನ ಕಂಡಿಯೆ.