1 ಕೊರಿಂಥ 9:18 - ಕೊಡವ ಬೈಬಲ್

¹⁸ ನಾನ್ ಈ ಸೇವೇನ ಮಾಡಿಯಂಡ್ ಉಳ್ಳಾಂಗ್, ನಾಕ್ ಎಂತ ಫಲ? ನಾನ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ, ದಾರ್‌ಕು ಕಷ್ಟ ಕೊಡ್‍ಕತೆ ಮಾಡ್‌ವದೇ ನಾಕ್ ದುಂಬ ಕುಶಿ. ಆನಗುಂಡ್, ನಾಕ್ ಉಳ್ಳ ಅದಿಕಾರತ್‍ನ ನಾನ್ ಉಪಯೋಗಿಚಿಡತೆ, ಕ್ರಿಸ್ತಂಡ ಸುದ್ದಿನ ಪುಕ್ಕಟೆಯಾಯಿತ್ ಎಣ್ಣ್‌ವದೇ ನಾಡ ಲಾಬ.

1 ಕೊರಿಂಥ 9:18 ပူးပေါင်းရင်းမြစ်များ

ಯೋಹಾನ 4:36

ಕೊಯ್ಯುವಂವೊ ಇಕ್ಕಲೆ ಅಂವೊಂಡ ಕೂಲಿನ ಎಡ್‍ತಂಡ್ ನಿತ್ಯ ಜೀವಕಾಯಿತ್ ಬೊಳೆನ ಇಕ್ಕಲೆ ಕೂಟ್‌ವ; ಅನ್ನನೆ ಕುರು ಬಿತ್ತ್‌ವಂವೊನು ಬೊಳೆನ ಕೊಯ್ಯುವಂವೊನು ಒಂದಾಯಿತ್ ಕುಶಿ ಪಡುವ.

ಅಪೊಸ್ತಲ 18:3

ಅಯಿಂಗ ಗುಡಾರ ಕೆಲಸ ಮಾಡ್‌ವಯಿಂಗಳಾಯಿತ್ಂಜತ್. ಪೌಲ ಸಹ ಗುಡಾರ ಮಾಡ್‍ಂವವೊನಾಯಿತ್ಂಜಗುಂಡ್, ಅಂವೊ ಅಯಿಂಗಡ ಪಕ್ಕ ಪೋಯಿತ್, ಕೆಲಸ ಮಾಡಿಯಂಡ್ ಅಲ್ಲಿಯೇ ವಾಸ ಮಾಡಿಯಂಡ್ ಇಂಜತ್.

ರೋಮ್ 14:15

ನೀನ್ ಉಂಬ ಆಹಾರತ್ಂಜ ನೀಡ ಅಣ್ಣತಮ್ಮಣಂಗಕ್ ನೊಂಬಲ ಆಪದಾಚೇಂಗಿ, ನೀನ್ ಪ್ರೀತಿಲ್ ನಡ್ಂದಂಡಿಲ್ಲೆ; ಅಂವೊನ ನೀಡ ಆಹಾರತ್‍ರಗುಂಡ್ ಪಾಳ್ ಮಾಡತೆ. ಕ್ರಿಸ್ತ ಅಂವೊಂಗಾಯಿತ್ ಸಹ ಜೀವ ಕೊಡ್‍ತಿತುಂಡಲ್ಲ?

1 ಕೊರಿಂಥ 10:33

ನಿಂಗಳು ಯೆಹೂದ್ಯಂಗಕು, ಯೆಹೂದ್ಯರಲ್ಲತಯಿಂಗಕು ಪಿಂಞ ದೇವಡ ಸಬೇಲ್ ಉಳ್ಳಯಿಂಗ ಎಲ್ಲಾರು ರಕ್ಷಣೆ ಆಪಕ್ ತಡೆ ಮಾಡತಯಿಂಗಳಾಯಿತ್ ಇರಿ.

1 ಕೊರಿಂಥ 3:8

ಇಂಞು ಕುರುನ ಬಿತ್ತ್‌ವಂವೊನು ನೀರ್ ಬೂಕ್‍ವಂವೊನು ಒರೇ ಉದ್ದೇಶಕಾಯಿತ್ ಕೆಲಸ ಮಾಡ್‌ವ. ದಂಡಾಳ್‍ಕು ಅಯಿಂಗಯಿಂಗ ಮಾಡ್‍ನ ಕೆಲಸಕ್ ತಕ್ಕಂತ ಸಂಬಳ ಕ್‍ಟ್ಟ್‌ವ.

1 ಕೊರಿಂಥ 7:31

ಈ ಲೋಕತ್‍ರ ಸೊತ್ತ್‌ನ ಅನುಬವಿಚಿಡ್‍ವಯಿಂಗ ಅದ್‍ನ ಅನುಬವಿಚಿಡತಯಿಂಳಾಯಿತ್ ಇಕ್ಕಂಡು. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕ ಇಕ್ಕ ಉಳ್ಳನೆಕೆ ದುಂಬ ಕಾಲ ಇಪ್ಪುಲೆ.

1 ಕೊರಿಂಥ 8:9

ನಿಂಗಕ್ ಎಂತ ಬೋಂಡ್‍ಚೇಂಗಿಯು ತಿಂಬಕ್ ಕಯ್ಯೂಂದ್ ಉಳ್ಳ ಸ್ವಾತಂತ್ರ ದೇವ ತಂದಿತುಂಡ್. ಆಚೇಂಗಿ ಆ ಸ್ವಾತಂತ್ರ, ದೇವಡ ಮೇಲೆ ಉಳ್ಳ ನಂಬಿಕೇಲ್ ಬಲಹೀನವಾಯಿತುಳ್ಳಯಿಂಗ ಬೊಳಿಯುವಕ್ ತಡೆಯಾಯಿತ್ ಇಪ್ಪಕ್ಕಾಗ.

1 ಕೊರಿಂಥ 9:12

ಬೋರೆ ಜನಕ್ ನಿಂಗಡ ಮೇಲೆ ಇಚ್ಚಕ್ ಹಕ್ಕ್ ಉಂಡೇಂಗಿ, ನಂಗಕ್ ಇಂಞು ಎಚ್ಚಕ್ ಹಕ್ಕ್ ಉಂಡ್! ಆಚೇಂಗಿಯು, ಕ್ರಿಸ್ತಂಡ ನಲ್ಲ ಸುದ್ದಿ ಎಣ್ಣುವಕ್ ಏದ್ ತಡೆಯು ಬರತನೆಕೆ, ನಂಗಕ್ ಉಳ್ಳ ಅದಿಕಾರತ್‍ನ ಉಪಯೋಗಿಚಿಡತೆ, ಎಲ್ಲಾ ಕಷ್ಟತ್‍ನ ನಂಗ ಸಹಿಸಿಯಂಡುಂಡ್.

1 ಕೊರಿಂಥ 9:15

ಅನ್ನನೆ ಇಂಜತೇಂಗಿಯು, ಈ ವಿಷಯತ್‍ಲ್ ನಾಕ್ ಉಳ್ಳ ಈ ಹಕ್ಕ್‌ಲ್ ಒಂದ್‌ನ ಸಹ ಪ್ರಯೋಜನಪಡ್‍ತಿತ್‌ಲ್ಲೆ; ನಾಕ್ ಎಂತಾಚು ಕ್‍ಟ್ಟ್‌ವಾಂದ್ ಗೇನ ಮಾಡಿಯಂಡ್ ಇನ್ನನೆ ಒಳ್‍ದಿಯಂಡಿಲ್ಲೆ. ನಾಡ ಈ ನಲ್ಲರಿಕೆನ ದಾರು ಪಾಳ್ ಮಾಡ್‌ವಕ್ ಬದ್‍ಲ್ ನಾನ್ ಚಾವದೇ ನಲ್ಲದ್‍ೕಂದ್ ಗೇನ ಮಾಡ್‌ವಿ.

1 ಕೊರಿಂಥ 9:17

ನಾನ್ ನಾಡ ಕುಶೀಲ್ ಈ ಸೇವೇನ ಮಾಡ್‍ಚೇಂಗಿ, ನಾಕ್ ಫಲ ಉಂಡ್; ಆಚೇಂಗಿ ಇದ್‍ನ ಮಾಡಂಡೂಂದ್ ನಾನ್ ತೀರ್ಮಾನ ಮಾಡಿತ್ತ್‌ಲ್ಲೆ. ನನ್ನ ನಂಬಿತ್, ಈ ಜವಾಬ್ದಾರಿನ ದೇವ ನಾಕ್ ಕೊಡ್‌ತಿತುಂಡ್. ನಾನ್ ಇದ್‍ಯಿಂಜ ತಪ್ಪಿಚಿಡ್‌ವಕ್ ಕಯ್ಯುಲೆ.

2 ಕೊರಿಂಥ 4:5

ನಂಗ ನಂಗಡ ವಿಷಯತ್‍ನ ಬೋದನೆ ಮಾಡಿಯಂಡಿಲ್ಲೆ. ಯೇಸು ಕ್ರಿಸ್ತ ಒಡೆಯಾಂದೂ, ಆಚೇಂಗಿ ನಂಗಳ ಯೇಸುರಗುಂಡ್ ನಿಂಗಡ ಸೇವಕಂಗಾಂದೂ ಪ್ರಚಾರ ಮಾಡಿಯಂಡುಂಡ್.

1 ಥೆಸಲೊನೀಕ 2:6

ಮನುಷ್ಯಂಗ ಹೊಗಳ್‌ಚಿಡ್‌ವದ್‌ನ ನಂಗ ನೋಟಿತ್‌ಲ್ಲೆ, ನಿಂಗಡಗುಂಡು ಅಲ್ಲ ಬೋರೆ ದಾರೂ ಹೊಗಳುವಕ್ ಸಹ ನಂಗ ಬೋದನೆ ಮಾಡಿತ್‌ಲ್ಲೆ. ನಂಗ ಕ್ರಿಸ್ತಂಡ ಅಪೊಸ್ತಲಂಗಳಾನಗುಂಡ್ ನಿಂಗಡ ಪಕ್ಕ ನಂಗಕ್ ಬೋಂಡಿಯಾನದ್‍ನ ಕ್‍ೕಪಕ್ ನಂಗಕ್ ಹಕ್ಕ್ ಇಂಜತ್.