1 ಕೊರಿಂಥ 9:12 - ಕೊಡವ ಬೈಬಲ್

¹² ಬೋರೆ ಜನಕ್ ನಿಂಗಡ ಮೇಲೆ ಇಚ್ಚಕ್ ಹಕ್ಕ್ ಉಂಡೇಂಗಿ, ನಂಗಕ್ ಇಂಞು ಎಚ್ಚಕ್ ಹಕ್ಕ್ ಉಂಡ್! ಆಚೇಂಗಿಯು, ಕ್ರಿಸ್ತಂಡ ನಲ್ಲ ಸುದ್ದಿ ಎಣ್ಣುವಕ್ ಏದ್ ತಡೆಯು ಬರತನೆಕೆ, ನಂಗಕ್ ಉಳ್ಳ ಅದಿಕಾರತ್‍ನ ಉಪಯೋಗಿಚಿಡತೆ, ಎಲ್ಲಾ ಕಷ್ಟತ್‍ನ ನಂಗ ಸಹಿಸಿಯಂಡುಂಡ್.

1 ಕೊರಿಂಥ 9:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:56

ಆಚೇಂಗಿ ಅಂವೊ: ಯೆಹೋವ ನಾಡ ಪ್ರಯಾಣತ್‌ನ ಆಶೀರ್ವಾದ ಮಾಡಿತುಳ್ಳಗುಂಡ್‌ ನಿಂಗ ನನ್ನ ತಡ್‌ಕತಿ. ನಾನ್‌ ನಾಡ ಎಜಮಾನಂಡ ಪಕ್ಕ ಪೋಪಕ್‌ ನಾಕ್‍ ಅಪ್ಪಣೆ ತಾರೀಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:52

ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಳೇ ನಿಂಗಕ್ ಅಯ್ಯೋ! ದೇವಡ ಜ್ಞಾನತ್‍ನ ಎಣ್ಣಿ ಕೊಡ್‍ಪ ಪಡಿರ ಬೀತ್‌ಕೈನ ನಿಂಗ ಬೆಚ್ಚಂಡುಳ್ಳಿರ, ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಸಹ ನಿಂಗ ಪೋಪಕ್ ಬುಡುಲೆ.

ಅಪೊಸ್ತಲ 18:3

ಅಯಿಂಗ ಗುಡಾರ ಕೆಲಸ ಮಾಡ್‌ವಯಿಂಗಳಾಯಿತ್ಂಜತ್. ಪೌಲ ಸಹ ಗುಡಾರ ಮಾಡ್‍ಂವವೊನಾಯಿತ್ಂಜಗುಂಡ್, ಅಂವೊ ಅಯಿಂಗಡ ಪಕ್ಕ ಪೋಯಿತ್, ಕೆಲಸ ಮಾಡಿಯಂಡ್ ಅಲ್ಲಿಯೇ ವಾಸ ಮಾಡಿಯಂಡ್ ಇಂಜತ್.

ರೋಮ್ 15:22

ಇದ್‍ನಗುಂಡ್, ನಾನ್ ನಿಂಗಡ ಪಕ್ಕ ಬಪ್ಪಕ್ ಇಲ್ಲಿಕತ್ತನೆ ಎಚ್ಚಕೋ ಕುರಿ ತಡೆಯಾಚಿ.

1 ಕೊರಿಂಥ 13:7

ಪ್ರೀತಿ ಎಲ್ಲಾನ ತಾಂಗುವ, ಎಲ್ಲಾ ವಿಷಯತ್‍ಲು ನಂಬಿಕೆ ಇಡ್‌ವ, ಎಲ್ಲಾ ವಿಷಯತ್ ನಿರಿಕ್ಷೇಲ್ ಇಪ್ಪ, ಎಲ್ಲಾನ ಸಹಿಸುವ.

1 ಕೊರಿಂಥ 6:7

ನಿಂಗ ಒಬ್ಬಂಗ್ ವಿರೋದವಾಯಿತ್ ಪುಕಾರ್ ಕೊಡ್‍ಪಕಲೆ, ನಿಂಗ ಚೋತ್ ಪೋಯಿತುಳ್ಳಿರ. ನಿಂಗಕ್ ವಿರೋದವಾಯಿತ್ ಅನ್ಯಾಯ ಮಾಡ್‌ವಯಿಂಗಳ ನಿಂಗ ಎನ್ನಂಗ್ ಸಯಿಸುಲೆ? ನಿಂಗಳ ವಂಚನೆ ಮಾಡ್‌ವಯಿಂಗಕ್ ನಿಂಗ ಎನ್ನಂಗ್ ಬುಟ್ಟ್ ಕೊಡ್‍ತಂಡಿಲ್ಲೆ?

1 ಕೊರಿಂಥ 9:14

ಅನ್ನನೆ, ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವ ಸೇವೇಲ್ ಉಳ್ಳಯಿಂಗಕ್, ಅಯಿಂಗಡ ಬದ್‍ಕ್‍ಕ್ ಬೋಂಡಿಯಾನದ್‍ನ, ಈ ಸೇವೇಯಿಂಜಲೇ ಕ್‍ಟ್ಟಂಡೂಂದ್ ದೇವ ಆಜ್ಞೆ ಕೊಡ್‌ತಿತುಂಡ್.

1 ಕೊರಿಂಥ 9:15

ಅನ್ನನೆ ಇಂಜತೇಂಗಿಯು, ಈ ವಿಷಯತ್‍ಲ್ ನಾಕ್ ಉಳ್ಳ ಈ ಹಕ್ಕ್‌ಲ್ ಒಂದ್‌ನ ಸಹ ಪ್ರಯೋಜನಪಡ್‍ತಿತ್‌ಲ್ಲೆ; ನಾಕ್ ಎಂತಾಚು ಕ್‍ಟ್ಟ್‌ವಾಂದ್ ಗೇನ ಮಾಡಿಯಂಡ್ ಇನ್ನನೆ ಒಳ್‍ದಿಯಂಡಿಲ್ಲೆ. ನಾಡ ಈ ನಲ್ಲರಿಕೆನ ದಾರು ಪಾಳ್ ಮಾಡ್‌ವಕ್ ಬದ್‍ಲ್ ನಾನ್ ಚಾವದೇ ನಲ್ಲದ್‍ೕಂದ್ ಗೇನ ಮಾಡ್‌ವಿ.

1 ಕೊರಿಂಥ 9:16

ನಾನ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚೇಂಗಿಯು ನಾನ್ ಅದ್‍ನ ಹೊಗಳ್‍ವಕ್ ಒಂದು ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ ಅದ್ ನಾಡ ಮೇಲೆ ಬುದ್ದ ಜವಾಬ್ದಾರಿಯಾಯಿತುಂಡ್. ದೇವಡ ನಲ್ಲ ಸುದ್ದಿನ ನಾನ್ ಪ್ರಚಾರ ಮಾಡತೆ ಪೋಚೇಂಗಿ, ನಾಕ್ ಅಯ್ಯೋ!

1 ಕೊರಿಂಥ 9:18

ನಾನ್ ಈ ಸೇವೇನ ಮಾಡಿಯಂಡ್ ಉಳ್ಳಾಂಗ್, ನಾಕ್ ಎಂತ ಫಲ? ನಾನ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ, ದಾರ್‌ಕು ಕಷ್ಟ ಕೊಡ್‍ಕತೆ ಮಾಡ್‌ವದೇ ನಾಕ್ ದುಂಬ ಕುಶಿ. ಆನಗುಂಡ್, ನಾಕ್ ಉಳ್ಳ ಅದಿಕಾರತ್‍ನ ನಾನ್ ಉಪಯೋಗಿಚಿಡತೆ, ಕ್ರಿಸ್ತಂಡ ಸುದ್ದಿನ ಪುಕ್ಕಟೆಯಾಯಿತ್ ಎಣ್ಣ್‌ವದೇ ನಾಡ ಲಾಬ.

1 ಕೊರಿಂಥ 9:2

ಬೋರೆಯಿಂಗಕ್ ನಾನ್ ಅಪೊಸ್ತಲನಾಯಿತ್ ಇಲ್ಲತೆ ಇಂಜತೇಂಗಿಯು, ನಿಂಗಕ್ ನಾನ್ ಕಂಡಿತವಾಯಿತ್ ಅಪೊಸ್ತಲನಾಯಿತುಂಡಲ್ಲ? ನಾನ್ ಕ್ರಿಸ್ತಂಡ ಅಪೊಸ್ತಲಾಂದ್ ಎಣ್ಣ್‌ವಕ್ ನಿಂಗ ಒರ್ ಗುರ್‌ತಾಯಿತ್ ಉಳ್ಳಿರ.

2 ಕೊರಿಂಥ 11:12

ನನ್ನ ವಿರೋದಿಚಿಡುವಕ್ ಅವಕಾಶ ತ್‍ೕಡ್‌ವಯಿಂಗಕ್ ಅವಕಾಶ ಕ್‍ಟ್ಟತನೆಕೆ, ನಾನ್ ಮಾಡಿಯಂಡುಳ್ಳದ್‍ನ ಇಂಞು ಮಿಂಞಕ್ ಮಾಡ್‌ವಿ. ಅಯಿಂಗ ಹೆಮ್ಮೆ ಪಡ್‌ವ ವಿಷಯತ್‍ಲ್ ಅಯಿಂಗ ನಂಗಡನೆಕೆ ಇರಡ್.

2 ಕೊರಿಂಥ 11:20

ಒಬ್ಬ ನಿಂಗಳ ಅಡಿಮೆ ಪಡ್‍ತ್‍ಚೇಂಗಿಯು, ಒಬ್ಬ ನಿಂಗಳ ಮುಗ್ಗ್‌ಚಿಟ್ಟತೇಂಗಿಯು, ಒಬ್ಬ ನಿಂಗಳ ಪುಡ್‌ಚಿತ್ ಕೊಂಡ್ ಪೋಚೇಂಗಿಯು, ಒಬ್ಬ ತನ್ನ ತಾನೆ ಕೊಚ್ಚ್‌ತೇಂಗಿಯು, ಒಬ್ಬ ನಿಂಗಡ ಮೂಡ್‍ಕ್ ಪೊಜ್ಜತೇಂಗಿಯು ನಿಂಗ ಸಹಿಸಿಯಂಡಿಂಜಿರ.

2 ಕೊರಿಂಥ 2:12

ಪಿಂಞ, ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕಾಯಿತ್ ನಾನ್ ತ್ರೋವ ಪಟ್ಟಣಕ್ ಬಪ್ಪಕ, ಒಡೆಯನಗುಂಡ್ ನಾಕ್ ಪಡಿ ತೊರ್ಂದ್‍ತ್ಂಜತ್.

2 ಕೊರಿಂಥ 6:3

ಈ ಸೇವೇನ ದಾರೂ ಕುತ್ತ ಪರಿಯತನೆಕೆ, ನಂಗಡಗುಂಡ್ ಒಬ್ಬನು ಬೂವತನೆಕೆ ಎಲ್ಲಾ ವಿಷಯತ್‍ಲು ದೇವಡ ಸೇವಕಂಗಳಾಯಿತ್ ಬದ್‍ಕಿಯಂಡುಂಡ್.