1 ಕೊರಿಂಥ 8:1 - ಕೊಡವ ಬೈಬಲ್

¹ ಇಕ್ಕ, ನಿಂಗ ಕ್‍ೕಟ ವಿಗ್ರಹಕ್ ಅರ್ಪಿಚಿಟ್ಟ ಆಹಾರತ್‍ರ ವಿಷಯತ್, ನಾನ್ ಎಣ್ಣ್‌ವಿ. ನಂಗಕೆಲ್ಲಾರ್‌ಕೂ ಈ ವಿಷಯತ್ ಅರಿವ್ ಉಂಡ್‍ೕಂದ್ ನಂಗಕ್ ಗೊತ್ತುಂಡ್. ಬುದ್ದಿ ಆಂಗಾರತ್‍ನ ಉಂಟ್ ಮಾಡ್‌ವ, ಆಚೇಂಗಿ ಪ್ರೀತಿ ಬೋರೆಯಿಂಗಳ ಬಲಪಡ್‍ತ್‍ವಕ್ ಸಹಾಯ ಮಾಡ್‌ವ.

1 ಕೊರಿಂಥ 8:1 ပူးပေါင်းရင်းမြစ်များ

ಅಪೊಸ್ತಲ 15:10

ಇನ್ನನೆ ಇಪ್ಪಕ, ನಂಗಡ ಅಜ್ಜಂಗಕೂ, ನಂಗಕು ಪೊರ್‍ಪಕೈಯ್ಯತ ನೊಗತ್‌ನ ಯೇಸುನ ನಂಬ್‍ವ ಯೆಹೂದ್ಯ ಅಲ್ಲತಯಿಂಗಡ ಬೋಳೆಕ್ ಇಟ್ಟಿತ್ ದೇವನ ಎನ್ನಂಗ್ ಪರೀಕ್ಷೆ ಮಾಡಂಡು?

ಅಪೊಸ್ತಲ 21:25

ಯೆಹೂದ್ಯಂಗ ಅಲ್ಲತ ಯೇಸುನ ನಂಬ್‍ನಯಿಂಗ: ವಿಗ್ರಹಕ್ ಅರ್ಪಿಚಿಟ್ಟ ಕೂಳ್‍ಕ್, ಚೋರೆ ತಿಂಬಕ್, ನೆರ್‌ಕಿತ್ ಚತ್ತ್‌ಪೋನ ಪ್ರಾಣಿಯಡ ಯರ್ಚಿಕ್ ಪಿಂಞ ಲೈಂಗಿಕ ಪಾಪಕ್ ದೂರವಾಯಿತ್ ಇರಂಡೂಂದ್ ನಂಗ ತೀರ್ಮಾನ ಮಾಡಿತ್ ಒಳ್‍ದಿಯೇಂದ್ ಎಣ್ಣ್‌ಚಿ.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

ರೋಮ್ 12:16

ಎಲ್ಲಾಡ ಕೂಡೆ ಒರೇ ಮನಸ್ಸುಳ್ಳಯಿಂಗಳಾಯಿತಿರಿ; ಜಂಬ ಮಾಡತೆ, ಕಮ್ಮಿಯಾಯಿತ್ ಉಳ್ಳಯಿಂಗಡ ಕೂಟ್‍ಕ್ ಕೂಡಿ. ನಿಂಗಳ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನ ಮಾಡತಿ.

ರೋಮ್ 14:10

ಇನ್ನನೆ ಇಪ್ಪಕ, ನೀಡ ಅಣ್ಣತಮ್ಮಣಂಗಳ ತಪ್ಪ್ ಮಾಡ್‌ನಯಿಂಗಾಂದ್ ಎನ್ನಂಗ್ ತೀರ್ಪ್ ಮಾಡ್‌ವಿಯ? ನೀನ್ ನೀಡ ಅಣ್ಣತಮ್ಮಣಂಗಳ ಎನ್ನಂಗ್ ಕಮ್ಮಿಯಾಯಿತ್ ನೋಟ್‍ವಿಯ? ನಂಗ ಎಲ್ಲಾರು ದೇವಡ ನ್ಯಾಯತೀರ್ಪ್‌ಕ್ ಮಿಂಞ ನಿಕ್ಕಂಡು ಅಲ್ಲ?

ರೋಮ್ 14:14

ಏದ್ ಆಹಾರವು ಅದಾಯಿತೇ ಅಶುದ್ದ ಆಯಿತಿಪ್ಪುಲೇಂದ್ ಒಡೆಯನಾನ ಯೇಸುರಲ್ಲಿ ಗೊತ್ತಾಯಿತ್ ದೃಡವಾಯಿತ್ ನಂಬುವಿ; ಏದಾಚು ಒರ್ ಆಹಾರ ವಸ್ತುನ ಅಶುದ್ದಾಂದ್ ಒಬ್ಬ ಗೇನ ಮಾಡ್‍ಚೇಂಗಿ, ಅಂವೊಂಗ್ ಅದ್ ಅಶುದ್ದವಾಯಿತ್‌ಪ್ಪ.

ರೋಮ್ 14:19

ಆನಗುಂಡ್, ಸಮಾದಾನ ತಪ್ಪ ವಿಷಯತ್‍ನ ಪಿಂಞ, ಒಬ್ಬೊಬ್ಬನು ಆತ್ಮೀಯ ವಿಷಯತ್‍ಲ್ ಬೊಳ್‍ತ್‍ವಕ್ ಸಹಾಯ ಮಾಡ್‌ವ ವಿಷಯತ್‍ನ ಮಾಡ್‌ವಕ್ ಪ್ರಯತ್ನ ಪಡಂಡು.

ರೋಮ್ 14:22

ಅದ್‍ಲ್ ತಪ್ಪು ಒಂದು ಇಲ್ಲೇಂದ್ ನೀನ್ ನಂಬ್‍ಚೇಂಗಿ, ಅದ್‍ನ ನೀಕು ದೇವಕು ಮದ್ಯತ್‍ಲ್ ಬೆಚ್ಚೊಳಿ. ನೀಕ್ ನಲ್ಲದ್‍ೕಂದ್ ನೀನ್ ತೀರ್ಮಾನ ಮಾಡ್‍ನ ವಿಷಯತ್‍ಲ್, ನಿನ್ನ ತಪ್ಪ್ ಮಾಡತಂವೊನಾಯಿತ್ ಕಾಪಾಡಿಯಂಡತೇಂಗಿ ನೀನ್ ಆಶೀರ್ವಾದ ಪಡ್ಂದಂವೊ.

ರೋಮ್ 14:3

ಎಲ್ಲಾನ ತಿಂಬ ಒಬ್ಬ, ಎಲ್ಲಾನ ತಿಂಗತಂವೊನ ಕಮ್ಮಿಯಾಯಿತ್ ನೋಟ್‌ವಕ್ಕಾಗ; ಎಲ್ಲಾನ ತಿಂಗತಂವೊ, ತಿಂಬಂವೊನ ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಕ್ಕಾಗ. ದೇವ ಅಂವೊನ ಸಹ ಸ್ವೀಕಾರ ಮಾಡಿತುಂಡಲ್ಲ.

ರೋಮ್ 15:14

ನಾಡ ಅಣ್ಣತಮ್ಮಣಂಗಳೇ, ನಿಂಗ ನಲ್ಲ ಗುಣತ್‍ಲ್ ಪಿಂಞ ಎಲ್ಲಾ ಬುದ್ದಿಲ್ ದುಂಬ್‍ನಯಿಂಗಳಾಯಿತ್, ಒಬ್ಬೊಂಗೊಬ್ಬ ಬುದ್ದಿ ಎಣ್ಣುವಕ್ ಯೋಗ್ಯತೆ ಉಳ್ಳಯಿಂಗಳಾಯಿತ್ ಉಂಡ್‍ೕಂದ್ ನಾನ್ ನೇರಾಯಿತು ನಂಬಿಯಂಡುಂಡ್.

1 ಕೊರಿಂಥ 1:5

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತಂಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ನಿಂಗ ಬದ್‍ಕಿಯಂಡುಳ್ಳಗುಂಡ್, ನಿಂಗಡ ಎಲ್ಲಾ ಆತ್ಮೀಯ ತಕ್ಕ್‌ಲು, ಎಲ್ಲಾ ಜ್ಞಾನತ್‍ಲು ಪಿಂಞ ಬೋರೆ ಎಲ್ಲಾ ವಿಷಯತ್‍ಲು ಆಶೀರ್ವಾದ ಪಡ್ಂದಯಿಂಗಳಾಯಿತ್ ಉಳ್ಳಿರ.

1 ಕೊರಿಂಥ 10:15

ನಿಂಗ ಬುದ್ದಿವಂತಯಿಂಗಾಂದ್ ನಾನ್ ಗೇನ ಮಾಡಿತ್ ನಿಂಗಡ ಕೂಡೆ ಎಣ್ಣಿಯಂಡುಂಡ್; ಆನಗುಂಡ್ ನಾನ್ ಎಂತ ಎಣ್ಣಿಯಂಡುಂಡ್‍ೕಂದ್ ನಿಂಗಳೇ ತೀರ್ಪ್ ಮಾಡಿ.

1 ಕೊರಿಂಥ 10:28

ಆಚೇಂಗಿ ಒಬ್ಬ, ಈ ಆಹಾರ ವಿಗ್ರಹಕ್ ಅರ್ಪಿಚಿಟ್ಟದ್‍ೕಂದ್ ಎಣ್ಣ್‌ಚೇಂಗಿ, ಅಂವೊಂಡ ನಂಬಿಕೇನ ಪಾಳಾಕತನೆಕೆ ಪಿಂಞ ಆ ಯರ್ಚಿನ ತಿಂಬದ್ ತಪ್ಪ್‍ೕಂದ್ ಗೇನ ಮಾಡಿಯಂಡುಳ್ಳ ಜನಕಾಯಿತ್ ಅದ್‍ನ ತಿಂಗತಿ.

1 ಕೊರಿಂಥ 14:20

ನಾಡ, ಅಣ್ಣತಮ್ಮಣಂಗಳೇ, ದೇವಡ ಆತ್ಮ ತಪ್ಪ ವರತ್‍ರ ವಿಷಯತ್‍ಲ್ ಚೆರಿಯ ಮಕ್ಕಡನೆಕೆ ನಿಂಗ ಗೇನ ಮಾಡತಿ, ಕೆಟ್ಟ ವಿಷಯತ್‍ಲ್ ನಿಂಗ ಚೆರಿಯ ಮಕ್ಕಡನೆಕೆ ಗೇನ ಮಾಡಂಡು, ಆಚೇಂಗಿ ಈ ವಿಷಯತ್‍ಲ್ ಬಲ್ಯಂಗಡನೆಕೆ ನಿಂಗ ಗೇನ ಮಾಡಂಡು.

1 ಕೊರಿಂಥ 15:34

ಏದ್ ಬೋದನೆ ಸರಿಯಾನದೊ, ಅದ್‍ನ ಮಾತ್ರ ಗೇನ ಮಾಡಿಯಂಡಿರಿ, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡಿ, ನಿಂಗಡಲ್ಲಿ ಚೆನ್ನ ಜನಕ್ ದೇವ ದಾರ್‍ೕಂದ್ ಗೊತ್ತಿಲ್ಲತೆ ಉಳ್ಳಿರ. ನಿಂಗಕ್ ಞಾಣ ಆಪಕಾಯಿತ್ ಇದ್‍ನ ಎಣ್ಣ್‌ವಿ.

1 ಕೊರಿಂಥ 4:10

ನಂಗ ಕ್ರಿಸ್ತಂಗಾಯಿತ್ ಮುಠಾಳಂಗ, ಆಚೇಂಗಿ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗ ಬುದ್ದಿವಂತಯಿಂಗ; ನಿಂಗ ಬಲಶಾಲಿಯಳಾಯಿತ್ ಉಳ್ಳಿರ ಆಚೇಂಗಿ ನಂಗ ಶಕ್ತಿ ಇಲ್ಲತಯಿಂಗಡನೆಕೆ ಉಂಡ್. ನಿಂಗಕ್ ಬಲ್ಯತರತ್‌ಲ್ ಜನ ಮರ್ಯಾದಿ ತಪ್ಪ, ಆಚೇಂಗಿ ನಂಗಳ ಅಲ್ಲಗೆಳೆಯುವ.

1 ಕೊರಿಂಥ 4:18

ನಾನ್ ನಿಂಗಡ ಪಕ್ಕ ಬಪ್ಪ್‌ಲೇಂದ್ ಗೇನ ಮಾಡಿತ್, ಚೆನ್ನ ಜನ ಆಂಗಾರತ್‍ಲ್ ಕಳಿಚಂಡುಂಡ್.

1 ಕೊರಿಂಥ 4:6

ನಾಡ ಅಣ್ಣತಮ್ಮಣಂಗಳೇ, ದೇವಡ ವಾಕ್ಯತ್‍ಲ್ ಎಣ್ಣ್‌ನಗಿಂಜ ಜಾಸ್ತಿ ಎಣ್ಣತನೆಕೆ ಇಪ್ಪಕ್ ನಿಂಗ ಪಡಿಪಕ್ ಪಿಂಞ ಒಬ್ಬಯಿಂಜ ಇಂಞೊಬ್ಬ ಬಲ್ಯಂವೋಂದ್ ಆಂಗಾರತ್‍ಲ್ ಗೇನ ಮಾಡತೆ ಇಪ್ಪಕ್, ನಾನ್ ನಿಂಗಕಾಯಿತ್ ನನ್ನ ಪಿಂಞ ಅಪೊಲ್ಲೋಸನ ಉದಾರಣೆಯಾಯಿತ್ ಇಲ್ಲಿ ಕಾಂಬ್‌ಚಿಟ್ಟಿತ್ ಒಳ್‍ದಿಯೆ.

1 ಕೊರಿಂಥ 5:2

ನಿಂಗ ಇದ್‍ನೆಲ್ಲ ಕಂಡಿತ್ ಎನ್ನನೆ ಬಲ್ಯರಿಕೇಲ್ ಕಳಿಪಿರ? ಆಂಡ ಬದ್‍ಲ್ ನಿಂಗ ಈ ವಿಷಯತ್‍ನ ಕ್‍ೕಟಿತ್ ದುಂಬ ಬೇಜಾರ್ ಆಯಿತ್ ಮೊರಟಂಡ್ ಇಕ್ಕಂಡು. ಅಂತ ಮನುಷ್ಯನ ನಿಂಗಡ ಐಕ್ಯತ್ಂಜ ಪೊರಮೆ ಬೆಚ್ಚಿತಿಕ್ಕಂಡು.

1 ಕೊರಿಂಥ 5:6

ನಿಂಗ ನಿಂಗಡ ಆತ್ಮೀಯ ವಿಷಯತ್‍ಲ್ ಆಂಗಾರತ್‍ಲ್ ಕಳಿಪದ್ ಸರಿ ಅಲ್ಲ. ಚೆನ್ನ ಈಸ್ಟ್ ಇಟ್ಟಕ ಪೂರ್ತಿ ಮುದ್ದೆ ಬೊಳಿಯುವಾಂದ್ ಎಣ್ಣುವ ತಕ್ಕ್ ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 8:2

ಒಬ್ಬ ಅಂವೊಂಗ್ ಎಂತಾಚು ಗೊತ್ತುಂಡ್‍ೕಂದ್ ಗೇನ ಮಾಡ್‍ಚೇಂಗಿ, ಅಂವೊಂಗ್ ಎಚ್ಚಕ್ ಗೊತ್ತಿರಂಡುವೊ ಅಚ್ಚಕ್ ಅಂವೊಂಗ್ ಇಂಞು ಗೊತ್ತ್‌ಲ್ಲೆ.

1 ಕೊರಿಂಥ 8:4

ಆನಗುಂಡ್ ವಿಗ್ರಹಕ್ ಅರ್ಪಿಚಿಟ್ಟ ಆಹಾರತ್‍ರ ವಿಷಯತ್: ಈ ಲೋಕತ್‍ಲ್ ವಿಗ್ರಹ ಎಣ್ಣುವದ್ ಒಂದು ಇಲ್ಲೇಂದು, ಒಬ್ಬನ ಬುಟ್ಟಿತ್ ಬೋರೆ ದೇವ ಇಲ್ಲೇಂದು ನಂಗಕ್ ಗೊತ್ತುಂಡ್.

1 ಕೊರಿಂಥ 8:7

ಆಚೇಂಗಿಯು, ಈ ವಿಷಯತ್‍ರ ಅರಿವ್ ಎಲ್ಲಾರ್‌ಕು ಇಲ್ಲೆ. ಚೆನ್ನ ಜನ ಇಕ್ಕಲು ವಿಗ್ರಹಕ್ ಜೀವ ಉಂಡ್‍ೕಂದ್ ಗೇನ ಮಾಡಿಯಂಡ್, ವಿಗ್ರಹಕ್ ಅರ್ಪಿಚಿಟ್ಟ ಕೂಳ್‌ನ ತಿಂದಂಡುಂಡ್, ಅಯಿಂಗಡ ಮನಸಾಕ್ಷಿ ಬಲಹೀನವಾಯಿತ್ ಉಳ್ಳಾಂಗ್ ಅದ್ ಅಶುದ್ದವಾಯಿತುಂಡ್.

ಎಫೆಸ 4:16

ಅಂವೊನಗುಂಡ್, ತಡಿ ಪೂರ್ತಿಯು, ತಡೀನ ಒಂದಾಯಿತ್ ಪುಡ್‌ಚಿತಿಪ್ಪಕ್ ಸಹಾಯ ಮಾಡ್‌ವ ಅದ್ಂಡ ಯರ್ಚಿ ಕಂಡವು ಒಂದಾಯಿತ್ ಕೂಡಿತ್, ಓರೋರ್ ಬಾಗವು, ಅದ್ಂಗದ್ಂಗ್ ತಕ್ಕ ಅಳ್‌ತೆಲ್ ಕೆಲಸತ್‍ನ ಮಾಡ್‌ವಕ, ಪ್ರೀತಿನಗುಂಡ್ ತಡಿ ಬೊಳ್ಂದಿತ್ ಅದ್ಂಡದ್ಂಡ ಕೆಲಸತ್‍ನ ಮಾಡ್‌ವ.

ಕೊಲೊಸ್ಸೆ 2:18

ದಾರೂ ನಿಂಗಳ, ನಿಂಗಡ ಇನಾಮ್‍ನ ಕಳೆಂದ್ ಪೋಪನೆಕೆ ವಂಚನೆ ಮಾಡ್‌ವಕ್ ಬುಡತಿ; ಅಯಿಂಗ ದಾರ್ ಎಣ್ಣ್‌ಚೇಂಗಿ, ವಂಚನೆ ಮಾಡ್‌ವ ತಾಳ್ಮೆಲ್ ಇಪ್ಪನೆಕೆ ಕಾಟಿಯಂಡ್, ದೇವದೂತಂಗಳ ಆರಾದನೆ ಮಾಡ್‌ವಕ್ ಕುಶಿಪಟ್ಟಂಡ್, ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ನುಗ್ಗಿತ್ ಪಿಂಞ ಅಯಿಂಗ ತಡೀರ ಗೇನತ್‍ಲ್ ಒರ್ ಕಾರಣವು ಇಲ್ಲತೆ ಗರ್ವ ಪಡ್‌ವಯಿಂಗಳಾಯಿತ್ ಉಂಡ್.

ಪ್ರಕಟನೆ 2:14

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಇಸ್ರಾಯೇಲ್ ಜನ ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು, ವ್ಯಬಿಚಾರ ಮಾಡ್‌ವಕು ಕಾರಣವಾಯಿತ್ಂಜ ಬಾಲಾಕ ಎಣ್ಣುವ ರಾಜಂಗ್ ವಂಚನೆರ ಬೋದನೆ ಮಾಡ್‍ನ ಪ್ರವಾದಿಯಾನ ಬಿಳಾಮ ಎಣ್ಣ್‌ವಂವೊಂಡ ಬೋದನೆರ ಪ್ರಕಾರ ನಡ್‍ಪಯಿಂಗಳು ನೀಡ ಕೂಡೆ ಉಂಡ್.

ಪ್ರಕಟನೆ 2:20

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಅದ್ ಎಂತ ಎಣ್ಣ್‌ಚೇಂಗಿ, ಯೆಜೆಬೇಲಾಂದ್ ಎಣ್ಣುವ ಒರ್ ಪೊಣ್ಣಾಳ್, ನಾನೇ ಪ್ರವಾದೀಂದ್ ಎಣ್ಣಿಯಂಡ್, ನಾಡ ಸೇವಕಂಗ ವ್ಯಬಿಚಾರ ಪಾಪ ಮಾಡ್‌ವಕು, ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು ಬೋದನೆ ಮಾಡಿತ್, ಅಯಿಂಗಳ ವಂಚನೆ ಮಾಡ್‌ವಕ್ ನೀನ್ ಜಾಗ ಕೊಡ್‍ತಂಡುಂಡ್.