1 ಕೊರಿಂಥ 7:40 - ಕೊಡವ ಬೈಬಲ್

⁴⁰ ನಾಡ ಅಬಿಪ್ರಾಯತ್‌ರನೆಕೆ, ಅವ ಪುನಃ ಮಂಗಲ ಕಯಿಕತೆ ಇಂಜತೇಂಗಿ, ಅದ್ ನಲ್ಲದ್‍ೕಂದ್ ನಾಕ್ ಆಪ. ನಾನ್ ಇನ್ನನೆ ಎಣ್ಣ್‌ವಕ್ ದೇವಡ ಆತ್ಮವೇ ನನ್ನ ನಡ್‍ತಿಯಂಡುಂಡ್‍ೕಂದ್ ನಂಬ್‌ವಿ.

1 ಕೊರಿಂಥ 7:40 ပူးပေါင်းရင်းမြစ်များ

1 ಕೊರಿಂಥ 7:1

ನಿಂಗ ನಾಕ್ ಒಳ್‍ದ್‍ನ ವಿಷಯಕ್, ನಾನ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಒರ್ ಮನುಷ್ಯ, ಮಂಗಲ ಕಯಿಕತೆ ಇಪ್ಪದ್ ನಲ್ಲದ್.

1 ಕೊರಿಂಥ 7:35

ನಿಂಗಳ ತಡ್‌ಪಕಾಯಿತ್ ಅಲ್ಲ ಆಚೇಂಗಿ, ನಿಂಗಕ್ ಸಹಾಯ ಮಾಡ್‌ವಕಾಯಿತ್ ನಾನ್ ಇದ್‍ನ ಎಣ್ಣಿಯಂಡ್ ಉಳ್ಳ. ನಿಂಗಡ ಬದ್‍ಕ್‍ಕ್ ಏದ್ ತೊಂದರೆಯು ಇಲ್ಲತೆ, ಒಡೆಯನ ಪುಡ್‍ಚಂಡ್ ಬದ್‍ಕ್‍ವನೆಕೆ ಆಪಲ್ಲಾ?

1 ಕೊರಿಂಥ 7:6

ನಾನ್ ನಿಂಗಕ್ ಇದ್‍ನ ಒರ್ ಆಲೋಚನೆಯಾಯಿತ್ ಎಣ್ಣಿಯಂಡ್ ಉಂಡ್, ಇದ್ ಒರ್ ಆಜ್ಞೆ ಅಲ್ಲ.

1 ಕೊರಿಂಥ 7:8

ನಾನ್ ಮಂಗಲ ಕಯಿಕತಯಿಂಗಕ್ ಪಿಂಞ ವಿದವೆಯಂಗಕ್ ಒರ್ ವಿಷಯ ಎಣ್ಣ್‌ವಿ: ನಾನ್ ಉಳ್ಳನೆಕೆ ನಿಂಗಳು ಒಂಟಿಯಾಯಿತ್ ಇಪ್ಪದ್ ನಲ್ಲದ್.

2 ಕೊರಿಂಥ 12:11

ಒರ್ ಬುದ್ದಿ ಇಲ್ಲತಂವೊನನೆಕೆ ಹೊಗಳ್‌ಚಿಡುವಕ್ ಬಲ ಇಲ್ಲತಂವೊನಾಯಿತ್ ನಾನ್ ಆಯೆ, ನಾನ್ ಅನ್ನನೆ ಆಪಕ್ ನಿಂಗಳೇ ಮಾಡಿರ. ನಿಂಗಡಗುಂಡೇ ನಾಕ್ ಹೊಗಳ್‍ಚಿಡುವನೆಕೆ ಆಪಕಿಂಜತ್. ನಾನ್ ಒಂದು ಇಲ್ಲೇಂದ್ ಗೇನಮಾಡ್‍ಚೇಂಗಿಯು, ದುಂಬ ಮುಕ್ಯಪಟ್ಟ ಅಪೊಸ್ತಲಂಗಕಿಂಜ ಒರ್ ವಿಷಯತ್‍ಲ್ ಕೂಡೆ ಅಯಿಂಗಕಿಂಜ ನಾನ್ ಕಮ್ಮಿ ಆನಂವೊ ಇಲ್ಲೆ.

2 ಕೊರಿಂಥ 13:3

ಕ್ರಿಸ್ತ ನಾಡಲ್ಲಿ ತಕ್ಕ್ ಪರ್‌ಂದಂಡುಂಡಾಂದ್ ಸಾಕ್ಷಿ ತ್‍ೕಡಿಯಂಡುಳ್ಳಿರಾ? ಅಂವೊ ನಿಂಗಡಲ್ಲಿ ಬಲ ಇಲ್ಲತಂವೊನಾಯಿತ್‌ಲ್ಲೆ, ಶಕ್ತಿ ಉಳ್ಳಂವೊನಾಯಿತ್ ಉಂಡ್.

2 ಕೊರಿಂಥ 8:10

ಈ ವಿಷಯತ್‍ಲ್ ನಾಡ ಆಲೋಚನೆನ ಎಣ್ಣ್‌ವಿ; ಇದ್‍ನ ಮಾಡಂಡೂಂದ್ ಒರ್ ಕಾಲಕ್ ಮಿಂಞ ಸುರು ಮಾಡ್‍ನದ್‍ಲ್ ಪಿಂಞ ಅದ್‍ನ ಮಾಡಂಡೂಂದ್ ಮಿಂಞಕ್ ಎಡ್‍ತಂಡ್ ಪೋಪದ್‍ಲ್ ಕುಶಿಪಡ್‌ವಕು ನಿಂಗಕ್ ಯೋಗ್ಯವಾಯಿತ್‌ಪ್ಪ.

1 ಥೆಸಲೊನೀಕ 4:8

ಆನಗುಂಡ್, ಈ ಬೋದನೆನ ದಾರೇಂಗಿ ಅಲ್ಲಗೆಳೆದ್‌ಚೇಂಗಿ, ಅಯಿಂಗ ಮನುಷ್ಯನ ಅಲ್ಲ, ನಂಗಕ್ ಪವಿತ್ರಾತ್ಮತ್‍ನ ತಂದ ದೇವನ ಅಲ್ಲಗೆಳ್ಂದನೆಕೆ ಆಪ.