1 ಕೊರಿಂಥ 7:39 - ಕೊಡವ ಬೈಬಲ್

³⁹ ಒರ್ ಪೊಣ್ಣ್‌ರ ವಡಿಯ ಬದ್‌ಕಿತ್ ಇಪ್ಪಕತ್ತನೆ, ಮಂಗಲತ್‍ರ ಪ್ರಮಾಣಕ್ ಅವ ಒಳಪಟ್ಟಿತುಂಡ್. ಆಚೇಂಗಿ ಅವಡ ವಡಿಯ ಚತ್ತ್ ಪೋಪಕ, ಅವಕ್ ಪುನಃ ಮಂಗಲ ಕಯಿಪಕ್ ಕುಶಿ ಇಂಜತೇಂಗಿ ಮಂಗಲ ಕಯಿಕಡ್. ಅನ್ನನೆ ಮಾಡ್‌ವದಾಚೇಂಗಿ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ಒಬ್ಬನ ಮಾಡಂಡು.

1 ಕೊರಿಂಥ 7:39 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 6:2

ದೇವಡ ಗುಣಕ್‌ ಕೂಡ್‌ನ ಕ್‌ಣ್ಣ ಮಕ್ಕ, ಈ ಲೋಕತ್‌ರ ಗುಣಕ್‌ ಕೂಡ್‌ನ ಮೂಡಿಯ ಕಾಂಬಕ್‌ ಚಾಯ ಉಂಡ್‍ೕಂದ್‌ ಕಂಡಿತ್, ಅಯಿಂಗಕ್‌ ಕುಶಿಯಾನ ಮೂಡಿಯಳ ಅಯಿಂಗಕಯಿಂಗಕ್‌ ಪೊಣ್ಣಾಯಿತ್‌ ಗೊತ್ತ್‌ ಮಾಡಿಯಂಡತ್.

ಮಲಾಕಿ 2:11

ಯೆಹೂದ ಜನ ದ್ರೋಹ ಮಾಡಿತ್, ಇಸ್ರಾಯೇಲ್‌ಲ್‌ ಪಿಂಞ ಯೆರೂಸಲೇಮ್‌ಲ್‌ ಅಸಹ್ಯವಾನ ಕಾರ್ಯ ಮಾಡ್‌ಚಿ; ಒಡೆಯನಾನ ಯೆಹೋವ ಕುಶಿಪಡುವ ಪವಿತ್‌ರತ್‌ನ ದೇವಾಲಯತ್‌ನ, ಯೆಹೂದ ಜನ ಅಶುದ್ದ ಮಾಡಿತ್, ಪರದೇಶಿಯಡ ದೇವಳ ಆರಾದನೆ ಮಾಡುವ ಮೂಡಿ ಮಕ್ಕಳ ಮಂಗಲ ಕಯಿಚತ್.

1 ಕೊರಿಂಥ 7:10

ಮಂಗಲ ಆನಯಿಂಗಕ್ ಒರ್ ಆಜ್ಞೆ ಎಣ್ಣ್‌ವಿ. ಇದ್ ನಾಡ ಆಜ್ಞೆ ಅಲ್ಲ ಆಚೇಂಗಿ ಒಡೆಯಂಡದ್. ಒರ್ ಪೊಣ್ಣ್ ವಡಿಯನ ಬುಡ್‌ವಕ್ಕಾಗ.

1 ಕೊರಿಂಥ 7:15

ಆಚೇಂಗಿ, ಕ್ರಿಸ್ತನ ನಂಬತ ಪೊಣ್ಣ್ ಅಥವ ವಡಿಯ, ಕ್ರಿಸ್ತನ ನಂಬ್‍ನ ವಡಿಯನ ಅಥವ ಪೊಣ್ಣ್‌ನ ಬುಟ್ಟಿತ್ ಪೋಂಡೂಂದ್ ತೀರ್ಮಾನ ಮಾಡ್‍ಚೇಂಗಿ, ಅಯಿಂಗ ಅನ್ನನೆ ಮಾಡಡ್. ಅನ್ನನೆ ಅಯಿಂಗ ಮಾಡ್‌ವಕ, ಕ್ರಿಸ್ತನ ನಂಬ್‍ನಯಿಂಗ ಅಯಿಂಗಳ ಪೋಪಕ್ಕಾಗಾಂದ್ ಒತ್ತಾಯ ಮಾಡಂಡ. ದೇವ ನಂಗಳ ಸಮಾದಾನತ್‍ಲ್ ಜೀವನ ಮಾಡ್‌ವಕೇ ಕಾಕಿತುಂಡ್.

1 ಕೊರಿಂಥ 7:38

ಆನಗುಂಡ್, ಅವಳ ಮಂಗಲ ಮಾಡಿಕೊಡ್‍ಪಂವೊ ಅವಕ್ ನಲ್ಲದ್ ಮಾಡಿಯಂಡುಂಡ್, ಮಂಗಲ ಮಾಡಿ ಕೊಡ್‍ಕತಂವೊ ಅವಕ್ ಇಂಞು ದುಂಬ ನಲ್ಲದ್ ಮಾಡಿಯಂಡುಂಡ್.