1 ಕೊರಿಂಥ 7:37 - ಕೊಡವ ಬೈಬಲ್

³⁷ ಆಚೇಂಗಿಯು, ಅನ್ನನೆ ಅವ ಮಂಗಲ ಮಾಡತೆ ಇಪ್ಪದ್ ಅವಕ್ ನಲ್ಲದ್ ಪಿಂಞ ಅವ ಮಂಗಲ ಮಾಡ್‌ವಕ್ ಏದ್ ಅವಸ್ಯವು ಇಲ್ಲೇಂದ್ ತೀರ್ಮಾನ ಮಾಡ್‍ಚೇಂಗಿ, ಅನ್ನನೆ ಮಾಡ್‌ವಕ್ ಅಂವೊಂಗ್ ಎಲ್ಲಾ ಅದಿಕಾರವು ಉಂಡ್. ಅನ್ನನೆ ಅಂವೊ ಮಾಡ್‍ಚೇಂಗಿ ಅಂವೊ ನಲ್ಲದ್ ಮಾಡಿಯಂಡುಂಡ್.

1 ಕೊರಿಂಥ 7:37 ပူးပေါင်းရင်းမြစ်များ

1 ಕೊರಿಂಥ 7:1

ನಿಂಗ ನಾಕ್ ಒಳ್‍ದ್‍ನ ವಿಷಯಕ್, ನಾನ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಒರ್ ಮನುಷ್ಯ, ಮಂಗಲ ಕಯಿಕತೆ ಇಪ್ಪದ್ ನಲ್ಲದ್.

1 ಕೊರಿಂಥ 7:36

ಒಬ್ಬ, ತಾಂಡ ಕನ್ನಿ ಮೂಡಿಕ್ ಮಂಗಲತ್‍ರ ವಯಸ್ ಮೀರಿ ಪೋಚೀಂದ್ ಗೇನ ಮಾಡಿತ್, ಅವಕ್ ಮಂಗಲ ಬೋಂಡಾಂದ್ ತೀರ್ಮಾನ ಮಾಡಿತ್ಂಜತೇಂಗಿಯು ಇಕ್ಕ, ಅವ ಮಂಗಲ ಮಾಡತೆ ಇಪ್ಪದ್ ಸರಿ ಅಲ್ಲ, ಅವಕ್ ಮಂಗಲ ಮಾಡಿತೇ ಆಂಡೂಂದ್ ಗೇನ ಮಾಡ್‍ಚೇಂಗಿ, ಅಂವೊಂಡ ಮನಸ್ಸ್‌ಲ್ ಉಳ್ಳನೆಕೆ ಮಾಡಡ್; ಅನ್ನನೆ ಮಾಡ್‍ಚೇಂಗಿ ಅದ್ ಪಾಪ ಅಲ್ಲ. ಮಂಗಲ ಮಾಡಡ್.

1 ಕೊರಿಂಥ 7:38

ಆನಗುಂಡ್, ಅವಳ ಮಂಗಲ ಮಾಡಿಕೊಡ್‍ಪಂವೊ ಅವಕ್ ನಲ್ಲದ್ ಮಾಡಿಯಂಡುಂಡ್, ಮಂಗಲ ಮಾಡಿ ಕೊಡ್‍ಕತಂವೊ ಅವಕ್ ಇಂಞು ದುಂಬ ನಲ್ಲದ್ ಮಾಡಿಯಂಡುಂಡ್.

2 ಕೊರಿಂಥ 9:7

ಒಬ್ಬೊಬ್ಬನು ಮನಸ್ಸ್ ಕಷ್ಟಪಟ್ಟಿತೋ ಒತ್ತಾಯ ಮಾಡಿತೋ ಅಲ್ಲ, ತಾಂಡ ಮನಸ್ಸ್‌ಲ್ ತೀರ್ಮಾನ ಮಾಡ್‍ನನೆಕೆ ಕೊಡ್‌ಕಡ್; ಕುಶೀಲ್ ಕೊಡ್‍ಪಂವೊನ ದೇವ ಪ್ರೀತಿಚಿಡುವ.

1 ಪೇತ್ರ 5:2

ನಿಂಗಡಲ್ಲಿ ಉಳ್ಳ ದೇವಡ ಮಕ್ಕಳ ನಿಂಗ ಚಾಯಿತೆ ಒರ್ ಕೊರಿ ಗುಂಪ್‍ನ ನೋಟ್‍ವನೆಕೆ ಪೆರಿಯಯಿಂಗಡ ಸೇವೇನ ಮಾಡಂಡು. ಒತ್ತಾಯತ್‌ಲ್ ಅಲ್ಲ, ದೇವ ಕುಶಿಪಡ್‌ವನೆಕೆ ಮನಪೂರ್ವವಾಯಿತ್ ಪಿಂಞ ಕೆಟ್ಟ ಆದಾಯಕಾಯಿತ್ ಅಲ್ಲ, ಪುರ್‌ಡುಳ್ಳ ಮನಸ್ಸ್‌ಲ್ ಮಾಡಂಡು.