1 ಕೊರಿಂಥ 7:35 - ಕೊಡವ ಬೈಬಲ್

³⁵ ನಿಂಗಳ ತಡ್‌ಪಕಾಯಿತ್ ಅಲ್ಲ ಆಚೇಂಗಿ, ನಿಂಗಕ್ ಸಹಾಯ ಮಾಡ್‌ವಕಾಯಿತ್ ನಾನ್ ಇದ್‍ನ ಎಣ್ಣಿಯಂಡ್ ಉಳ್ಳ. ನಿಂಗಡ ಬದ್‍ಕ್‍ಕ್ ಏದ್ ತೊಂದರೆಯು ಇಲ್ಲತೆ, ಒಡೆಯನ ಪುಡ್‍ಚಂಡ್ ಬದ್‍ಕ್‍ವನೆಕೆ ಆಪಲ್ಲಾ?

1 ಕೊರಿಂಥ 7:35 ပူးပေါင်းရင်းမြစ်များ

ಮತ್ತಾಯ 19:12

ಮಂಗಲ ಕಯಿಕತೆ ಇಪ್ಪಕ್ ದುಂಬ ಕಾರಣ ಉಂಡ್. ಚೆನ್ನ ಜನ ಮಂಗಲ ಕಯಿಪಕ್ ಕಯ್ಯತನೆಕೆ ಪುಟ್ಟಿತ್‌ಪ್ಪ, ಚೆನ್ನ ಜನತ್‍ನ ಮಂಗಲ ಕಯಿಕತನೆಕೆ ಬೋರೆ ಜನ ಮಾಡಿತ್‌ಪ್ಪ, ಚೆನ್ನ ಜನ ಪರಲೋಕ ರಾಜ್ಯತ್‍ರ ಸುದ್ದಿನ ಎಣ್ಣ್‌ವಕಾಯಿತ್ ಮಂಗಲ ಕಯಿಕತೆ ಇಪ್ಪ. ಈ ಬೋದನೆನ ಸ್ವೀಕಾರ ಮಾಡ್‌ವಂವೊ ಮಾಡಡ್‍ೕಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 22:15

ಫರಿಸಾಯಂಗೆಲ್ಲಾ ಒಂದ್ ಕೂಡಿತ್ ಯೇಸುನ ಅಂವೊಂಡ ತಕ್ಕ್‌ಲ್ ಪುಡಿಪಕಾಯಿತ್ ಗೇನ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:34

ನಿಂಗಡ ವಿಷಯತ್‍ಲ್ ಎಚ್ಚರತ್‍ಲ್ ಇರಿ. ನಿಂಗಡ ಸಮಯತ್‍ನೆಲ್ಲ ತಿಂಬಕಾಯಿತ್ ಕುಡಿಪಕಾಯಿತ್ ಪಿಂಞ ಬದ್‍ಕ್‍ರ ವಿಷಯಕಾಯಿತ್ ವ್ಯಸನ ಪಟ್ಟಂಡ್ ಇರತಿ. ಅನ್ನನೆ ಮಾಡಿಯಂಡಿಂಜತೇಂಗಿ, ನಿಂಗ ಗೇನ ಮಾಡತ ಸಮಯತ್‍ಲ್ ಆ ದಿವಸ ಬಂದಿತ್ ನಿಂಗಳ ಪುಡ್‌ಚಿರ್‍ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:14

ಮುಳ್ಳ್‌ರ ಪೊದೆಲ್ ಬಿತ್ತ್‌ನ ಜನ ದೇವಡ ವಾಕ್ಯತ್‍ನ ಕ್‍ೕಪ, ಅಕ್ಕಣೆ ಪೋಯಿತ್, ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋಗ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯಿಂಜ ನೆರಿಂಗಿತ್ ಫಲ ಕೊಡ್‍ಕತೆ ಇಪ್ಪ.

1 ಕೊರಿಂಥ 7:2

ಆಚೇಂಗಿ, ಇಚ್ಚಕ್ ಲೈಂಗಿಕ ಪಾಪತ್‍ರ ಸೋದನೆ ಉಳ್ಳಗುಂಡ್ ಪ್ರತಿಯೊರ್ ಮನುಷ್ಯಂಗು ಒರ್ ಸ್ವಂತ ಪೊಣ್ಣ್ ಬೋಂಡು, ಪ್ರತಿಯೊರ್ ಪೊಣ್ಣಾಳ್‍ಕು ಒರ್ ಸ್ವಂತ ವಡಿಯ ಬೋಂಡು.

1 ಕೊರಿಂಥ 7:28

ಒರ್ ಮನುಷ್ಯ ಮಂಗಲ ಕಯಿಚತೇಂಗಿ, ಅದ್ ಪಾಪ ಅಲ್ಲ, ಒರ್ ಕನ್ನಿ ಮೂಡಿ ಮಂಗಲ ಕಯಿಚ್‍ತೇಂಗಿಯು ಅದ್ ಪಾಪ ಅಲ್ಲ; ಆಚೇಂಗಿಯು ಮಂಗಲ ಕಯಿಪಯಿಂಗಕ್ ದುಂಬ ತೊಂದರೆ ಉಳ್ಳಗುಂಡ್, ನಿಂಗ ಆ ತೊಂದರೆಯಿಂಜ ಬಚಾವ್ ಆಂಡೂಂದ್ ನಾಕ್ ಆಸೆ.

1 ಕೊರಿಂಥ 7:36

ಒಬ್ಬ, ತಾಂಡ ಕನ್ನಿ ಮೂಡಿಕ್ ಮಂಗಲತ್‍ರ ವಯಸ್ ಮೀರಿ ಪೋಚೀಂದ್ ಗೇನ ಮಾಡಿತ್, ಅವಕ್ ಮಂಗಲ ಬೋಂಡಾಂದ್ ತೀರ್ಮಾನ ಮಾಡಿತ್ಂಜತೇಂಗಿಯು ಇಕ್ಕ, ಅವ ಮಂಗಲ ಮಾಡತೆ ಇಪ್ಪದ್ ಸರಿ ಅಲ್ಲ, ಅವಕ್ ಮಂಗಲ ಮಾಡಿತೇ ಆಂಡೂಂದ್ ಗೇನ ಮಾಡ್‍ಚೇಂಗಿ, ಅಂವೊಂಡ ಮನಸ್ಸ್‌ಲ್ ಉಳ್ಳನೆಕೆ ಮಾಡಡ್; ಅನ್ನನೆ ಮಾಡ್‍ಚೇಂಗಿ ಅದ್ ಪಾಪ ಅಲ್ಲ. ಮಂಗಲ ಮಾಡಡ್.

ಎಫೆಸ 5:3

ದೇವಡ ಮಕ್ಕಕ್ ಯೋಗ್ಯವಲ್ಲತ ಏದ್ ಲೈಂಗಿಕ ಪಾಪವು, ಅಶುದ್ದ ಕಾರ್ಯವು, ಏದ್ ಬೋಂಡತ ಆಸೆಯು, ಇದ್ಂಡ ಪೆದ ಸಹ ನಿಂಗಡ ಮದ್ಯತ್‍ಲ್ ಇಪ್ಪಕ್ಕಾಗ.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.

1 ತಿಮೊಥೆಯ 1:10

ವೇಶಿಯಂಗಕು, ಆಣಾಳ್‍ಗಾಮಿಕಂಗಕು, ಅಥವ ಮನುಷ್ಯಂಗಳ ಕಟ್ಟಂಡ್ ಪೋಪಯಿಂಗಕು, ಪೊಟ್ಟ್ ಪರಿಯುವಯಿಂಗಕು, ಪೊಟ್ಟ್ ಸಾಕ್ಷಿ ಕೊಡ್‍ಪಯಿಂಗಕು, ಪಿಂಞ

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:3

ಅನ್ನನೆ ವಯಸ್ಸಾನ ಪೊಣ್ಣಾಳ್‍ವಳು, ದೇವಡ ಮೇಲೆ ಪ್ರೀತಿ ಉಳ್ಳಯಿಂಗ ನಡ್‍ಪನೆಕೆ ನಡ್‌ಕಂಡು. ಕುತ್ತ ಪರಿಯತಯಿಂಗಳಾಯಿತ್, ಕಳ್ಳ್ ಕುಡಿಚಂಡ್ ಇಪ್ಪಕ್ಕಾಗ. ಏದ್ ನಲ್ಲದೋ, ಅದ್‍ನ ಅಯಿಂಗ ಬೋರೆಯಿಂಗಕ್ ಪಡಿಪ್‍ಚಿಡಂಡು.