1 ಕೊರಿಂಥ 7:34 - ಕೊಡವ ಬೈಬಲ್

³⁴ ಅನ್ನನೆ, ಒರ್ ಕನ್ನಿ ಮೂಡಿಕ್ ಪಿಂಞ ಒರ್ ಪೊಣ್ಣ್‌ಕ್ ವ್ಯತ್ಯಾಸ ಉಂಡ್. ಒರ್ ಕನ್ನಿ ಮೂಡಿ ಅವಡ ತಡೀನ, ಆತ್ಮತ್‌ನ ಪವಿತ್ರವಾಯಿತ್ ಕಾಪಾಡಿಯಂಡ್ ಒಡೆಯಂಡ ವಿಷಯತ್‍ನ ಗೇನ ಮಾಡಿಯಂಡಿಪ್ಪ. ಆಚೇಂಗಿ ಒರ್ ಪೊಣ್ಣ್, ಈ ಲೋಕತ್‍ರ ವಿಷಯತ್‍ನೇ ಗೇನ ಮಾಡಿಯಂಡ್, ಅವಡ ವಡಿಯನ ಎನ್ನನೆ ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಗೇನ ಮಾಡಿಯಂಡಿಪ್ಪ.

1 ಕೊರಿಂಥ 7:34 ပူးပေါင်းရင်းမြစ်များ

ಯೋಹಾನ 10:13

ಆಳ್‍ವ ಬರಿ ಕೂಲಿಕ್ ಬಂದಿತ್ ಕೊರಿಯಳ ನೋಟ್‌ವಗುಂಡ್, ಓಡಿ ಪೋಪ, ಕೊರಿಯಕ್ ಎಂತಾಪಾಂದ್ ಅಂವೊ ಬೇಜಾರ್ ಮಾಡುಲೆ.

ರೋಮ್ 6:13

ನಿಂಗ ನಿಂಗಡ ತಡೀರ ಬಾಗತ್‍ನ ಅನೀತಿರ ಆಯುದವಾಯಿತ್ ಪಾಪಕ್ ಒಪ್ಪ್‌ಚಿಡತೆ, ನಿಂಗಳ ಚತ್ತಯಿಂಗಡ ಮದ್ಯತ್ಂಜ ಜೀವತ್‍ಲ್ ಬಂದಯಿಂಗಡನೆಕೆ, ದೇವಕ್ ಒಪ್ಪ್‌ಚಿಟ್ಟಿತ್ ನಿಂಗಡ ತಡೀರ ಬಾಗತ್‍ನ ನೀತಿರ ಆಯುದವಾಯಿತ್ ದೇವಕ್ ಅರ್ಪಣೆ ಮಾಡಿ.

1 ಕೊರಿಂಥ 6:20

ದೇವ ನಿಂಗಳ ಬಲ್ಯ ಕ್ರಯ ಕೊಡ್‌ತಿತ್ ಎಡ್‍ತ್‍ಚಿ, ಆನಗುಂಡ್ ನಿಂಗಡ ತಡಿಯಿಂಜ ದೇವನ ಮಹಿಮೆಪಡ್‍ತಂಡು.

1 ಕೊರಿಂಥ 7:33

ಮಂಗಲ ಆನಂವೊ ಈ ಲೋಕತ್‍ರ ವಿಷಯತ್‍ನ ನೋಟಿಯಂಡ್, ಅಂವೊಂಡ ಪೊಣ್ಣ್‌ನ ಎನ್ನನೆ ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಗೇನ ಮಾಡಿಯಂಡಿಪ್ಪ. ಅಂವೊಂಡ ನೋಕ ಬದ್‍ಲಾಯಿತ್‌ಪ್ಪ.

1 ಕೊರಿಂಥ 7:35

ನಿಂಗಳ ತಡ್‌ಪಕಾಯಿತ್ ಅಲ್ಲ ಆಚೇಂಗಿ, ನಿಂಗಕ್ ಸಹಾಯ ಮಾಡ್‌ವಕಾಯಿತ್ ನಾನ್ ಇದ್‍ನ ಎಣ್ಣಿಯಂಡ್ ಉಳ್ಳ. ನಿಂಗಡ ಬದ್‍ಕ್‍ಕ್ ಏದ್ ತೊಂದರೆಯು ಇಲ್ಲತೆ, ಒಡೆಯನ ಪುಡ್‍ಚಂಡ್ ಬದ್‍ಕ್‍ವನೆಕೆ ಆಪಲ್ಲಾ?

2 ಕೊರಿಂಥ 11:28

ಇದ್‍ಲ್ಲತೆ, ಎಲ್ಲಾ ಸಬೆರ ವಿಷಯತ್ ನಾಕ್ ಉಳ್ಳ ದುಃಖ ನನ್ನ ಎಕ್ಕಾಲು ನೆರ್‍ಂಗಿಯಂಡುಂಡ್.

2 ಕೊರಿಂಥ 8:16

ಆಚೇಂಗಿ, ನಿಂಗಕಾಯಿತ್ ತೀತಂಡ ಹೃದಯತ್‍ಲ್ ಈ ಪುರಡ್‍ನ ಉಂಟ್‍ಮಾಡ್‍ನ ದೇವಕ್ ವಂದನೆ.

ಫಿಲಿಪ್ಪಿ 1:20

ಆನಗುಂಡ್, ನಾನ್ ಆಸೇಲ್ ಪಾರಕಾತಂಡ್ ದೇವಡ ಮೇಲೆ ದುಂಬ ನಂಬಿಕೆ ಬೆಚ್ಚಿತುಳ್ಳಗುಂಡ್, ನಾಕ್ ಇದ್ಂಡ ವಿಷಯತ್‍ಲ್ ಞಾಣ ಆಪುಲೆ, ಅದ್ಂಡ ಬದ್‍ಲ್ ನಾನ್ ಮಿಂಞ ಇಂಜನೆಕೆ ಇಕ್ಕಲು ಯೇಸುರ ವಿಷಯತ್‍ಲ್ ದೈರ್ಯತ್‍ಲ್ ಇಪ್ಪಿ. ನಾನ್ ಬದ್‍ಕ್‍ಚೇಂಗಿಯು ಚತ್ತತೇಂಗಿಯು ಯೇಸು ಕ್ರಿಸ್ತನ ಮಹಿಮೆ ಪಡ್‍ತ್‍ವೀಂದ್ ನಾಕ್ ನಂಬಿಕೆ ಉಂಡ್.

1 ಥೆಸಲೊನೀಕ 5:23

ಸಮಾದಾನತ್‍ರ ದೇವ ನಿಂಗಳ ಪರಿಪೂರ್ಣವಾಯಿತ್ ಪಿಂಞ ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರವಾನಯಿಂಗಳಾಯಿತ್ ಮಾಡಡ್. ನಿಂಗಡ ಗೇನ, ನಿಂಗಡ ಆಸೆ ಪಿಂಞ ನಿಂಗ ಮಾಡ್‍ವದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತ ಬಪ್ಪಕತ್ತನೆ ಒರ್ ತಪ್ಪು ಇಲ್ಲತನೆಕೆ ಇಪ್ಪಕ್ ಅಂವೊ ನಿಂಗಳ ಕಾಪಾಡಡ್.

1 ತಿಮೊಥೆಯ 3:5

ಒಬ್ಬಂಗ್ ಅಂವೊಂಡ ಸಂಸಾರತ್‌ನ ಚಾಯಿತೆ ನಡ್‍ತ್‍ವಕ್ ಕಯ್ಯತೆ ಪೋಚೇಂಗಿ, ದೇವಡ ಸಬೇನೆ ಎನ್ನನೆ ನಡ್‍ತ್‍ವಕ್ ಕಯ್ಯು?

1 ತಿಮೊಥೆಯ 5:5

ದಾರೂ ಸಹಾಯ ಮಾಡ್‌ವಕ್ ಇಲ್ಲತೆ, ಒರ್ ವಡಿಯ ಚತ್ತ್‌ಪೋನ ಪೊಣ್ಣಾಳ್, ದೇವಡ ಮೇಲೆ ನಂಬಿಕೆ ಬೆಚ್ಚಿತ್, ಬಯಿಟ್ ಪೋಲ್ ದೇವಡ ಪಕ್ಕ ಪ್ರಾರ್ಥನೆ ಮಾಡಿಯಂಡ್, ದೇವ ಸಹಾಯ ಮಾಡ್‌ವಕಾಯಿತ್ ಅವ ಬೋಡಿಯಂಡಿಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.