1 ಕೊರಿಂಥ 7:33 - ಕೊಡವ ಬೈಬಲ್

³³ ಮಂಗಲ ಆನಂವೊ ಈ ಲೋಕತ್‍ರ ವಿಷಯತ್‍ನ ನೋಟಿಯಂಡ್, ಅಂವೊಂಡ ಪೊಣ್ಣ್‌ನ ಎನ್ನನೆ ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಗೇನ ಮಾಡಿಯಂಡಿಪ್ಪ. ಅಂವೊಂಡ ನೋಕ ಬದ್‍ಲಾಯಿತ್‌ಪ್ಪ.

1 ಕೊರಿಂಥ 7:33 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:22

ಪಿಂಞ ಯೇಸು ಅಂವೊಂಡ ಶಿಷ್ಯಂಗಳ ನೋಟಿತ್: ನಿಂಗ ಬದ್‍ಕ್‍ವಕಾಯಿತ್ ಎಂತ ಉಂಬಿರ, ಎಂತ ಕುಡಿಪಿರ, ಇಲ್ಲತೆಪೋಚೇಂಗಿ ನಿಂಗಡ ಶರೀರಕಾಯಿತ್ ಎಂತ ಉಡ್‌ಪಿರಾಂದ್ ವ್ಯಸನ ಪಡತೀಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:20

ಇಂಞೊಬ್ಬ: ನಾನ್ ಇಕ್ಕಾಯಿತ್ ಮಂಗಲ ಕಯಿಚಿಯೆ ಅದ್ಂಗಾಯಿತ್ ಬಪ್ಪಕಯ್ಯುಲೆ, ನನ್ನ ಮನ್ನಿಚಿಡ್‍ೕಂದ್ ಎಣ್ಣ್‌ಚಿ.

ಯೋಹಾನ 10:13

ಆಳ್‍ವ ಬರಿ ಕೂಲಿಕ್ ಬಂದಿತ್ ಕೊರಿಯಳ ನೋಟ್‌ವಗುಂಡ್, ಓಡಿ ಪೋಪ, ಕೊರಿಯಕ್ ಎಂತಾಪಾಂದ್ ಅಂವೊ ಬೇಜಾರ್ ಮಾಡುಲೆ.

1 ಕೊರಿಂಥ 7:3

ಒರ್ ವಡಿಯ, ಅಂವೊಂಡ ಪೊಣ್ಣ್‌ಕ್, ವಡಿಯಂಡ ಕರ್ತವ್ಯತ್‍ನ ಪೂರೈಚಿಡಂಡು. ಅನ್ನನೆ ಒರ್ ಪೊಣ್ಣ್ ಅವಡ ಕರ್ತವ್ಯತ್‍ನ ಅವಡ ವಡಿಯಂಗ್ ಪೂರೈಚಿಡಂಡು.

1 ಕೊರಿಂಥ 7:32

ನಿಂಗ ಒರ್ ಬೇಜಾರವು ಇಲ್ಲತಯಿಂಗಳಾಯಿತ್ ಬದ್‍ಕಂಡೂಂದ್ ನಾನ್ ಇನ್ನನೆ ಕುಶೀಲ್ ಎಣ್ಣ್‌ವಿ. ಮಂಗಲ ಕಯಿಕತ ಮನುಷ್ಯ, ಒಡೆಯನ ಎನ್ನನೆ ಇಂಞು ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಒಡೆಯಂಡ ವಿಷಯತ್‍ನ ಗೇನ ಮಾಡಿಯಂಡಿಪ್ಪ.

1 ಕೊರಿಂಥ 7:34

ಅನ್ನನೆ, ಒರ್ ಕನ್ನಿ ಮೂಡಿಕ್ ಪಿಂಞ ಒರ್ ಪೊಣ್ಣ್‌ಕ್ ವ್ಯತ್ಯಾಸ ಉಂಡ್. ಒರ್ ಕನ್ನಿ ಮೂಡಿ ಅವಡ ತಡೀನ, ಆತ್ಮತ್‌ನ ಪವಿತ್ರವಾಯಿತ್ ಕಾಪಾಡಿಯಂಡ್ ಒಡೆಯಂಡ ವಿಷಯತ್‍ನ ಗೇನ ಮಾಡಿಯಂಡಿಪ್ಪ. ಆಚೇಂಗಿ ಒರ್ ಪೊಣ್ಣ್, ಈ ಲೋಕತ್‍ರ ವಿಷಯತ್‍ನೇ ಗೇನ ಮಾಡಿಯಂಡ್, ಅವಡ ವಡಿಯನ ಎನ್ನನೆ ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಗೇನ ಮಾಡಿಯಂಡಿಪ್ಪ.

ಕೊಲೊಸ್ಸೆ 3:19

ವಡಿಯಂಗಳೇ, ನಿಂಗ ನಿಂಗಡ ಪೊಣ್ಣಾಳುವಳ ಪ್ರೀತಿ ಮಾಡಂಡು, ಅಯಿಂಗಡ ಮೇಲೆ ಕಯಿಪ್‌ಲ್ ಇಪ್ಪಕ್ಕಾಗ.

1 ತಿಮೊಥೆಯ 5:8

ಆಚೇಂಗಿ ಒಬ್ಬ ತಾಂಡ ಬೆಂದ್‍ಕಕ್, ಮುಕ್ಯವಾಯಿತ್ ಅಂವೊಂಡ ಸ್ವಂತ ಕುಟುಂಬಕ್ ಸಹಾಯ ಮಾಡತೆ ಪೋಚೇಂಗಿ, ಅಂವೊ ದೇವಡ ನಂಬಿಕೇಕ್ ಮೋಸ ಮಾಡ್‍ನನೆಕೆ ಪಿಂಞ ದೇವಡ ನಂಬಿಕೇಲ್ ಇಲ್ಲತಯಿಂಗಕಿಂಜ ಕ್‍ೕಳಾನಂವೊ.

1 ಪೇತ್ರ 3:7

ಅನ್ನನೆ, ವಡಿಯಂಗಳೇ! ನಿಂಗಡ ಪೊಣ್ಣಾಳುವ ತಡೀಲ್ ಬೆಲ ಇಲ್ಲತಯಿಂಗಳಾಯಿತ್ ಉಳ್ಳಾಂಗ್, ನಿಂಗಡ ಪ್ರಾರ್ಥನೆಕ್ ತಡೆ ಬರತನೆಕೆ, ಜ್ಞಾನತ್‍ಲ್ ಅಯಿಂಗಡ ಕೂಡೆ ಬದ್‌ಕಿತ್, ನಿಂಗಡ ಕೂಡೆ ಅಯಿಂಗಳು ಕೃಪೇರ ನಿತ್ಯ ಜೀವಕ್ ಪಾಲ್‍ದಾರಂಗಳಾನಗುಂಡ್, ಅಯಿಂಗಕ್ ಬೋಂಡಿಯಾನ ಮರ್ಯಾದೆನ ಕೊಡ್‍ಕಂಡು.