1 ಕೊರಿಂಥ 7:32 - ಕೊಡವ ಬೈಬಲ್

³² ನಿಂಗ ಒರ್ ಬೇಜಾರವು ಇಲ್ಲತಯಿಂಗಳಾಯಿತ್ ಬದ್‍ಕಂಡೂಂದ್ ನಾನ್ ಇನ್ನನೆ ಕುಶೀಲ್ ಎಣ್ಣ್‌ವಿ. ಮಂಗಲ ಕಯಿಕತ ಮನುಷ್ಯ, ಒಡೆಯನ ಎನ್ನನೆ ಇಂಞು ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಒಡೆಯಂಡ ವಿಷಯತ್‍ನ ಗೇನ ಮಾಡಿಯಂಡಿಪ್ಪ.

1 ಕೊರಿಂಥ 7:32 ပူးပေါင်းရင်းမြစ်များ

ಮತ್ತಾಯ 13:22

ಮುಳ್ಳ್‌ರ ಪೊದೆಲ್ ಬುದ್ದ ಕುರು ಎನ್ನನೇಂದ್ ಎಣ್ಣ್‌ಚೇಂಗಿ, ಅಯಿಂಗ ದೇವಡ ವಾಕ್ಯತ್‍ನ ಕ್‍ೕಪ. ಆಚೇಂಗಿ ಈ ಬದ್‍ಕ್‍ರ ವಿಷಯತ್ ಬೇಜಾರ್ ಮಾಡಿಯಂಡ್, ಪಣತ್‍ರ ಮೇಲೆ ಉಳ್ಳ ಆಸೆರಗುಂಡ್, ಇದೆಲ್ಲ, ಅಯಿಂಗ ಕ್‍ೕಟ ದೇವಡ ವಾಕ್ಯತ್‍ನ ನೆರ್‌ಕಿತ್, ಅಯಿಂಗ ಫಲ ಕೊಡ್‍ಕತೆ ಪೋಪ.

ಮಾರ್ಕ 4:19

ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋದ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯು ದೇವಡ ವಾಕ್ಯತ್‍ನ ಇರ್‌ಕುವಗುಂಡ್ ಫಲ ಕ್‍ಟ್ಟುಲೆ.

ಯೋಹಾನ 10:13

ಆಳ್‍ವ ಬರಿ ಕೂಲಿಕ್ ಬಂದಿತ್ ಕೊರಿಯಳ ನೋಟ್‌ವಗುಂಡ್, ಓಡಿ ಪೋಪ, ಕೊರಿಯಕ್ ಎಂತಾಪಾಂದ್ ಅಂವೊ ಬೇಜಾರ್ ಮಾಡುಲೆ.

1 ಕೊರಿಂಥ 7:33

ಮಂಗಲ ಆನಂವೊ ಈ ಲೋಕತ್‍ರ ವಿಷಯತ್‍ನ ನೋಟಿಯಂಡ್, ಅಂವೊಂಡ ಪೊಣ್ಣ್‌ನ ಎನ್ನನೆ ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಗೇನ ಮಾಡಿಯಂಡಿಪ್ಪ. ಅಂವೊಂಡ ನೋಕ ಬದ್‍ಲಾಯಿತ್‌ಪ್ಪ.

ಫಿಲಿಪ್ಪಿ 4:6

ನಿಂಗ ಒರ್ ವಿಷಯಕು ಬೇಜಾರ್ ಮಾಡಂಡ, ಅದ್ಂಡ ಬದ್‍ಲ್ ಎಲ್ಲಾ ವಿಷಯಕ್ ದೇವನ ತುದಿಚಂಡ್ ನಿಂಗಡ ಪ್ರಾರ್ಥನೆಲ್ ನಿಂಗಕ್ ಎಂತ ಬೋಂಡೂಂದ್ ಅಂವೊನ ಬೋಡಿತ್ ಕ್‍ೕಳಿ.

1 ತಿಮೊಥೆಯ 5:5

ದಾರೂ ಸಹಾಯ ಮಾಡ್‌ವಕ್ ಇಲ್ಲತೆ, ಒರ್ ವಡಿಯ ಚತ್ತ್‌ಪೋನ ಪೊಣ್ಣಾಳ್, ದೇವಡ ಮೇಲೆ ನಂಬಿಕೆ ಬೆಚ್ಚಿತ್, ಬಯಿಟ್ ಪೋಲ್ ದೇವಡ ಪಕ್ಕ ಪ್ರಾರ್ಥನೆ ಮಾಡಿಯಂಡ್, ದೇವ ಸಹಾಯ ಮಾಡ್‌ವಕಾಯಿತ್ ಅವ ಬೋಡಿಯಂಡಿಪ್ಪ.