1 ಕೊರಿಂಥ 7:31 - ಕೊಡವ ಬೈಬಲ್

³¹ ಈ ಲೋಕತ್‍ರ ಸೊತ್ತ್‌ನ ಅನುಬವಿಚಿಡ್‍ವಯಿಂಗ ಅದ್‍ನ ಅನುಬವಿಚಿಡತಯಿಂಳಾಯಿತ್ ಇಕ್ಕಂಡು. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕ ಇಕ್ಕ ಉಳ್ಳನೆಕೆ ದುಂಬ ಕಾಲ ಇಪ್ಪುಲೆ.

1 ಕೊರಿಂಥ 7:31 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:34

ನಿಂಗಡ ವಿಷಯತ್‍ಲ್ ಎಚ್ಚರತ್‍ಲ್ ಇರಿ. ನಿಂಗಡ ಸಮಯತ್‍ನೆಲ್ಲ ತಿಂಬಕಾಯಿತ್ ಕುಡಿಪಕಾಯಿತ್ ಪಿಂಞ ಬದ್‍ಕ್‍ರ ವಿಷಯಕಾಯಿತ್ ವ್ಯಸನ ಪಟ್ಟಂಡ್ ಇರತಿ. ಅನ್ನನೆ ಮಾಡಿಯಂಡಿಂಜತೇಂಗಿ, ನಿಂಗ ಗೇನ ಮಾಡತ ಸಮಯತ್‍ಲ್ ಆ ದಿವಸ ಬಂದಿತ್ ನಿಂಗಳ ಪುಡ್‌ಚಿರ್‍ವ.

1 ಕೊರಿಂಥ 7:29

ನಾಡ ಅಣ್ಣತಮ್ಮಣಂಗಳೇ, ನಾನ್ ಎಣ್ಣಿಯಂಡುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಗಕ್ ದುಂಬ ಸಮಯ ಇಲ್ಲೆ. ಆನಗುಂಡ್, ಇಕ್ಕಯಿಂಜ ಪೊಣ್ಣ್ ಉಳ್ಳ ಆಣಾಳ್‍ವ, ಪೊಣ್ಣ್ ಇಲ್ಲತನೆಕೆ ಇಕ್ಕಂಡು.

1 ಕೊರಿಂಥ 7:30

ಮೊರಟಂಡುಳ್ಳಯಿಂಗ ಮೊರಡತಯಿಂಗಡನೆಕೆಯು, ಕುಶೀಲ್ ಉಳ್ಳಯಿಂಗ ಕುಶೀಲ್ ಇಲ್ಲತಯಿಂಗಡನೆಕೆಯು ಪಿಂಞ ಎಂತಾಚೇಂಗಿ ಎಡ್‍ಪಯಿಂಗ ಅದ್‍ನ ಎಕ್ಕಾಲು ಅಯಿಂಗಡ ಪಕ್ಕ ಬೆಕ್ಕತನೆಕೆಯು ಇಕ್ಕಂಡು.

1 ಕೊರಿಂಥ 9:18

ನಾನ್ ಈ ಸೇವೇನ ಮಾಡಿಯಂಡ್ ಉಳ್ಳಾಂಗ್, ನಾಕ್ ಎಂತ ಫಲ? ನಾನ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ, ದಾರ್‌ಕು ಕಷ್ಟ ಕೊಡ್‍ಕತೆ ಮಾಡ್‌ವದೇ ನಾಕ್ ದುಂಬ ಕುಶಿ. ಆನಗುಂಡ್, ನಾಕ್ ಉಳ್ಳ ಅದಿಕಾರತ್‍ನ ನಾನ್ ಉಪಯೋಗಿಚಿಡತೆ, ಕ್ರಿಸ್ತಂಡ ಸುದ್ದಿನ ಪುಕ್ಕಟೆಯಾಯಿತ್ ಎಣ್ಣ್‌ವದೇ ನಾಡ ಲಾಬ.

ಇಬ್ರಿಯ 12:27

ಇಂಞು ಒರ್ ಕುರೀಂದ್ ಎಣ್ಣುವಕ, ಸೃಷ್ಟಿ ಮಾಡ್‍ನದೆಲ್ಲಾ ಅನ್‌ಂಗಿತ್ ನೀಂಗಿ ಪೋಪದ್‌ನ ಪಿಂಞ ಅನಂಗತೆ ಇಪ್ಪದೆಲ್ಲ ಎಕ್ಕಾಲು ನಿಪ್ಪಕುಳ್ಳದ್‍ನ ಕಾಟಿತಪ್ಪ.

ಯಾಕೋಬ 4:14

ನಾಳೆ ಎಂತ ಆಪಾಂದ್ ನಿಂಗಕ್ ಗೊತ್ತ್‌ಲ್ಲೆ ಅಲ್ಲ? ನಿಂಗಡ ಬದ್‍ಕ್ ಎಂತ? ಪೊಲಾಕತ್‍ರ ಮಂಜ್ ಚೆನ್ನ ಗಳಿಗೆಲ್ ಮಾಯ ಆಯಿತ್ ಕಾಂಗತೆ ಪೋಪನೆಕೆ ನಿಂಗ ಉಳ್ಳಿರ.

1 ಪೇತ್ರ 1:24

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಮನುಷ್ಯಂಗಳು ಪಿಲ್ಲ್‌ರನೆಕೆ, ಅಯಿಂಗಡ ಮಹಿಮೆಯೆಲ್ಲ ಕಾಡ್‍ಲ್ ಉಳ್ಳ ಪೂವ್‍ರನೆಕೆ; ಪಿಲ್ಲ್ ಬಾಡಿ ಪೋಪ, ಪೂ ಬುದ್ದ್ ಪೋಪ.

1 ಪೇತ್ರ 4:7

ಎಲ್ಲಾಂಗ್ ಆಕೀರ್ ಕಾಲ ಪಕ್ಕ ಬಾತ್. ಆನಗುಂಡ್, ಚಾಯಿ ಮನಸ್ಸ್ ಉಳ್ಳಯಿಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇರಿ. ಅಕ್ಕ ನಿಂಗ ಚಾಯಿ ಪ್ರಾರ್ಥನೆ ಮಾಡ್‌ವಕ್ ಆಪ.

1 ಯೋಹಾನ 2:17

ಲೋಕವು ಅದ್ಂಡ ಇಚ್ಛೆಯು ಕಾಂಗತಾಯಿ ಪೋಪ, ಆಚೇಂಗಿ ದೇವಡ ಚಿತ್ತತ್‍ರನೆಕೆ ನಡ್‌ಪಂವೊ ಎಕ್ಕಲೂ ಬದ್‍ಕ್‍ವ.