1 ಕೊರಿಂಥ 7:30 - ಕೊಡವ ಬೈಬಲ್

³⁰ ಮೊರಟಂಡುಳ್ಳಯಿಂಗ ಮೊರಡತಯಿಂಗಡನೆಕೆಯು, ಕುಶೀಲ್ ಉಳ್ಳಯಿಂಗ ಕುಶೀಲ್ ಇಲ್ಲತಯಿಂಗಡನೆಕೆಯು ಪಿಂಞ ಎಂತಾಚೇಂಗಿ ಎಡ್‍ಪಯಿಂಗ ಅದ್‍ನ ಎಕ್ಕಾಲು ಅಯಿಂಗಡ ಪಕ್ಕ ಬೆಕ್ಕತನೆಕೆಯು ಇಕ್ಕಂಡು.

1 ಕೊರಿಂಥ 7:30 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:25

ಅಕ್ಕ ಅಬ್ರಹಾಮ: ಮೋಂವೊನೇ, ನೀಕ್ ಬೋಂಡಿಯಾನ ಸುಕತ್‌ನ ನೀಡ ಜೀವಮಾನತ್‌ಲೆ ಅನುಬವಿಚಿಟ್ಟಿತ್ತುಳ್ಳಿಯ. ಅಕ್ಕ ಲಾಜರ ಕಷ್ಟಪಟ್ಟಂಡಿಂಜದ್‍ನ ನೀಕ್ ಗೇನ ಇಲ್ಲೆಯಾ? ಇಕ್ಕ ಲಾಜರಂಗ್ ಸುಕ, ನೀಕ್ ಕಷ್ಟ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:21

ಇಕ್ಕ ಕೆಲ ಪಯಿಚಂಡುಳ್ಳ ನಿಂಗ ಆಶೀರ್ವಾದ ಪಡ್ಂದಯಿಂಗ, ನಿಂಗ ತೃಪ್ತಿಯಾಯಿತ್‌ಪ್ಪಿರ. ಇಕ್ಕ ಮೊರಟಂಡುಳ್ಳ ನಿಂಗ ಆಶೀರ್ವಾದ ಪಡ್ಂದಯಿಂಗ, ಮಿಂಞಕ್ ನಿಂಗ ತೆಳಿಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:25

ತೃಪ್ತಿಯಾಯಿತುಳ್ಳ ನಿಂಗಕ್ ಅಯ್ಯೋ! ನಿಂಗಕ್ ಕೆಲ ಪಯಿಚಂಡಿಪ್ಪ. ಇಕ್ಕ ತೆಳಿಚಂಡುಳ್ಳ ನಿಂಗಕ್ ಅಯ್ಯೋ! ಮಿಂಞಕ್ ದುಃಖತ್‍ಲ್ ಮೊರಡ್‌ವಿರ.

ಯೋಹಾನ 16:22

ಅನ್ನನೆ, ನಿಂಗ ಇಕ್ಕ ಬೇಜಾರತ್‍ಲ್ ಉಳ್ಳಿರ, ಚೆನ್ನ ಕಾಲ ಆನ ಪಿಂಞ ನಾನ್ ಪುನಃ ನಿಂಗಳ ಕಾಂಬಿ. ಅಕ್ಕ ನಿಂಗಡ ಹೃದಯ ಸಂತೋಷತ್‌ಲ್ ದುಂಬುವ, ಆ ಸಂತೋಷತ್‌ನ ನಿಂಗಡಯಿಂಜ ದಾರ್‌ಕು ಎಡ್‍ಪಕ್ ಕಯ್ಯುಲೆ.

1 ಕೊರಿಂಥ 7:29

ನಾಡ ಅಣ್ಣತಮ್ಮಣಂಗಳೇ, ನಾನ್ ಎಣ್ಣಿಯಂಡುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಗಕ್ ದುಂಬ ಸಮಯ ಇಲ್ಲೆ. ಆನಗುಂಡ್, ಇಕ್ಕಯಿಂಜ ಪೊಣ್ಣ್ ಉಳ್ಳ ಆಣಾಳ್‍ವ, ಪೊಣ್ಣ್ ಇಲ್ಲತನೆಕೆ ಇಕ್ಕಂಡು.

1 ಕೊರಿಂಥ 7:31

ಈ ಲೋಕತ್‍ರ ಸೊತ್ತ್‌ನ ಅನುಬವಿಚಿಡ್‍ವಯಿಂಗ ಅದ್‍ನ ಅನುಬವಿಚಿಡತಯಿಂಳಾಯಿತ್ ಇಕ್ಕಂಡು. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕ ಇಕ್ಕ ಉಳ್ಳನೆಕೆ ದುಂಬ ಕಾಲ ಇಪ್ಪುಲೆ.

ಪ್ರಕಟನೆ 18:7

ಅವ ಅವಕ್ ಮಹಿಮೆ ಕೊಡ್‌ತಿತ್, ಎಚ್ಚಕ್ ಐಶ್ವರ್ಯವಂತವಳಾಯಿತ್ ಬದ್‍ಕ್‍ಚೋ, ಅಚ್ಚಕ್ ಬಾದೇನ, ದುಃಖತ್‍ನ ಅವಕ್ ಕೊಡಿ. ಅವ ಅವಡ ಹೃದಯತ್‍ಲ್ ನಾನ್ ರಾಣಿಯಾಯಿತ್ ಅಳ್‌ತಿತ್ ಉಳ್ಳ, ನಾನ್ ವಡಿಯ ಚತ್ತ ಪೊಣ್ಣಾಳ್ ಅಲ್ಲ, ನಾಕ್ ದುಃಖ ಬಪ್ಪದೇ ಇಲ್ಲೇಂದ್ ಅವ ಗೇನ ಮಾಡ್‍ಚಿ.

ಪ್ರಕಟನೆ 7:17

ಸಿಂಹಾಸನತ್‍ರ ಮದ್ಯತ್‍ಲ್ ಉಳ್ಳ ಕೊರಿಕುಟ್ಟಯಾನಂವೊನೇ ಈಂಗಳ ಚಾಕಿತ್, ಅಯಿಂಗಳ ಜೀವತ್‍ರ ಜಲ ಉಕ್ಕಿ ಬಪ್ಪ ಜಾಗಕ್ ಕಾಕಿಯಂಡ್ ಪೋಪ; ದೇವ ತಾನೆ ಅಯಿಂಗಡ ಕಣ್ಣ್‌ಂಜ ಕಣ್ಣೀರ್‌ನೆಲ್ಲಾ ತ್‍ೕಟ್‍ವಾಂದ್ ಎಣ್ಣ್‌ಚಿ.