1 ಕೊರಿಂಥ 7:29 - ಕೊಡವ ಬೈಬಲ್

²⁹ ನಾಡ ಅಣ್ಣತಮ್ಮಣಂಗಳೇ, ನಾನ್ ಎಣ್ಣಿಯಂಡುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಗಕ್ ದುಂಬ ಸಮಯ ಇಲ್ಲೆ. ಆನಗುಂಡ್, ಇಕ್ಕಯಿಂಜ ಪೊಣ್ಣ್ ಉಳ್ಳ ಆಣಾಳ್‍ವ, ಪೊಣ್ಣ್ ಇಲ್ಲತನೆಕೆ ಇಕ್ಕಂಡು.

1 ಕೊರಿಂಥ 7:29 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:20

ಇಂಞೊಬ್ಬ: ನಾನ್ ಇಕ್ಕಾಯಿತ್ ಮಂಗಲ ಕಯಿಚಿಯೆ ಅದ್ಂಗಾಯಿತ್ ಬಪ್ಪಕಯ್ಯುಲೆ, ನನ್ನ ಮನ್ನಿಚಿಡ್‍ೕಂದ್ ಎಣ್ಣ್‌ಚಿ.

1 ಕೊರಿಂಥ 7:28

ಒರ್ ಮನುಷ್ಯ ಮಂಗಲ ಕಯಿಚತೇಂಗಿ, ಅದ್ ಪಾಪ ಅಲ್ಲ, ಒರ್ ಕನ್ನಿ ಮೂಡಿ ಮಂಗಲ ಕಯಿಚ್‍ತೇಂಗಿಯು ಅದ್ ಪಾಪ ಅಲ್ಲ; ಆಚೇಂಗಿಯು ಮಂಗಲ ಕಯಿಪಯಿಂಗಕ್ ದುಂಬ ತೊಂದರೆ ಉಳ್ಳಗುಂಡ್, ನಿಂಗ ಆ ತೊಂದರೆಯಿಂಜ ಬಚಾವ್ ಆಂಡೂಂದ್ ನಾಕ್ ಆಸೆ.

1 ಕೊರಿಂಥ 7:30

ಮೊರಟಂಡುಳ್ಳಯಿಂಗ ಮೊರಡತಯಿಂಗಡನೆಕೆಯು, ಕುಶೀಲ್ ಉಳ್ಳಯಿಂಗ ಕುಶೀಲ್ ಇಲ್ಲತಯಿಂಗಡನೆಕೆಯು ಪಿಂಞ ಎಂತಾಚೇಂಗಿ ಎಡ್‍ಪಯಿಂಗ ಅದ್‍ನ ಎಕ್ಕಾಲು ಅಯಿಂಗಡ ಪಕ್ಕ ಬೆಕ್ಕತನೆಕೆಯು ಇಕ್ಕಂಡು.

1 ಕೊರಿಂಥ 7:31

ಈ ಲೋಕತ್‍ರ ಸೊತ್ತ್‌ನ ಅನುಬವಿಚಿಡ್‍ವಯಿಂಗ ಅದ್‍ನ ಅನುಬವಿಚಿಡತಯಿಂಳಾಯಿತ್ ಇಕ್ಕಂಡು. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕ ಇಕ್ಕ ಉಳ್ಳನೆಕೆ ದುಂಬ ಕಾಲ ಇಪ್ಪುಲೆ.

1 ಪೇತ್ರ 1:24

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಮನುಷ್ಯಂಗಳು ಪಿಲ್ಲ್‌ರನೆಕೆ, ಅಯಿಂಗಡ ಮಹಿಮೆಯೆಲ್ಲ ಕಾಡ್‍ಲ್ ಉಳ್ಳ ಪೂವ್‍ರನೆಕೆ; ಪಿಲ್ಲ್ ಬಾಡಿ ಪೋಪ, ಪೂ ಬುದ್ದ್ ಪೋಪ.

1 ಪೇತ್ರ 4:7

ಎಲ್ಲಾಂಗ್ ಆಕೀರ್ ಕಾಲ ಪಕ್ಕ ಬಾತ್. ಆನಗುಂಡ್, ಚಾಯಿ ಮನಸ್ಸ್ ಉಳ್ಳಯಿಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇರಿ. ಅಕ್ಕ ನಿಂಗ ಚಾಯಿ ಪ್ರಾರ್ಥನೆ ಮಾಡ್‌ವಕ್ ಆಪ.

1 ಯೋಹಾನ 2:17

ಲೋಕವು ಅದ್ಂಡ ಇಚ್ಛೆಯು ಕಾಂಗತಾಯಿ ಪೋಪ, ಆಚೇಂಗಿ ದೇವಡ ಚಿತ್ತತ್‍ರನೆಕೆ ನಡ್‌ಪಂವೊ ಎಕ್ಕಲೂ ಬದ್‍ಕ್‍ವ.