1 ಕೊರಿಂಥ 7:28 - ಕೊಡವ ಬೈಬಲ್

²⁸ ಒರ್ ಮನುಷ್ಯ ಮಂಗಲ ಕಯಿಚತೇಂಗಿ, ಅದ್ ಪಾಪ ಅಲ್ಲ, ಒರ್ ಕನ್ನಿ ಮೂಡಿ ಮಂಗಲ ಕಯಿಚ್‍ತೇಂಗಿಯು ಅದ್ ಪಾಪ ಅಲ್ಲ; ಆಚೇಂಗಿಯು ಮಂಗಲ ಕಯಿಪಯಿಂಗಕ್ ದುಂಬ ತೊಂದರೆ ಉಳ್ಳಗುಂಡ್, ನಿಂಗ ಆ ತೊಂದರೆಯಿಂಜ ಬಚಾವ್ ಆಂಡೂಂದ್ ನಾಕ್ ಆಸೆ.

1 ಕೊರಿಂಥ 7:28 ပူးပေါင်းရင်းမြစ်များ

ಮತ್ತಾಯ 5:32

ಆಚೇಂಗಿ ಇಕ್ಕ ನಾನ್ ನಿಂಗಕ್ ಎಣ್ಣ್‌ವಿ: ವ್ಯಬಿಚಾರ ಮಾಡ್‍ನ ಕಾರಣಕ್ ಅಲ್ಲತೆ ಬೋರೆ ಏದ್ ಕಾರಣಕಾಯಿತು ಒಬ್ಬ ತಾಂಡ ಪೊಣ್ಣ್‌ನ ಬುಟ್ಟ್‌ರ್‍ತೇಂಗಿ, ಅವ ವ್ಯಬಿಚಾರ ಮಾಡ್‌ವಕ್ ಇಂವೊ ಕಾರಣ ಆಪ. ಅನ್ನನೆ ಬೋಂಡಾಂದ್ ಬುಟ್ಟ ಪೊಣ್ಣಾಳ್‍ನ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ವಂವೊನಾಯಿತ್‌ಪ್ಪ.

1 ಕೊರಿಂಥ 7:26

ಅದ್ ಎಂತ ಎಣ್ಣ್‌ಚೇಂಗಿ, ಇಕ್ಕತ್‍ರ ಕಾಲತ್‍ಲ್ ಆಪ ಕಷ್ಟತ್‍ನ ನೋಟ್‍ಚೇಂಗಿ, ಒರ್ ಮನುಷ್ಯ ಮಂಗಲ ಆಕತೆ ಅನ್ನನೆ ಇಪ್ಪದ್ ನಲ್ಲದ್‍ೕಂದ್ ನಾನ್ ಗೇನ ಮಾಡ್‌ವಿ.

1 ಕೊರಿಂಥ 7:27

ನೀಕ್ ಪೊಣ್ಣ್ ಇಂಜತೇಂಗಿ ಅವಳ ಬುಡ್‌ವಕ್ ಬಟ್ಟೆ ನೋಟಂಡ. ನೀಕ್ ಪೊಣ್ಣ್ ಇಲ್ಲತಿಪ್ಪಕ, ಮಂಗಲ ಕಯಿಪಕ್ ಗೇನ ಮಾಡತೆ.

1 ಕೊರಿಂಥ 7:29

ನಾಡ ಅಣ್ಣತಮ್ಮಣಂಗಳೇ, ನಾನ್ ಎಣ್ಣಿಯಂಡುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಗಕ್ ದುಂಬ ಸಮಯ ಇಲ್ಲೆ. ಆನಗುಂಡ್, ಇಕ್ಕಯಿಂಜ ಪೊಣ್ಣ್ ಉಳ್ಳ ಆಣಾಳ್‍ವ, ಪೊಣ್ಣ್ ಇಲ್ಲತನೆಕೆ ಇಕ್ಕಂಡು.

2 ಕೊರಿಂಥ 1:23

ನಿಂಗಳ ನಾನ್ ಜೋರ್ ಮಾಡತನೆಕೆ ಇಪ್ಪಕಾಯಿತೇ ಇಲ್ಲಿಕತ್ತನೆ ಕೊರಿಂಥ ಪಟ್ಟಣಕ್ ಬಂತ್‌ಲ್ಲೇಂದ್ ದೇವಡ ಮೇಲೆ ನಾಡ ಸಾಕ್ಷಿಯಾಯಿತ್ ಎಣ್ಣ್‌ವಿ.

ಇಬ್ರಿಯ 13:4

ಮಂಗಲತ್‍ನ ಎಲ್ಲಾರು ಗನಪಡ್‌ತಂಡು, ಮಂಗಲ ಕಯಿಚಯಿಂಗ ಅಯಿಂಗಯಿಂಗಡ ವಡಿಯ ಪೊಣ್ಣ್‌ಕ್ ನಂಬಿಕಸ್ತಯಿಂಗಳಾಯಿತ್ ಇಕ್ಕಂಡು; ವೇಶಿಯಳ ಪಿಂಞ ವ್ಯಬಿಚಾರ ಮಾಡ್‌ವಯಿಂಗಳ ದೇವ ನ್ಯಾಯತೀರ್ಪ.