1 ಕೊರಿಂಥ 7:26 - ಕೊಡವ ಬೈಬಲ್

²⁶ ಅದ್ ಎಂತ ಎಣ್ಣ್‌ಚೇಂಗಿ, ಇಕ್ಕತ್‍ರ ಕಾಲತ್‍ಲ್ ಆಪ ಕಷ್ಟತ್‍ನ ನೋಟ್‍ಚೇಂಗಿ, ಒರ್ ಮನುಷ್ಯ ಮಂಗಲ ಆಕತೆ ಅನ್ನನೆ ಇಪ್ಪದ್ ನಲ್ಲದ್‍ೕಂದ್ ನಾನ್ ಗೇನ ಮಾಡ್‌ವಿ.

1 ಕೊರಿಂಥ 7:26 ပူးပေါင်းရင်းမြစ်များ

ಮತ್ತಾಯ 24:19

ಆ ದಿವಸತ್‍ಲ್ ಕೆಲಕರ್ತಿಯಂಗಕೂ, ಕುಂಞಿಕ್ ಪಾಲ್ ಕೊಡ್‍ಪ ಅವ್ವಂಗಕೂ ಅಯ್ಯೋ!

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:23

ಆ ದಿವಸತ್‍ಲ್ ಕೆಲಕರ್ತಿಯಂಗಕೂ, ಕುಂಞಿಕ್ ಪಾಲ್ ಕೊಡ್‍ಪ ಅವ್ವಂಗಕೂ ಅಯ್ಯೋ! ಆ ದಿವಸತ್‍ಲ್ ಈ ಲೋಕತ್‍ಲ್ ಉಳ್ಳ ಜನಕೆಲ್ಲ ಬಲ್ಯ ಕಷ್ಟವು, ಈ ಜನಕ್ ದೇವಡ ಶಿಕ್ಷೆಯು ಆಯಂಡಿಪ್ಪ.

1 ಕೊರಿಂಥ 7:1

ನಿಂಗ ನಾಕ್ ಒಳ್‍ದ್‍ನ ವಿಷಯಕ್, ನಾನ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಒರ್ ಮನುಷ್ಯ, ಮಂಗಲ ಕಯಿಕತೆ ಇಪ್ಪದ್ ನಲ್ಲದ್.

1 ಕೊರಿಂಥ 7:27

ನೀಕ್ ಪೊಣ್ಣ್ ಇಂಜತೇಂಗಿ ಅವಳ ಬುಡ್‌ವಕ್ ಬಟ್ಟೆ ನೋಟಂಡ. ನೀಕ್ ಪೊಣ್ಣ್ ಇಲ್ಲತಿಪ್ಪಕ, ಮಂಗಲ ಕಯಿಪಕ್ ಗೇನ ಮಾಡತೆ.

1 ಕೊರಿಂಥ 7:28

ಒರ್ ಮನುಷ್ಯ ಮಂಗಲ ಕಯಿಚತೇಂಗಿ, ಅದ್ ಪಾಪ ಅಲ್ಲ, ಒರ್ ಕನ್ನಿ ಮೂಡಿ ಮಂಗಲ ಕಯಿಚ್‍ತೇಂಗಿಯು ಅದ್ ಪಾಪ ಅಲ್ಲ; ಆಚೇಂಗಿಯು ಮಂಗಲ ಕಯಿಪಯಿಂಗಕ್ ದುಂಬ ತೊಂದರೆ ಉಳ್ಳಗುಂಡ್, ನಿಂಗ ಆ ತೊಂದರೆಯಿಂಜ ಬಚಾವ್ ಆಂಡೂಂದ್ ನಾಕ್ ಆಸೆ.

1 ಕೊರಿಂಥ 7:8

ನಾನ್ ಮಂಗಲ ಕಯಿಕತಯಿಂಗಕ್ ಪಿಂಞ ವಿದವೆಯಂಗಕ್ ಒರ್ ವಿಷಯ ಎಣ್ಣ್‌ವಿ: ನಾನ್ ಉಳ್ಳನೆಕೆ ನಿಂಗಳು ಒಂಟಿಯಾಯಿತ್ ಇಪ್ಪದ್ ನಲ್ಲದ್.

2 ಥೆಸಲೊನೀಕ 2:2

ಒರ್ ಆತ್ಮತ್ಂಜ ಬಂದದ್‍ೕಂದ್ ಎಣ್ಣುವ ಪ್ರವಾದನೆಯಾಡ್, ನಂಗ ಎಣ್ಣ್‌ನದಾಯಿತ್ ಬಪ್ಪ ಸುದ್ದಿಯಾಡ್, ನಂಗಡಿಂಜ ಬಂದದ್‍ೕಂದ್ ಎಣ್ಣ್‌ವ ಕಾಗದವಾಡ್, ಕ್ರಿಸ್ತಂಡ ದಿವಸ ಬಂದ್‍ರ್‌ತ್‍ೕಂದ್ ಎಣ್ಣ್‌ಚೇಂಗಿ, ನಿಂಗ ಅದ್ಂಡ ವಿಷಯತ್ ಒಡನೆ ಬೇಜಾರ್ ಮಾಡಿಯಂಡ್ ವ್ಯಸನ ಪಟ್ಟಂಡ್ ಇಪ್ಪಕ್ಕಾಗ.

1 ಪೇತ್ರ 4:17

ದೇವಡ ನ್ಯಾಯತೀರ್ಪ್ ಅಂವೊಂಡ ಮಕ್ಕಡಲ್ಲಿಯೇ ಸುರು ಆಪಕುಳ್ಳ ಸಮಯವಾಯಿತುಂಡ್; ಅದ್ ನಂಗಡಲ್ಲಿಯೇ ಸುರು ಆಚೇಂಗಿ, ದೇವಡ ನಲ್ಲ ಸುದ್ದಿಕ್ ಕೆಮಿ ಕೊಡ್‌ಕತಯಿಂಗಡ ಸ್ತಿತಿ ಎನ್ನನೆ ಆಯಿತ್‌ಪ್ಪ?