1 ಕೊರಿಂಥ 7:2 - ಕೊಡವ ಬೈಬಲ್

² ಆಚೇಂಗಿ, ಇಚ್ಚಕ್ ಲೈಂಗಿಕ ಪಾಪತ್‍ರ ಸೋದನೆ ಉಳ್ಳಗುಂಡ್ ಪ್ರತಿಯೊರ್ ಮನುಷ್ಯಂಗು ಒರ್ ಸ್ವಂತ ಪೊಣ್ಣ್ ಬೋಂಡು, ಪ್ರತಿಯೊರ್ ಪೊಣ್ಣಾಳ್‍ಕು ಒರ್ ಸ್ವಂತ ವಡಿಯ ಬೋಂಡು.

1 ಕೊರಿಂಥ 7:2 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 18:22

ಪೊಣ್ಣ್‌ನ ಪಡ್‌ಂದವೊ ನಲ್ಲದ್‌ನ ಪಡ್‌ಂದಿತ್. ಯೆಹೋವಂಡ ದಯೆ ಅಂವೊಂಗ್‌ ಕ್‌ಟ್ಟಿತುಂಡ್.

ಜ್ಞಾನತ್‌ರ ಪಡಿಮ 19:14

ಮನೆಯು ಆಸ್ತಿಯು ಅಪ್ಪಂಗಡಕಿಂಜ ಕ್‌ಟ್ಟುವ ಬಾದ್ಯತೆ. ಆಚೇಂಗಿ ಬುದ್ದಿ ಉಳ್ಳ ಪೊಣ್ಣ್‌ನ ಯೆಹೋವ ಮಾತ್‌ರ ತಪ್ಪ ಕಯ್ಯು.

ಮಲಾಕಿ 2:14

ಇದ್‌ಂಗ್‌ ಎಂತ ಕಾರಾಣಾಂದ್‌ ಕ್‍ೕಪಿರ? ಒಡೆಯನಾನ ಯೆಹೋವ ನೀಕು, ನೀಡ ಪ್ರಾಯತ್‌ರ ಪೊಣ್ಣ್‌ಕೂ ಸಾಕ್ಷಿಯಾಯಿತುಂಡ್. ನೀಡ ಚಂಙಾದಿಯು, ನೀಡ ಪೊಣ್ಣು ಆನ ಅವಕ್‌ ನೀನ್‌ ದ್ರೋಹ ಮಾಡಿಯಲ್ಲಾ.

ಮತ್ತಾಯ 5:32

ಆಚೇಂಗಿ ಇಕ್ಕ ನಾನ್ ನಿಂಗಕ್ ಎಣ್ಣ್‌ವಿ: ವ್ಯಬಿಚಾರ ಮಾಡ್‍ನ ಕಾರಣಕ್ ಅಲ್ಲತೆ ಬೋರೆ ಏದ್ ಕಾರಣಕಾಯಿತು ಒಬ್ಬ ತಾಂಡ ಪೊಣ್ಣ್‌ನ ಬುಟ್ಟ್‌ರ್‍ತೇಂಗಿ, ಅವ ವ್ಯಬಿಚಾರ ಮಾಡ್‌ವಕ್ ಇಂವೊ ಕಾರಣ ಆಪ. ಅನ್ನನೆ ಬೋಂಡಾಂದ್ ಬುಟ್ಟ ಪೊಣ್ಣಾಳ್‍ನ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ವಂವೊನಾಯಿತ್‌ಪ್ಪ.

1 ಕೊರಿಂಥ 6:18

ಲೈಂಗಿಕ ಪಾಪತ್ಂಜ ಓಡಿ ಪೋಯಿ! ಒರ್ ಮನುಷ್ಯ ಮಾಡ್‌ವ ಬೋರೆ ಏದ್ ಪಾಪವು ಅಂವೊಂಡ ತಡಿಕ್ ಪೊರಮೆ ಆಯಿತಿಪ್ಪ, ಆಚೇಂಗಿ ಲೈಂಗಿಕ ಪಾಪ ಮಾಡ್‌ವಂವೊ ತಾಂಡ ಸ್ವಂತ ತಡಿಕ್ ವಿರೋದವಾಯಿತ್ ಪಾಪ ಮಾಡ್‌ವ.

1 ಕೊರಿಂಥ 7:1

ನಿಂಗ ನಾಕ್ ಒಳ್‍ದ್‍ನ ವಿಷಯಕ್, ನಾನ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಒರ್ ಮನುಷ್ಯ, ಮಂಗಲ ಕಯಿಕತೆ ಇಪ್ಪದ್ ನಲ್ಲದ್.

1 ಕೊರಿಂಥ 7:3

ಒರ್ ವಡಿಯ, ಅಂವೊಂಡ ಪೊಣ್ಣ್‌ಕ್, ವಡಿಯಂಡ ಕರ್ತವ್ಯತ್‍ನ ಪೂರೈಚಿಡಂಡು. ಅನ್ನನೆ ಒರ್ ಪೊಣ್ಣ್ ಅವಡ ಕರ್ತವ್ಯತ್‍ನ ಅವಡ ವಡಿಯಂಗ್ ಪೂರೈಚಿಡಂಡು.

1 ಕೊರಿಂಥ 7:9

ಆಚೇಂಗಿ, ನಿಂಗಕ್ ತನ್ನಡಕತ್‍ಲ್ ಇಪ್ಪಕ್ ಕಯ್ಯುಲೇಂದೆಣ್ಣ್‌ಚೇಂಗಿ, ನಿಂಗ ಮಂಗಲ ಕಯಿಕಲು; ಎನ್ನಂಗೆಣ್ಣ್‌ಚೇಂಗಿ, ನಿಂಗ ಒಂಟಿ ಬದ್‍ಕ್ ಬದ್‍ಕಿಯಂಡ್ ತಡೀರ ಇಚ್ಛೆಲ್ ಬೆಂಜಿ ಪೋಪಗಿಂಜ ಮಂಗಲ ಕಯಿಪದೇ ನಲ್ಲದ್.

ಎಫೆಸ 5:28

ಅನ್ನನೆ ವಡಿಯಂಗಳು, ನಿಂಗಡ ಸ್ವಂತ ತಡೀನ ಪ್ರೀತಿ ಮಾಡ್‌ವನೆಕೆ, ನಿಂಗಡ ಪೊಣ್ಣಾಳುವಳ ಪ್ರೀತಿ ಮಾಡಂಡು; ತಾಂಡ ಪೊಣ್ಣ್‌ನ ಪ್ರೀತಿ ಮಾಡ್‌ವಂವೊ ಅಂವೊನ ಅಂವೊನೇ ಪ್ರೀತಿ ಮಾಡಿಯಂಡುಂಡ್.

ಎಫೆಸ 5:33

ಎನ್ನನೆ ಆಚೇಂಗಿಯು, ಪ್ರತಿ ಒಬ್ಬನು ಅಂವೊನ ತಾನೆ ಪ್ರೀತಿ ಮಾಡ್‌ವನೆಕೆ ತಾಂಡ ಪೊಣ್ಣ್‌ನ ಪ್ರೀತಿ ಮಾಡಂಡು; ಪ್ರತಿ ಪೊಣ್ಣಾಳು ಅವಡ ವಡಿಯಂಗ್ ಮರ್ಯಾದೆ ಕೊಡ್‍ಕಂಡು.

1 ಥೆಸಲೊನೀಕ 4:4

ನಿಂಗ, ಅಯಿಂಗಯಿಂಗಡ ಪೊಣ್ಣ್‌ರ ಕೂಡೆ, ವಡಿಯಂಡ ಕೂಡೆ ಪವಿತ್ರವಾಯಿತ್, ದಾರೂ ತಪ್ಪ್ ಕಂಡ್‍ಪುಡಿಕತನೆಕೆ ಮರ್ಯಾದೆಲ್ ಬದ್‍ಕಂಡು.

1 ತಿಮೊಥೆಯ 4:3

ಮಂಗಲ ಆಪಕ್ಕಾಗಾಂದ್ ಪಿಂಞ ಯೇಸುನ ನಂಬ್‍ನಯಿಂಗಳು, ಸತ್ಯತ್‍ನ ಗೊತ್ತುಳ್ಳಯಿಂಗಳು, ದೇವಕ್ ವಂದನೆ ಮಾಡಿತ್ ಕುಶೀಲ್ ತಿಂಗಂಡೂಂದ್ ದೇವ ಸೃಷ್ಟಿ ಮಾಡ್‍ನ ವಸ್ತುನೆಲ್ಲಾ, ತಿಂಬಕ್ಕಾಗಾಂದ್ ಆ ಪೊಟ್ಟ್‌ಮಾರಿಯಂಗ ಎಣ್ಣ್‌ವ.