1 ಕೊರಿಂಥ 7:19 - ಕೊಡವ ಬೈಬಲ್

¹⁹ ನೀಕ್ ಸುನ್ನತಿ ಆಯಿತ್ಂಜತೇಂಗಿಯು, ಸುನ್ನತಿ ಆಕತ ಇಂಜತೇಂಗಿಯು ಅದ್ ನಿಂಗಳ ದೇವಡ ಪಕ್ಕ ಬಲ್ಯಂಗಳಾಯಿತ್ ಕಾಟ್‌ಲೆ. ಅದ್ಂಡ ಬದ್‍ಲ್ ದೇವಡ ಆಜ್ಞೆರನೆಕೆ ಮಾಡ್‌ವದೇ ಮುಕ್ಯ.

1 ಕೊರಿಂಥ 7:19 ပူးပေါင်းရင်းမြစ်များ

ಮತ್ತಾಯ 5:19

ಆನಗುಂಡ್ ಒಬ್ಬ, ನ್ಯಾಯಪ್ರಮಾಣತ್‍ಲ್ ಉಳ್ಳ ಒರ್ ಚೆರಿಯ ವಿಷಯಕ್ ಸಹ ಬಗ್ಗಿತ್ ನಡ್‍ಕತೆ ಪೋಯಿತ್, ಅನ್ನನೆ ಬೋರೆಯಿಂಗಕು ಬೋದನೆ ಮಾಡ್‌ವಂವೊ ಪರಲೋಕ ರಾಜ್ಯತ್‍ಲ್ ಎಲ್ಲಾರ್ಕಿಂಜ ಚೆರಿಯವಂವೊನಾಯಿತ್‌ಪ್ಪ. ಇದ್‍ನೆಲ್ಲ ಮಾಡಿತ್ ಅನ್ನನೆ ಬೋದನೆ ಮಾಡ್‌ವಂವೊ ಪರಲೋಕ ರಾಜ್ಯತ್‍ಲ್ ಎಲ್ಲಾರ್ಕಿಂಜ ಬಲ್ಯಂವೊನಾಯಿತ್‌ಪ್ಪ.

ಯೋಹಾನ 15:14

ನಾನ್ ನಿಂಗಕ್ ಎಣ್ಣ್‌ನ ಆಜ್ಞೆರ ಪ್ರಕಾರ ನಡ್‌ದಂಡ್ ಇಂಜತೇಂಗಿ ನಿಂಗ ನಾಡ ಸ್ನೇಹಿತಂಗಳಾಯಿತಿಪ್ಪಿರ.

ರೋಮ್ 3:30

ಸುನ್ನತಿ ಮಾಡ್‍ನಯಿಂಗಳ ನಂಬಿಕೇರಗುಂಡ್ ಪಿಂಞ ಸುನ್ನತಿ ಇಲ್ಲತಯಿಂಗಳ ನಂಬಿಕೇರ ಮೂಲಕ ನೀತಿವಂತಯಿಂಗಳಾಯಿತ್ ಮಾಡ್‌ವ ದೇವ ಒಬ್ಬನೇ.

1 ಕೊರಿಂಥ 8:8

ನಂಗ ತಿಂಬ ಆಹಾರತ್‍ರಗುಂಡ್ ದೇವ ನಂಗಳ, ಬಲ್ಯಂವೋಂದ್ ಎಣ್ಣುಲೆ. ಎನ್ನಂಗೆಣ್ಣ್‌ಚೇಂಗಿ, ನಂಗ ಉಂಗತೆ ಇಂಜತೇಂಗಿ, ನಂಗಕ್ ಒರ್ ನಷ್ಟವು ಆಪುಲೆ; ಅನ್ನನೆ ಉಂಡತೇಂಗಿಯು ನಂಗಕ್ ಒರ್ ಲಾಬವು ಇಲ್ಲೆ.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಗಲಾತ್ಯ 6:15

ಕ್ರಿಸ್ತ ಯೇಸುರ ವಿಷಯತ್‍ಲ್, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು ಒರ್ ಪ್ರಯೋಜನವು ಇಲ್ಲೆ, ಏದ್ ಮುಕ್ಯ ಎಣ್ಣ್‌ಚೇಂಗಿ, ನಂಗ ಅಂವೊಂಡ ಪುದಿಯ ಸೃಷ್ಟಿಯಾಯಿತ್ ಬದ್‍ಲಾಪದೇ.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

ಪ್ರಕಟನೆ 22:14

ಜೀವತ್‍ರ ಮರಕ್ ಅದಿಕಾರ ಉಳ್ಳಯಿಂಗಳಾಯಿತು, ಪಟ್ಟಣತ್‍ರ ಒಳ್‍ಕ್ ಬಾಯಿಕಂಡಿರ ಮೂಲಕ ಪೋಪಕಾಯಿತ್ ತಾಂಡ ಬಟ್ಟೇನ ನೆಲೆಚಿತ್ ಶುದ್ದವಾಯಿತ್ ಬೆಪ್ಪಯಿಂಗ ಆಶೀರ್ವಾದ ಪಡ್ಂದಯಿಂಗ.