1 ಕೊರಿಂಥ 7:17 - ಕೊಡವ ಬೈಬಲ್

¹⁷ ದೇವ ನಿಂಗಕ್ ಎಂತ ಬದ್‍ಕ್‍ನ ಪಾಲ್ ಮಾಡಿತ್ ತಂದಿತುಂಡೋ ಅನ್ನನೆ ನಿಂಗ ಬದ್‍ಕ್‍ವದ್ ನಲ್ಲದ್. ದೇವ ನಿಂಗಳ ಎನ್ನನೆ ಕಾಕಿತುಂಡೋ ಅನ್ನನೆ ಬದ್‍ಕ್‍ವದ್ ನಲ್ಲದ್. ಇನ್ನನೆ ನಾನ್ ಎಲ್ಲಾ ಸಬೇಕು ಬೋದನೆ ಮಾಡಿಯಂಡುಳ್ಳ.

1 ಕೊರಿಂಥ 7:17 ပူးပေါင်းရင်းမြစ်များ

ಮತ್ತಾಯ 19:12

ಮಂಗಲ ಕಯಿಕತೆ ಇಪ್ಪಕ್ ದುಂಬ ಕಾರಣ ಉಂಡ್. ಚೆನ್ನ ಜನ ಮಂಗಲ ಕಯಿಪಕ್ ಕಯ್ಯತನೆಕೆ ಪುಟ್ಟಿತ್‌ಪ್ಪ, ಚೆನ್ನ ಜನತ್‍ನ ಮಂಗಲ ಕಯಿಕತನೆಕೆ ಬೋರೆ ಜನ ಮಾಡಿತ್‌ಪ್ಪ, ಚೆನ್ನ ಜನ ಪರಲೋಕ ರಾಜ್ಯತ್‍ರ ಸುದ್ದಿನ ಎಣ್ಣ್‌ವಕಾಯಿತ್ ಮಂಗಲ ಕಯಿಕತೆ ಇಪ್ಪ. ಈ ಬೋದನೆನ ಸ್ವೀಕಾರ ಮಾಡ್‌ವಂವೊ ಮಾಡಡ್‍ೕಂದ್ ಯೇಸು ಎಣ್ಣ್‌ಚಿ.

1 ಕೊರಿಂಥ 10:32

ನಾನ್ ನಾಕ್ ಪ್ರಯೋಜನ ಉಳ್ಳದ್‍ನ ಮಾಡತೆ, ಎಲ್ಲಾಡ ಪ್ರಯೋಜನತ್‍ನ ತ್‍ೕಡಿತ್, ಎನ್ನನೆ ಆಚೇಂಗಿಯು ದುಂಬ ಜನತ್‍ನ ಕುಶಿಪಡುತ್‌ವಕಾಯಿತ್ ನಾನ್ ಮಾಡ್‌ವನೆಕೆ,

1 ಕೊರಿಂಥ 11:16

ಆಚೇಂಗಿ, ಒಬ್ಬಂಗ್ ಈ ವಿಷಯತ್‍ಲ್ ತರ್ಕ ಮಾಡ್‌ವಕ್ ಮನಸ್ಸ್ ಇಂಜತೇಂಗಿ, ನಂಗಕ್ ಪಿಂಞ ದೇವಡ ಸಬೇಕ್, ಈ ತರ ಅಬ್ಯಾಸ ಇಲ್ಲೇಂದ್ ಅಯಿಂಗಕ್ ಗೊತ್ತಿರಡ್.

1 ಕೊರಿಂಥ 11:34

ನಿಂಗ ಒಕ್ಕಚೆ ಕೂಡಿ ಬಪ್ಪದ್, ನಿಂಗಡ ನ್ಯಾಯತೀರ್ಪ್‌ಕ್ ಕಾರಣ ಆಪದ್ ಬೋಂಡ. ಒಬ್ಬಂಗ್ ಕೆಲ ಪಯಿಚತೇಂಗಿ ಅಂವೊ ಅಂವೊಂಡ ಮನೆಲ್ ಉಂಡಿತ್ ಬರಡ್. ಬೋರೆ ವಿಷಯತ್‍ನ ನಾನ್ ನಿಂಗಡ ಪಕ್ಕ ಬಪ್ಪಕ ಸರಿ ಮಾಡ್‌ವಿ.

1 ಕೊರಿಂಥ 14:33

ಎನ್ನಂಗ್ ಎಣ್ಣ್‌ಚೇಂಗಿ ನಂಗಡ ದೇವ, ಕಲವಳತ್‍ರ ದೇವ ಅಲ್ಲ ಆಚೇಂಗಿ ಸಮಾದಾನತ್‍ರ ದೇವ. ದೇವಡ ಮಕ್ಕಡ ಸಬೇಲ್ ಎಲ್ಲಾ ಅನ್ನನೆ ಉಂಡ್,

1 ಕೊರಿಂಥ 16:1

ಯೆರೂಸಲೇಮ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕಾಯಿತ್ ಕೂಟಿತ್ ಬೆಪ್ಪ ಪಣತ್‍ರ ವಿಷಯತ್‍ಲ್, ಗಲಾತ್ಯ ನಾಡ್‍ಲ್ ಉಳ್ಳ ಸಬೇಕ್ ನಾನ್ ಆಜ್ಞೆ ಮಾಡ್‍ನನೆಕೆ ನಿಂಗಳು ಮಾಡಿ.

1 ಕೊರಿಂಥ 4:17

ಇದ್ಂಗಾಯಿತೇ ನಾನ್ ನಾಡ ಪ್ರೀತಿರ ಮೋಂವೊನು, ಒಡೆಯಂಗ್ ಸತ್ಯವುಳ್ಳಂವೊನು ಆಯಿತುಳ್ಳ ತಿಮೊಥೆಯನ ನಿಂಗಡ ಪಕ್ಕ ಅಯಿಚಂಡುಳ್ಳ. ನಾನ್ ಎಲ್ಲಾ ಜಾಗತ್‍ಲ್ ಎಲ್ಲಾ ಸಬೇಲ್ ಬೋದನೆ ಮಾಡ್‌ವನೆಕೆ, ಕ್ರಿಸ್ತ ಯೇಸುರಲ್ಲಿ ಉಳ್ಳ ನಾಡ ಬದ್‍ಕ್‍ರ ವಿಷಯತ್‍ನ ನಿಂಗಕ್ ಜ್ಞಾಪಕ ಮಾಡ್‌ವಿ.

1 ಕೊರಿಂಥ 7:18

ಸುನ್ನತಿ ಆನ ಮನುಷ್ಯ ಕ್ರಿಸ್ತನ ನಂಬಿತ್ ಬಾತೇಂಗಿ, ಆ ಮನುಷ್ಯ ಸುನ್ನತಿ ಆನ ಮನುಷ್ಯಂಡನೆಕೆ ಇರಡ್. ಒರ್ ಮನುಷ್ಯ ಸುನ್ನತಿ ಮಾಡತಂವೊನಾಯಿತ್ ಕ್ರಿಸ್ತನ ನಂಬಿತ್ ಬಾತೇಂಗಿ, ಆ ಮನುಷ್ಯ ಸುನ್ನತಿ ಮಾಡಂಡೂಂದ್ ಇಲ್ಲೆ.

1 ಕೊರಿಂಥ 7:24

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ದೇವ ನಿಂಗಳ ಕಾಕ್‍ವಕ್ ಮಿಂಞ ಏದ್ ಸ್ತಿತಿಲ್ ಇಂಜಿರೋ, ಅನ್ನನೆ ಇಕ್ಕಲು ದೇವಡ ಮಿಂಞ ಇರಿ.

1 ಕೊರಿಂಥ 7:7

ನಾಡನೆಕೆ ಎಲ್ಲಾರು ಇರಂಡೂಂದ್ ನಾಕ್ ಆಸೆ. ಆಚೇಂಗಿಯು, ದೇವ ಒಬ್ಬೊಬ್ಬಂಗಕು ಬೋರೆ ಬೋರೆ ವರ ತಂದಿತುಂಡ್. ಒಬ್ಬಂಗ್ ಒರ್ ತರ ವರ, ಇಂಞೊಬ್ಬಂಗ್, ಇಂಞೊರ್ ತರ ವರ.

2 ಕೊರಿಂಥ 11:28

ಇದ್‍ಲ್ಲತೆ, ಎಲ್ಲಾ ಸಬೆರ ವಿಷಯತ್ ನಾಕ್ ಉಳ್ಳ ದುಃಖ ನನ್ನ ಎಕ್ಕಾಲು ನೆರ್‍ಂಗಿಯಂಡುಂಡ್.

2 ಕೊರಿಂಥ 8:18

ಇದ್‍ಲ್ಲತೆ ದೇವಡ ನಲ್ಲ ಸುದ್ದಿ ಎಣ್ಣುವ ಸೇವೇರ ವಿಷಯತ್‍ಲ್ ಎಲ್ಲಾ ಸಬೇಲು ಹೊಗಳಿಯಂಡುಳ್ಳ ಒರ್ ತಮ್ಮಣನ ಅಂವೊಂಡ ಕೂಡೆ ಅಯಿಚಿತುಂಡ್.

ಗಲಾತ್ಯ 1:22

ಆಚೇಂಗಿ, ಆ ಸಮಯತ್‍ಲ್ ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ಸಬೇಕ್ ನನ್ನ ಗೊತ್ತ್‌ಂಜತ್‌ಲ್ಲೆ.

1 ಥೆಸಲೊನೀಕ 2:14

ನಂಗಡ ಅಣ್ಣತಮ್ಮಣಂಗಳೇ, ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಸಬೇರನೆಕೆ ನಿಂಗಳು ಆಯಿತುಳ್ಳಿರ. ಯೆಹೂದ್ಯ ಸಬೆರ ಜನ ಎನ್ನನೆ ಯೇಸುನ ನಂಬತೆ ಅಯಿಂಗಡ ಸ್ವಂತ ಜನವಾಯಿತುಳ್ಳ ಯೆಹೂದ್ಯಂಗಡಗುಂಡ್ ಕಷ್ಟಪಟ್ಟತೋ ಅನ್ನನೆ ನಿಂಗಳು ಸಹ, ನಿಂಗಡ ಜನಾಂಗಡಗುಂಡ್ ಕಷ್ಟಪಟ್ಟಿರ.

2 ಥೆಸಲೊನೀಕ 1:4

ಆನಗುಂಡ್, ನಿಂಗಕ್ ಬಪ್ಪ ಎಲ್ಲಾ ಹಿಂಸೆನೆ ಪಿಂಞ ತೊಂದರೇನ ಸಹಿಸಿಯಂಡ್, ನಿಂಗಡ ತಾಳ್ಮೆನ ಪಿಂಞ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನ ಗಟ್ಟಿಯಾಯಿತ್ ಪುಡ್‌ಚಂಡುಳ್ಳಾಂಗ್, ನಿಂಗಡ ವಿಷಯತ್‍ನ ಬೋರೆ ಜಾಗತ್‍ಲ್ ಉಳ್ಳ ದೇವಡ ಸಬೇಲ್ ಎಣ್ಣಿತ್ ನಂಗ ಹೊಗಳಿಯಂಡ್ ಉಂಡ್.