1 ಕೊರಿಂಥ 7:11 - ಕೊಡವ ಬೈಬಲ್

¹¹ ಅನ್ನನೆ ಮಾಡ್‍ಚೇಂಗಿ ಅವ ಪುನಃ ಮಂಗಲ ಕಯಿಕತೆ ಒಬ್ಬಳೇ ಇಕ್ಕಂಡು, ಇಲ್ಲತಪೋಚೇಂಗಿ, ವಡಿಯಂಡ ಕೂಡೆ ಸಮಾದಾನತ್‌ಲ್‌ ಬದ್‍ಕಂಡು. ವಡಿಯ ಸಹ ಪೊಣ್ಣ್‌ನ ಬುಡ್‌ವಕ್ಕಾಗ.

1 ಕೊರಿಂಥ 7:11 ပူးပေါင်းရင်းမြစ်များ

ಮತ್ತಾಯ 5:32

ಆಚೇಂಗಿ ಇಕ್ಕ ನಾನ್ ನಿಂಗಕ್ ಎಣ್ಣ್‌ವಿ: ವ್ಯಬಿಚಾರ ಮಾಡ್‍ನ ಕಾರಣಕ್ ಅಲ್ಲತೆ ಬೋರೆ ಏದ್ ಕಾರಣಕಾಯಿತು ಒಬ್ಬ ತಾಂಡ ಪೊಣ್ಣ್‌ನ ಬುಟ್ಟ್‌ರ್‍ತೇಂಗಿ, ಅವ ವ್ಯಬಿಚಾರ ಮಾಡ್‌ವಕ್ ಇಂವೊ ಕಾರಣ ಆಪ. ಅನ್ನನೆ ಬೋಂಡಾಂದ್ ಬುಟ್ಟ ಪೊಣ್ಣಾಳ್‍ನ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ವಂವೊನಾಯಿತ್‌ಪ್ಪ.

ಮಾರ್ಕ 10:12

ಅನ್ನನೆ ಏದ್ ಒರ್ ಪೊಣ್ಣಾಳ್ ತಾಂಡ ವಡಿಯನ ಬುಟ್ಟಿತ್ ಬೋರೆ ಒಬ್ಬನ ಮಂಗಲ ಕಯಿಚತೇಂಗಿ, ಅದ್ ವ್ಯಬಿಚಾರ ಮಾಡ್‌ನನೆಕೇಂದ್ ಎಣ್ಣ್‌ಚಿ.

ಮಾರ್ಕ 10:2

ಚೆನ್ನ ಫರಿಸಾಯಂಗ ಯೇಸುನ ಕೆಣಿಪಕಾಯಿತ್ ಅಂವೊಂಡ ಪಕ್ಕ ಬಂದಿತ್: ಒರ್ ಮನುಷ್ಯ ಅಂವೊಂಡ ಪೊಣ್ಣ್‌ನ ಬೋಂಡಾಂದ್ ಬುಡ್‌ವದ್ ನ್ಯಾಯಪ್ರಮಾಣತ್‍ರ ಪ್ರಕಾರ ನ್ಯಾಯವಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:18

ತಾಂಡ ಪೊಣ್ಣ್‌ನ ಬುಟ್ಟಿತ್ ಬೋರೆ ಪೊಣ್ಣಾಳ್‍ನ ಮಂಗಲ ಕಯಿಚತೇಂಗಿ, ಅಂವೊ ವ್ಯಬಿಚಾರ ಮಾಡ್‍ನನೆಕೆ, ಪಿಂಞ ವಡಿಯನ ಬುಟ್ಟಿತುಳ್ಳವಳ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ನನೆಕೆ.

1 ಕೊರಿಂಥ 7:10

ಮಂಗಲ ಆನಯಿಂಗಕ್ ಒರ್ ಆಜ್ಞೆ ಎಣ್ಣ್‌ವಿ. ಇದ್ ನಾಡ ಆಜ್ಞೆ ಅಲ್ಲ ಆಚೇಂಗಿ ಒಡೆಯಂಡದ್. ಒರ್ ಪೊಣ್ಣ್ ವಡಿಯನ ಬುಡ್‌ವಕ್ಕಾಗ.

1 ಕೊರಿಂಥ 7:12

ಮಂಗಲ ಆನ ಪಿಂಞ ಕ್ರಿಸ್ತಂಗಳಾನ ಜನಕ್, ಒಡೆಯಂಡದ್ ಅಲ್ಲ, ನಾಡ ಅಬಿಪ್ರಾಯ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಗ್ ಕೂಡ್‍ನ ಒಬ್ಬಂಡ ಪೊಣ್ಣ್, ಕ್ರಿಸ್ತನ ನಂಬತ ಪೊಣ್ಣಾಳಾಯಿತ್ಂಜತೇಂಗಿಯು, ಅವ ಅಂವೊಂಡ ಕೂಡೆ ಬದ್‌ಕ್‌ವೀಂದ್ ಒತ್ತಂಡಕ ಅವಳ ಅಂವೊ ಬುಡ್‌ವಕ್ಕಾಗ.